بيت الارنب النونو

كان يا ماكان
كان فى ارنب نونو عمل لنفسة بيت نونو على أدة وكان فرحان بية اوى
فى يوم من الايام خرج الارنب , والتعلب المكار كان بيتمشى فى الغابة
شاف بيت الارنب عجبة دخل وقعد فية وقال دة بيتى رجع الارنب بيفتح
الباب مش بيفتح اندهش الارنب وفجاة سمع صوت التعلب من جوة البيت
بيقولو ( امشى من هنا دة بيتى )
قال الارنب ( لا دة بيتى انا )
لكن التعلب مش بيسيب البيت
فكر الارنب فى الحيوانات الكبيرة والقوية تساعدة بس للاسف محاولاتة
كلها فشلت قعد يبكى جنب البيت
وفجأة
شاف نحلة صغيرة قالتله مالك يا تعلب قالها اللى حصل قالتله ماتخفش انا
هخرجلك التعلب من بيتك ,قال الارنب ازاى يا نحلة يا صغيرة هتقدرى على التعلب الكبير قالتله تعالى وشوف
دخلت النحلة البيت من فتحة الباب وقعدت تقرص التعلب قعد التعلب يصرخ الحقونى فتح الباب وطلع يجرى بعيد
فرح الارنب وشكر النحلة على مساعدتها
ياريت كلنا نساعد بعضنا
وكمان لازم نشكر بعض على اى حاجة حلوة
اتعملت علشاننا
وكمان نتعلم اننا ماناخدش حاجة غيرا

الله بجد قصة رائعة ويتعلم منها الكبير قبل الصغير ان الانسان مش بنفسه الانسان باللى حواليه وان مش بالصغر ولا بالكبر فما تستهينش بحد ولا تقلل من قيمته