احمد عبد العليم على كرسى الاعتراف

مارسيل كتب:ما رايك فى معاهدة السلام المصرية الاسرائيلية

لا رأى فى السياسة العليا للوطن
و فى كل الاحوال انا لو كنت رئيسا لمصر
لحافظت على هذه الاتفاقية و لكن فى حدود السياسة فقط

همام الناظر كتب:ماذا شعرت اول ما قريت كلامه و توقيعه المكتوب بلعبرى

بصراحة بقيت مش عارف اعمل ايه
و استشرت كل الزملاء الحاضرين فى المنتدى وقتها
و افتونى بطرده
و قد كان

الاستاذ كتب:و الله انا شايف انه ما كانش يطرد و كنا نحاوروه و نشوفوه عايز منا ايه

الحوار معاه ماكانش هايبقى له فايدة
لانه مش هايختلف معاك فى حاجة ده هايبقى ناعم و يوافقك على كل حاجة
و انت تقول طب اليهود ماهم كويسين اهه

عمرالناظر كتب:لا يا ابو معاذ الحوار مع الناس دى خطير
و البعد عنهم غنيمة
احنا بينا حرب بس مفيش كلام و لا سلام

فعلا الله ينور

سعدالناظر كتب:احنا عايزين فوكس يجاوب على الاسئلة
مش عارف بقى يقعد تانى على كرسى الاعتراف كيف

يا ريت يا ابو السعود
انا لو بايدى كنت مسمرته فى الكرسى

احمد اسماعيل كتب:والله يا استاذ لو ما كنش اطرد كان هيعمل بلبلة فى المنتدى و قلق و احنا مش عايزين كده و ايه ضمنا انه مش يهاجم المنتدى او يحاولوا يدمروا بأى طريقة
و اطمن انا متأكد انه هيدخل بحساب جديد لانهم عالم معندهاش دم بعيد عنك

ده شيئ متوقع

الجبلاوى كتب:يسيب مين يا ابو معاذ الله يصلح حال والديك
احنا لسة فى البداية
يعنى لما المحروج ده يدمر الموقع يبقى استفدنا منيه ايه
دول زى ما قالت الاستاذة الحلوة فى الموضوع التانى
كلهم شغالين بهدف واحد بس اقنعة مختلفة
يعنى الحوار معاهم مبيجيبش نتيجة

حلو قوى موضوع الاستاذة الحلوة ده

الزعيم كتب:إلحين عرفت انه كان ظرورى تسيبونه
هاذى كانت فرصتنا لنعرف شلون يفكرون فينا
و اعتقد ان هاذا المنتدى
فيه شخصيات ماشاء الله تبارك الله
يعرفون يتناقشو زين

مستحيل تقدر تعرف منه حاجة زى دى

كرستينا كتب:ازاى ارائك بتؤيد التعامل مع اسرائيل طالما فيه اتفاقيات سلام
و مع ذلك طردت العضو الاسرائيلى اللى كمان من حركة السلام الان
يعنى مش جاى عايز يعمل مشاكل بالعكس ده بيدور على نقاط تلاقى
هل ده تناقض

انا كلامى ان انا مع حق الدولة فى ان تبرم معاهدات كيفما تشاء
و لكنى ضد استغلال المعاهدات دى فى اجبار المواطنين على التعامل معهم
و انا زى ما انا مع المعاهدات انما انا ضد التطبيع بكل صوره

محمدالناظر كتب:هو انتى بتحاربة عشانهم كده ليه
مش شايفة انها حاجة غريبة

فعــــــــــــــــــــــــــــــــــــــــــلا

عبده الناظر كتب:لا يا محمد ماتفهمش المدام غلط
هى بس متعودة انها تقول اراء معاكسة
بس يعنى الموضوع بسيط
ما تبقاش سيئ الظن

ههههههههههههههههههههههههههههههه
لا تعليق

همام الناظر كتب:فككو بقى من الكلام ع الواد التاراس ده

ههههههههههههههههههههههههههههههههه
يعنى ايه

همام الناظر كتب:
ايه رايك فى موضوع المهور و المغالاة فيها
و لما مروان و لا محمد يجو يتجوز ممكن تعمل مشكلة علشان المهر و لا هاتتقبل اى طلبات للعروسة
و لو ربنا عطاك بنت و جيت تجوزها هاتطلب طلبات غالية و شبكة غالية و فرش ماخبرش عامل كيه
و لا هاتبقى متفاهم و هتشترى راجل

بصراحة
سؤال صعب جدا و لو جاوبت اى اجابة من اللى انت كاتبهم او حتى اجابات غيرها
هابقى مش مقتنع باجابتى

هيثم جمال كتب:السلام عليكم يا أهل المنتدى أنا لسه جاي من الإمتحان ونفسي مفتوحة للأسئلة ممكن

