جاهين " علي اسم مصر "

استعرض الموضوع السابق استعرض الموضوع التالي اذهب الى الأسفل

جاهين " علي اسم مصر "

مُساهمة من طرف yousseffayid في السبت فبراير 05, 2011 3:47 pm

على اسم مصر التاريخ يقدر يقول ما شاء

وأنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة ف حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر

مصر النسيم في الليالي وبياعين الفل

ومرايه بهتانة ع القهوة - أزورها - واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دمعي في كمي ومن ساعتها وعيت
على اسم مصر

مصر السما الفزدقي وعصافير معدية

والقلة مملية على الشباك - مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
على اسم مصر
النخل في العالي والنيل ماشي طوالي
معكوسة فيه الصـور - مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي - وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولد من جديد
على اسم مصر




avatar
yousseffayid
رئيس مجلس الادارة
رئيس مجلس الادارة

رقم العضوية : 291
عدد المساهمات : 1184
المهارة : 8686
تاريخ التسجيل : 13/09/2010
الكفاءة : 0

الرجوع الى أعلى الصفحة اذهب الى الأسفل

رد: جاهين " علي اسم مصر "

مُساهمة من طرف الموسيقار في الأحد فبراير 06, 2011 3:17 pm

كلمات أكثر من رائعه وأبدعها الرائع منير في غنائه لها
avatar
الموسيقار
سوبر ستار المنتدى

رقم العضوية : 14
عدد المساهمات : 9753
المهارة : 47957
تاريخ التسجيل : 15/04/2010
الكفاءة : 100

الرجوع الى أعلى الصفحة اذهب الى الأسفل

رد: جاهين " علي اسم مصر "

مُساهمة من طرف روضة في الأحد فبراير 06, 2011 11:17 pm

avatar
روضة
مشرفة الطبيعة و العلوم البيئية
مشرفة الطبيعة و العلوم البيئية

رقم العضوية : 357
عدد المساهمات : 1389
المهارة : 9190
تاريخ التسجيل : 31/12/2010
الكفاءة : 50

الرجوع الى أعلى الصفحة اذهب الى الأسفل

رد: جاهين " علي اسم مصر "

مُساهمة من طرف الموسيقار في الإثنين فبراير 07, 2011 1:51 pm

تواجد رائع يا أخت روضه
avatar
الموسيقار
سوبر ستار المنتدى

رقم العضوية : 14
عدد المساهمات : 9753
المهارة : 47957
تاريخ التسجيل : 15/04/2010
الكفاءة : 100

الرجوع الى أعلى الصفحة اذهب الى الأسفل

رد: جاهين " علي اسم مصر "

مُساهمة من طرف اريام في الثلاثاء فبراير 08, 2011 1:42 pm

avatar
اريام
عضو نشيط
عضو نشيط

رقم العضوية : 406
عدد المساهمات : 182
المهارة : 3094
تاريخ التسجيل : 07/02/2011
الكفاءة : 0

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى