رد: احمد بدوى على كرسى الاعتراف

من طرف احمدالناظر الإثنين مايو 31, 2010 8:24 pm

استاذنا الفاضل احمد بدوى
اولا : بالطبع لا يصح ان ينسب الفضل الا لاهله و انت اهل هذا الفضل
ثانيا : اشكرك على البرنامج الذى وضعته للاخ عماد و لو التزمنا بهذا الكلام جميعا و ليس عماد القاضى فقط سيكون التعامل بين الجميع مثالى
ملحوظة اخيرة :
اخونا احمد عبد العليم نزل ثلاث مواضيع مثبتة على المنتدى العام تتضمن تقديم طلبات الالتحاق بالوظائف و الفرص التى طرحتها سيادتكم
نرجو من سيادتكم متابعته و التنسيق مع ادارة المنتدى
اتمنى ان القاك استاذ احمد و ساسعى لمقابلتك فور عودتى الى الاسماعيلية

من طرف عمادقدرى الإثنين مايو 31, 2010 8:41 pm

انا يا اساتذنا عايز اوضح حاجة ممكن تكون خافية عليكم
انا طبعا لم اقصد اساءة لال الناظر فهم اشخاص محترمين
ثانيا بالنسبة للحاج حماد موسى
انا و الله ما فى علاقة بينى و بينه
انما انا عاشق للاسماعيلى و شايف ان فيه بعض اعداء النادى عايزين يقودوا الاسماعيلى ناحية التدمير
انا اللى شايفه ان المجلس الحالى عامل انجازات و خلانا قربنا من البطولة
و انا دفاعى عن المجلس ككيان مش حماد موسى او غيره
و لما دخل استاذ احمد بدوى ما لقيتش سؤال اسئله غير عن الموضوع ده لانه كان فى المناظرة ما عرفتش اسئله
و عموما انا معاكم ان شاء الله مش عايز حد يتضايق منى و لا انا ازعل من حد خصوصا ان اساتذتنا أل الناظر اللى كانوا بيتخانقوا معايا قالوا احنا بنقعد للترفيه مش خناقة

من طرف lawyer الإثنين مايو 31, 2010 8:43 pm

سؤال هام جدالو في حد طلب منك تغيير مبادئك او بمعني اخر لو حد طلب منك تغيير رايك اللي انت راضي عليه برأي اخر انت مش راضي عليه هتعمل ايه

من طرف احمدالناظر الإثنين مايو 31, 2010 9:14 pm

عمادالقاضى كتب:انا يا اخواتنا عايز اوضح حاجة ممكن تكون خافية عليكم
انا طبعا لم اقصد اساءة لال الناظر فهم اشخاص محترمين
ثانيا بالنسبة للحاج حماد موسى
انا و الله ما فى علاقة بينى و بينه
انما انا عاشق للاسماعيلى و شايف ان فيه بعض اعداء النادى عايزين يقودوا الاسماعيلى ناحية التدمير
انا اللى شايفه ان المجلس الحالى عامل انجازات و خلانا قربنا من البطولة
و انا دفاعى عن المجلس ككيان مش حماد موسى او غيره
و لما دخل استاذ احمد بدوى ما لقيتش سؤال اسئله غير عن الموضوع ده لانه كان فى المناظرة ما عرفتش اسئله
و عموما انا معاكم ان شاء الله مش عايز حد يتضايق منى و لا انا ازعل من حد خصوصا ان اخواتنا أل الناظر اللى كانوا بيتخانقوا معايا قالوا احنا بنقعد للترفيه مش خناقة

عموما يا اخ عماد احنا هانعتبر دى صفحة جديدة

احمد بدوى على كرسى الاعتراف - صفحة 4 1

و يا ريت تبعد عن الحاجت اللى ممكن تعمل خلاف لا قيمة له و نضع ايدينا فى ايد بعضنا

احمد بدوى على كرسى الاعتراف - صفحة 4 Shakehands-saidaonline

من طرف عمادقدرى الإثنين مايو 31, 2010 9:44 pm

استاذنا admin

انا اقصد باخواتنا يعنى اشقائنا و اذا كانت اخواتنا مش عاجباك زى ما حسيت من رسالتك

يبقى يا ريت نستبدلها باساتذتنا

من طرف حمدى السنوسى الإثنين مايو 31, 2010 11:10 pm

ايه يا استاذ بدوى انت خايف تجاوب على سؤالى و لا ايه

انت راجل محامى و المحامى دائما حر و لا يخاف

قولى رايك بصراحة فى الرئيس مبارك و التوريث

و الاخوان المسلمين و الاحزاب و البرادعى و ايمن نور و حركة كفاية
و يا ريت تجاوب بصراحة

