هيثم جمال على كرسى الاعتراف

احمد اسماعيل كتب:و هل يرضيك اسلوبه ؟
ارجو ان تكون الاجابة تفصيلية

شوف الإسلوب اللي بيتبعه مشروع ولكن الإسلوب هيؤدي لفين ده اللي في علم الغيب ومتوقف على إرادة الناس اللي بتشجعه على خطواته اللي بيقوم بيها لكن انا مش حاسس ان ده هو القائد الحقيقي اللي ممكن يقود البلد لأن زي المثل ما بيقول " اللي بعيد عن ايهمش بيبقىبعيد عن ايه " البلد فيها ناس غلابة جداً جداً جداً محدش يتصورها هل هو قرب منهم ده على سبيل المثال وعلى العموم هيجييوم الناس تختار فيه بجد قائدهم اللي هو قائد بجد مش اللي بيجي بطريقة 99,9% وبعديها نقوله اخترناك لا دهنقوله جبرناك

احمد اسماعيل كتب:هل انت من المؤيدين للنقاب ام من المعارضين ؟

لا طبعاً انا من المؤيدين للنقاب

احمد اسماعيل كتب:و اسبابك فى ذلك

لأنه مينفعش تكون حاجة في الدين لها أصل في الكتاب او السنة ونقول عليها انت معارض فيها ولا لأ لأني مسلم وفي عقيدة موجودة حاجة زي كدة لازم اسلم بوجودها ولكن نقول الضرر من لبسها ايه هو او الضرر من عدم لبسها ايه هو وش هخوض كتير في الموضوع ده

احمد اسماعيل كتب:ما هى عيوب و مميزات كلاً من :
شقيقك إبراهيم

عيوب اخي إبراهيم الغضب السريع , كثرةالمشاكل , عدم الفهم الصحيح للمواقف اللحظية , لايوجد لديه بعد نظر

احمد اسماعيل كتب:ما هى عيوب و مميزات كلاً من :
شقيقك إبراهيم

اما مميزاته :
شخص طيب جداً بيتأثر بالكلام إلي ابعد حد
كريم جداً
وراجل جداً وصاحب مواقف رائعة
ومش عارف دي تبقى تصنف ضمن ايه ولكن ممكن ان يحرج بطريقة غير طبيعية في بعض المواقف

احمد اسماعيل كتب:ما هى عيوب و مميزات كلاً من :

احمد عبدالعليم

حبيبي طب صاحب المنتدى ممكن يعمل فيا حاجة لو قلت راي بصراحة ولا رايك يا ابواسماعيل
على العموم الرب واحد نقولها وخلاص
عيوبه :
متردد
عنيف
في بعض الأوقات تلاقي في تفكيرفي دماغة شاذ عليه وهو مش كويس طبعاً
مهمل في حق نفسه كتير
محبط بعض الشئ
رئيس مجلس ادارة المنتدى هههههههههههههههههههه

احمد اسماعيل كتب:ما هى عيوب و مميزات كلاً من :

احمد عبدالعليم

مميزاته (انافق بقى هههههههههههههه )
طيب جداً يعني اعضاء المنتدى حسوا بكدة وقت ما كان على كرسي الإعتراف لأ انا بضيف انه اكتر من كده في طيابته بدرجة انا بستغربها فيه ودي اهم ميزة فيه على فكرة
عنده وعي باللي حوليه
مثقف
صاحب راي متزن وصائب
ممكن يخدم في اي مجال من غير ما يحسب العواقب
محترم جداً
جدع
على فكرةانا مش احصر كلصفاته سواء المعيبة او المميزة

احمد اسماعيل كتب:ما هى عيوب و مميزات كلاً من :

احمد حسانين ( كبيرنا)

علاقتي بالأستاذ احمد حسانين محدودةلحد ماولكنهافي نطاق الإحترام المتبادل وهو شخصية محترمة وذكيةوعلى فكرة كان في واحد صاحبي بيحكلي عنه كتير ايام الكلية اسمه محمد عزب بسمش هاقولها علشان الراجل يكمل ويربي العيال

احمد اسماعيل كتب:ما هى عيوب و مميزات كلاً من :

احمد حسانين ( كبيرنا)

انا قصدي ان صاحبيمحمد ده كان بحكيلي عن قصص كانت بينهم بس برده مش هاقولها
وعن عيوبهاناحضرت له موقف دلني على عيب فيه ألا وهو انه
خجول جداً !!!!!!!

احمد اسماعيل كتب:ما هى عيوب و مميزات كلاً من :

فوكس

حبيبي فوكس سامحني كنت هانساك
على فكرة اقول له اسمه الحقيقي - محمود حسانين -
عيوبه :
عصبي جدااااااااااااااااااااااااااااااااااااااااااااااااااااااااااااااااااااااااً

احمد اسماعيل كتب:ما هى عيوب و مميزات كلاً من :

فوكس

مميزاته :
طيب
جدع
صاحب موقف
اصيل

احمد اسماعيل كتب:ما هى عيوب و مميزات كلاً من :
احمد اسماعيل

احمد احمد احمد اه ايوة اعرفه
عصبي
متهور
متقلب المزاج
شكاك

احمد اسماعيل كتب:ما هى عيوب و مميزات كلاً من :
احمد اسماعيل

مميزاته
طموح اخر حاجة
مبدع في الكتابة
صاحب موقف
طيب محترم
صاحب رؤى
* على فكرة بالنسبة للصفات اللي قولتها للأشخاص السابقين دي مش كل صفاتهم ولكن اللي حضر في ذهني هو اللي انا ذكرته

احمد اسماعيل كتب:إذا صادفك متوسل اثناء سيرك فى الطريق العام و طلبن منك بعض من المال هل ستعطيه ام لا
ارجو ان تكون الاجابة مسببة

انا مش عارف طبيعةالسؤال بالضبط ولكن انا سأجيب بصفة عامة
في جميع الأحوال يكون هناك تقييم لحالة المتسول من خلال هيئته وتركيبته الجسمانية فهناك من يكون صاحب بنيان قوي وذا صحة ويتسول يبقىحرام عليا انا اديله واشجعه على الكسل وعدم السعي على الرزق ولا اجد موقف اشد من موقف الفاروق عمر بن الخطاب عندما دخل مسجد ووجدفيه ناس عباد في غير اوقات الصلاة وزجرهم على ذلك بموقلته الشهيرة بأن السماء لاتمطر ذهباً ولافضة وفي ذلك منه تشجيعاً على السعي على الرزق طالما اديت الفروض
وهناك من تجد خلال ظروفه انه يستحق المساعدة لأن الكلام الصادق يجد له مجالاً إلي القلب فتجد نفسك طواعية تعطية مما أفاء الله عليك
يعني الموضوع مش مرتبط بكونه متسول او لا فمن الممكن ان تكون هناك اناس محتاجين للمساعدة ولكن نفسهم عزيزة ان يطلبوا الكلام ده في العلن ويقبلوها في السر وهذه الصدقة التي يحبها سبحانة وتعالى

احمد اسماعيل كتب:هل انت من محاربى الفساد ام ان مبدأك و انا مالى طالما مفيش حد قرب لى و لا سرق منى حاجة؟

الفسادفي مصر مستشري جداً وصعب جداً في محاربته وعلاجة فكأنك في سبيل محاربتك للفساد كأنك تعالج الناس في مصر من مرض القولون فأنا بحكم تربيتي وتعليمي وديني لا احب الفساد ولو جاءت لي الفرصة لحاربته او لأقتصصت منه ما صادره في الماضي فأنا بحكم وظيفيتي محكموم في مجال عملي والحمد لله لا ادع مجالاً للشك في وجود شبهة فساد واحدة
الإعتباركله في الفرصة فقط

احمد اسماعيل كتب:ملحوظة : ارجو من السادة الاعضاء الابتعاد عن الاسئلة التى قد تثير الفتن مثل الاسئلة الخاصة بالاديان و المعتقدات فالدين لله و الوطن للجميع

يا أستاذ احمد لوسمحت انا اتقبل جميع الأسئلة ما دامت لا تعيب في شخص المسئول يعني انا وده وعد مني انني لن ازعل من اي عضو وجه لي سؤال مهما كان تصنيفه طالما انه لايهين الجالس على كرسي الإعتراف اويستخف به