حمدالله على السلامة يا باشا و ربنا يوفقك

هيثم جمال كتب:
س1 : ما هوالنظام اللي تحب تشوفه مطبق في البلد؟

النظام الاسلامى و تطبيق الشريعة الاسلامية

هيثم جمال كتب:
س2 : ولو انت عضو مجلس شعب هتخدم مين الأول الناس ولا اقربائك ؟

بصراحة الاتنين
و ابقى كداب لو قلتلك الشعب الاول
لانى مقتنع بن الاقربون اولى بالمعروف
بس كمان الشعب اولى بحقه لان ده مش معروف ده حقهم عليا
و عشان كده هاحاول اوازن بين الاتنين

هيثم جمال كتب:
س3 : هل انت وصولي ؟ ( على فكرة انا عارف إجابة السؤال ده صاحبي بقى )

بكل اسف
لا و مش هاعرف ابقى كده
حتى لو انا حاولت

هيثم جمال كتب:
س4 : ولو الحالة المادية إضطرتك إنك تغير مبدأ من مبادئك هتعمل أيه , بالرغم من أنها هتغير مجرى حياتك وهتحقق كل أمنياتك ليك ولأولادك ومن غير حد يحس انك عملت حاجة غلطت ؟

ما اعتقدش
و اتمنى انى لما اتحط فى فتنة زى دى اكون قدها فعلا

هيثم جمال كتب:
س5 : ما هو اول شئ تبدأ به صباحاً وآخر شئ تختم به يومك ؟

اول حاجة ابدأ بيها يومى هى انى افكر فى اولادى و زوجتى
و اخر حاجة بفكر فيها قبل ما انام هى امى و اختى

هيثم جمال كتب: 
س6 : مين الأشخاص اللي انت بتحب ترضيهم في حياتك ؟ ( ياريت تكتبهم بالترتيب والعدد زي ما إنت عايز )

عموما مش اشخاص يبقى اتمنى انى اقدر ارضى الله سبحانه و تعالى
انما الاشخاص اللى بحب ارضيهم
مفيش غير امى
و اتمنى يكونوا عيالى برضه راضيين عنى لما يكبروا

انا بصراحة محتار بين 2 يكونوا على كرسى الاعتراف
ان شاء الله هاختار حد فيهم بس يا ريت يكونوا هما جاهزين

بصراحة إجابة السؤال الخاص بمجلس الشعب ده السؤال الوحيد اللي مكنتش متوقع إجابته وكنت خايف من الإجابة دي وده الفرق بيننا وبين بلاد اوروبا او البلاد المتقدمةانهم بيدوروا على مصلحة البلد اكتر من اي بل انواحد فيهم لو عمل نص % من اللي بيعملوه البهوات اللي عندنا كان زامانه اتعمل فيه تيييت أو تيييت تاني غير الأولاني طبعاً يا استاذ احمد انت عارف ايه تيييت ده
وبالمناسبة عايز اقولك شيل واحد من الإتنين اللي انت بتفكر فيهم علشان فيه واحد فيهم غير متاح حالياً ماشي

انا اؤيد استاذ هيثم يا ريت تشيل واحد من اللى بتفكر فيهم لانه مشغول اليومين دول و مش فاضى

هيثم جمال كتب:بصراحة إجابة السؤال الخاص بمجلس الشعب ده السؤال الوحيد اللي مكنتش متوقع إجابته وكنت خايف من الإجابة دي وده الفرق بيننا وبين بلاد اوروبا او البلاد المتقدمةانهم بيدوروا على مصلحة البلد اكتر من اي بل انواحد فيهم لو عمل نص % من اللي بيعملوه البهوات اللي عندنا كان زامانه اتعمل فيه تيييت أو تيييت تاني غير الأولاني طبعاً يا استاذ احمد انت عارف ايه تيييت ده

انا جاوبت بصراحة و بدون تجميل
لو كنت قلتلك مصلحة الشعب كنت ابقى بضحك عليك
و طبعا ده غلط انا عارف
انما ده للاسف موروث ثقافى مصرى ماتقدرش تغيره
و انت نفسك لو قلت غير كده يبقى بتضحك على نفسك

هيثم جمال كتب:
وبالمناسبة عايز اقولك شيل واحد من الإتنين اللي انت بتفكر فيهم علشان فيه واحد فيهم غير متاح حالياً ماشي

هههههههههههههههههههههههههههههههههههه
انا ممكن اختار واحد غير الاتنين اللى انا بفكر فيهم
بس بشرط انه يصطاد اللى فى بالى بعد كده
انا كان ممكن اجيبه و اخليه متاح بس المشكلة انه هايشتغل نص الاسبوع بس
انما مفيش مشكلة انا عملت المؤامرة عليه و لو اتفقنا هانفذ و هاخليه تيجى رجله يعنى ان شاء الله واقع واقع