امن الدولة في اسرائيل

بسم الله الرحمن الرحيم
-------------------------
بعد حمد الله سبحانه وتعالى على نعمة الإسلام وكفى بها نعمة والصلاة والسلام على نبينا محمد صلى الله عليه وسلم أما بعد فحديثنا اليوم عن حكاية أمن الدولة في اسرائيل حاولت اشوف الفكرة هتتطبق ازاي هناك طب نشوف :
- يقدر وخبر امن دولة اسرائيلي يسئل حاخام ماشي في الشارع عن بطاقته او هو رايح فين لمجردانه متمسك بالزي اليهودي واللي ممكن يزعزع استقرار البلد عندهم مفتكرش .
- طب ممكن ظابط امن دولة اسرائيلي يقبض على واحد اسرائيلي بتهمة انه بيحضر دروس لحاخامات يهود او انه ملتزم زيادة عن اللزوم افتكر مقولة نتن ياهو لما انتخب في المرة السابقة قال للناخبين " الان صوتوا للتلمود " .
- طب ممكن يكون فيه كمين في احد ضواحي تل ابيب وينزلوا يهودي "متدين" عندهم من العربية الميكروباص علشان شكله مربي دقنه وشكله من الجماعات الدينية في اسرائيل .
- طب ممكن حاخام في اسرائيل يدخل على ظابط امن دولة في اسرائيل ويقوله شالوم يا حبيبي والظابط مش يرد عليه .
- طب هو فيه في امن الدولة في اسرائيل واحد اسمه "فرج" .
- طب امن الدولة في اسرائيل بيحمي الدولة من الاعداء ولا من الناس اللي ضد النظام الحاكم .
- طب ممكن يا خدوا واحد اسرائيلي ويعذبوه تحت الارض علشان خوفاًمن قلب نظام الحكم في اسرائيل .
- طب هو عندهم البني آدم اليهودي رخيص ولا غالي .
- طب لما يسجنوه يخلوا كل وسائل معيشته في مكان واحد من نوم واكل وتغوط .
- طب لما يتزنقوا في مجرم فار من قضية عندهم يعملوا ايه يسدوها بحد تاني والسلام ولا يكفوا على الخبر مجور .
- طب تقاريرهم كلها بتطلع ازاي كله تمام وكل شيء تحت السيطرة ولا ايه .
- طب هم شعارهم ايه .
- طب هم في قرارة نفسهم بيشعروا انهم على ولا على باطل .
- طب هم فعلاً اسم على مسمى .
بقول ايه الفكرة مشواكله مع الرجالة هناك راحوا خدوا بعضهم ولموا العزال بتاعهم وقفلوا مكتبهم ورجعوا من حيث أتوا وقالوا ده مفيش عيش لينا في البلد دي مقرروا انهم يرجعوا لبلدهم تاني حضنهم الدافي هه اللي مهما بعدوا عنها بتناديهم اصل طالبه القرب بس عيالها مش طالبين ولا حابين وبيقولوا يا حيطة دارينا ماشي .
سلام عليكم

تقريبا فى فرج فى امن الدولة الاسرائيلية

زهرة كتب:

واحشنا كتير كتير كتير يا استاذة فين طلتك مطلوبة تزاجدك الكريم معنا وشرف عظيم لي تعليقك على موضوعي

لا تعليق
قولت لك قبل كده خسارة انك دافن نفسك خليك كده بتكتب فى السر بس
يا باشا كتاباتك كلها اسقاطات و معانى بين السطور
اسمع كلامى مش هتخسر و انت فاكر امن الدولة " اللى فى اسرائيل " طبعا مستنيين كتابات هيثم بيه جمال يا عم امن الدولة " اللى فى اسرائيل " مشغولين بإنتخابات الكنيست اليومين دول عشان يزوروها

اسمع كلامى و اتكل على الله

و الله يا ابو جمال انت مش ناوى تجيبها لبر
شكلك كده هاتحتاج محامى قريب

انا محامي يا ابن عمي والبلد بخير على فكرة

قمه الانسانيه تمارسها اسرائيل بعدم الضغط ولا ضرب ولا حتي شتيمه حسبنا الله ونعم الوكيل 00 اللهم اهلك الظالمين بالظالمين واخرجنا منهم امنين امين يارب العالمين

انا عارف مدى بشاعة العدوان الإسرائيلي على الأرض المحتلة فلسطين