لائحة منتديات الناظر

موافق على القانون ده
بس يا ريت تعمل مادة تقول ان اللغة الرسمية للموقع هى اللغة العربية و تمنع التكلم باى لغات اخرى زى العضوة اللى كاتبة انجليزى دى

تمام كده حلو قوى
فتح باب الترشيح امتى بقى

اعتقد ان فيه مواد تمشى دلوقتى لان المنتدى جديد
انما لازم تتعدل قبل الانتخابات الجاية
يعنى ما ينفعش يكون شرط الترشح 10 مشاركات للعضو و 100 للنائب و المدير العام

لائحة دقيقة و جيدة جدا
لكن كما قالت احدى الزميلات
فيها حاجة ناقصو و انا مش عارفة هى ايه

اعتقد ان نتيجة التصويت كده اتحسمت
انا و ابو معاذ و عمر و الجبلاوى و ملك الصعيد و سعد و محمد و الناظر اتفقنا مع بعض على اختيار الاتى :
احمد اسماعيل مرشح كنائب لرئيس مجلس الادارة
فوكس مرشح كمدير عام
البرنس المصرى مرشح كعضو مجلس ادارة عن المنتديات الاجتماعية
همام الناظر مرشح كعضو مجلس ادارة عن المنتديات الثقافية
هيثم جمال مرشح كعضو مجلس ادارة عن المنتديات التشريعية
احمد بدوى او احمد بغدادى احدهما مرشح كعضو مجلس ادارة عن منتديات المحاماة العملية

اى عضو فى دول يحب يرشح نفسه على درجة تانية و ما اتفقش مع العضو الموجود فيها كمرشح
يبقى هو خرج من قائمة ترشيحاتنا
و انا شفت اللايحة مافهاش حاجة تمنع انى اتقدم لواحد تانى بالترشخ فى الانتخابات
و احنا بمجرد فتح باب الترشيحات هانتقدم باسم المجموعة دى ما عدا اساتذتنا احمد بدوى و احمد بغدادى لاننا احترنا فى اختيار واحد فيهم لدرجة اننا ما عرفناش نتفق على حد فيهم

يا استاذ عبده
المنتدى فيه 155 عضو ما صوتش منهم غير 28 يعنى فاضل 127 عضو تانيين ممكن يدخلو يقلبو الدنيا
و بعدين ما ينفعش انك تبدأ الدعاية الانتخابية قبل الاعلان عن فتح باب الترشيح
و لا ينفع انك تأثر على الناس باختياراتك فمن فضلك مش عايزين كلام زى كده قبل قفل باب الترشيح و نشوف مين اترشح و مين ما اترشحش و مين رشح نفسه فين
انما دلوقتى ده كلام ما ينفعش
و اى كلام زى كده تانى قبل قفل باب الترشيح سيتم فرض عقوبة على المخالف بمنعه من التصويت و الغاء صوته فى الانتخابات
ما تزعلش يا عبده بس لازم يكون فيه نظام علشان التجربة بتاعتنا تنجح و نعلمها للناس

ليه كده يا باشا ده انا بتاعك برضه
عموما ما فيش مشكلة بس كلامك ده مش موجود فى اللائحة و ما ينفعش تخالف اللائحة
و عموما انا هاسمع كلامك مش عشان الوقف انما انت كبيرنا برضه و طاعتك واجبة

معلش انت حبيبى بس لو سيبنا الموضوع كده مش هاعرف المها
و انا لسة ما فيش معايا مجلس ادارة عشان اعتمد عليه
و كل الناس دلوقتى حتى اقرب المقربين مرشحين يعنى لازم يكونوا على الحياد اعتبارا من تاريخ فتح باب الترشيح
حبيبى يا ذوق
ما تزعلش بس لازم تساعدنى انت كمان
و بعدين انت نشيط
ليه ما ترشحش نفسك انت كمان

لو رشح نفسه انا هانتخبه

اوافق على اللائحة و اسمحوا لى ان اسافر الان و سأحاول الدخول للمنتدى من المكان الذى سأتواجد به ان شاء الله

النتيجة هاتعلن امتى

الله يفتح عليك يا احمد بيه بجد كلام جميل وعين العقل وانا وافقت عليه
تسلم يا كبير

مش كده معاد الاستفتاء انتهى
عايزين نعرف النتيجة بقى

قام بالتصويت على اللائحة 29 عضو وافق منهم 28 عضو على اللائحة بنسبة 96 % من المصوتين
و بناء عليه تم فتح باب الترشيح لعضوية مجلس الادارة