احمد عبد العليم على كرسى الاعتراف

البرنس المصرى كتب:هل انت انسان طموح ؟؟؟ وان كان الى اى مدى ؟؟؟

نعم انا طموح جدا و الى ما بعد ابعد مدى

فرصة .. يا أستاذى
أسألك
حدث أثناء تواجدنا معا فى إحدى مواقع العمل بمناسبة موضوعا ما ، و فى مخاطبتك لمسئول البحث الجنائى ، أنطلقت منك عبارة :
(أنا عايز أعرف مين المتسبب ) مداوية ، متناسيا جميع المتواجدين من قيادات ، متناسيا دبلوماسية الحوار ، وأنا ساعتها كنت أود أسألك سؤال ،
و الآن و أنت قيد كرسى الإعتراف ممكن تجاوبنى على سؤالى :
هل تعتبر مهام وظيفتك شخصية لصيقة بشخصك أم أنها روتينية تستلزمها أعمال الوظيفة ؟

البرنس المصرى كتب:اذا لم تكن محامى ماذا تود ان تكون؟؟؟

اعتقد انى لو ماكنتش محامى كنت اتمنى ابقى رجل قانون
ههههههههههههههههههههههههههههه
مش هاعرف اجاوب على السؤال ده
لانى عملت المستحيل عشان ابقى محامى و من صغرى مش متخيل نفسى فى مهنة غير المحاماة

أحمد بغدادى كتب:فرصة .. يا أستاذى
أسألك
حدث أثناء تواجدنا معا فى إحدى مواقع العمل بمناسبة موضوعا ما ، و فى مخاطبتك لمسئول البحث الجنائى ، أنطلقت منك عبارة :
(أنا عايز أعرف مين المتسبب ) مداوية ، متناسيا جميع المتواجدين من قيادات ، متناسيا دبلوماسية الحوار ، وأنا ساعتها كنت أود أسألك سؤال ،
و الآن و أنت قيد كرسى الإعتراف ممكن تجاوبنى على سؤالى :
هل تعتبر مهام وظيفتك شخصية لصيقة بشخصك أم أنها روتينية تستلزمها أعمال الوظيفة ؟

شوف يا باشا
البلد دى بقالها 7 آلاف سنة بتتسرق
بس كانوا بيسرقوا و يسيبوا الغلابة تعيش
الايام دى بيسرقوا حتى قوت الغلابة
و انا طول عمرى بعترض من غير ما يكون ليا دور ايجابى
زيى زى اى واحد من العرب
الاجانب بيقولوا العرب ظاهرة صوتية
و انا كنت من ضمن الظاهرة الصوتية برضه
ما ينفعش انى لما ابقى فى موقع مسئولية انى اسيب الحرامية يسرقوا و يحرقوا و ندافع عنهم و لا نقول اننا نحاسبهم جوانا
فى الاخر سعادتك عارف ان الحرامى ما بيتحاسبش حتى لو احنا اثبتنا التهمة عليه
يبقى اللى هما بيسموهم غرب
اللى هما الادلة الجنائية فى الشرطة المصرية
اللى هما اصحاب الاختصاص الاصيل
كانوا بيقولوا عليهم غرب انا قلت يمكن فاكرينهم جايين من اسرائيل مثلا
و حسيت ان الراجل بيتكلفت
فحبيت اسمعه ان فى ضمن الموجودين ناس عايزين يعرفوا الحقيقة مهما كانت عشان حتى لو كان الشيطان لعب فى راسه يفوق
انما الظابط ده الحقيقة كان شريف و نزيه ربنا يباركله

أستاذى
كنت عارف أجابتك من نظرتك لضابط البحث الجنائى ،
و انت بتكلمه .
بس حبيت أكرر أجابتك بصوت عالى .
طب أيه رأيك فى شخص الزعيم الراحل جمال عبد الناصر ، وو ضعه بالنسبه للعرب ؟ 

أحمد بغدادى كتب:أستاذى
كنت عارف أجابتك من نظرتك لضابط البحث الجنائى ،
و انت بتكلمه .
بس حبيت أكرر أجابتك بصوت عالى .
طب أيه رأيك فى شخص الزعيم الراحل جمال عبد الناصر ، وو ضعه بالنسبه للعرب ؟ 

