منتدى للسيدات

اقترح انشاء منتدى خاص بالسيدات يكون تجمع للسيدات فقط ويكون لهم كافة الحرية في التجمع وابداء ما يشاءوا ويكون هذا المنتدى غير ظاهر لغير النساء فقط وذلك للخصوصية
ارجو سرعة ابداء الأراء من الاعضاء

انا شايف انه ما ينفعش تعمل منتدى خاص للسيدات يشاهده غيرهم لان هتلاقى ناس كتير سيئى النية هيدخلوا ويشتركوا باسم نسائى ويشاهدوا المكتوب فما لوش لازمه وده رأى

فعلا انا من راى الاستاذ البرنس المصرى مفيش داعى لوجود هذا المنتدى
ولو هناك سيدات يردن ان يتكلمن يدخلن الدردشه

هههههههههههههههههههههههههههههه
لئيم يا برنس انت مجرم حرب فظييييييييييييييع مالكش حل انا بأيدك فى رايك لانى اول واحد هعمل اسم ست ادخل بيه و اعتقد ان البرنس زمانه عمل اسم خلاص و جهزه عشان يكون اول مشترك فى ركن المراة
طبعا انا بهزر والله اوعوا حد يفتكرنى بتكلم بجد

فوكس كتب:فعلا انا من راى الاستاذ البرنس المصرى مفيش داعى لوجود هذا المنتدى
ولو هناك سيدات يردن ان يتكلمن يدخلن الدردشه

طيب يا استاذ فوكس ما هو فيه مشكلة ان برضه الدردشة عامة و الكل شايفها انا راى اصلا نقفل القصة ديه يعنى الستات هيقولوا ايه مفيش اسرار خلاص يا اخى العزيز احنا ممكن نعمل ركن للسيدات يتعلق بكل ما يخصهم و نجعله متاح لانها موضوعات علمية محترمة متداولة بكل المواقع و المنتديات زيها زى موقع الثقافة الزوجية

القصد من عمل منتدى للسيدات هو وجود كل ما هو متعلق بالسيدات من ناحية الأزياء مثلاً الوضع الإجتماعي للمرأة اي كل ما يخص المرأة ويكون المشرف عليه امرأة وليس بالضرورة دردشة حريمي هو احنا هنخش لا سمح الله عليهم وهما !!!!!! يا ريت التفكير يكون ابعد من كده يعني اللي عايز يدخل عالمنتدى وهو متنكر في سيدة فهو في الاساس انتقاص منه كرجل ومن ناحية اخرى هيخش هيقول ايه ولا هيشوف ايه اناقصدي من انشاء منتدى للسيدات هو وجود كل ما يهم المرأة يعني ممكن واحد يخش محل ملابس سيدات علشان يشوف ايه اخر الموضة ارجو اعادة تفكير من السادة الاعضاء الموضوع مش دردشة وخلاص لا حسب الت المشرفة اللي هتتولاه تقترح ما يخص المنتدى وما لايخص وذلك درءاً للمفاسد

لو منتدى عام ممكن نعمل منتدى والاسرة المرأة والطفل ويتم اعادة تقسيمه

طيب يا شطار هتجيبه مشرفات منين و اديكوا شايفين السيدات اللى معانا للاسف نشاطهم غير ملحوظ تماما و حضراتكم ادر منى بذلك قولوا لى كام سيدة تدحل المنتدى يوميا اعتقد ان اكثر فتاة تدخل المنتدى شبه يويما هى الاخت بسمة
و من هنا ادعو الاعضاء من السيدات زيادة نشاطهم حرصا على رفعة و تقدم المنتدى الذى هو ملكاً لنا جميعاً

انا شايف ان منتدى الاسرة وز الطفل يفى بالغرض تماما و هو اصلا مفيش عليه ضغط
و اتمنى ان تكون هذه النقاشالت طالما انه اقتراح من عضو مجلس ادارة يكون فى اجتماعات مجلس الادارة
الاقتراحات هنا هى للاعضاء فقط

احمدعبدالعليم كتب:انا شايف ان منتدى الاسرة وز الطفل يفى بالغرض تماما و هو اصلا مفيش عليه ضغط
و اتمنى ان تكون هذه النقاشالت طالما انه اقتراح من عضو مجلس ادارة يكون فى اجتماعات مجلس الادارة
الاقتراحات هنا هى للاعضاء فقط

