هيثم جمال على كرسى الاعتراف

حبيبى يا ابو جمال الله يكون فى عونك الضغط عليك جامد ده انا تعبت من كتر قراءة الاسئلة بس عيش يا كبير مش عايز تقعد على الكرسى اقعد و ارتاح و اياك ما تردش على سؤال واحد انا سهران عشان مسافر بعد الفجر ان شاء الله و براجع اجاباتك

بصراحة أغلب اجاباتك عجبانى و قدرت اكون فكرة مبدئية عنك ملخصها انك عاقل و متزن و مرهف الحس عكسى انا و احمد عبدالعليم خاااااااااااااااااالص و سياسى فى ردودك و تقدر و تحترم الجميع و اجاباتك تتسم بالسهولة و اليسر بعيدة الفلسفة و المصطلحات " المجعلصة" بهدف ارسال المعنى للاعضاء و انت انسان متواضع ،، لغاية دلوقتى انت ناجح بس شد شوية الاسبوع لسه فى اوله و الاعضاء سخنه اهو خليك انشط من كده شوية لان واضح انك كسول فى الردود نسبياً خليك زى احمد عبدالعليم كان اسد فى الردود كان بيرد قبل ما السؤال يتسأل طبعا ما هو الريس لغاية ما ربنا يكرمنى و اخدها منه عن قريب ان شاء الله لان ايامه فى الدنيا اصبحت معدودة و هيبقه ذكرى و قيادة تاريخية

اعتقد ان فيه اسئلة ما ردتش عليها يا ريت تجاوب بترتيب الاسئلة بلاش تنط اسئلة احنا مش فى المدرسة انا قاعد مراقبك

سبق ان ذكرت انك تؤيد النقاب بشدة ،، و هذا رايك و لكن ما رأيك فى اساءة استخدامه من قبل البعض فى ارتكاب الجرائم و الخروج على الاداب العامة ؟

اشعر انك تهرب من الاجابة عن بعض الاسئلة و تجاوب عليها بطريقة سياسية مثل السؤال الخاص بأحب الاعضاء لقلبك و اقربهم ارجو ان تكون اجاباتك محددة فأنا لن اقتنع ان جميع الاعضاء على ذات الدرجة بالنسبة لك و لكن اثق ان جميعهم لهم قدر كبير من الاحترام و التقدير لديك
ما سبب الدبولماسية التى ترد بها على بعض الاسئلة هل تخشى ان تغضب بعض الاعضاء ؟

اذا وقع عليك الاختيار لتكتب مقالات فى بعض الصحف المستقلة اسبوعياً ففى اى المجالات و الموضوعات ستكتب و اى الموضوعات ستميل اليها ؟

ما رأيك فى ظاهرة انتشار الفساد فى وطننا الغالى مصر التى تأن و تصرخ من كثرة الاورام السرطانية التى أصابتها؟
و ما هى الحلول التى تقترحها لبتر بؤر الفساد او على اقل تقدير الحد من انتشارها

ما رأيك فى كسل بعض الاعضاء فى المنتدى فلقد تلاحظ لى ان الكثير منهم يتواجدون بالمنتدى و لا يهتمون بإلقاء الاسئلة على الجالس على كرسى الاعتراف و انا لا اقصدك انت اقصد اى شخص ممن جلسوا على الكرسى ، ألست معى ان عدم القاء الاسئلة يعد نوعاً من السلبية من الاعضاء مثلهم مثل الشعب المصرى
على فكرة السؤال ده سؤال عام والله
لان فعلا انا لاحظت ان اللى بيسألوا دايما اشخاص محددين قد يزيد عليهم شخص او اثنين

هل القضاء فى مصر مستقل ؟

مارايك فى جماعه الاخوان المسلمين وهل تؤمن بمبادئهم واذا حدث جدلاووصلوا للسلطه تفتكر ممكن الوضع يكون افضل من ذلك
2-ما رايك فى الاشتراكيه وهل تؤمن بمبادئها
3-ايه رايك فى الخصخصه وبيع مؤسسات الدوله (الحديد والصلب والتليفوات وغيرهما)
4-ايه رايك فى النائب المحترم احمد عز
5-ايه رايك فى النائب مصطفى بكرى

