Lemo على كرسي الاعتراف

احمدعبدالعليم كتب:

ماالذي يلفت انتباهك بسرعه في الشخص لكي تعجب به ؟

اللي بلفت انتباهي الحياء والتواضع وبعدين لازم يكون جدع قوي يعني بالشعبي صاحب صاحبة.

احمدعبدالعليم كتب:

عاده تفعلها دائما تتمنى ان تتركها ؟

بجد والله مش عارف انا عايش وخلاص يعني سيبها علي الله واوعي تفتكر ان دة تواكل لا والله مش كدة خالص.

ما الشىء الذى يضايقك من اصدقائك؟

ما الشىء الذى اضحك جدا؟
ما الشىء الذى ابكاك بشدة؟
ما رايك فى كلا من
الرجل- المراة-الحياة

اهلا بيك يا استاذ/lemo
الكرسى نور بوجودك
ا/محمد عبد العليم سيد اتمنى ان اراك قريبا فى سنتر الناظر لنذداد تعارفا ببعض
انا مش حكتر عليك فى الاسئله الاعضاء قايمين بالواجب
1-ايه رايك فى ثوره 25يناير
2-بصراحه كان رايك ايه فى الاول ايام خطاب مبارك الاول والثانى وموقعه الجمل تقولى كده رايك بصراحه عن الموضوع كله
كفايه كده .

سمسمة كتب:ما الشىء الذى اضحك جدا؟
ما الشىء الذى ابكاك بشدة؟
ما رايك فى كلا من
الرجل- المراة-الحياة

هتصدقيني لو قلتلك إنه من الصعب عليا جدا إني أبكي بس بتعب من جوايا جدا مش عارف ممكن تكون قسوة قلب ولا شايف انه مافيش حاجة تستاهل البكاء عليها لانه كله مقدر ومكتوب .. أوعي تقولي عليا غريب ومعقد بس والله ديه الحقيقة . ونفس الموضوع بالنسبة للضحك شئ بالنسبة ليه جميل بس صعب ممكن الواحد يضحك مجاملة لغيرة .. تعرفي انه واحد قبل كدة قالي انه نفسه يشوفني بضحك من قلبي زي زمان .. وبصراحة اول ما قال ليه كدة استغربت من سؤاله ومعرفش هي فراسه منه ولا هي جت معاه كدة لاني بحاولي اداري كتير همومي جوايا .. ادة انا طولت في الكلام وشيلتك همومي أسف. معلش انا كدة بدلق في الكلام علطول .هههههههه .
اما بالنسبة للرجل فهو رجل فهو الراعي والمسئول عن رعيته فإن أصلح وعدل صلحت الرعية.
والمرأة هي بئر اسرار الرجل وهي الوحيدة التي يمكن أن تملك الرجل بضعفها لان كثير من النساء تجهل هذه الحقيقة في انها تملك سلاح من اقوي الاسلحة وهو الضعف " طبعا مش كل النساء هتأيدني في رأي " بس دة رأي !!

اما بالنسبة للحياة فهي تعب تعب تعب تعب تعب تعبت تعب تعب بس حلوة بمنتدانا .

فوكس كتب:اهلا بيك يا استاذ/lemo
الكرسى نور بوجودك
ا/محمد عبد العليم سيد اتمنى ان اراك قريبا فى سنتر الناظر لنذداد تعارفا ببعض
انا مش حكتر عليك فى الاسئله الاعضاء قايمين بالواجب
1-ايه رايك فى ثوره 25يناير
2-بصراحه كان رايك ايه فى الاول ايام خطاب مبارك الاول والثانى وموقعه الجمل تقولى كده رايك بصراحه عن الموضوع كله
كفايه كده .

رأي في الثورة هو بالضبط زي شعور العطشان في الصحراء ومصدق أنه شاف بئر ميه وهو دة اللي هيخليه يكمل المشوار اللي رايحه.

