ليه ربنا خلقلنا أعمال صغيره جدا بثواب عظيييييم جدا جدا ؟؟!!

بسم الله الرحمن الرحيم
السلام عليكم ورحمة الله وبركاته

كل عام وانتم بخير الايام دى صيام ياريت كلنا نفتكر ونصوم ونفكر اللى حوالينا

عن معاذ بن جبل قال: قال رسول الله : { ألا أخبركم بخير أعمالكم وأزكاها عند مليككم، وأرفعها في درجاتكم، وخير لكم من إنفاق الذهب والفضة، ومن أن تلقوا عدوكم فتضربوا أعناقهم، ويضربوا أعناقكم } قالوا: بلى يا رسول الله. قال: { ذكر الله عز وجل } [رواه أحمد].

يعنى ذكر الله افضل من الصدقة ومن الجهاد فى سبيل الله
رغم صعوبه ومشقة الجهاد والصدقة (جهاد نفسى وبدنى )
ورغم ( بساطة) ذكر الله إلا ان ثوابه أعظم ؟

فية سؤال اكيد خطر على بال كتير مننا
ايه الحكمة ان ربنا يرزقنا عمل بسيط جدا جدا (لكن أجرة عظيم جدا جدا جدا جدا) ؟؟؟


يعنى مثلا
(مع ملحوظة ان الحسنه بعشرة امثالها )
.....

عن عبادة رضي الله عنه قال ..قال رسول الله صلى الله علية وسلم : ( من استغفر للمؤمنين والمؤمنات كتب الله له بكل مؤمن ومؤمنة حسنة ).
........
عن ابن مسعود رضي الله عنه قال : قال رسول الله صلى الله علية وسلم : ( من قرأ حرفا من كتاب الله فله به حسنة والحسنة بعشر أمثالها . لا أقول آلم حرف ولكن ألف حرف ولام حرف وميم حرف ). صحيح الترمذي.
......
عن أبو موسى الأشعري رضي الله عنه قال قال رسول الله صلى الله علية وسلم : ( ألا أدلك على كلمة من كنوز الجنة - أو قال - على كنز من كنوز الجنة؟ فقلت : بلى. فقال: لا حول ولا قوة إلا بالله ). صحيح مسلم.
..........
عتق أربع أنفس: «من قال: من قال: لا إله إلا الله وحده لا شريك له له الملك وله الحمد وهو على كل شيء قدير عشر مرات كان كمن أعتق أربع أنفس من ولد إسماعيل».مسلم
.......
]ترديد الأذان: «من قال مثل ما قال هذا يقيناً دخل الجنة».صحيح النسائي للألباني
...........
صيام ست من شوال: «من صام رمضان وأتبعه ستاً من شوال كان كصوم الدهر».مسلم
.........

الى اخره من الأعمال البسيطة
اولا لازم نحمد ربنا على التيسير الجميل دا
وانه ادانا الفرص السهله دى وثوابها العظيم دا

طيب نيجي للسؤال إيه الحكمه من كدا ؟
الحكم يا سيدي ان الأقوام اللى قبلنا كانت اعمارهم طويله جدا جدا
يعنى متوسط عمر الفرد مننا فى الزمن دا 70 سنه مثلا

لكن قبل زمن الرسول ايام مثلا كانت الأعمار طويلة جدا
عندك مثلا سيدنا ادم كان عنده حوالى 1000 سنه !

عمر سيدنا نوح
(وَلَقَدْ أَرْسَلْنَا نُوحًا إِلَى قَوْمِهِ فَلَبِثَ فِيهِمْ أَلْفَ سَنَةٍ إِلَّا خَمْسِينَ عَامًا فَأَخَذَهُمُ الطُّوفَانُ وَهُمْ ظَالِمُونَ)
كان عنده 950 سنه زى ما مذكور فى الايه ويمكن دا فترة الدعوة فقط كمان

...
فإحنا ربنا قصر فى اعمارنا لكن ادانا اعمال بسيطة ثوابها عظيم مقابل
العمر القصير دا ودى احد الحكم من هذه الأعمال

وجينا لأهم واخر شئ
هو لماذا لا نستغفر ؟؟

مش هقولك بئى يا اخى اتقى الله واذكر الله واعمل الاعمال البسيطة دى
واستفيد بالكنوز ...... الخ

مش هقولك كدا لانك مهما عملت مش هتقدر وهتنفض وتشوف كلامى
وبعد شوية ولا كأنك شوفته !!

السبب ان الكنوز دى (من ذكر وصلاة وصوم وقيام ليل .. )
دى نعم وفضائل ونور من الله ونور الله لا يهدى لعاصى

فأترك الذنوب
اخلص النيه لله ومن جواك قول انا عايز ابقى كويس وعايز اوصل للحاجات دى
وعليك بالدعاء لنفسك وللمسلمين بالهدايه للطريق المستقيم

وإن شاء الله ربنا هيعينك ويكرمك
وأعلم ان مفيش عبد بيريد طاعة ربنا والالتزام الا وربنا بيعينه ويكرمه بيها


انى أحبكم فى الله
السلام عليكم