ابتسامة على كرسى الاعتراف

[quote="احمدالناظر"]السؤال التقليدى ما اسمك ( و هذا يمكن التجاوز عنه اذا لم تريدى الاجابة عنه و هذا استثناء للنساء فقط ) و ما وظيفتك و حالتك الاجتماعية و ومحل ميلادك و محل اقامت/quote]
توكلنا على الله وربنا يستر
يعنى مش كفايه الكرسى أدخل ألاقى خمس صفحات اسئله
الله المستعان
اسمى :انتصار
محل الميلاد :المنوفيه
من غير تريقه
الاقانه :فايد
وطبعا متزوجه

احمدالناظر كتب:بصفتك اول عضوة تجلس على كرسى الاعتراف ما شعورك الان

بصراحه مرعوبه
ونفسى يلغوا الكرسى ده

فوكس كتب:ماشى يا استاذ احمد انت تبعنا برديك انا قلت اعمل الصح (انت عارف انا بتكلم على ايه).

الحمد لله انى مش عارفه انت بتتكلم عللا ايه علشان مش اجاوب

اسامه الناظر كتب:سؤالى للاستاذه
1-على حد علمى انك مدرسه:ماهو رايك فى ظاهره الغش فى المدارس هل انتى ممن يقومون بمساعده الطلاب فى الامتحانات
2-فى اى المجالات تدرسين(التخصص)

بص يا سيدى
انا فعلا مدرسه
ورأى فى الغش انه ظاهره سيئه جدا وطبعا ده امر متفق عليه
وللاسف انا فعلا بساعد الطلبه فى الامتحانات لانى لو شفت طالب او طالبه زعلان مثلا ابقى مش قادره اقاوم لازم اساعده
ومجال التدريس مواد شرعيه

ابراهيم الناظر كتب:اذا رجعنا للوراء قليلا وتم اختيارك بين ان تكونى ست بيت او موظفه فايهما تفضلين ولماذا
وما رايك فى منظمه حقوق الانسان فى مصر هل هى مهمشه كما يقال ام انها فعاله وتعمل بشكل طبيعى
وما رايك بفكره الشات الموجوده بالمنتديات
وشكراااااااااااااا.

بصراحه لو رجعنا للوراء
وده طبعا مستحيل اكيد كنت هختار اللى انافيه
لان ست البيت الشاطره هيه شاطره حتى وهى موظفه
اما عن منظمة حقوق الانسان فللاسف انا راى انها مهمشه وكلنل بشوف وبنسمع عن اللى بيحصل ابسط حاجه فى اقسام الشرطه
بلاش السجون
ولا المستشفيات ........وغير كده كتير فين بقى المنظمه من ده كله
اما الشات يا سبدى فبصراحه انا شايفه انه مفيهوش صراحه

مارسيل كتب: ماذا ستكتبى لنا لتعبرى عن حياتك التي عشتيها الى الان في كلمات قليله ؟

والله يا مارسيل انا كنت خايفه من اسئلتك جدا بس الحمد لله ان جت على حد كده
عارفه لما تبصى على حاجه وتقولى وانتى مستغربه .....ايه ده !!!انا كمان ببص على حياتى اللى فاتت وبقول ايه الى عملته فى نفسى ده بس طبعا لكيد بفوق بسرعه واقول الحمد لله

مارسيل كتب:اذا اردتى ان تبكي الان , فعلى من تبكي؟

على احوالنا التى نعيش فيها

مارسيل كتب:
من ستختارى ليمسح دموعك ؟

بصراحه الواحد مش دايما بيختار لان اللى هتختاريهم للاسف ميعرفوش يمسحوا الدموع
لكن دايما اللى بيمسح دموعى اختى

[quote="مارسيل"]
لو خيروكى بين حبيبك وبين اعز صديق فمن تختارى ؟[/quote
اكيد حبيبى لانه اعز اصدقائى

مارسيل كتب:
ماهو تقييمك لهذا المنتدى بكل صراحه ؟

بصراحه ممتاز
وكل اللى فيه افكارهم رائعه

مارسيل كتب:
.من يسكن قلبك؟

طب ليه الاحراج ده اكيد طبعا زوجى
واكيد هخاف اقول حاجه غير كده يعنى

مارسيل كتب:
.هل تعتقدى ان حظك سيئ؟

لاء لاء خالص الحمد لله انا بحس
ان حظى كويس جدا

مارسيل كتب:
.هل هزمك حزنك في يوما من الايام؟

من نعمة ربنا علينا النسيان الوحد ديما لما بيحزن بيحس لن دى نهاية العالم لكن اهوه ادينا عايشين

مارسيل كتب:
.((مستحيل انساك)) لمن تقوليها ؟

تفتكرى مين
ابويا طبعا
يا رب تعديها

مارسيل كتب:.(( اللي راح راح وماتفيد كلمة ياريت ))
إذا أردتى ان توجهي هذه العباره لنفسك, فماذا تقصدى بها ؟

يااااااااه حجات كتييييير جدا فى حياتى
اهمها انى كان نفسى اكمل اكتر فى مجال التعليم

مارسيل كتب:
.(( انت كل شيء بحياتي )) لمن تقولهيا ؟

امى طبعا
وولادى
هما كل حياتى

مارسيل كتب:
متى اخر مره بكيتى؟

دلوقتى عماله ابكى واقول امتى اسئلة مارسيل تخلص

مارسيل كتب:
اي الدول تتمنى ان تزوريها ؟

يا رب يا رب السعوديه

مارسيل كتب:
هل لديكى الجرأه ان تقولى عمرك أمامنا ؟

انا عمرى فعلا هو الموجود جنب اسمى
واو عايزه جراه اكتر يبقى خمسه وستين سنه

مارسيل كتب:
هل انت راضية عن نفسك ؟

الحمد لله

مارسيل كتب:
.هل تؤيدى الزواج العاطفي ام الزواج التقليدي ؟ ولماذا ؟

بصراحه ومن غير ضرب نار علشان احنا وسط الصعايده
انا بؤيد جدا الزواج العاطفى
لانى بصراحه مش قادره اتخيل

اان زوجين يكون بينهم كل البعد ده

مارسيل كتب:
.ايهما اهم شهادتك الجامعيه أم الزواج ممن تحبين ؟

عن تجربه
شهادتى الجامعيه

مارسيل كتب:
.هل تعترفى بشيء اسمه الصداقه بين الرجل والمرأة ؟

عقلى بيقول ممكن بس بصراحه مشفتهاش فى حياتنا خالص
والتجربه بتقول مينفعش

مارسيل كتب:
.هل انت مدمنة تفكير؟

اه والله مدمنه ونفسى اتعالج

مارسيل كتب:
.من هو اكثر شخص تفكرى فيه؟

اى انسلن غريب فى تصرفاته ممكن يشغل تفكيرىا