Lemo على كرسي الاعتراف

الاسم : محمد عبد العليم سيد
السن : 30 عام
الوظيفة : أخصائي مكتبة بمدرسة لغات
الحالة الاجتماعية : أعزب

تسمحلى بقى انى اسالك ومش هطول عليك ان شاء الله

.هل انت من لديهم رغبة حب التملك واذا تملك الشيء اصابه الملل منه ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

.عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟
.
ما هو اقتراحك الذي تتمنى ان يحدث في هذا المنتدى ولم يحدث الى الان ؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟



دول شويه اسئله تسخين كدا جاوب وعليهم وهرجهلك باسئله تانيه بس متزهقش مننا بقى

مرضتش اكتر عليك اهو اى خدمه

سؤالي لليمو
عامل ايه كويس
انت تصنف نفسك وسط بايه ؟
ايه اللي ناقصك ولسة لم تفعله ؟

الاستاذ هيثم انا الحمد لله كويس
انا الحمد لله تمام بس ناقص أكمل نص ديني
معلش السؤال الاول مش فاهمه ياريت توضحه يا متر

انا لست ممن يحبون ما يسمي بحب التملك لانه يعتبر نوع من الانانيه وحب الذات وعدم تقدير لمشاعر الغير.

بصي حضرتك دائما ما تكون الانطباع الاول هو أهم انطباع سواء كان في الملبس او غيره ولكن أنا لا أؤمن بالحكم علي الانسان من خلال ملبسه ولكني أحكم علي الشخص من خلال كلامه واحترامه لذاته وللآخرين.


بصراحة انا اللي بيلفت نظري بسرعة للشخص الحياء والتواضع ولابد انه يكون ودود.

اكيد هيكون في قاعدة مع الشخص دة وبيها نتفق علي الاستمرار من عدمه.

حاسب من عدوك مرة ومن صديقك ألف مرة.

لا والله أنا مليش عادة معينه أنا سيبها علي الله

اجمل اسم لولد ( عمر ) واجمل اسم لبنت (روميساء)

مفيش حاجة محدده دلوقتي بس اللي انا عايزه ان يكون في تفاعل من الشباب في المنتدي.
ومع تعديل لواجهه المنتدي واختيار الالوان الجميلة.

والله مش عارف بصراحة الموضوع بقي صعب دلوقتي تحديده . بس لو عاوزه تعرفي رأي ومصممه قوي يبقي اللي ربنا كتبه ليه يبقي دة الاحسن.

اهم شهادتي " حب الناس " ليه بدون مصالح ولا غيره.

هههههههههههه ماشي ياباشا بس ريفو مع واحد ليمو ساقع يروق الدم ويشيل الصداع .. مش كدة ولا ايه.

معلومة جديدة مكنتش اعرفها وشكرا للتوضيح

السلام عليكم يا استاذ lemo
اهلا بيك على كرسى الاعتراف
واتمنى لك اسبوع مميز
اسالك بقى
ما رايك فى المنتدى؟
ما امنيتك فى الحياة؟
ما هى الاكلة المفضلة؟

mermaid كتب:مرضتش اكتر عليك اهو اى خدمه

لا والله خدي راحتك علي الاخر ما أنا فاضي مش كفايه صحتوني من النوم طيب هوريكم ماشي نهاركم سكر ... هههههههههههههههه

سمسمة كتب:السلام عليكم يا استاذ lemo
اهلا بيك على كرسى الاعتراف
واتمنى لك اسبوع مميز
اسالك بقى
ما رايك فى المنتدى؟
ما امنيتك فى الحياة؟
ما هى الاكلة المفضلة؟

المنتدي جميل فعلا وكفايه انه خلاني اعرف ناس محترمين زي حضراتكم.
اما بالنسبه لامنياتي في الحياة بجد مش عارف اي حاجة مش انا قلتلك انا بقيت سيبها علي الله مش زي الاول كنت بعمل نفسي ناصح .
اكلتي المفضلة المحشي " الكرنب " وصنية الفراخ في الفرن. وياسلام مع طبق بطاطس محمرة . وكوباية شاي خفيف سكر زيادة يبقي تمام قوي وكدة رضا.

احمدعبدالعليم كتب:

ما هى هواياتك ؟

كرة القدم والسباحة والبحث علي الانترنت علي كل ماهو جديد.

احمدعبدالعليم كتب:

ما رايك فى مبارك الاب و الابن ؟

عاوز تعرف ردي هو راجل تييييييييييييت

احمدعبدالعليم كتب:

ما هو اقتراحك الذي تتمنى ان يحدث في هذا المنتدى ولم يحدث الى الان ؟

لسه محتاج شوية وقت علشان اقول اقتراحاتي علي الاقل بس اتعرف علي الاعضاء واتعود عليهم.

احمدعبدالعليم كتب:

هل ملابس الشخص امامك تؤثر فيك لتأخذ عنه انطباع ؟

طبعا لا بس مفيش مانع إن الواحد يكون مهتم بنفسه " إن الله جميلا يحب الجمال "