الموسيقار على كرسى الاعتراف

ما سر تعصب و عصبية و شغب الجمهور الاسماعيلاوى تجاه ناديهم لدرجة تصل للعنف و التخريب
على فكرة انا زملكاوى مش اهلاوى اطمن يعنى قرايب

ما رايك فى ادارة النادى الاسماعيليى؟

كلمنى عن علاقتك بالمهندس على البيك و المعزول طارق يوسف
و ايه حكاية قصص الصيد اللى بينكم
و اذكر رايك فى المعزول طارق يوسف و هل ما نشر بالصحف عنه حقيقة ام بغرض التشهير

ما رايك فى الفساد المنتشر بقطاع الكهرباء و ما اسبابه
هذا السؤال اختيارى حتى لا تتعرض للحرج انا عارف انك سياسى و مش بتحب تزعل حد

ما رايك فى ظاهرة العنف و البلطجة المنتشرة خلال الاونة الاخير و اسبابها و طرق معالجتها

ايه اريك فى اسئلة البعض الاسطمبات اقصد النقولة من مواقع اخرى ( على فكرة انا لا انكر على اى شخص فعل ما يريد ديه حرية شخصية و لكنى بعبر عن راى شخصى ) و ألا تعتقد ان الاسئلة الصادرة فى وقتها تكون من العمق و تؤدى لمزيد من التواصل بينك و بينك الاعضاء و اى الاسئلة تفضل
معلش عارف ان اسئلتى رخمة بس بحب المناقشة و المجادلة اتحملنى هترتاح منى بكرة هانت خلاص

انا هاسالك شوية اسئلة وترد علية بصراحة ومن غير مجاملة
اية رايك فى السهر برة البيت؟
اية رايك فى الرجالة الى بيسهروا برة البيت؟
انت من اى نوع من الرجالة هل بتسهر ام لا؟
ما رايك فى الزوجة المطيعة لزوجها؟
ما رايك فى الزوجة العندية ؟وبصراحة زوجتك من اى نوع؟
هل انت تبدا بالصلح اذا كنت زعلان من حد؟
يا رب يوفقك ويحقق لك كل الى فى بالك

سمسمة كتب:انا هاسالك شوية اسئلة وترد علية بصراحة ومن غير مجاملة
اية رايك فى السهر برة البيت؟
اية رايك فى الرجالة الى بيسهروا برة البيت؟
انت من اى نوع من الرجالة هل بتسهر ام لا؟
ما رايك فى الزوجة المطيعة لزوجها؟
ما رايك فى الزوجة العندية ؟وبصراحة زوجتك من اى نوع؟
هل انت تبدا بالصلح اذا كنت زعلان من حد؟
يا رب يوفقك ويحقق لك كل الى فى بالك

الاسئلة ديه وراها حاجة مش هتدخل فيها يلا رد بقه يا موسيقار لما اشوف هتقول ايه

احمد اسماعيل كتب:اسمح اسأل شوية اسألة تافهة من اللى مش بحبها و لا بيطقها بس اهو حاجة تسليك لان وحش فى الاجابات عامل زى النحلةاللهم صلى على النبى :
ايه رايك فى عمرو دياب و السمكرى قصدى المغنى تامر حستى الشهير بتمورة و هيفاء و اليسا و الاشكال الغريبة ديه

ياباشا أنت أسئلتك عمرها ما كانت تافهه أنت أسئلتك ياباشا تقرير مصير .
عمرو دياب على فكرة من أروع المطربين بجد .
تامر حسني ملحن خياله هايل بس مش بيعجبني كمطرب .
أما هيفاء وإليسا والأشكال دي لا أقتنع بيهم على الاطلاق .
على فكرة أوعى تنسى إن ده رأي عازف أورج سابقاً .

احمد اسماعيل كتب:هل انت واثق من نفسك دائما و اذكر امثل على الثقة ان كانت اجابتك بالايجاب ؟

أنا واثق من نفسي جداً أكبر دليل أما يكون واحد بيحاول يهز ثقتك بنفسك وتوصله إلى أن تهتز ثقته هو بنفسه أنا أجدع واحد يعمل الحركات دي .

الموسيقار كتب:

احمد اسماعيل كتب:هل انت واثق من نفسك دائما و اذكر امثل على الثقة ان كانت اجابتك بالايجاب ؟

أنا واثق من نفسي جداً أكبر دليل أما يكون واحد بيحاول يهز ثقتك بنفسك وتوصله إلى أن تهتز ثقته هو بنفسه أنا أجدع واحد يعمل الحركات دي .

برافوعليك ،، على فكرة انا قاعد وراك بصحح الاجابات براقبك مش نايم مش بقوم غير لما سيادتك بتقوم بعد الفجر
و على فكرة تقريبا حضرتك الوحيد اللى انا متابع اجاباته اول بأول مش بعمل كده مع اى حد
و كل سؤال بسأله بيكوا ليا غرض منه ببقه عايز اعرف حاجات معينة و انا مبسوط انك واثق من نفسك بحب الاسود دايما مش بحب الغزلان

احمد اسماعيل كتب:ما سر تعصب و عصبية و شغب الجمهور الاسماعيلاوى تجاه ناديهم لدرجة تصل للعنف و التخريب
على فكرة انا زملكاوى مش اهلاوى اطمن يعنى قرايب

بسبب الظلم والقهر الواقع على الفريق من اتحاد الكورة والحكام والاعلام وكله بيصب في مصلحة الأهلي .
الذمالك ولاد عمنا ياباشا يعني اللي طايلنا طايلهم .

احمد اسماعيل كتب:ما رايك فى ادارة النادى الاسماعيليى؟

مطالب والتزامات بمبالغ ضخمة + مصادر دخل معدومة + عدم مساندة من أي جهة = إدارة مظلومة .

حضرتك ليه غيرت صورتك من باب التغيير ولا الصورة الاولى لم تعجبك او انتقدها احد المقربين اليك ؟

بما تنصح الاعضاء الذين يكتفون بمجرد اضافة ردود فقط على الموضوعات دون ان يشاركوا بموضوعات تفيد المنتدى

احمد اسماعيل كتب:كلمنى عن علاقتك بالمهندس على البيك

المهندس على البيك أفضل انسان قابلته في حياتي بعيداً عن كونه رئيس قطاع التدريب فهو انسان بكل ما تحمل الكلمة من معاني لو عملت استطلاع رأي عن أبسط انسان شهدته وزارة الكهرباء والطاقة يأخذ المهندس على البيك المركز الأول بلا منازع أنا بمنتهى الأمانه والله أعتبره في مقام والدي لأنه عمل من أجلي كتيييييييييييير يكفيني أني حتى الأن بدلع على حسه في الشركه وخارج الشركه .أنا لو فضلت أكتب عن هذا الرجل العظيم لا يكفيني أوراق وأقلام العالم كله .
ربنا يخليه لينا ويديله الصحة واللهم أجزيه عنا خير الجزاء يارب .

هل تتفق معى ان الكثير من الاعضاء اصابهم كسل غير عادى لدرجة ان منهم من يتواجد بالمنتدى و يستكثر ان يضع حتى مجرد رد على الموضوع ؟ او توجيه شكر بسيط لكاتب الموضوع

ما ردتش ليه على السؤال الخاص بالمعزول طارق يوسف الله لا يرجع ايامه ابداً ( ديه وجهة نظر شخصية و من حقك ان تتفق او تختلف معى )

قم بتشكيل وزارة من اعضاء المنتدى و كلف كل عضو بوزارة معينة مع تعليل سبب تكليفك العضو بهذه الوزارة مش تقولى احمد اسماعيل مثلا يمسك وزارة كذا و خلاص لأ عايز اعرف احمد يمسك وزارة كذا عشان كذا و كذا
اعتقد سؤالى كده واضح يلا شكل وزارتك يا معالى الرئيس

هل تحب القائد صلاح الدين الايوبى و السبب فى حالة الحب او الكره

احمد اسماعيل كتب:و المعزول طارق يوسف و ايه حكاية قصص الصيد اللى بينكم

المهندس طارق يوسف راجل من وجهة نظري محترم وطيب جداً لأني زي ما حضرتك زكرت إن تعاملاتي معاه كانت في هذا النطاق فقط لاغير بعيداً عن أي تعاملات وظيفية وبعدين أنا أعرف المهندس طارق من أيام ما كان مدير إدارة التركيبات الكهربية بمحطة عيون موسى .

عندما تفتح النت اى المواقع تفضل تصفحها يوميا؟

احمد اسماعيل كتب:
و اذكر رايك فى المعزول طارق يوسف و هل ما نشر بالصحف عنه حقيقة ام بغرض التشهير

أنا لا أعتقد أنه حقيقي والله أعلم ربك خلاف الظنون .

طيب ألا تتفق معى ان المهندس طارق يوسف يسمع للاخرين ( بيدى ودنه للناس ) دون تفكير و ان هناك مجموعة معينة هى التى ادت به لهذه النهاية المهينة و سيادتك عارف ان طريقة خروجه كانت سابقة فى تاريخ وزارة الكهرباء لم تحدث من قبل و هل انت راضى عن سياسته فى ادارة الشركة و تركه لبعض بؤر الفساد دون عقاب

من كلامك استشعر انحيازك للمعزول طارق يوسف فما سبب ذلك انحيازك له بهذه الصورة فهل تحكم على الاشخاص بمشاعرك
ملحوظة : مش هنكر انى مش بحبه لسبب واحد لانى مش بحب الرجالة اللى بتدى ودنها للناس دون ان يتأكد من صحة المعلومات الواردة اليه ،، مثلا لو حد جالك و قالك احمد اسماعيل حرامى هتصدقوا على طول دون ان تتحرى الدقة ؟