يا باشا انا تحت امرك
الجالس على هذا الكرسى ليس من حقه اختيار الاسئلة التى يرد عليها
بالنسبة للزعيم جمال عبد الناصر
انت قلت كلمة كافية
قلت الزعيم
ده زعيم و اسطورة و بنى مصر
بس للاسف اللى حصل الايام دى يخليك تقول صعب عبد الناصر يكون عدى على البلد دى
اما علاقته بالعرب فهو اسطورة للعرب كما هو اسطورة لنا
بدليل انا كل دولة عربية تجد فيها ناصريين
عبد الناصر كان اسطورة صعب تكرارها

(مراية الحب عامية)

ما مدى اقتناعك بهذا المثل ؟!!

الاستاذ كتب:(مراية الحب عامية)

ما مدى اقتناعك بهذا المثل ؟!!

لا اقتنع بالمثل ده نهائيا

السلام عليكم اهل المنتدى
اعتذر بسبب انشغالي لظروف امتحاناتي
سؤالي للأستاذ / احمد عبد العليم :
التردد بيمثل ايه في حياتك ؟
اتمنى لكم التوفيق والسداد والنجاح

الاستاذ كتب:

من هو رئيس
امريكا التاسع والثلاثين

من هو رئيس ايران

ماهو ثاني اطول نهر في العالم


كم عدد سكان الصين


كم عدد سكان مدينة لندن


من هو اطول رجل في الصين


من هو رئيس منظمة الامم المتحدة


من هو رئيس الاتحاد الافريقي

كم عدد الدول العربية

ايه يا عم الحاج الاسئلة دى

الاستاذ كتب:
من هو رئيس
امريكا التاسع والثلاثين

جيمى كارتر
على فكرة انا عندى على جهازى جميع صور الرؤساء الامريكيين بترتيبهم

الاستاذ كتب:
من هو رئيس ايران

محمود احمدى نجاد

الاستاذ كتب:
ماهو ثاني اطول نهر في العالم
[/b]

الامازون تقريبا و مش متأكد من صحة الاجابة دى

الاستاذ كتب:
كم عدد سكان الصين

عايز تعرف عددهم دلوقتى و لا ساعة ما سئلت السؤال
ههههههههههههههههههههههههههههههه
عموما يا ابو معاذ عدد سكان الصين حوالى مليار و ثلاثمائة و ستين مليون و شويتين كده

الاستاذ كتب:
من هو اطول رجل في الصين

زهاو ليانج و ده عنده 27 سنة و بيدور على عروسة لو عندك واحدة طويلة اتصل على 0900

الاستاذ كتب:
كم عدد سكان مدينة لندن

و اشمعنى لندن يعنى ؟؟؟
حوالى 8 مليون تقريبا

الاستاذ كتب:
من هو رئيس منظمة الامم المتحدة

امين عام الامم المتحدة بان كى مون
انما رئيس الامم المتحدة فهو الدكتور على عبد السلام التريكى و هو سياسى ليبى

الاستاذ كتب:
من هو رئيس الاتحاد الافريقي

بينجووا موتاريكا رئيس دولة مالاوى

الاستاذ كتب:
كم عدد الدول العربية

22 دولة

و لكن كغثاء السيل

الاستاذ كتب:
1-اسم الناظر ماسببه ؟

سببه ان عدد كبير من كبار العائلة كانوا مدرسين و نظار مدارس و منهم والدى و والد فوكس و والدك انت ايضا و عدد كبير جدا من العائلة نظار فاطلق عليهم هذا الاسم

الاستاذ كتب:
2- من الذى اطلق على عائلتنا هذا الاسم ؟

جيراننا و الناس المحيطين بنا هم من اطلق هذا الاسم و هم من نشروه

الاستاذ كتب:
3-الهوايات ؟

القراءة و لعب الشطرنج و البلياردو

الاستاذ كتب:
4-افضل شهـر بالسنه والسبب ؟

شهر اكتوبر لانى ولدت فيه و خطبت فيه و دائما يكون شهر وشه حلو