من طرف زهرة الإثنين مايو 31, 2010 11:35 pm

الاستاذ سنوسى دخلك فى حارة سد

و انا بقى علشان اسخن الموضوع

عايزاك تجاوبنى

تعمل ايه لو بقيت رئيس جمهورية بكرة

و ايه فى المواضيع الاتية هاتاخد فيه قرار سريع ( و ايه هو القرار ) و ايه اللى هاتأجله

اولا بالنسبة للشئون الخارجية :

العلاقات المصرية الامريكية - العلاقات المصرية الاسرائيلية - العلاقات المصرية الاسرائيلية - العلاقات المصرية العربية - العلاقات المصرية الافريقية - اتفاقيات الغاز مع اسرائيل - ازمة نهر النيل - ازمة المياه فى المنطقة - ازمة غزة و القدس - الاتفاقيات الدولية التى تمنع التسلح النووى على العرب و تبيحه لاسرائيل

ثانيا بالنسبة للشئون الداخلية :

الاخوان المسلمون - المعارضة - تداول السلطة - دعم السلع التموينية - دعم الطاقة الغاز و البنزين و السولار - ازمة الخبز - ازمة البطالة - ضبط الاسواق - و تعديلات القوانين التفصيل - الاحزاب

ياريت ما تسيبش نقطة الا لما ترد عليها

من طرف أحمد بدوى الثلاثاء يونيو 01, 2010 7:33 am

من طرف [ندعوك للتسجيل في المنتدى أو التعريف بنفسك لمعاينة هذا الرابط] أمس في 10:17 pm

مارايك فى الاخوان المسلمين
وهل لو وصلوا للسلطه ستكون افضل ام لا
وما رايك فى الدكتور محمد البرادعى
وما رايك فى الحمله الموجوده له على الشبكه العنكبوتيه
ومن تتوقع ان يكون رئيس جمهوريه مصر فى الانتخابات القادمه
أخى الفاضل فوكس إنتة عايز تحبسنا لاكن هجوبك لأنك أخ حبيب مهما كلفنى الأمر 0
أولا : أنا ما بحب الإخوان المسلمين وذلك رغم إحترامى الغير عادى لهم لتنظيمهم أمورهم ولدقة إختيار وتنظيم طموحهم ولأنهم مقهورين وهو ما يجعلنى أميل لهم إحتراما لقهرهم المستمر 00000 إلا أننى ورغم كل ذلك لا يمكن أن أحب هؤلاء الأشخاص وذلك 00000 لأننى لا أحترم من يتاجر بإسم الدين 0000 فأهل الدين ليس لهم إلا المساجد وتعليم الناس أمور دينهم وأخرتهم 00000 هذا بالإضافة إلى أننى لاطالما تقابلت معهم بمعارك إنتخابية ورأيت أن كل شىء متاح لهم ودون أى حد وهو ما يؤكد بالنسبة لى أن منهجهم ما هو إلا غطاء لأهدافهم 0
أما بالنسبة لمحمد البرادعى بل الكافة بما فيهم الرأيس الحالى 000000 فلا يصلح منهم أحد جميعا وذلك للأسباب الأتية 00000 وببساطة هل شاهدت يا أخى الفاضل برنامج واحد من الناس الذى يقدمة عمرو بهذا بهذا البرنامج وهو ما يؤكد أن جميعهم يتكالبوا على اللهث وراء الكرسى وليس صالح الناس 00000 أما توقعى للرئيس القادم 0000 يا أخى الفاضل كل ما يحدث ما هو إلا مسلسل هزلى وبكل أسف الرأيس القادم هو جمـــــــــال الليسى 0000 فكل هؤلاء لم يذهب منهم أحد بفكرة أو توجهة أو بنفسة لحل الكوارث التى نراها

من طرف احمالصافى الثلاثاء يونيو 01, 2010 9:31 am

انا شايف ان الاستاذ احمد بيخالف قوانين اللعبة و بينقى الاسئلة اللى يرد عليها و فى اسئلة تانية ما بيجيش ناحيتها
و الاسئلة اللى بيجاوب عليها دائما هى اسئلة صحابه فهل ده يعد عدم احترام للى ما تعرفهمش و لا ايه ! ! ! !
و عايزك تقولى رايك فى النادى الاهلى و اتحاد الكرة و الاعلام الرياضى و شوبير و مرتضى منصور و علاء صادق و مدحت شلبى و محمد نصر و خالد الغندور
يا ريت ترد عليا و ما تعاملنيش زى الزملاء اللى سئلوا قبل كده

