رد: yousseffayid على كرسى الاعتراف

من طرف الزوء الأحد يناير 23, 2011 6:38 pm

ياريت تحكلنا موقف حدث لك ولن تنساه طوال حياتك

من طرف الزوء الأحد يناير 23, 2011 6:40 pm

عايزين نعرف قصه حب حدثت لك قبل الزواج وظلت تاركه اثر عليك فتره طويله وكم مراه فى حياتك حبيت حب حقيقى

من طرف سعدالناظر الأحد يناير 23, 2011 9:56 pm

الشعر المكتوب ده تاليف مين
و مين الزهراء

حدثنا عن رحله الحزب الوطني المتجهه الي شمال سيناء
ومفارقاتها من لحظه انتظاركم الاتوبيس في الحديقه

من طرف الموسيقار الإثنين يناير 24, 2011 12:05 am

yousseffayid كتب:
الموسيقار كتب:
[size=21]عضو داخل مزاجك ... ( )

الموسيقار

merci يا جوووووووووو

من طرف الموسيقار الإثنين يناير 24, 2011 12:10 am

yousseffayid كتب:
الموسيقار كتب:

عضو نفسك تعرف معنى اسمه ... ( )

farouksi

أقولك أنا الاسم ده معناه أيه
معناه farouk Saadon Ibrahem يعني فاروق سعدون إبراهيم
والله أعلم

من طرف **yousseffayid** الإثنين يناير 24, 2011 2:02 pm

الزوء كتب:ياريت تحكلنا موقف حدث لك ولن تنساه طوال حياتك

في الكلية
وكنت هناك بظروفها
والعيال قالولي ان في ( سيكشن) وامتحان عملي
في مادة ما
والمادة دي انا ما اعرفش عنها حاجة
ولا عمري حضرت فيها اي محاضرة او سيكشن
المهم
دخلت...
وزعوا ورق...
وارقام...
وقفت قدام التجربة بتاعتي ...
اللي اول مرة اشوفها
المفروض اني اشتغل التجربة واكتب في الشيت
فضلت واقف زي البجم
جه واحد محترم وقالي :
هه... اية الاخبار ؟ كله تمام ؟
قلت : تمام .. ميت فل و17
قال : هو انت معانا هنا ؟
قلت : طبعا
قال : وايه اخبار المادة دي ؟ صعبة مش كدا ؟
قلت : جدا ... دي مادة زي الزفت
قال : ليه بس ؟ في حاجة واقفة معاك ؟ قولهالي كدا في الخباثة
قلت : كل حاجة
قال : هو الدكتور مش شرحها
قلت : دكتور مين يا عم ! هو احنا كنا بنفهم حاجة
احن ممكن نفهم من حضرتك مثلا ... او اي معيد تاني
قال : انت مش عارفني ؟
قلت : مش واخد بالي من حضرتك والله
قال : مش انت كنت بتحضر المحاضرات
قلت : كلها طبعا ... والسكاشن كمان
قال : يعني ماتعرفنيش
قلت : ماحصليش الشرف والله

راح متدور ومزعق بصوت فظيع وقال :
قولولو انا مين ... البيه مش عارفني
انا الدكتور يا حيوان
امشي اطلع برة يا فاشل

رحت طالع
وكان منظري under wear خالص

من طرف **yousseffayid** الإثنين يناير 24, 2011 2:10 pm

الزوء كتب:عايزين نعرف قصه حب حدثت لك قبل الزواج وظلت تاركه اثر عليك فتره طويله وكم مراه فى حياتك حبيت حب حقيقى

جري ايه يا زوء
هو انت ما شفتش الردود بتاعتي

انا قلت عن الحكاية دي
وما احبش افتكرها كتير

ومع ذلك انا حبيت حب حقيقي
مرة واحدة بس
قصة حب ( احمد والزهراء)

من طرف **yousseffayid** الإثنين يناير 24, 2011 2:15 pm

سعدالناظر كتب:
.

يسعدني تشريفك يا سعد باشا
واشكرك علي مشاركتك

من طرف **yousseffayid** الإثنين يناير 24, 2011 2:20 pm

سعدالناظر كتب:
الشعر المكتوب ده تاليف مين

ان كنت تقصد الشعر المكتوب في ردودي علي كرسي الاعتراف
فهو من تأليفي

من طرف **yousseffayid** الإثنين يناير 24, 2011 2:23 pm

سعدالناظر كتب:

و مين الزهراء

الزهراء هي عضوة عندنا هنا في المنتدي

من طرف **yousseffayid** الإثنين يناير 24, 2011 2:26 pm

الموسيقار كتب:
yousseffayid كتب:
الموسيقار كتب:
[size=21]عضو داخل مزاجك ... ( )

الموسيقار
merci يا جوووووووووو

هااااجة هلوة هالص

من طرف الموسيقار الإثنين يناير 24, 2011 2:41 pm

yousseffayid كتب:
سعدالناظر كتب:

و مين الزهراء

الزهراء هي عضوة عندنا هنا في المنتدي

يعني هي عضوه في المنتدى ................ وبس ؟؟!!

من طرف **yousseffayid** الإثنين يناير 24, 2011 2:45 pm

احمد حسانين الناظر كتب:حدثنا عن رحله الحزب الوطني المتجهه الي شمال سيناء

كنا زمان ايام الفضا
نطلع معسكرات ورحلات تبع الحزب الوطني
هيييييييه............. دنياااااااااااااا
فين ايام الحزب الوطني
كان مروق الشباب
دلوقتي مافيش غير ( الكوتة )
............

وفي احدي المرات كنا رايحين معسكر ترفيهي
في مدينة الشيخ زويد
بعد العريش وقبل رفح بحوالي 15 كيلو
..........
ذهبنا صباحا الي مقر الحزب بالاسماعيلية
ومعنا الشنط وعدة الشغل
وجلسنا في حديقة امام الحزب ننتظر الاوتوبيس
والباقي .......... انتظروني
....

من طرف **yousseffayid** الإثنين يناير 24, 2011 3:39 pm

احمد حسانين الناظر كتب:
ومفارقاتها من لحظه انتظاركم الاتوبيس في الحديقه

بينما احنا قاعدين
جه واحد (يرتدي ) موتوسيكل جاوا
عرفنا بعد كدا ان اسمه المعلم ابراهيم
وكان معاه تابعه الامين المعلم سيد
والاتنين شكلهم " استغفر الله العظيم "
ــــــــــــــــــــ
ابراهيم دا يشبه الي حد كبير
الممثل / محمود فرج
( مجانص ـــ او حنضلة < الا تستحم يا رجل > )
ـــــــــــــــــــــــــ

ووقفوا قدامنا بالموتوسيكل
وقال ابراهيم بصوت حقير :
انتو قاعدين كدا ليه يا شباب ؟

فرد واحد مننا : احنا مستنيين الاوتوبيس . عشان رايحين رحلة

قال ابراهيم : رحلة ؟؟؟ ... حلوة الحكاية دي يا سيد

سيد قال : والرحلة دي فين ؟؟ ... انتوا رايحيين السندباد ؟؟
(السندباد ــ مدينة ملاهي عند مدخل القاهرة ــ وهي ملاهي علي قد حالها
للطبقة البرجوازية الكادحة )

انا قلت : ههههههههه سندباد ايه يا عم .. هو احنا تلامذة
احنا رايحيين الشيخ زويد

رد ابراهيم : مية مية الشيخ زويد دي
ماتيجي نورح ياد يا سيد ؟؟
سيد قال : نروح با معلم
( ابراهيم كان بيشتغل مقاول خرسانة )
ابراهيم قال : ودي تبع ايه ؟؟
رد واحد : دي تبع الحزب بندفع عشرة جنية ونسجل اسامينا

ابراهيم : ماشي خش ادفع يا سيد
رد واحد : ماينفعش دلوقتي الاسامي متسجلة من زمان خليكو للرحلة الجاية
ابراهيم : يعني ايه ما ينفعش ياد ؟؟ .. دا انا المعلم براهيم
روح يا سيد ودي الموتو سيكل وهات مصطفي والشنط وتعالي
(مصطفي دا التالت بتاعهم )

وفعلا سافروا معانا معرفش ازاي

وهناك سيطر المعلم ابراهيم واعونه علي المعسكر
( المعسكر بيضم ناس من جميع المحافظات )

وجابلو خرزانة وصفارة
واتصاحب علي المشرفين
وبقي مشرف معاهم
وكل يوم يصحي الناس الساعة 7 الصبح
ولو ما صحيوش يفتح الخيمة
وينزل بالخرزانة علي رجليهم

وينزلو ع الطابور وتمارين وتحية العلم وكدا
واحنا بتوع اسماعيلية نصحي براحتنا
ومأنتخين ونروح الحمام والفوط علي كتافنا
وحاجة مسخرة خالص

بس ومشي المعسكر علي كدا
تحت سيطرة المعلم براهيم
الله يمسيه بالخير

من طرف **yousseffayid** الإثنين يناير 24, 2011 3:45 pm

الموسيقار كتب:
yousseffayid كتب:
سعدالناظر كتب:

و مين الزهراء

الزهراء هي عضوة عندنا هنا في المنتدي

يعني هي عضوه في المنتدى ................ وبس ؟؟!!

لا طبعا عضوة في منتديات تانية

من طرف الموسيقار الإثنين يناير 24, 2011 4:05 pm

هههههههههههههههههههههههههههههههه
ماشي هانعديها المره دي
ما تتأخرش انهارده

من طرف هيثم جمال الثلاثاء يناير 25, 2011 7:11 am

المجاملة في اجاباتك موجودة ولا لأ ؟
ولو موجودة كام في المية ؟
ولما تكون متضايق تروح لمين ؟
اصحابك دول بتحبهم علشان يأنسوا وحدتك ولا هم فعلاً اصدقاء العمر ؟
الفرح عندك نسته قد ايه والشجن برضه ؟
الانتخابات تصويتك فيها هيكون مجاملة لحد ولا بجد ؟
موضوع الانتخابات انت مقتنع بيه ولا انت شايفه مجرد فكاهة ؟
بتهرب من المسئولية اللي عليك بايه ؟
المنتدى بمثل ليك مجرد فرفشة ولا ايه ؟
الجدية في حياتك ترتيبها الكام ؟
اسيبك لمين تقولها لمين ؟
خلوا عيونكم عليها لمين برضه ؟
مــــــــصــــــــــــر بتحبها ولا قارفان منها وبتعتبرها امك ولا مراة ابوك ؟
لو جت فرصة للمظاهرات علشات تاخد حقك هتعمل ايه ؟
ساكت ليه تقولها لنفسك امتى ؟
اديني فرصة تقولها لمين ؟
انت شخص واقعي ولا حد أخر حاجة ؟

من طرف **yousseffayid** الثلاثاء يناير 25, 2011 10:09 am

هيثم جمال كتب: ؟

كل الشكر للرائع المتميز
ابو الهياثم
وكل الشكر علي اسئلتك القيمة

من طرف **yousseffayid** الثلاثاء يناير 25, 2011 10:18 am

هيثم جمال كتب:المجاملة في اجاباتك موجودة ولا لأ ؟

يا هيثم بيه
المجاملة موجودة مش في اجاباتي فقط
دي موجودة في كل مناحي الحياة
والمجاملة اسلوب من اساليب التواصل الاجتماعي
تتولد تبعا لمواقف حياتية
قد تضطر اليها لدعم او تأكيد او تسييس حالة اجتماعية

من طرف **yousseffayid** الثلاثاء يناير 25, 2011 10:21 am

هيثم جمال كتب: ؟
ولو موجودة كام في المية ؟

حوالي 10 %

من طرف عمرالناظر الثلاثاء يناير 25, 2011 10:21 am

ليه اخترت النزول فى قائمة فايد و ما اخترت تنزل مستقل من غير التقيد بقائمة
و ايه الدائرة التى هاترشح نفسيك عليها
و هل لو اتعرض عليك تنضم لقائمة تانية ممكن تنضم

من طرف **yousseffayid** الثلاثاء يناير 25, 2011 10:24 am

هيثم جمال كتب: ؟

ولما تكون متضايق تروح لمين ؟

اروح لاخويا وصديقي
احمد علي

من طرف **yousseffayid** الثلاثاء يناير 25, 2011 10:30 am

هيثم جمال كتب:؟

اصحابك دول بتحبهم علشان يأنسوا وحدتك ولا هم فعلاً اصدقاء العمر ؟

اصحابي طبعا بحبهم
والصديق من صدقك
وهما في الحالتين معايا
أأنس بهم ويأنسوا بي

من طرف **yousseffayid** الثلاثاء يناير 25, 2011 10:35 am

هيثم جمال كتب: ؟

الفرح عندك نسته قد ايه والشجن برضه ؟

نسبة الفرح في حياتي 40 %
اما الشجن.............