هيثم جمال على كرسى الاعتراف

سهام كتب:كيف اشتركت فى المنتدي و ما الذى جذبك فيه

ارحب بالعضوة الجديدة القديمة اللي من وقت إشتركت لم نراها وانا بعتذرعن تأخري في الرد بسبب ضغط الأسئلة
انا اشتركت عن طريق رئيس مجلس الإدارة وبعد كده من خلال مواضيعه وبالذات كرسي الإعتراف زادت مشاركاتي فيه وزاد نشاطي

سهام كتب:أفضل لوٍن عنـدك
..؟؟

الازرق الغامق

سهام كتب:أفضل قسم في
المنتدي في رأيك ..؟؟

انا لسة لم اتعمق في الأقسام علشان اقيمها لكن انا ملاحظ ان السادة المشرفين بيجتهدوا في عملهم على قدر وسعهم

سهام كتب:مآ رٍآيك في الحب
الذى لآ توٍ جد به كرٍآمة ؟؟

طبعاً يبقى ده مش حب ده عبارة عن علاقة منافع يعني محتاج غرض معين وبعد كده كأن مفيش حاجة حصلت يعني التعامل مع آله
وده عندي ليه لفظ مجرم في القانون يعف اللسان عن البوح به

سهام كتب:هل تعتبرالزمن
الذي مر من حياتك انت ناجح فيه ام لا ؟

انا بعتبر اللي انجزته في حياتي نجاح وبأعتز بيه وده مش قليل والعكس صحيح
يعني مكنش فيها وتيرة واحدة وده حال الدنيا

فى رأيك ما سبب ان كل المحامين تقريبا لهم مات موحدة فى المظهر و الاسلوب و طريقة التفكير لدرجة تميزهم و تجعل من يتعامل معهم يعرف انهم محامون حتى بدون سابق معرفة

سهام كتب:كيف كانت بدايتك
فى عالم النت ... اول ماكتبت فى اى منتدى ؟؟

بدايتي معاكوا وده اول منتدى
يعني لسه مستمع

سهام كتب:ما هي أكثر
الصفات التى تجذبك في أصدقاءك ؟؟

زي ما قلت قبل كده الاجتهاد واسلوب الكلام او المحاورة

سهام كتب:قوم بأختيار خمس
اعضاء ووجه لهم النصيحه !!!

1- احمد عبد العليم : انت شاب مجتهد وناجح على فكرة بس مش كل حاجة بتحقق
2- احمد اسماعيل : انت بتحاول تحسن من صفاتك اللي انت شايفها سيئة حاول كمان تعرف المزيد من الصفات
3- محمود فوكس : انت عصبي جداً هدي أعصابك
4- كريستين : انا شفت سؤالك هو انتي معندكيش اي هواية احنا عايزين نستفيد منك ممكن تساعدينا ( على فكرة انا هرد علىسؤالك بكل استفاضه ده حقك بس هاستنى منك سؤال تاني يفيدنا كلنا )
5- محمد عبد الرؤوف : انا عارف انك شخصية محترمة بس انا عايزك تقدر قيمةالمرحلةاللي انت مقبل عليها

سهام كتب:عايزه أعرف وجهه
نظرك فى (("اعتذار الرجل للمرأه ذل ام أحترام للذات")) ؟؟؟!!

انتي خدتي دبلومة في الأسئلة دي ولا ايه
طبعاً المرآة ليها احترامها في جميع الأحوال انارأيي طالما الرجل اخطأ في حق المرأة فيجب عليه الإعتذار لها لأنها زوجته مش خادمة عنده ليها حقوق زيما ليهاإلتزامات ومن ضمنها احترامه لها في جميع المناسابات وده مش احترام للذات بس ولكن هي دي فعلاً الرجولة اني اعرف احافظ على اهل بيتي ولا اهنيهم

سهام كتب:ما تخصصك أو مجال تعليمك ؟

انا حاصل على ليسانس حقوق دفعة2002 وحالياً اعمل محقق إداري بمحكمة الإستئناف العالي بالإسماعيلية

سهام كتب:اكتر موقف محرج حصل فى حياتك ؟

كتير بس كان اغلبها موقف كوميدية
يعني اخر حاجة كانت من كام يوم وكنت بكلم واحد صاحبي عالتليفون المحمول ومسكته بهدلته في التليفون بتهريج طبعاً وفوجئت ان اللي بيرد عليا والده وده بسبب تشابه نبرة الصوت بين الأثنين

