lawyer على كرسى الاعتراف

و يا ريت تبقى تخف على الاعضاء اللى ما تعرفهمش لان فيه ناس كتير زعلت منك

و يا ريت يا ياسيدى لجل النبى
اعدل الروابط بتاعة الماتشات ابوس ايدك
الناس اتخنقت مننا
انت من ساعة ما غيرت الروابط و مفيش حد بيتفرج عندنا على الماتشات
ما تضيعش مننا الموسم
و ارجوك ابقى رش مية قدام المنتدى الرياضى عشان الطراوة

احمدعبدالعليم كتب:الاستاذ محمد عبد الرؤوف
من فضلك عدل المشاركات اللى رديت عليها لان الكلام داخل على بعضه
و بعدين يا عم انت بتعذبنا ليه كده
عايزين الاجابات تبقى واضحة
انت الوحيد اللى دخلت كرسى الاعتراف و ما حدش فهم منك و لا عنك و لا كلمة
ارجوك ما تردش على الاسئلة بطريقة تلزيق الكلام
بتحسسنى انك بتروح مستفرغ كل الاجابات فى كيس و تروح راميه علينا و احنا نبقى نحل الكلمات المتقاكعة اللى انت عاملها
يا ريت تعدل المشاركات و الاجابات عشان تبقى الردود واضحة

قوله والنبى يا استاذ احمد كمان
ده الراجل ده خلانى اقول امتى يوم الجمعه بقه
علشان الاجازه لحد يفهمنى غلط ويقول لا سمح الله انا اخلص من العضو الجميل ده ابو دم زى الشر بات (بفتح الراء)
ويجعله عامر
ما تزعلش ياهيثم هانت اففففففففففففففففففففففففففففففف

عايزين يا جماعه الخير بعد ما كل الاخوه العزاء اعضاء المنتدى
يجلسوا على على الكرسى المتحرك
نبقى نختار افضل واسوا عضو جلس عليه
لو قلت دلوقت مين افضل عضو كله حيشاور على المنتدى الرياضى دى حقيقه ولا ايه يا ساده
ويجعله عامر

السادة الافضل اعضاء المنتدى
اتقدم لكم بأسفى و إعتذارى عما حدث بكرسى الاعتراف ذلك الاسبوع - الذى تمنى اخى و صديقى فوكس ان ينتهى - و لكل من اصابه ضيق و ملل من جراء هذه الاجابات التى ترضينى شخصياً و من تهكم الاستاذ محمد عبدالرؤف على السائلين بالرغم من ان الاستاذ احمد عبدالعليم نبه عليه اكثر من مرة كتابة و شفاهة و لكن سيادته رفض الاستجابة لهذه التنبيهات

و ليسمح لى اخى و صديقى احمد عبدالعليم أن اتخلى عنه و ابيعه لاول مرة و اعلن مسؤليته الكاملة عن ذلك الاختيار و اطالبه بتقديم اعتذار بإسمه و ليس بإسم المنتدى عن كل ما حدث لاننى طالبته اكثر من مرة وقف المشاركة فى ذلك الموضوع و لكنه رفض الاستجابة لى

و بخصوص ادارة المنتدى فلقد تعودت مع زمليى احمد عبدالعليم و فوكس ان نتباحث فى جميع شئونه و لكن صوت الرئيس يرجح اى كفة و لذلك فهو يتحمل مغبة ما حدث و اسأل استاذ احمد عبدالعليم هل يرضيك غضب الاعضاء و ترغب فى هروبهم من منتدانا و هل ستنتظر لحين وصول الامر لمرحلة التراشق بالالفاظ فإذا كان استاذى احمد عبدالعليم يرضى بذلك فأنا لن ارضى به و لن اسمح بوجودى و اشتاركى فى مثل هذه المهاترات و اعلن انسحابى فى حال عدم وقف المشاركات و حذفها جميعا حرصا على مشاعر الاعضاء و سيادته يعلم رد فعل بعض الاعضاء الوارد حدوثه جداً

و ارجو ألا يغضب منى استاذ احمد عبدالعليم لان هجومى عليه شخصياً و ليس على استاذ محمد عبدالرؤف لانه الاول هو المسؤل و عاقل و سيتفهم لغة حديثى للاسف للمرة الاولى اكتب مشاكرة و انا غاضب و لكنى غضبت لغضب الاعضاء الذى اكن لهم كل تقدير و احترام

و ارجو ان تختار ادارة المنتدى و انا منهم العضو الذى سيجلس على كرسى الاعتراف يوم الجمعة القادم بإذن الله
مع تمنياتنا للسيد الاستاذ محمد عبدالرؤف اخونا الاصغر بالتوفيق و ان يرزقه الله الزوجة الصالحة و البنين و البنات إن شاء الله و نتمنى ان يعد لكرسى الاعتراف مرة اخرى بعد ان يزداد خبرة و يشعر بإستقرار بعد الزواج بإذن الله

و ارجو من استاذ احمد عبدالعليم اتخاذ قرار فى اسرع وقت ممكن منعا لحدوث مشاكل يعلمها سيادته جيداً و ارجو من الاعضاء عدم الحديث فى ذلك الموضوع مرة اخرى حرصا على حسن العلاقة فأى موضوع قد يسبب ضيق او ملل او بلبلة يتم وقفه فوراً
و ارجو ألا نتهم بالديكتاتورية و الحجر على الاراء لاننى لم ارى اى اراء تم ابدائها و من يريد التأكد فلينظر لاعلى فاغلب المشاركات إما سخرية او تريقة او مشاركات غاضبة و بدأت اشم رائحة الخطر القادم على المنتدى
و شكرا لكم جميعا و اسف للاطالة

و هذه اخر مشاكرة لى فى ذلك الموضوع و ارجو عدم الرد عليه سوى من استاذ احمد عبدالعليم لانى بالفعل فى حالة غضب غير عادية

ايه يا عم احمد الراجل اللى انت جايبه يهزئنا ده من اول الاسبوع و هو نازل فينا كلنا تلطيش و انا مش عايز ادخل و لا حتى رديت اسئله علشان ما يصيبنيش من سهامه و انت عارف انى ما بستحملش
فهل ده ينفع برضه

بجد الموضوع زاد عن حده

اهو يا احمد يا عبدالعليم شوف اخونا و استاذنا همام الناظر بيقول ايه قوله يا استاذ همام عرفه الناس بتهرب مننا و اولهم حضرتك خلينى ساكت اصل احمد عبدالعليم لما بيمشى بدماغه بيخسر والله و احنا اتعودنا ناخد قرارتنا مع بعض مش هابلغ لو قولتلك حتى قراراتنا العائلية
لكن احمد فى الموضوع ده مشى بدماغه براحته انا هاسيبه كده الكل يهاجمه و هتفرج عليه لما اشوف هيعمل ايه
قابل بقه يا عم احمد لو جدع رد على استاذ همام الناظر رد رد ورينى عشان انا بجد متغاظ منك

و ادى الاستاذة زهرة كمان مش عاجبها المهزلة ديه معلش استاذ احمد عبدالعليم مبوسط بيها
ملحوظة : للمرة الاولى فى حياتى اهاجم صديقى و اخى احمد عبدالعليم علناً و لكن حذرته مراراً و تكراراً

اعتذر لكل الاعضاء
و لكن و للعلم فقط الاستاذ احمد اسماعيل نفسه يعلم ان الاستاذ محمد عبد الرؤوف شخص محترم و لا يقصد ابدا توجيه اية اهانات و انه مؤدب و يحترم الجميع و لكنى لا اعرف ماذا يحدث له عند الكتابة و الرد
و غالبا هو يمزح و لكن الامور تهرب منه و الله اعلم
و عموما يا بشمهندس همام انا مش جايب يحد يزئنا و لا حاجة و الاعتراض على الاسلوب مش اعتراض على اهانات وجهها لحد
اكرر اعتذارى للجميع و اعلن و بكل اسف و لكن استجابة لفريق الادارة الذى طالبنى اكثر من مرة بغلق الموضوع و اخرهم طلب الاستاذ احمد اسماعيل المكتوب بعاليه و طلب الاستاذ فوكس هاتفيا الذى جائنى اثناء كتابة هذه الكلمات
اعلن غلق هذا الموضوع ليوم الخميس القادم على ان يتفضل السادة الاعضاء باختيار العضو التالى على كرسى الاعتراف فى موضوع خاص بالاختيار و يتم التصويت عليه حتى يوم الخميس مساء