حدوتة مصرية

ما نرضاش يخاصم القمر السما
ما نرضاش تدوس البشر بعضها
ما نرضاش يموت جوه قلبي ندا
ما نرضاش تهاجر الجذور أرضها
ما نرضاش قلبي جواي يغني
وأجراس تدق لصرخة ميلاد
تموت حته مني
الأجراس بتعلن نهاية بشر من العباد
دي الحكمة قتلتني
و حيتني
وخلتني أغوص في قلب السر
قلب الكون
قبل الطوفان ما ييجي
خلتني أخاف عليك يا مصر
واحكيلك عن المكنون
مين العاقل فينا.........مين مجنون؟؟
مين الي مدبوح من الألم
مين اللي ظالم فينا
مين مظلوم؟؟
مين اللي ما يعرفش غير كلمة نعم
مين اللي محنيلك خضار؟؟
الفلاحين غلابة
مين اللي محنيلك عمار؟؟
عمالك الطيابة
مين اللي ببيع الضمير
وبيشتري بيه الدمار

مين هو صاحب المسألة
والمشكلة ..
والحكاية ..
والقلم ؟؟
رأيت كل شيء
وتعبت على الحقيقة
قابلت في الطريق
عيون كتيرة بريئة
أعرف بشر ..
عرفوني لأ
لأ ما عرفونيش
قبلوني وقبلتهم
بمد ايدي لأ .... طب ليه ما تقبلنيش
لا يهمني اسمك
لا يهمني عنوانك
لا يهمني لونك
ولا بلادك مكانك
يهمني الإنسان
ولو ما لوش عنوان
يا ناس .. يا ناس ... يا مكبوتة
هي دي الحدوته
حدوته مصرية


هذه الأغنية غناها محمد منير فى فيلم حدوته مصرية الذى أخرجه يوسف شاهين للشاعر عبد الرحيم منصور وملحنها هو أحمد منيب. وتوزيع عمر خيرت

عفوا اذا كان الفيديو لا يعمل
فيمكنك مشاهدته علي الرابط التالي

[ندعوك للتسجيل في المنتدى أو التعريف بنفسك لمعاينة هذا الرابط]