أنا بصراحة كنت متعاطف معاه في خطابة الاول . وفي خطابه الثاني حسيت انه بالعربي كدة بيثبتنا بس علي مين " كنا رجالة ووقفنا وقفه رجاله ".

اما موقعة الجمل دي مسمهاش موقعة الجمل علي فكرة ديه اسمها موقعة الحمير ايوة لانهم سبحان الله كل ميفكروا في حاجة نلاقي الحبل بيلف حولين رقابتهم وربنا يخيبهم .

والموضوع كله علي بعضه ممكن اسميه " انتفاضة ميت " لاني بجد كنت فقدت الامل في الشعب دة واحد ولا 2000 واحد كانوا قادرين ينيموا 85 مليون وأنا واحد منهم والله عيب علي وعلينا.

الموسيقار كتب:

لو رجع بيك الزمن وكان في ايدك حق الاختيار
كنت تختار دراستك ووظيفتك اللي أنت فيهم ولا ده كان يبقى ليك رأي أخر ؟؟

هو الحمد لله علي كل شئ بص طبعاً لو رجع بيا الزمن مش ممكن أبداً هختار اللي أنا فيه بص الواحد وهو صغير بيبقي مش عارف يحدد هدفه وبيزيد الطين بله لو اللي وراه أقصد اللي هو مسئول منهم محاولوش يحدده ليه هدفه أو علي الاقل يعرفوا ايه هي اهتماماته وهو علي الاقل موهوب في ايه بالضبط.
ودايماً بقول لنفسي ليس كل ما يتمناه المرء يدركه .. وبعدين اللي ميتسماش مخلاش الواحد يحلم انه يكون حاجة أقصد " البعيد ". ودة علي المستويين الدراسي والوظيفي.

angel كتب:بما انك ما اتجوزتش وانا شايفه انك اتأخرت فأكيد ان ليك مواصفات خاصه
فما هى مواصفات شريكة حياتك

في رأي اننا محتاجيين علي الاقل مش أقل من 10 سنوات .. لان في البدايه قبل كل شئ ناهيك عن المنظومة التعليمية والاقتصادية والفساد الاداري والفساد الزراعي وهلما جرا... هناك ماهو أخطر ودة تم من 30 عام ونجح النظام وذيوله نجاح منطع النظير فيه . وهو الافساد الاخلاقي أيوة الافساد لان الافساد اشد من الفساد .
تفتكر بقي 10 سنوات هنقدر نصلح الفساد الاخلاقي . والله ديه طامه كبري ربنا يتولنا برحمته.

الموسيقار كتب:

بمنتهى الصراحه ما رأيك في أعضاء مجلس الإدارة الجديد ؟؟
عاوزك تتكلم بدون تحفظات والحق مش بيزعل

بصراحه ناس محترمة وتستحق كل تقدير . والاهم هو أنكم كدة بالضبط ربنا يوفقكم

angel كتب:بما انك ما اتجوزتش وانا شايفه انك اتأخرت فأكيد ان ليك مواصفات خاصه
فما هى مواصفات شريكة حياتك

مش هاقول محترمة ومش هاقول بنت ناس ومش هاقول متدينه ومش هاقول علي قدر من الجمال .. بس هاأقول عندها حياء وودودة قوي . وتعرف أزاي تحترم الراجل اللي معاها. لان كل اللي قلته دة المفروض يكون موجود ومندورش عليه لانه مسلمات.

يالا اعلان حصري لو عندك عروسة فيها كل المواصفات ديه كلها قوليلي علطول . هاااا توعديني بكدة.
بس أوعي تكون زي الصورة ديه انا بقولك اهو انا مستعد استني ل60 سنه بس متكونش ديه نهايتي. هههههههههههههه

الموسيقار كتب:

هههههههههههههههههههههههههه
قمر يا lemo ربنا يجعلها من حدك ومن نصيبك يا ضنايا
هههههههههههههههههههههه

كدة برضه ترضهالي بس علي العموم ماشي . بس سيبك انتي بذمتك مش قمر . انا لازم انس انا ايه اللي عملته في نفسي دة .والله حرام