كونى لزوجك عشيقة تضمنى حبه واخلاصه مدى الحياة

الموضوع ده للمتزوجات فقط ماينفعش للمخطوبات

كان اتقاللى حيث انى على اعتاب الزواج ان الراجل بيحب مراته تكون ائدب واحدة فى الدنيا مع الناس وتكون اصيع واحدة فى الدنيا معاه وده زى ماقلت بالنسبة للمتزوجات اما المخطوبات فخليكى طول مانتى مخطوبه مؤدبه جدا ارسمى دور الادب على الاخر البنت الى بتتكسف من خيالها ومش فاهمة اى حاجة الراجل بيحب مراته تبقى قطة مغمضة وهو الى يفتحلها عينها وبعد الجواز كده بشهر او اتنين افتحى على الرابع

عارفين ايه الفرق بين العشيقة والزوجة ان العشيقة بتتفنن فى طرق امتاعه فهى لما بتحبه وتوافق انها تديله حاجة بتعمل كده من اجل الامتاع فقط وهو كمان وكل تفكيرها بيبقى ازاى تسعدة وخصوصا لو راجل متجوز وبتبقى كمان وده الاكتر هدفها انها تمتع نفسها هى اكتر منه يعنى لو الموضوع مابقاش فيه متعه ليها معندهاش اى مشكله انها تسيبه فهدفها الاول والاخير هو انها تبقى مبسوطة اما الزوجة بيبقى هدفها الاول هو امتاع زوجها ومش مهم هى تبقى مبسوطة وده بيخلى فيه روتين وده الى بيزهق الراجل فيها ايه لو بقينا عشيقات لازواجنا بدل مايدوروا على عشيقات بره

كان فيه مقوله زمان معروفه ان على المرأة ان تكون لزوجها الام والاخت والصديقة والعشيقة والزوجة تبقى لزوجها كل انواع الستات الى ممكن يحتاجهم فى حياته علشان مايحتجش حد غيرها
وهقولكم طريقه يارب تعجبكم اهم حاجة خلى نيتك انك بتعملى كده علشان تعفى زوجك من انه يفكر او يشتهى حتى ولو فى الحلم واحدة غيرك حتى لو هيفاء وهبى هههههه او اى حد فى التلفزيون مايقدرش يطولو مش بس لمجرد الخوف من الخيانة علشان نؤجر ان شاء الله

عاوزاكى كانك عندك انفصام فى الشخصية يعنى تبقى سعات مراته وسعات عشيقته علشان برضوا دور العشيقة ماينفعش يتحرق ويمل منه او تتحول العشيقة لزوجة
مثلا ممكن وده اختيارى حسب شخصية الزوج نبدا الاول نخلق العشيقة ديه يعنى مثلا تبعتيله رساله على موبيله من رقمك عادى مش من رقم مايعرفهوش او تجيبى رقم تانى وتعرفيهوله قبل لما تبدأى فى الدور ده وتبعتيله رساله على موبيله هزار بتناغشيه فيها فى وقت يبقى قاعد فى البيت مشغول عنك تعاكسيه فيها اول يوم وكأنكوا بتتعرفوا وديه اختيارى لو هو هيجاريكى فيها وبعدين تانى يوم تقوليله على انك لسه بتعاكسيه وتختارى اسم دلع لأسمك مش اسم بعيد عنك بس دلع هو مش بيناديكى بيه فى البيت وتقوليله انا عاوزة اشوفك وتقوليله انا هلبس كذا علشان تعرفنى وتقابليه فى كافيه مثلا وتانى يوم تتعاملى عادى مراته العادية وتغيبى يومين كدا هتشوفى فيهم الموضوع عجبه ولا لأ لو بعتلك هو على موبيلك التانى رساله وبعد كدا وديه المهم والفكرة كلها الى ممكن تختصرى كل الحجات الى فوق ديه لو جوزك هيستهيفها ومش هيكمل فيها وتبعتى رساله على موبيله وهو فى الشغل او خارج من رقمك عادى بأسمك عادى وتكونى حجزة مسبقا غرفه فى فندق وتقوليله قابلنى فى فندق كذا ولما يروح هناك يسأل عليكى يطلعوه اودتك وتكونى بعد لما تبعتى الرساله تقفلى موبيلك علشان مايتصلش يزعق ويقولك ايه الى هيوديكى الفندق او ممكن تخديه بالعربيه وتديله منديل او اشارب يغمى عنيه ومتخليهوش يفتح لحد لما توصلوا الاودة بس هتفرجى الناس عليكى ومش عارفه هو ممكن يقفش ولا لأ كل واحدة ادرى بجوزها المهم بعد كده خليكى عشيقه اتعاملى بقله ادب انتى فاهمة اكيد ازاى لأن انا معنديش خبرة بصراحة انا ممكن اخد افكار بس من فيلم او اى موقع واقول وانتو عليكو الباقى.