حامد ابو عقرب على كرسى الاعتراف

احمدعبدالعليم كتب:ما رايك فى التوريث

التوريث مرفوض جدا احنا مش فى مملكة
لو عايزين يعملوها مملكة يقولولنا و يعملوها مش هانعترض

احمدعبدالعليم كتب:ما رايك فى الدكتور البرادعى

عالم مصرى محترم و نفتخر بيه
و الكلام اللى بيقولوه انه عاش عمره بره دى قلة ادب و كلام ناس جهلة
هو اللى اتغرب ده يبقى خاين
يعنى انا بقالى 15 سنة و انا متغرب يبقى يقولو عليا ان ولائى للامارات
و الله لو حد قالهالى اضربه بالجزمة و لو الراجل ده عملها يبقى مية مية و انتخبو رئيس

احمدعبدالعليم كتب:ما رايك فى نقيب المحامين المصرى حمدى خليفة

راجل هايف و حرامى و نصاب
انا من اشد مؤيدى سامح عاشور مش لانه بلدياتى انما لانه فعلا رمز للمحامين و رجل ناجح و لا غبار عليه

احمدعبدالعليم كتب:ما رايك فى نقيب المحامين السابق سامح عاشور

رمز للمحامين و نقيب له ثقله فى الدول العربية و رجل نظيف و طاهر اليد و صاحب انجازات

هيثم جمال كتب:الحقيقة يا استاذ حامد الحمد لله زي ما انا تخيلتك عاوزين منك نشاط اكبر علشان انت دلوقتي قيادة في المنتدى ولو كانت بطريق الصدفة زي ما انت قلت لاني حاسس بانك مفاجأة المنتدى القادمة
وعلى فكرة فيه صعايدة في المنتدى يعني متقلقش من حاجة وهتلاقي المنتدى ده مليح قوي
ربنا يوفقك

يا رب اكون عند حسن ظنك

فوكس كتب:لو اصبحت رئيسا لمصر ما هى اول خمس قرارات ستتخذها ؟
هى دى صورتك الحقيقيه؟
انت موجود فى مصر اجازه ولا انت صفيت شغلك فى الخليج
اولادك فى مدارس دبى ولا هم موجودين مع ناسكم فى سوهاج

انا لسة ما عرفتش اقسم الاجابات ازاى
انا هارد عليهم كده و النهاردة هاتعلم التقسيم انشاءالله

فوكس كتب:لو اصبحت رئيسا لمصر ما هى اول خمس قرارات ستتخذها ؟
هى دى صورتك الحقيقيه؟
انت موجود فى مصر اجازه ولا انت صفيت شغلك فى الخليج
اولادك فى مدارس دبى ولا هم موجودين مع ناسكم فى سوهاج

لو اصبحت رئيسا لمصر
اول قرار آخده هو انهاء معاهدة كامب ديفيد
ثم انهاء اتفاقية الكويز مع اسرائيل و الاردن
ثم وقف تصدير الغاز لاسرائيل
ثم طرد السفير الاسرائيلى و سحب السفير المصرى
ثم وقف تصاريح البناء فى المدن و القرى نهائيا لاجبار المواطنين على التوجه للصحراء و استصلاحها و الاقامة فيها و انشاء مدن جديدة
الصورة دى صورة ابن عمى احمد سعد ابو عقرب عضو مجلس الشعب

الأخ العزيز حامد أبو عقرب يبدولي أنك شخصية ممتعه جداً أتمنالك أسبوع شيق على كرسي المعاناه بالتوفيق ان شاء الله .

خد عندك :
1- ما هي طموحاتك ؟

ما الذي حققته منها والذي لم تحققه ؟

ما الذي تعتقد أنك في طريقك لتحقيقه والذي تعتقد أنه يستحيل تحقيقه ؟

إذا جاء إليك من يطلب فاطمة للزواج وهو من الشباب اللي في أول الطريق وعاجبها هل توافق عليه ولا هاتقول أنا عاوز واحد يعيشها في مستواها ؟
ياريت بلاش دبلوماسيه وخليك واقعي .

هل أنت من مؤيدي تعدد الزوجات أم لا ؟
وإذا حدث وتزوجت على زوجتك تعرفها ولا لاء ؟
رد بصراحه

هل أنت مؤمن بالمشاركه بين الرجل وزوجته وإلى أي مدى ؟

أنت قولت أنك بقالك 15 سنة في الامارات جدولك الزمني لأنهاء أعمالك في الامارات والعودة إلى مصر في خلال كام سنة ؟
ولا مش بتفكر أصلاً ؟

هل تفكر في العمل الخيري ؟

هل تفكر في الأيتام وفقراء المسلمين ؟
وهل مساهماتك تكون مادية فقط أم تكون فعلية أيضاً ؟

ما هو أكثر شئ لو فعلته تشعر برضا الله عليك ؟

من هو أقرب انسان ليك ؟

من الشخص الذي لو بكى يبكيك ؟

من هو مثلك الأعلى وقدوتك في حياتك ؟ ولماذا ؟

رتب الأشخاص الأتية صفاتهم من حيث الأقرب إلى قلبك :
أقاربك .
أصدقائك .
والدك .
أختك .
زوجتك .
أبنائك .
والدتك .
أخوك .

جاوب على دول لحد ما أجيلك تاني .
زي ما أنت شايف أسئلتي كلها سهلة ولذيذة جداً كأنك بتشرب كوباية عصير جوافة يلا أشرب بسرعه .
ههههههه
فرصتي بقى أصلهم بهدلوني أما كنت مكانك يا أستاذ حامد .
بالتوفيق أتمنالك أسبوع مميز .