من طرف أحمد بغدادى الثلاثاء يونيو 01, 2010 4:04 pm

الأستاذ/ بدوى
متى يكون البكاء هو ملاذ الإنسان ؟
وما هو الذى يبكيك ؟
و متى بكى أحمد بدوى ؟

ما شاء الله الاسئلة بدات تشد و بقى فى اسئلة هادفة و متميزة و تكشف عن شخصية الاستاذ احمد بدوى و سلوكه و افكاره و انتمائاته السياسية

ان شاء الله الاستاذ احمد هايجاوب على اللاسئلة كلها و هو مش من عادته الخوف اساسا و لما تعرفوه اكتر هاتعرفوا كده كويس

من طرف فوكس الثلاثاء يونيو 01, 2010 5:27 pm

زهرة كتب:الاستاذ سنوسى دخلك فى حارة سد

و انا بقى علشان اسخن الموضوع

عايزاك تجاوبنى

تعمل ايه لو بقيت رئيس جمهورية بكرة

و ايه فى المواضيع الاتية هاتاخد فيه قرار سريع ( و ايه هو القرار ) و ايه اللى هاتأجله

اولا بالنسبة للشئون الخارجية :

العلاقات المصرية الامريكية - العلاقات المصرية الاسرائيلية - العلاقات المصرية الاسرائيلية - العلاقات المصرية العربية - العلاقات المصرية الافريقية - اتفاقيات الغاز مع اسرائيل - ازمة نهر النيل - ازمة المياه فى المنطقة - ازمة غزة و القدس - الاتفاقيات الدولية التى تمنع التسلح النووى على العرب و تبيحه لاسرائيل
حضر الشنطه يا احمد بيه وسلم على ابنك وبعد كده جاوب على سؤال زهره سوهاج النديه

ثانيا بالنسبة للشئون الداخلية :

الاخوان المسلمون - المعارضة - تداول السلطة - دعم السلع التموينية - دعم الطاقة الغاز و البنزين و السولار - ازمة الخبز - ازمة البطالة - ضبط الاسواق - و تعديلات القوانين التفصيل - الاحزاب

ياريت ما تسيبش نقطة الا لما ترد عليها

من طرف أحمد بدوى الثلاثاء يونيو 01, 2010 9:35 pm

من طرف [ندعوك للتسجيل في المنتدى أو التعريف بنفسك لمعاينة هذا الرابط] أمس في 10:43 pm

سؤال هام جدالو في حد طلب منك تغيير مبادئك او بمعني اخر لو حد طلب منك تغيير رايك اللي انت راضي عليه برأي اخر انت مش راضي عليه هتعمل ايه
يا أخى الفاضل لو إجتمعت الدنيا لتغير موقف لى أن مؤمن بة فبربى لن يحدث أبدا0

من طرف أحمد بدوى الثلاثاء يونيو 01, 2010 9:44 pm

يا إخوتى الأفاضل بربى لا يوجد سؤال أتعمد عدم الرد علية وفية أسئلة بلاقيها فى صفحات كنت قرئتها قبل سابق ودى مشكلة مش عندى وممكن أتأخر فى الرد عشان ظروف العمل ومع ذلك أعتذر إذا كنت قد أهدرت سؤال من الأسئلة 0000000 وما فات دون إجابة سوف أبحث عنة بالصفحات 0

من طرف أحمد بدوى الثلاثاء يونيو 01, 2010 9:55 pm

من طرف [ندعوك للتسجيل في المنتدى أو التعريف بنفسك لمعاينة هذا الرابط] اليوم في 1:10 am

ايه يا استاذ بدوى انت خايف تجاوب على سؤالى و لا ايه

انت راجل محامى و المحامى دائما حر و لا يخاف

قولى رايك بصراحة فى الرئيس مبارك و التوريث

و الاخوان المسلمين و الاحزاب و البرادعى و ايمن نور و حركة كفاية
و يا ريت تجاوب بصراحة

