اقتراح بتعديل شروط الانتخابات داخل المنتدى

السادة اعضاء مجلس الادارة الموقرين

بمناسبة انتخابات مجلس الادارة اللى قربت جدا فوجئت ان فى مجلس ادارة المنتدى عضو اسمه حامد ابو عقرب مفيش حد يعرفه و لا هو بيدخل اصلا و نجح لانه هو الوحيد اللى ترشح و كانت الشروط تنطبق عليه
و بسؤالى عن الشروط عرفت ان المجلس فيه كوتة للقانونيين تمكنهم من دخول الانتخابات و تحافظ لهم على مقعدين فى المجلس على الاقل
و طبعا الكوتة دى ما اضافتش للمنتدى اطلاقا بالعكس انا شايف ان المنتديات القانونية الاقبال عليها ضعيف جدا و يكاد يكون مفيش مواضيع بتنزل فيها
انا اقترح اتخاذ الاجراءات القانونية لالغاء كوتة القانونيين فى المجلس و تخلى الترشيح لاى مقعد بشرط العضوية بس و اعضاء مجلس الادارة يبقوا مسئولين عن المنتدى بشكل عام و اذا كان فيه تكليف بادارة جزء معين يكون من داخل المجلس نفسه
اما الاشراف المباشر عن المنتديات فده يكون بتعيين مشرف عام مثلا
الاقتراح التانى بزيادة عدد اعضاء مجلس الادارة لامكانية السيطرة على نشاطات المنتدى
و اقترح ان يكون مجلس الادارة بتشكيله الحالى
رئيس و نائب و مدير عام و 8 اعضاء
و ده للتفاعل اكثر بين الاعضاء و لكن العضو اللى مايحضرش زى الاخ ابو عقرب و ما يدخلش المنتدى لمدة شهر مثلا يتم فصله من مجلس الادارة و تعيين بديلا له مباشرة
اتمنى دراسة اقتراحاتى و عمل اللازم من الناحية القانونية

اولا حلوة الكوتة دى .. عجبتنى
بس يا باشا انت كده بتطالب بتعديل اللائحةو ده معناهعرض التعديل على الجمعية العمومية يعنى الاستفتاء على التعديل
بس بصراحة انا شخصيا مش موافق على زيادة عدد اعضاء المجلس لــ 8 اعضاء غير الرئيس و النائب و المدير العام لان الحكاية هاتكتر قوى
لكن مبرراتك لمسألة تغيير شروط الترشيح دى فعلا مبررات منطقية جدا
نحب نسمع اراء السادة الاعضاء و وجهة نظرهم و سيم عرض الامر على مجلس الادارة طبعا
و نشكرك على اقتراحاتك التى تمتلئ حبا و خوفا على المنتدى الذى يعتبر بالفعل مكاننا جميعا

اقتراح هايل
ومحل تقدير
.
.
.
.
.

يعني ايه كوتة
دي غير اللي احنا بنطفحها

أنا عن نفسي موافق على الاقتراحين والاتنين أجمل من بعض
أحييك على أفكارك البناءه

تم التنفيذ

هو ده اللى اتعمل يا موسيقار
الاعضاء برضه من حقهم يقولوا رايهم طبعا

اوافق على هذه الاقتراحات و اتمنى تنفيذها باقرب وقت
لكن لى سؤال
الانتخابات القادمة راح تكون باى وقت ؟

يعنى الاقتراح ده كله علشان حامد ابو عقرب
لو كنت سألتنى كنت وفرت عليك و قلتلك مش داخل خالص الانتخابات
و عموما انا موافق على الاقتراح جدا

الموضوع خرج من أيدك دي وبقى في أيدك دي
ههههههههههههههههه