فلسفة الحمار .........

من طرف محمدإبراهيم الجمعة أغسطس 20, 2010 2:16 am

مرة قام يتفلسف حمار و يخاطب إبن آدم و يقول له:

عجبي عليك يا ابن آدم يا كبير الدار

قوّمت الدنيا و ما قعدتهاش لما قالولك حمار

ايه يعني اسمي شتيمة و لا جنسي ده عار؟؟؟

خلقني ربي و خلقك و ما حدش بإيده الإختيار

و أنا مهما زاد الحمل فوقي صابر على المشوار

لا بيوم أرفع عيني على جارتي و بصون الجار

و لا بيوم بطلّع على رزق غيري و بطقّ منه و بغار

و لا مهر أدفع لحمارتي و لا خواتم و لا شوار

و لا شقة أحوش لها طول عمرى و لا أجهز دار

و لا مراتى حامل تتوحم عايزة الكافيار

و لا بنت تخرج عن طوعي و تجيب لي العار

و لا ابن يدمن و يهلوس و يقع منهار

عايش بحالي و متهني وليه احتار

باكل و بشرب و أنهق و ما عنديش أسرار

و عندي ابن آدم يخدمني ليل و نهار

اذا جعت يشتري برسيمي بأغلى الأسعار

و اذا مرضت بيعالجني و يدعي الستار

خادم أمين من غير راتب و لا حتى أيجار

عرفت يا بني آدم مين فينا طلع الحمار؟

من طرف احمد اسماعيل الجمعة أغسطس 20, 2010 3:29 am

وحشتنا يا استاذ محمد فينك من زمان كل سنة و حضرتك طيب رمضان كريم شكل الصيام تعبك ربنا يقويك و يقوينا

من طرف محمدإبراهيم الجمعة أغسطس 20, 2010 3:34 am

احمد اسماعيل كتب:وحشتنا يا استاذ محمد فينك من زمان كل سنة و حضرتك طيب رمضان كريم شكل الصيام تعبك ربنا يقويك و يقوينا

والله وحضرتكوا كمان وحشوتنا

موجود والله يا ستاذ احمد

بس الشغل مش مخلى الواحد شايف قدامه
ربنا يعنا ويعينك امين يارب
ويتقبل صيامنا جميعا ان شاء الله

من طرف omr الجمعة أغسطس 20, 2010 4:19 am

مشاركه جميله ياأستاذ محمد ..وجزاك الله خيرا وكل رمضان وحضرتك بخير

من طرف احمدعبدالعليم الجمعة أغسطس 20, 2010 12:12 pm

محمدإبراهيم كتب:
بس الشغل مش مخلى الواحد شايف قدامه
ربنا يعنا ويعينك امين يارب
ويتقبل صيامنا جميعا ان شاء الله

الله يعينك يا استاذ
انت راجل مميز و مواضيعك كلها مميزة و عايزينك تكون معانا على طول

فلسفة الحمار .........

فلسفة الحمار .........

رد: فلسفة الحمار .........

رد: فلسفة الحمار .........

رد: فلسفة الحمار .........

رد: فلسفة الحمار .........