أخى السنوسى أنا عملت لك حاجة يا أخى 00000

ومع ذلك 0000

الرئيس مبارك هو من أدى بالبلد إلى ماهى علية 000 إلا أنة لاطلما أتخذ قرارات كتير جيدة وحكيمة لاكن حرام الشأن الداخلى وأشعر أن الأمور تهتز من بين يدية الأن وبسبب رغبتة فى التوريث فيتنازل للأخرين عن العديد من الأمور لتسير مغزاة 0

أما الإخوان المسلمين فهم من يتاجر بالدين ولهم كل الحق من وجهة نظرهم فى إتخاذ أى مسلك لتحقيق غاياتهم مهما كان هذة المسلك 0000 وفى الخفاء أما فى الظاهر قال الله وقال الرسول 0

أما الأحزاب وحركة كفاية فهم كومبار المسرحية ولا عزاء 0

أما أيمن نور ورقة محروقة لا طعم لا شكل لا ريحة لا لون وفاقد السيطرة على أسرتة فهل يستطيع حماية شعب ولم يستطيع حماية نفسة 00000 أتصور لألألألألألألألأ طبعا 0

أما البردعى فهو المحلل الذى يظهر على المسرح الأن لتثبيت الشرعية الزائفة أمام الشعب 0

أما التوريث فبكل أسف هو قادم قادم لا محالة وخاصتا مع شعبنا المسالم الذى يرهب البدلة الميرى 0

وأتمنى أن أكون مخطىء فى رأى 0

من طرف أحمد بدوى الأربعاء يونيو 02, 2010 10:22 am

من طرف [ندعوك للتسجيل في المنتدى أو التعريف بنفسك لمعاينة هذا الرابط] أمس في 1:35 am

الاستاذ سنوسى دخلك فى حارة سد

و انا بقى علشان اسخن الموضوع

عايزاك تجاوبنى

تعمل ايه لو بقيت رئيس جمهورية بكرة

و ايه فى المواضيع الاتية هاتاخد فيه قرار سريع ( و ايه هو القرار ) و ايه اللى هاتأجله

اولا بالنسبة للشئون الخارجية :

العلاقات المصرية الامريكية (الإهتمام بهذة العلاقة وتوطيدها بكرامة 0000و البحث عن دولة عظمى أخرى لتوازن القوى ) - العلاقات المصرية الاسرائيلية ( النزول لإدنى درجة بالعلاقات حتى يتحسن التعامل مع الفلسطينين وإلا فقطع العلاقات نهائيا ) - العلاقات المصرية الاسرائيلية - العلاقات المصرية العربية(السعى على تقويتها ولاكن على طريقة جمال عبد الناصر) - العلاقات المصرية الافريقية ( تقوية وتوطيد هذة العلاقات وزيادة الإستثمارات مع الأفارقة)- اتفاقيات الغاز مع اسرائيل( إنهائها فورا حتى لو أدى الأمر للحرب) - ازمة نهر النيل( حلها بقل الطرق حتى لو إضطريت لإستخدام القوة ) - ازمة المياه فى المنطقة(ترشيد المياة وإستدعاء علماء مصر بالخارج لحلها) - ازمة غزة و القدس( فتح المعابر وبلا شرط والتدخل بوضوح ) - الاتفاقيات الدولية التى تمنع التسلح النووى على العرب و تبيحه لاسرائيل( الإنسحاب منها ونهج منهج كوريا وكل البلاد الذى أنشأت مفاعلات مهما حدث )

ثانيا بالنسبة للشئون الداخلية :

الاخوان المسلمون - المعارضة - تداول السلطة - دعم السلع التموينية - دعم الطاقة الغاز و البنزين و السولار - ازمة الخبز - ازمة البطالة - ضبط الاسواق - و تعديلات القوانين التفصيل - الاحزاب

ياريت ما تسيبش نقطة الا لما ترد عليها

نظرا لشروط كرسى الإعتراف وهى التحدث بشفافية وبعيد عن الأحلام الوردية 00000 أنا أعلم أن من هو خارج الدولاب السياسى ينظر بمنظور للأمور تختلف عن من بداخل دولاب العمل السياسى 0000 وحيث أننى لم أقترب من قريب أو بعيد من هذا الدلاب السياسى فلا أتصور أننى سوف أجيب بإيجابات منطقية تشملها الموضوعية 0000 لاكن الحال القائم لا يعجبنى وأتمنى تغيرة فورا

من طرف أحمد بدوى الأربعاء يونيو 02, 2010 10:48 am

من طرف [ندعوك للتسجيل في المنتدى أو التعريف بنفسك لمعاينة هذا الرابط] أمس في 11:31 am

انا شايف ان الاستاذ احمد بيخالف قوانين اللعبة و بينقى الاسئلة اللى يرد عليها و فى اسئلة تانية ما بيجيش ناحيتها

يا أخى الفاضل ما هى الأسئلة إللى مبجيش ناحيتها بربك تحدد
و الاسئلة اللى بيجاوب عليها دائما هى اسئلة صحابه فهل ده يعد عدم احترام للى ما تعرفهمش و لا ايه ! ! ! !

