كلمات اغنية سيرة الحب _ لام كلثوم

استعرض الموضوع السابق استعرض الموضوع التالي اذهب الى الأسفل

كلمات اغنية سيرة الحب _ لام كلثوم

مُساهمة من طرف البرنس المصرى في الإثنين يونيو 14, 2010 10:50 pm

طول عمرى بخاف من الحب
وسيره الحب وظلم الحب لكل اصحابه
واعرف حكايات مليانه آهات ودموع وآنين
والعاشقين دابو ما تابو طول عمرى بقول
لا انا قد الشوق وليالى الشوق
ولا قلبى قد عذابه

********

وقابلتك انت لقيتك بتغير كل حياتى
معرفش ازاى حبيتك
معرفش ازاى يا حياتى
من همسه حب لقيتنى بحب
لقيتنى بحب وأدوب فى الحب
وصبح وليل على بابه

*********

فات من عمرى سنين وسنين
شفت كتير وقليل عاشقين
اللى بيشكى حاله لحاله
واللى بيبكى على مواله
أهل الحب صحيح مساكين
ياما الحب نده على قلبى
مردش قلبى جواب
يا ما الشوق حاول يحايلنى
واقوله روح يا عذاب

*********
ياما عيونى شاغلونى لكن ولا شغلونى
الا عيونك انت دول بس اللى خدونى
وفى حبك امرونى
أمرونى أحب لقيتنى بحب
لقيتنى بحب وأدوب فى الحب
وصبح وليل على بابه

*********
ياللى ظلمتو الحب وقولتو وعيدتو عليه
قولتو عليه موش عارف ايه
العيب فيكو يا فى حبايبكو
اما الحب يا روحى عليه
فى الدنيا مفيش ابدا ابدا احلى من الحب
نتعب نغلب نشتكى منه لكن بنحب

*********

يا سلام على القلب وتنهيده فى وصال وفراق
وشموع الشوق لما يقيدو ليل المشتاق
يا سلام على الدنيا وحلاوتها فى عين العشاق
وانا خدنى الحب لقيتنى بحب
لقيتنى بحب وادوب فى الحب
وصبح وليل على بابه

*********

ياللى مليت بالحب حياتى
اهدى حياتى إليك
روحى قلبى عقلى حبى
كلى ملك ايديك
صوتك نظراتك همساتك
شئ موش معقول
شئ خلا الدنيا
زهور على طول وشموع على طول
الله يا حبيبى على حبك وهنايا معاه
الله يا حبيبى الله الله
ولا دمعه عين جرحت قلبى ولا قولت آآآه
مابقولش فى حبك غير الله الله الله
الله يا حبيبى على حبك الله الله
من كتر الحب لقيتنى بحب
لقيتنى بحب وأدوب فى الحب
وصبح وليل على بابه

البرنس المصرى
زائر
زائر

رقم العضوية : 57
عدد المساهمات : 1364
المهارة : 11558
تاريخ التسجيل : 15/04/2010
الكفاءة : 45

الرجوع الى أعلى الصفحة اذهب الى الأسفل

رد: كلمات اغنية سيرة الحب _ لام كلثوم

مُساهمة من طرف إبتسامه في الثلاثاء يونيو 15, 2010 11:10 pm

زمان كان رايى ان اغانى ام كلثوم كلمات والحان وصوت
اما الان بعد غناء الكثير لاغانى السبده ام كلثوم ارى ان السحر ان تغنى هذه الكلمات ام كلثوم
مشكور اخى الفاضل

إبتسامه
عضو فعال
عضو فعال

رقم العضوية : 86
عدد المساهمات : 220
المهارة : 3142
تاريخ التسجيل : 28/05/2010
الكفاءة : 3

الرجوع الى أعلى الصفحة اذهب الى الأسفل

رد: كلمات اغنية سيرة الحب _ لام كلثوم

مُساهمة من طرف البرنس المصرى في الأربعاء يونيو 16, 2010 5:55 am

شكرا اختى الفاضلة
وفعلا ام كلثوم هى كوكب الشرق

البرنس المصرى
زائر
زائر

رقم العضوية : 57
عدد المساهمات : 1364
المهارة : 11558
تاريخ التسجيل : 15/04/2010
الكفاءة : 45

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى