أحمد يوسف على كرسي الاعتراف

عمرالناظر كتب:

يا استاذ يوسف عايزين نعرفوك واضح ان عنديكو اسرار كتير
ماعايزينش نحسو باننا قفف مافاهمينش حاجة

ماتقولش كده ياباشا الفكرة كلها أن أحمد يوسف ده قناة الكوميديا بتاعتنا كلنا اللي كلنا بنلتف حواليها المشكلة بقى يا عمر باشا أن كل المواقف دي محتاجه أننا نعمل قسم للرجال فقط في المنتدى عشان يوسف يتكلم براحته لأن كل المواضيع دي فضايح بعيد عنك . ههههههههههههههههههههههههه
بص ياباشا أحنا هانتفق مع يوسف أنه يحكي على أد ما تسمحلنا الرقابة والباقي هاحكيهولك على الايميل . هههههههههههههههههههههه
الله يجازيك يا يوسف شكلك هاتحبسنا .

هههههههههههههههههههههههههههههههههههههههههه
والله يا عمر أنت مشكله .

لم ياتي يوسف على من يتعرف عليه الاتصال ب142 انت السبب ف هروبه ياميسقار سلام خاض للاخ عمر الناظر

حبيبي يا ابو حسانين واحشنا يا عم الحج
انت فين يا نجم

الموسيقار كتب:

خد الشوية دول لحد ما أفضالك أتمضمض بيهم
الأمنية اللي تتمناها ؟

هرد علي اخويا محمود
الامنية التي اتمناها :
اللهم اني اسألك رضاك والجنة ... وأعوذ يك من سخطك والنار
اللهم استرنا في الدنيا والاخرة
واتمني اشوف عيالي احسن مني

ما ترد يا عم يوسف أنت فين يا إدارة ؟؟؟

بويوسف الفين حمبله علي السلاكه صدقني افتكرتك بتدور علي جابر حشاش هاهاهاهاها اجيبلك جرسه

اللي يلاقي بو يوسف ليه كرسي وترابزه هديه يله ياعم اصلك غالي قوي

ماشي اسيبكم شويه لان النوم يداعب مقلتي وكنت انوي الاانام حتي ابارز اخونا يوسف ولكن تاتي الرياح

خلص يا Joooooooo

السلام عليكم هل وصل الاستاذ ام مازال يبحث عن جابر

مين موجود الان في المنتدي علشان ستقفل الدفتر

الموسيقار كتب:

أصعب المواقف اللي مريت بها ؟

اصعب المواقف اللي مريت بيها هي :
عندما اكتشفت ان الكلية اللي كنت فيها اربع سنين بس
مع اني بقالي سبع سنين فيها ومش عاوزة تخلص

الموسيقار كتب:

أيه موقفك من الحب ؟؟ وهل جربته ؟؟ هل تأمن بوجوده ؟؟

الحب موجود ...... لكن ليه صور واشكال مختلفة
لكن الحب الذي يكون بين رجل وامرأة تحكمه الغريزة
وانا زي اي حد مررت بتجربة حب بس اتصدمت وما ابشع الاهمال والخيانة

والحب من القلب لا يكون الا مرة واحدة فقط
والباقي احاسيس واهمة مختلطة واحيانا كاذبة

وانا كتبت عن الموضوع دا حتة شعر صغيرة بتقول :

جربت احب بالقلب انكسر
قررت اهرب م الحقيقة وم البشر
قررت احب بعقلي استريح م السفر
لكن لقيت العقل فر
انت يمكن تكتشف سر الحكاية
بس تعرف .....
انت لو حبيت بجد ........ قلبك ينتصر

الموسيقار كتب:

في أي قرار تتخذه هل تحكم عقلك أم قلبك فيه ؟
ومن الأسبق فالتحكيم قلبك أم عقلك ؟؟؟؟؟؟؟؟

في امور الدنيا لابد ان تحكم عقلك
اوعي تاخد قرار لمجرد الاحساس الطيب او السيئ
غالبا قلبك هيخدعك

لكن في امور الدين الاولي والاحسن ان تحكم قلبك
يقول الرسول الكريم (صلي الله عليه وسلم )
" استفت قلبك ولو افتاك الناس " او كما قال

الموسيقار كتب:

هل ندمت فحياتك على شي معيّــن ؟؟؟

ندمت ان انا حبيت ( كلهم زي بعض )(كل النساء سواء)
وندمت ان انا سافرت
وندمت ان انا سافرت وفي حاجات ما عملتهاش
وندمت علي صلوات كتير ضاعت مني
وندمت اني معرفتش مراتي قبل كدا .. قبل ما تضيع مني اجمل لحظات العمر

الموسيقار كتب:

مالفـرق بين الحب والصداقة ؟
وهل يمكن ان يسلكا طرق الغيرة ؟

الصداقة اقوي من الحب
لانها هي التي تخلق الحب

لكن في الحقيقة ( كما قيل ) الصداقة الحقيقية هي ثالث المستحيلات
المستحيلات الثلاثة هي :
( الغول والعنقاء والخل الوفي )

ولازم يكون فيه غيرة لان احنا بشر
الا من عصمه الله

الموسيقار كتب:

من هم الثلاث شخصيات التي أثرت في مسار حياة أحمد يوسف ؟
غيري طبعاً ههههههههههههههه

هناك تاثير سلبي وتاثير ايجابي
واللي اثروا في حياتي سلبيا كتييييييييييير
لكن اللي اثروا ايجابيا عدد قليل جدا ما يحصلش الرقم اللي انت بتقول عليه دة
غيرك طبعا دا انت مدهش .... سبحان مين ابدعك

الموسيقار كتب:

_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..

الخيانة يا سلام ............يا عيني ع الخيانة هو في اروع من كدا
هات لنا اتنين خيانة من غير سلطة طماطم

المرأة : ماشي الحال ... كويسة ... اهم موجودين معانا في الدنيا وخلاص
بينفعوا برضوا ..... واحيانا ليهم فوايد كتيير
وبعدين الرسول وصانا عليهم

النميمة : اسوء شئ .... بس احنا بنستعبط

النفاق : ما حبوش ... يا ساتر يارب ...مع ان احنا متمردغين فيه

معلش علي التاخير والله غصب عني
النت عندي بيستهبل
مع انه عارف اني قاعد غلي كرسي الحما.. ( قصدي كرسي الاعتراف )

القصص جاية ما تخافوش
ومن غير احراج
انتظروني

رائع يا يوسف الله ينور .