يا أخى الفاضل ليس لى أصدقاء كثيرين كما تتصور وكلكم إخواتى وعلى راسى 000 ولا أملك إلا كل الإحترام والتقدير للكبير والصغير ويا أخى الفاضل الكل على راسى والطراب إللى بتدوسو علية كمان لاكن ما تظلمنى بربك 000 ولو فى تأخر فى الرد 000 مشبطنش لاكن ظروف عمل ليس أكثر 00000 وكل الإحترام والتقدير لشخصك وللجميع 0
و عايزك تقولى رايك فى النادى الاهلى( لا يمكن أن تأخذ رأى من مثلى على النادى الأهلى – لعدم حبى لة الغير متناهى 0000 إلا أنهم نادى منظم – ونادى لة إدارة لها شخصية قوية وتحترم – ونادى بطولات – ولا يحتاجون أصلا لمساعدات الأخرين كما يحدث وهذة هى سبب الكراهية ) و اتحاد الكرة ( لابد أن يحاكمو ويعدمو لأنهم هم من أهان الشعب وغيبونا وإسخفوا بعقولنا وهم من فاجئونا بالضرب على قفانا جميعا لحساب مصالحهم الخاصة وبشكل أتصور أنة غير أخلاقى 0000 ولابد أن يلقوا بمذبلة التاريخ) و الاعلام الرياضى ( إعلام موجة كلة ما بين الأحمر 70% و للأبيض 30% وهو أمر ليس بة عدالة إلى جانب أننا وغيرنا لا يسعى لعمل منظومة دفاع إعلامى لقضايانا )و شوبير( شخص صلتة ربنا على نفسة وإن دل ذلك على شىء لا يدل إلا على سوء سلوكة وللعلم ربنا سبحانة وتعالى لا يحاسب من أول غلطة ويعطى الفرص لأكثر من مرة ومن وجهة نظرى أنة إفترى ) و مرتضى منصور ( شخص قوى جدا – سريع الغضب – لاكن فقية فى القانون ولة خبرة لابد من إحترامه – وهو محامى حقيقى من حيث المعلومة والقانون – أتصورة نظيف اليد لأنة لو كانت هناك شائبة تشوبة ما سكت خصومة وفقة الله )و علاء صادق( شخص يرقص على كل الموائد ويبيع نفسة لمن يدفع أكثر ) و مدحت شلبى ( إعلامى محنك إلا أنة يعمل بتوجيهات وليس بشفافية – ولا يستطيع إخفاء إنتمائاتة وهو بعملة )و محمد نصر( شخص خسارة إنى أكتب علية حلو أو وحش 000 مع إنة مخرج شاطر ومتميز عن زملائة ) و خالد الغندور( شخص عاشق لنادية ومخلص قوى بدليل أنة وازن الأمور شوية من حيث الإعلام لصالح نادية ويحتاج لمذيد من الخبرة سيتميز أكثر وأكثر)
يا ريت ترد عليا و ما تعاملنيش زى الزملاء اللى سئلوا قبل كده

يا أستاذ / صافى وكيف ترانى عاملت باقى الزملاء من فضلك 00000 ولك كل إحترامى وتقديرى 0

من طرف أحمد بدوى الأربعاء يونيو 02, 2010 11:35 am

من طرف [ندعوك للتسجيل في المنتدى أو التعريف بنفسك لمعاينة هذا الرابط] في الجمعة مايو 28, 2010 7:44 pm

الأستاذ/ أحمد بدوى
ما رأيك فى سلبية المجتمع نحو الحياة السياسية , وخاصة المحامين نحو نهج نقابتهم ؟