كلامك صح يا استاذ احمد

فعلا ياأستاذ أحمد منتدى الأسره والطفل يفى بالغرض ..وممكن نكبره بأن نضع مناهج دراسيه مع الشرح مجانيه ..على غرار المنتديات القانونيه...والبركه فى الساده المدرسين والمدرسات من الأعضاء..فهذا سيجلب عددكبير من الأمهات...ونقسمه من الداخل.. أقسام مثل قسم للطبخ والحلويات والكتب المختصه وقسم للبشره ...والخ

احمدعبدالعليم كتب:انا شايف ان منتدى الاسرة وز الطفل يفى بالغرض تماما و هو اصلا مفيش عليه ضغط
و اتمنى ان تكون هذه النقاشالت طالما انه اقتراح من عضو مجلس ادارة يكون فى اجتماعات مجلس الادارة
الاقتراحات هنا هى للاعضاء فقط

أوكى يا باشا

هيثم جمال كتب:
أوكى يا باشا

اوكيهلك الخير

البرنس المصرى كتب:لو منتدى عام ممكن نعمل منتدى والاسرة المرأة والطفل ويتم اعادة تقسيمه

انا قصدت تغيير اسم منتدى الاسرة والطفل الى منتدى الاسرة والمرأة والطفل ويتم اعادة تقسيمة
يعنى ما قلتش هنعمل منتدى جديد زى ما بعض الاعضاء فهموا
ويجعله عامر

طيب ما يبقى منتدى الاسرة اسهل لاننا لو عملنا كده يبقى نقول منتدى الاسرة و الرجل و المرأة و الطفل و الجيران و البقال اللى تحت البيت
علشان ما ننساش حد

احمدعبدالعليم كتب:طيب ما يبقى منتدى الاسرة اسهل لاننا لو عملنا كده يبقى نقول منتدى الاسرة و الرجل و المرأة و الطفل و الجيران و البقال اللى تحت البيت
علشان ما ننساش حد

هههههههههههههههههههههههههههه

البرنس المصرى كتب:

البرنس المصرى كتب:لو منتدى عام ممكن نعمل منتدى والاسرة المرأة والطفل ويتم اعادة تقسيمه

انا قصدت تغيير اسم منتدى الاسرة والطفل الى منتدى الاسرة والمرأة والطفل ويتم اعادة تقسيمة
يعنى ما قلتش هنعمل منتدى جديد زى ما بعض الاعضاء فهموا
ويجعله عامر

انا مش باتكلم على الاسم اصل فيه ناس افتكرت انى اقصد منتدى جديد فاتكلموا عن عدم وجود مشرفين فحبيت اعرفه انه مش هنعمل منتدى جديد ده منتدى موجود فعليا وموجود المشرف بتاعه

على فكرة احنا بعدنا عن مضمون الاقتراحورحنا نتكلم في قشور مفيش ليها اي لازمة انا اقترحت اقتراح بانه يكون في حاجة خصوصية للسيدات يحسوا فيها بجو النميمة حتى ولو بشكل صوري وكان الهدف منه زيادة تواجد العنصر النسائي بجعله بشكل مكثف وباعتبار اننا ناس قانونيين ومتحضرين بانه مفيش حد هيسيء استخدام الفكرة دي ولكن انا شايف الموضوع خد اتجاه بعيد بشكل جعلني اندم على ابدائي مثل هذا الاقتراح وذلك من خلال تفكيري بالاخر
وانا باطالب بقفل المناقشة في هذا الموضوع على الفور وياريت الاقي رد بالايجاب او بالرفض مش ترقية

الفكرة من خلال تعليقات اعضاء مجلس الادارة واضح انها تم رفضها
و من الناحية التنفيذية الواقعية لا تصلح لان هاتلاقى 100 واحد يدخلوا بحسابات يكون مشارك على انه انثى عشان يشوف هما بيقولوا ايه
و بعدين يا باشا انت يعنى شايف الستات اللى عندنا موجودين اصلا ده بيدخلو بالتنقيط
و منتدى الاسرة و الطفل ماحدش بيدخله غير الرجالة و اغلب المشاركات اللى فيه حاططها رجالة
و عموما الموضوع سيغلق بناء على طلب سعادتك

انا شايف انه ياقفل احسن و يا هيثم محدش يقدر يتريق على اقتراح معروض منك يتقطع لسان اللى يتريق الموضوع بس كان مطروح للمناقشة و يكيفيك انك تعمل لصالح المنتدى فهذا شرف عظيم لنا ان تطرح افكارك علينا لمناقشتها