نكت عن الزواج

واحد ماشى مع خطيبته واخر انسجام
فقالها : عارفة اية هو الحب واية الجواز؟
قالته : لا
‏قالها : الحب زى النجوم الجميلة اللى فى السماء
قالتله : طب والجواز؟
قالها : دى الحفرة اللى بنقع فيها ‏واحنا بنبص على النجوم


واحد متجوز وقاعد في البيت وبيبص كتير في عقد الزواج مراته قالت له : بتبص في عقد الزواج ‏ليه يا حبيبي؟
قالها : مش عارف يا حياتي المأذون كتب تاريخ انتهاء العقد فين


واحد قاعد في أمان الله بيقرا الجرنان
وفجأة جت مراته وضربته بغطا الحلة فوق دماغه ... ‏طرررررخ
الزوج : 'فيه ايه يا بنت الحلال؟ ليه كدا؟؟؟
الزوجه : ايه الورقه اللي في جيب بدلتك ومكتوب عليها 'سوسو'؟
الزوج : يا بنت الحلال، ده ‏أسم الحصان اللى بنشجعه في السباق!
الزوجه صدقته وراحت لحالها
بعد اسبوع
الزوج قاعد في ‏أمان الله يقرا الجرنان
وفجأة جت مراته وضربته بغطا الحلة على راسه
الزوج : خير يابنت ‏الحلال فيه ايه تاني؟
الزوجه : الحصان على التليفون


واحد بيقول لمراته ... انا النهاردة عايز رومانسية فى البيت
راحت الزوجة سألت امها : يعنى ايه رومانسية ؟
الام : مش عارفة بس احتياطى إنقعى الرز


مرة واحدة بتقول لجوزها
تصدق إن أنا كل يوم بحلم بيوم جوازنا
قالها
هى لسه الكوابيس دى ‏بتجيلك؟


مرة دكتور دخل عنبر فى سراية المجانين لقى واحد بيخبط دماغه فى الحيطة
سأل الممرضة ماله ده ‏؟
قالت : أصله كان بيحب واحدة ومتجوزهاش
دخل العنبر الى بعده لقى واحد بيضرب نفسة ‏بالشبشب قالها وده ماله
قالتله : اصل ده اللى اتجوزها‏

هههههههههههههههههههههههههههه....حلوه.........خد دى واحده بتقول لجوزها ياريتنى انا الجريده الى بتقرا فيها عاشان أبقى فأيدك على طول ..قلها ياريتك نتيجه علشان أغيرها كل سنه

ههههههههههههههههههههههههه
حلوه يا عمر باشا

هههههههههههههههههههههههه
جامدة يا فوكس اسف قصدى يا برنس ايه رايك بقه افتح بقك و اشتكى بقه عشان اعذبك على باب المنتدى و احط حجر على صدرك و اصب المية قصاد عينك كأنك الكفار انت عارفنى بتلذذ بالتعذيب
على فكرة يا استاذ عمر احنا بنهزر

ماشى يا احد بيه
كل طلباتك اوامر وانت عارف بس مش علشان حاجه الا عشان انت حبيبى من ايام الجيزة

ولا يهمك ياأستاذ أحمد ..بس خلى بالك الى جاى أكتر...هههههههههههههههه

البرنس المصرى كتب:ماشى يا احد بيه
كل طلباتك اوامر وانت عارف بس مش علشان حاجه الا عشان انت حبيبى من ايام الجيزة

يادى الجيزة اللى انت كاسر عينى بيها و انت لازم تفضح اسرارنا يعنى ما بتتبلش فى بقك فولة