mermaid على كرسى الاعتراف

اهلا بيكى مرميد على كرسى الاعتراف وكل سنه وانتى طيبه وربنا معاكى كفايه عليكى الاسئله اللى سالوهالك اسالك بعدالاجابه عليهم

انا عندى 21 سنه وكليه اداب سنه 4 ومن اسماعيليه وعايشه فيها
وانا قسم لغه عربيه الصراحه استفدت من الحاجه الى انا بحبها بس يعنى زى اى لغه جديده بناخدها اقسام الادب عندنا لكن نحو وكده مليش فيه

اكيد الدراسه هتفدنى طبعا بما ان انا هعمل بتخصصى
هو تخصصى جميل ومفيد جدا بس انا كان نفسى اشتغل حاجه عملى مش نظرى زى ديكور وازياء

هو انا اكيد المنتدى عاجبنى الا مكنتش اشتركت فيه وتطور كتير من زمان اول ما اشتركت بس هو ساعات يجيلو صحوه وساعات الاعضاء ينامو شويه والاعضاء الذكور عاملين الى عليهم الصراحه على عكس الاناث انا زعلانه منهم البعض منهم الى بيشترك ونفسى كل واحد ميعملش فى تخصصه بس نفسى يعمل فى كل الاقسام ويبدى رايه فيها لان دى معلومات عامه وان شخصيا بستفاد منه جدا

انا اصلا اختى اشتركت فيه الاول وكنت بشوفها بتعمل مواضيع وكده فحبيت الموضوع ده قوى وخليتها تعلمنى ازاى اعمل مواضيع واشترك لان ده اول منتدى اشترك فيه واللى جذبنى فيه التواصل بين الاعضاء واهتمام ادارة المنتدى نفسها بتقييم المواضيع واللى جذبنى اكتر لما اختى قالتلى هيعملوا ركن للمراه وانا عاشقه للازياء والحاجات دى قوى

بصراحه فى مجتمعنا عامة انا شايفه المراه اخدت حقها من زمان اول ما دخلت فى الاسلام حافظ على حقوقها ولكن العيب بيبقى فى الاشخاص الى مش بيطبقوا الدين وبيظلموها
ولكن من ناحية كيانها فى المجتمع فهى اخدت حقها وزياده لدرجه ان الشباب الرجاله مش عارفين يشتغلوا
ده مين العاقل اللى مثلا يجيب سكرتير راجل وهو قدامه بنات كتييييييييييييييييير من الاخر
اكيد المراه لازم تشتغل بس الاول تكون مهتمه ببيتها واولاده ونفسها طبعا عشان الى عنيهم زايغه وبرده الشغل بيعما للست شخصيه وكيان عشان لو جوزها غدر بيها فى يوم من الايام

هى احسن وظيفه للمراه هى المدرسه وده مش بنحاز لتخصصى لا لكن هى الى بطلع بقية الوضائف التانيه هى الى بطلع لدكتوره والمهندسه والسكرتيره برده

اكيد فى اعمال اكيد متصلحش للمراه اللى بيبقى فيها اختلاط زياده عن اللزوم
يعنى مثلا مينفعش تبقى مهندسة معمار وتنزل بين العمال وحاجات كتير طبعا تانيه

بجد كرسى الاعتراف ده فكره ممتازه بتخلى الاعضاء يقربوا اكتر من بعض ويعرفوا بعض وانا بشكر جدا اللى قال على فكرة الكرسى ده وحاليا معنديش افكار لتطوره بس اول ماشوف اى حاجه تساهم فى تطوره اكيد هقولها

هو احنا طبعا بنتكلم بصراحه ومفيش مجاملات انا شايفه ان رئيس مجلس الاداره عامل اللى عليه بس فى بعض من اعضاء مجلس الاداره مش بيدخلوا المنتدى كتير ممكن تكون اسباب شخصيه الله اعلم بس ده ميمنعش انهم كفء

لا انا مش بتراودنى اطلاقا فكرة ترشيح نفسى فى انتخابات مجلس الاداره لان انا زى ماقلت ان كل اعضاء مجلس الاداره كفء وشايفين شغلهم وانا مش شايفه نفسى كفء لدرجة انى ارشح نفسى

بس لو الفكره دى راودتنى اكيد هختار اعلى منصب سورى يااستاذ احمد هههههههههههههههههههه الشغل شغل

لا متخفش علينا يا استاذ عبده احنا نعجبك قوى يعنى بس هما الاناث ينشطوا كده معانا شويه والاستاذ رئيس المنتدى قصده يعنى من البدايه ان انا طلبت من اختى ان هى تقترح الفكره دى على اعضاء مجلس الاداره واللى شجعنى من البدايه ان تقريبا استاذ هيثم كان اقترح الموضوع ده قبل كده ومشكورين اعضاء مجلس الاداره قبلوا الموضوع وبعتولى الاقسام اللى محتاجاها وقلتهالهم وعملوها شكرا ليهم

طبعا يشرفنى ان ارد على العضو النسائى الفعال فى المنتدى بصى بقى ياستى انا اخترت قسم اللغه العربيه لان هو يعتبر احسن قسم من وجهة نظرى المتواضعه يعنى من اجتماع وفلسفه وكده لى مستقبل يعنى

امنيتى ان ربنا يوفقنى واشتغل على طول عشان ربنا يكرمنى واشترى عربيه شيفورليه كروز هههههههههههههه

طموحاتى ان احضر دبلومه ودراسات عليا وكانت تراودنى فكره مجنونه انى ادخل صيدله بعد كده

اكيد طبعا بحب المشاريع جدا بس لما يكون صاحبها طموح بتنجح اكيد
من المشاريع اللى بحبها ان الواحد يفتح معرض عربيات ومتسالنيش ليه