سهام كتب:ما الأهم بالنسبة لك الكرامة ولا الحب وفسر ليه ؟

لا الكرامة لأنها هي اللي بنحافظ بيها على الحب
اشبها ليكي بصي انتى لما بتشتري نايتي مثلاً بيكون الحشو بين قطعتين كيك وطبعاً الطعم كله في الحشو طب ينفع تشتريه من غير الكيك ده ؟!
يبقى نفهم انه لازم يكون الكيك والكريمة اللي اساس الطعم موجودين مع بعض ننزل الكلام ده على موضوعنا نجد ان الكرامةوالحب اساسين متلازمين بل الكرامة هي اللي بتحافظ على الحب

سهام كتب:لو بإيدك تغير عادة في المجتمع ما هي ؟

ان الأهلي ميخدش الدوري تاني
بجد هي كذا عادة بس دي مهمة شوية ألا وهي الرشوة لأنها بتضيع حقوق ناس كتير في البلد بل دي اساس مصايب كتير في البلد ومش عايزين نوضح اكتر من كده

سهام كتب:في رأيك متى تبكي المرأة ومتى يبكي الرجل ؟

المرأة البكاء جزء من شخصيتها فهي تتميز بالنعومة واللطف والرقة وعند مواقف انفعاليةمعينة تذرف الدموع
ولكن الرجل ليس من طبيعته ذلك وذلك يرجع إلي طبيعته  الجسمانية والخشنة التي لاتوجب عليه البكاء امام النساء لكي لا يهتز عرشه امامها
ولكنللرجال مواقف يبكون فيها وتتدرج حسب طبيعة التربية التي نشأ عليها الرجل من كونها مرفهه ناعمة ام لا ففي الحالة الأولى تجده شديد التأثر في المواقف الغليظة والأخرعلى العكس من ذلك
وايضاً الرجل المؤمن بالله يتذكر ربه فتذرف عيناع من الدمع حزنا على ما اذنب في حياته

كرستينا كتب:ايه رايك فى جماعة الاخوان المسلمين

ياريت تكوني قراتي نصحيتي ليكي في إجاباتي السابقة ونفسي اسمع سؤال تاني يفيدنا في المنتدى واغيظ بيه ناس معانا في المنتدى ؟!!!
بص بقى ياستي جماعة الإخوان المسلمين دي الجماعة الوحيدة اللي في مصر منظمة بعد الحزب الوطني والدليل على كده نتائجهم الأخيرة في إنتخابات مجلس الشعب الأخيرة واللي كانت هتقلب موازين البلد من الناحية السياسية والتشريعية يعني بالرغم من الجهاز الإعلامي الجبار للحزب الوطني وتسخير جميع الإمكانات لصالح الحزب كاد ان يحدث المستحيل
وتعالي نبص الناس بتتهاجم ليه بالشكل ده هي خدت فرصتها علشان تتهاجم كده لأ طب خلاص امنع ترشحهم ودخولهم العملية السياسية لكن مش تسيب حاجة زي كدة تعمل خللة في الشعب
ولكنمن وجهة نظري برده مش هو ده الحزب اللي ممكن نتخذه ممثل لينا بديل الحزب الحاكم لعدة اسباب عندهم مشاكل وساعات مش بيعرفوا يسيطروا عليها صوتهم يطلع للعلن وده مكنش موجود قبل كده وده يخوف انهم غير مستقرين داخلياً
برده انا مستني منك سؤال غير الإتجاه ده

عمرالناظر كتب:يا هيثم بيه انت اول واحد يقع بالانتخاب
قولى بقى

عمر بيه عظيم الشرف اتفرك من معاليك
على فكرة الإنتخاب لإختيار العضو المرة دي طوارئ يعني النظام القديم هيرجع تاني

عمرالناظر كتب:
انت بتشجع نادى ايه و بتشجعه ليه

طبعاً اسمعلاوي وافتخر
ليه ديه بقى حاجة فطرية لازم نشجع برازيل مصر في دمنا يعني ممكن تقول دي حاجة قدرية

عمرالناظر كتب:
و ايه رايك فى نظام المنتدى و ايه اللى انت شايفه ناقص المنتدى

المنتدى الأستاذ احمد عبد العليم بيحاول يجتهد فيه وده اللي خلي للمنتدى طعم تاني غير اي منتدى تاني هو طبعاً ناقصه حاجات تانية بس احنا بنفكر نتحرك خطوة خطوة

عمرالناظر كتب:
و هادعبس لك على شوية اسئلة كمان نكتفوك بيها
رد على دول و مش هاسيبك

اوكى وانا جاهز

عمرالناظر كتب:انا ملاحظ الناس كلها سئلتك و انت ما بتجاوبش
لعل المانع خير
رد يا ابو عمو على الاسئلة علشان ما تطفيش حماسنا يا بوى

سخن نفسك الأول وانا جاهز