احمد اسماعيل كتب:هل تؤمن بالحب من اول نظرة

إجاية السؤال ده مرتبطة بإجابتي علىالسؤال الخاص بالزواج التقليدي أو......
ولكن اناكنت اعتقد فيه ومش دلوقتي موقفي اتغير منه ليه ممكن علشان شخصيتي

لو كنت ماشى فى الشارع و لاقيت راجل كبير اول ما قرب منك ضربك بالقلم
هاتعمل فيه ايه

هيثم جمال كتب:

احمد اسماعيل كتب:ملحوظة : ارجو من السادة الاعضاء الابتعاد عن الاسئلة التى قد تثير الفتن مثل الاسئلة الخاصة بالاديان و المعتقدات فالدين لله و الوطن للجميع

يا أستاذ احمد لوسمحت انا اتقبل جميع الأسئلة ما دامت لا تعيب في شخص المسئول يعني انا وده وعد مني انني لن ازعل من اي عضو وجه لي سؤال مهما كان تصنيفه طالما انه لايهين الجالس على كرسي الإعتراف اويستخف به

والله يا استاذ هيثم انا بمنع مشكلة ممكن تحصل لان الموضوع ده بيجننى ان الاعضاء يختلفوا فى امور دينية نفترض مثلا انك قولت راى معين فى موضوع دينى ممكن حد مش يعجبه و يدخل يرد عليه و نتحول لمناظرة و نبعد عن الموضوع الاصلى وهو التعرف عليك و على شخصيتك و اكيد انت واخد بالك ان فيه اعضاء اسئلتهم تنحصرلا فقط فى الامور الدينية و انا لا اعترض على ذلك و لكن ارجو تنوع الاسئلة و عدم حصرها فى اطار محدد و الامر فى البداية و النهاية لله ثم السادة الاعضاء

إذا تحدث معك رئيسك فى العمل بطريقة غير لائقة او تطاول عليك ،، ما هو رد فعلك؟

إذا وقعت تحت يدك مخالفة مالية يجب الابلاغ عنها هل ستلجأ للجهات الرقابية أم ستغض بصرك عنها حتى وإن تأكدت إنك فى مأمن من هجمات الاعداء ولو مش فاهم صيغة السؤال ارجو مراجعة الاستاذ احمد عبدالعليم هيفهمك معناه و قصدى منه لانه بصراحة سؤال غير برىء

هيثم جمال كتب:

احمد اسماعيل كتب:ما هى عيوب و مميزات كلاً من :

احمد عبدالعليم

مميزاته (انافق بقى هههههههههههههه )
طيب جداً يعني اعضاء المنتدى حسوا بكدة وقت ما كان على كرسي الإعتراف لأ انا بضيف انه اكتر من كده في طيابته بدرجة انا بستغربها فيه ودي اهم ميزة فيه على فكرة
عنده وعي باللي حوليه
مثقف
صاحب راي متزن وصائب
ممكن يخدم في اي مجال من غير ما يحسب العواقب
محترم جداً
جدع
على فكرةانا مش احصر كلصفاته سواء المعيبة او المميزة

بعينك مش هتاخد منصب برضه حى لو جبتله بطة للبيت هياكلها و لا هيعبرك ،،، صاحبى و انا عارفه
ههههههههههههههههههههههههه

هيثم جمال كتب:

احمد اسماعيل كتب:ما هى عيوب و مميزات كلاً من :
احمد اسماعيل

احمد احمد احمد اه ايوة اعرفه
عصبي
متهور
متقلب المزاج
شكاك

كلامك صح فعلا انت فعلا قرتنى بس على فكرة انا اصبحت هادىء نوعاً ما و عندما اشعر بعصبية و انها ستؤدى لخسارتى ألجأ على الفور للمقربين منى لكبح جماحى
لكن كمحصلة عادة رأيك صائب و لا يوجد لى اى اعتراضات

من هو انشط عضو فى المنتدى
من هو العضو الكسول
من هو العضو ذو الشخصية
من هو العضو اللماح
العضو الذكى
العضو الذى لا تتمنى وجوده
شخص تتمنى وجوده بيننا

ما رأيك فى أداء السيدات فى المنتدى هل هو على المستوى المرضى ام ان لك ملاحظات ترغب فى إبدائها