انتخابات مجلس الادارة فبراير 2011

قائمة المهندس همام الناظر
عبده الناظر ............................ نائب رئيس مجلس الادارة
عمر الناظر ............................. المدير العام
اعضاء مجلس الادارة
حربى الناظر
الاستاذ
ملك الصعيد
سعد الناظر

الموسيقار كتب:

أنتو يا جماعه بقيتو عاملين زي أعضاء مجلس الشعب مش بتظهرو
إلا وقت الانتخابات وبس على فكره الأعضاء لو شافو مشاركاتكم وشافو
مشاراكتنا يبقى أنتو هاتمسكو مجلس إدارة مركز شباب ميت بدر حلاوة مش المنتدى
هههههههههههههههههههههههههههههههههههههههه
دي طبعاً مداعبه مطلوبة واحنا في الأول والأخر أخوات وهنا وهناك واحد
وبرضو ربنا يوليني فأنا خير من يصلح
ههههههههههههههههههههه

يا ابن عمى ده انتم زى الحكومة البتكتم صوت المعارضة و تقول مابيشتغلوش
شعب المنتدى تعب منكو و محتاج التغيير

1. وضع خطط طويلة المدى وأخرى قصيرة بشكل
كامل لتطوير المنتدى.
2. السعي إلى تطوير الإجراءات الروتينية من
خلال تطبيق مبدا انت رئيس ومدير هذا المنتدى وصاحب قرار الحذف والنقل لمشاركاتك فقط ومبدأ اللامركزية في الإدارة.
3. إيجاد صيغ للتواصل مع اعضاء المنتديات الاخرى لضمان
مشاركتهم فى المنتدى ومشاركتك ايضا فى منتداهم في اتخاذ القرارات .
4. تطوير الأجهزة الإدارية .
5. التوسع في برامج متابعة الخدمات لتحسين أدائها .

ويارب اكون حطيت بعض من كل كبير يريده العضو والعضوه المحترمين من برامج للمرشحين
وانتظرو مني قريبا طرق للدعاية جديده
بعيدا عن اليفط والكتابة على الحوائط وتلويث المظهر العام للبلد
والسلام عليكم ورحمه الله وبركاته

افتكر ده أنسب مكان للكلام فيه عن الانتخابات
انا عايز اقول للأخوة المنافسين انا مين وانتوا مين :
1- احنا اعضاء اول مجلس ادارة للمنتدى -انجاز لينا بجد -
2- احنا اصحاب قرارات جريئة وجديدة دخلت المنتدى دليلي :
- انه فى يوم السبت الموافق 17 7 / 2010 عقد اول اجتماع لمجلس الادارة المنتخب لاول مرة فى العالم فى منتدى على الانترنت
و كان هناك على جدول الاعمال عدة اقتراحات و تم اتخاذ القرارات الاتية :
اقتراح بعمل دستور للمنتدى
اضافة منتدى خاص بالافلام و الاغانى
انشاء منصب المتحدث الرسمي لجلس الادارة والذي شرفت بتوليه
قرر مجلس الادارة تفعيل كود الفاعلية ليكون كل مشرف مسئول عن منتدى مدرج اسمه به و المشرف الذى لن يكون على قدر المسئولية سيتم عزله و سيتم تشغيل كود الفاعلية بعد انتهاء اجازة العيد و تم اعلان شروطها و الحد الادنى للمشاركات بالقسم الادارى المخصص للمشرفين .
تقرر انشاء روم شات الناظر .
3- ان المنتدى وبعون الله لا يتوقف على رايي احد او شخص بعينه بل ان المنتدى متجدد دائماً بافكاره الجديده ومازال هناك من الاقتراحالت التي يسعى اعضاء مجلس الادارة من خلالها على اثبات الذات والقدرة على الرقي بفكر المنتدى
4- الخلافات في الاراء ما بين اعضاء مجلس الادارة بناءة ولا تهدف الا الي مصلحة المنتدى واللي كان بيزعل مننا وبيسيب المنتدى كان نرحب بانسحابه لان لدينا الكوادر التي يكتظ بها منتدانا والتي نحسن اختيارها
5- احنا اصحاب راي جماعي ومفيش حد بيستأثر القرارات لنفسه او بنفسه حتى رئيس مجلس الادارة رايه كراينا ولا يستحوذ على القرارات التنفيذية للمنتدى الا في حالة الضرورة القصوى
6- انتوا مين بقى يا منافسين :
- اصحاب مواضيع مهمة
- اصحاب اقتراحات خطيرة
- اصحاب اراء مهمة وجريئة
- ولا انتوا اصحاب مداخلات شبه يومية واسبوعية او حتى شهرية
- اعتقد انكم اصحابي وحبابيبي بس وقرايب عائلة الناظر بفايد
يا جماعة احنا الاصل وعالاصل دور
طبعاً دي الانتخابات ودي الدعاية يعني مفيش زعل واللي يخاف بقى مش يروح لا ربنا يهديه ويجي لعندنا ويعمل تعظيم سلام
ده بيان اولي من المتحدث الرسمي لمجلس ادارة المنتدى


نسيبكم لمين والله نتمنى الخير لمنتدانا دايماً
معاكم دايماً للامام

احنا بنقول كده يا هيثم باشا
احنا عايزين نسخن الموضوع بس مش عايزين زعل حد و خايفين انكو تفتكروا الموضوع يزعلنا
احنا عايزينكو تبقو بحريتكم و احنا بحريتنا و نخبط فبعض مفيش مشاكل بس فى حدود الاحترام
دى قواعد الانتخابات العايزين نعلمها للناس ان فى الانتخابات نقطع بعض بس باحترام و نشرك شغل بعض من غير غلط و لا تقليل من بعض
الموسيقار كتر خيره سامح سعد و خلينا بقى نشتغل و نعمل دعايتنا برواق و احنا نسيبكو تعملو دعايتكو برواق
و الهايكسب الكل يفرحلو و يقف معاه
( يعنى انتوا هاتفرحولنا و تباركولنا لان احنا هانكسب طبعا ان شاء الله )