مفاجأة.. الضابط الشهيد.. أحد المتهمين في فيديو تعذيب "قسم شرطة الكردي بالدقهلية" الشهير!!

قامت قوات الأمن المركزي بشن حملة على مركز ميت غمر أسفرت عن استشهاد الرائد / أحمد السيد متولي والمجند أحمد فتحي صادق..
والمفاجأة.. أن الرائد أحمد السيد متولي أحد الضباط المتهمين في واقعة تعذيب إثنين من المتهمين في قسم شرطة الكردي بالدقهلية.

وهو الفيديو الذي أثار جدلا واسعا بعد تداوله على المواقع الاجتماعية والذي يظهر عددا من ضباط الشرطة والجيش يصفعون ويصعقون المتهمين بعد القبض عليهما.. مما دفع المجلس العسكري لإحالة كل من ظهر في هذا الفيديو من الضباط إلى التحقيق أمام القضاء العسكري.

يمكنك مشاهدة الضابط الشهيد في فيديو التعذيب بدءاً من الدقيقة 1:20

رد الجهاز الإعلامى لوزارة الداخلية
الشهيد أحمد متولى كان متهماً منذ فترة قصيرة بالاعتداء بالضرب على أحد تجار السلاح عقب إلقاء القبض عليه بعد تبادل فيديو كليب له مع عدد من ضباط الجيش على موقع «يوتيوب» وظهر فيه الضابط وهو يمسك صاعقاً كهربائياً ويوجهه عند أذن تاجر السلاح الذى لم يبدو عليه التأثر من أثر تعاطى المخدرات وأحيل بعدها للتحقيق.

وعن الواقعة تقول الزوجة: «لما انتشر الفيديو ده وأحيل أحمد للتحقيق كان حزين جداً وقال لى وإحنا بنقبض على الواد ده ضرب علينا نار بسلاح آلى وقعدنا ساعتين نتبادل معاه إطلاق النار وكان ممكن واحد فينا يموت وكمان ده تاجر سلاح وكان بيثبت البنات والستات ويعتدى عليهم ولما قبضنا عليه الناس كانت فرحانة وبتهنينا، يقوموا دلوقتى يصورونا على أننا جزارين وهو ضحية والله وأنا بأضربه كنت متخيلة وهو مثبتك أو مثبت أمى وأختى».

وأضافت: «لكن بعد شوية كان فرحان لأن أهالى البلد اللى منها البلطجى كانوا متضامنين معاه وعملوا مظاهرات علشانه وعلشان ضباط الجيش، ساعتها قال الحمد لله إن فيه ناس مقدرة تعبنا»، لكن بعد ما انتهى الموضوع كنت أقوله بلاش تموت نفسك كده فى الشغل ماحدش فى الوزارة بيقدر ومع أى غلطة صغيرة هايبيعوك علشان يرضوا الإعلام ولو مت ماحدش هاينفعك»، فكان يغضب ويقول أنا بأعمل كده علشان أرضى ربنا وأدافع عن بلدى، أنا مش عايز حد يخاف يمشى فى الشارع نفسى الناس ترجع تحس بالأمان»، ولما طلبت منه يتنقل من الأمن المركزى علشان يريح شوية رفض وقال لى: «أنا مابأحسش إنى ضابط إلا فى الأمن المركزى لأننا أكتر ناس بتشتغل بجد».

وتواصل باكية: «فين بتوع حقوق الإنسان والإعلاميين دلوقتى مافيش حد فيهم طلع ليه يدافع عنه ويعترض على موته ويطالب بإعدام اللى قتلوه ماسمعناش صوتهم ليه بدل مابيقعدوا يصرخوا على حقوق البلطجية وقطاع الطرق».