دعوة مفتوحة لكل الاعضاء و الزوار لاقتراح حل لازمة المحامين و القضاة

فوكس كتب:ياجماعه راعوا ان معنا اخوه عرب مفيش داعى نزود الصوره قتامه نحن نكتب ما يمكن ان نحل من خلاله هذه الازمه وليس ان ننفخ فى النار
واعتقد ان الحل ان يوضع ضوابط ملزمه للكل واجبه النفاذ
مينفعش مثلا ان المحامى يستنى القاضى لما سيادته يشرف الساعه 11 وعنده قضيه فى الرول الساعه 9 يبقى ده تهريج.
او زى احمد بيه ما قال موضوع السجاير

استاذى العزيز فوكس مشكلتى انى واقعى زيادة عن اللزوم بس الحقيقة ان مفيش حل للمشكلة ديه و ده حقيقى لان القضاة متكبرين و المحامين راكبين دماغهم و القضاة فىة ايدهم السلطة و الاحكام القضائية و الحكومة فرحانة بما يحدث لصرف نظر الشعب عن المشاكل الاساسية لذلك الوطن و مفيش كبير عايز يدخل يبقى حل ايه اللى ممكن نطرحه و انا واحد من الناس عمرى ما هقعد اقول كلام انشاء انا راجل بجيب من الاخر و بنظر للامور نظرة موضوعية سيبك من كلام الجرايد اللى صدعوا دماغنا بيه جلسات و اجتماعات تشاورية و لجنة حكماء و الكلام الفاضى ده كل واحد عايز شو اعلامى يقولك انا هحل الموضوع طيب اتفضل يا عم حل
يا استاذ فوكس الصورة قاتمة صدقنى احنا بنشوف بلاوى بعنينا محدش بيقولنا و يا ريتهم بيفهموا قانون و ارجع و اقولك اسأل استاذ احمد عبدالعليم على البلاوى اللى بنشوفها فى الاحكام طيب يكفينى انى اقولك ان حكم المحكمة دلوقتى احيانا بيكون ثلاث ورقات نصهم وقائع و الباقى حيثيات بالذمة ده حكم فين احكام زمان اللى والله كنا بنتعلم منها و بننقل منها يا باشا انا اول مرة دخلت المحكمة كان قلبى بيدق و مرعوب كان فى جلس الدولة حاجة هيبة بجد دلوقتى تبص على القضاى تلاقيه من دورك فى السن و ملزق شعره حاجة تكسف
انا هقفل القصة ديه لانها بجد تحرق الدم عارف ليه لان القضاة معاهم السلطة و احنا معانا ربنا و برضه مش بقولك ان المحامين حلوين و طيبين لأ بس الشمكلة ان مفيش تعادل للقوة هما اقوى بسلطاتهم و نفوذهم و القدسية اللى منحتها لهم الدولة و كأنهم امبياء و يقولك لا تعليق على احكم القضاء ليه ما نعلقش على الاحكام طالما بنعلق بأدب و احترام و مش بنشكك فى نزاهة او شخص القاضى يا باشا القضاة سمحوا لنفسهم يعملوا اعتصامات فى الشارع خلاص يبقوا زينا بقه و زى باقى الشعب بلاش يقعد يقولك جلال القضاء و قدسيته ينفع قاضى يسمح لنفسه ان ينضرب فى مظاهرة من ضابط اهم سمحوا لنفسهم فا خلاص اضربه انا بقه كمان و لا ضرب الضابط زى اكل الزبيب و انا ضربى وحش ،، طبعا انا بهزر انا ضد الضرب و استخدام العنف
و تقبل تحياتى يا اخى فوكس بس كنت عايز اعرفك الصورة منيلة ازاى و ديه نص الامر الواقع مش كله لو عايز تعرفه كله ابقه اعزمنى عندك احكيلك بالتفصيل الملل
وكفاية عشان انا تعبت من الكتابة

ايوه كده ياباشا هات ماعندك علشان تستريح
انت تشرفنى ياباشا وتشرف عائله الناظر فى جميع انحاء الجمهوريه
ان شاء الله قريب اعزمك على افتتاح المحل الجديد(الناااااااااااااااااااااظر للملابس الجاهزه)
موجود فى موقع ويكى مابيا

الف مبروك عضوية المجلس و المحل الجديد ربنا يزيدك يا رب و يبارك فيك

طب ايه رايكو فى القاضى اللى يتقبض عليه متلبس برشوة صوت و صورة
و يطلعوه و يحفظوا القضية و يضغطوا عليه عشان يستقيل من القضاء

الموضوع ببساطة في ايد النظام يعني لو عايز يحل المهزلة هيحلها وانتوا عارفين ازاي ولكن الناس دي عايزة اي حاجة تلهيهم بس احنا مدوخين نفسنا وعلى فكرة مفيش عفريت يقدر يحضر او ينصرف إلا بأمر سيادة الدولة العليا والإتلاف على حساب صاخب المخل

الحكومة سعيدة بما يحدث بين المحامين و القضاة بغرض التعتيم على الكثير من سياستها الفاشلة و الفساد الذى اصبح كالماء و الهواء