سلبية المجتمع أخى الفاضل ليست وليدة اللحظة وإنما هو نتاج خطة وضعها النظام حتى يظل – عنوانها القهر – والظلم لو تطلب الأمر – الإفراط فى العنف قبل كل معارض لرغبتهم فى البقاء – وشعب مسالم مقهور فى البحث عن لقمة العيش – وكل واحد سواء راجل أو سيدة تاية فى عالم البحث عن تأمين مستقبل أولادة و إطعمهم و تربيتهم وتعليمهم أى من منا يستطيع أن ينظر بجانبة حتى – إلى جانب طبيعة الشعب كونة شعب مستسلم على طول الخط هذة هى ثقافة هذا الشعب 00000 أما المحامين فصدقنى يا أخى من وجهة نظرى الشخصية المتواضعة جدا لو أجتمع محامى مع نفسة لإبداء الرأى فى موضوع سيختلف مع نفسة بمعنى أنة لايجتمع المحامين على رأى أبدا وهذة أيضا ثقافة لابد من تغيرها بس أبقى قابلنى 0

وهل هناك خطوات عملية تمكن محامو الإدارات القانونية من الحصول على حقوقهم المهدرة ؟

ممكن بس بشرط – التوحد تشكيل لجنة عليا تخصهم وتكون مكونة من ألأفراد من شيوخ محامى الإدارات وجيل الوسط والشباب والتوحد فى منهج وطلبات الكافة 00000 إلى جانب التنازل عن السلبية منهم بعدم المشاركة بمجتمع ومشاكل المحامين الحر 0000 ورفض أن يكون ظهورهم كبلوكات إنتخابية أثناء الإنتخابات ثم قبول وضعهم ككم مهمل بعد أن يأخذ المنتخبون غرضهم 00000 المشاركة الدائمة وبقوة وفرض شخصية مستمرة وليست موسمية 0

من طرف أحمد بدوى الأربعاء يونيو 02, 2010 11:41 am

أتمنى أن أكون قد أجبت على كل ما سؤل أخ صافى وأقول مرة أخرى أوجة كل الشكر والتحية لكل من شرفت بقراءة سؤال منة لى وكل الإحترام والتقدير للمنتدى وأعضائة الصغير قبل الكبير ومازلت منتظر تواصلكم وتحت أمر الجميع وأعتزر عن أى تأخر فى الرد لكن بربى نظرا لظروف العمل وإنتم جميعا إخوانى وأخواتى وينبغى على الأخ أن يتحمل أخوة وأكرر إعتذارى عن أى تأخير وشكرا للجميع
وهـــــــــــــــــــــــــــــــــــــــــــــــــــــــــل من مزيــــــــــــــــــــــــــــــــــــــد ؟؟؟؟؟؟؟

من طرف الاستاذ الأربعاء يونيو 02, 2010 3:43 pm

ماذا تفعل عندما ترى ظلم بتبجح يحدث امامك

سواء كان من مسئول ضدد مواطن عادى او ان كان من اشخاص لبعضهم

من طرف أحمد بدوى الأربعاء يونيو 02, 2010 7:33 pm

من طرف [ندعوك للتسجيل في المنتدى أو التعريف بنفسك لمعاينة هذا الرابط] اليوم في 5:43 pm

ماذا تفعل عندما ترى ظلم بتبجح يحدث امامك

أقوم بكل محاولات دفع هذا الظلم حتى لو لجأت إلى أخرين لرفع هذا الظلم

سواء كان من مسئول ضدد مواطن عادى او ان كان من اشخاص لبعضهم

لو تم الإستعانة بى أو تكليفى بالمشكلة 00000 لاكن من تلقاء نفسى أتدخل هذا أمر صعب جدا لأنة من الممكن ألا تكون هناك رغبة فى التدخل

من طرف فوكس الخميس يونيو 03, 2010 11:51 am

احمد بدوى على كرسى الاعتراف - صفحة 4 22366_01258264435

احمد بيه انت نجحت على كرسى الاعتراف نجاح منقطع النظير كعادتك دائما

من طرف فوكس الخميس يونيو 03, 2010 11:53 am

اخر سؤال قبل ما تختار العضو القادم
ماهو السؤال الذى كنت تتوقعه ولم يسال
انا عارف العضاء لم يتركوا شيئا

من طرف سعدالناظر الخميس يونيو 03, 2010 12:46 pm

ايه اكتر سؤال ما كنتش عايز حد سئلك فيه

و ايه اكتر سؤال ضايقك

و ايه اكتر سؤال عجبك

من طرف lawyer الخميس يونيو 03, 2010 7:23 pm

تعمل ايه لو لقيت الحضري بيفلت الكوره كده من تحت ايده وبيضيع البطوله منكم
بصفتك محامي خالد الطيب هاتقولو ايه

احمد بدوى على كرسى الاعتراف