احمد اسماعيل كتب:سبق ان ذكرت انك تؤيد النقاب بشدة ،، و هذا رايك و لكن ما رأيك فى اساءة استخدامه من قبل البعض فى ارتكاب الجرائم و الخروج على الاداب العامة ؟

هذا ليس رأيه
النقاب فريضة منصوص عليها فى القرآن فى قوله تعالى
( يَاأَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا ) الأحزاب / 59
ذلك ادنى ان يعرفن لا تحتاج تفسير لانه لو الحجاب الموجود حاليا فنحن نعرف مرتدياته لان ملامحهم واضحة و وجههم ظاهر
لهذا فلا يجوز ان نقول فى الفروض ارائنا و الا سنجد من يقول رأيه فى الصلاة و الصوم و هذا طبعا لا يجوز

احمد اسماعيل كتب:ما هى ابرز عيوبك التى تود التخلص منها ؟

متسرع في قرارتي

إبتسامه كتب:استاذ هيثم
ما هو شعورك الان وانت على كرسى الاعتراف
من فضلك اوصف بدقه ومتنساش اى تفاصيل

الجلوس امام مجموعة من الأفراد للإستجواب ليه فائدة عندي بأني انا ماشي في طريقي تمام ولا لأ فشعوري كويس بخصوص هذا الإتجاه ومفيش تفاصيل اكتر من كده

lawyer كتب:

انا اسف يا استاذ هيثم لو كلامي زعلك مع انك وصفتني بسبانخ وشهاده من اتنين موظفين تثبت اني محامي كلامك ده مازعلنيش خااالص ياراجل واتعزلت من علي الكرسي والموضوع كبر خالص 
عموما انا بشكرك علي تهنئتك ليا
وسوف يتم عودتي الي مخباي بالمنتديات الرياضيه عشان مزعلش حد 
الله معكم

انا بأعتبرك اخ صديق لي ومحترم وطبيعي تكون هناك سحابة صيف وعدت ومفيش مشاكل وربنا يتمم فرحتك على خير

أحمد بغدادى كتب:الأستاذ/ هيثم
مبروك يابطل و دائما مكتسح بحب الأعضاء
و أعذرنى لو كانت أسئلتى مكررة
بس أحب أسمع اجابتك !
ماذا تعنى بالنسبة لك الكلمات الآتية :-

الحياة:
الدنيا :
الامل :
الحلم :
الخيال :

الحياة : فانية
الدنيا : احترس منها
الأمل : لازم يكون موجود طالما انا عايش
الخيال : مبيحنيش

أحمد بغدادى كتب:و ماذا تعنى بالنسبة لك الكلمات الآتية :-

الفشل :

الاحباط :

الغضب :

الكراهيه :

الفشل : بخاف منه دايماً
الاحباط : بحاول ابعد عنه
الغضب : عادة سيئة احاول احتوائها

أحمد بغدادى كتب: و ماذا تعنى بالنسبة لك الكلمات الآتية :-

الصداقة :

القلب :

العقل :

الحنان :

الصداقة : فرع من افرع الحياة
القلب : فاكهة الحياة
العقل : نقطة إتزان التصرفات وأساس الإنسان

أحمد بغدادى كتب:و ماذا تعنى بالنسبة لك الكلمات الآتية :-

الصراحه :

الحقيقة :

الكذب :

الصدق :

الصراحة : بتفرق كتير لو ظهرت في حياتنا على طول
الحقيقة : جوهر الوجود
الكذب : راس مال البعض منا
الصدق : اول الصفات الحسنة

أحمد بغدادى كتب:و ماذا تعنى بالنسبة لك الكلمات الآتية :-

الكسل :

الذكريات :

الجهل :

العلم :

الكسل : حلو في مذاقه مر في نتائجه
الذكريات : منها الحلو و الوحش
الجهل : المساوة بباقي الكائنات
العلم : سلاحي