هيثم جمال على كرسى الاعتراف

احمد اسماعيل كتب:اشعر انك تهرب من الاجابة عن بعض الاسئلة و تجاوب عليها بطريقة سياسية مثل السؤال الخاص بأحب الاعضاء لقلبك و اقربهم ارجو ان تكون اجاباتك محددة فأنا لن اقتنع ان جميع الاعضاء على ذات الدرجة بالنسبة لك و لكن اثق ان جميعهم لهم قدر كبير من الاحترام و التقدير لديك
ما سبب الدبولماسية التى ترد بها على بعض الاسئلة هل تخشى ان تغضب بعض الاعضاء ؟

لادبلوماسية ولا حاجة الموضوع وما فيه اني لسة لم احتك بالقدر الكافي بالأعضاء علشان دة كذا او ده كذا ومفيش غير سيادتك والأستاذ احمد عبد العليم اللي اقدر اتكلم في حقهم وانا بقول للأعور انت كذا في عينه

احمد اسماعيل كتب:اذا وقع عليك الاختيار لتكتب مقالات فى بعض الصحف المستقلة اسبوعياً ففى اى المجالات و الموضوعات ستكتب و اى الموضوعات ستميل اليها ؟

في المواضيع السياسية طبعاً علشان دي تعتبر متنفس ليا في اولاً وثانياً احب اعرف الناس الحقيقة واقولهم بطلوا النوم في العسل
والمواضيع اللي احب اتكلم فيها الأداء الحكومي والنشاط الإقتصادي والحراك السياسي

احمد اسماعيل كتب:ما رأيك فى ظاهرة انتشار الفساد فى وطننا الغالى مصر التى تأن و تصرخ من كثرة الاورام السرطانية التى أصابتها؟
و ما هى الحلول التى تقترحها لبتر بؤر الفساد او على اقل تقدير الحد من انتشارها

الفساد بقه سمة من سمات الحياة اليومية في مصر لدرجة انك ممكن تعتقد انه موروث ثقافي البلد والحل ليه إقرار حد ادنى للمرتبات لجميع موظفي الدولة وخفض مستوىالأسعار او الحد منها وده مطلب اساسي لمحاولة علاج تلك المشكلة السرطانية كما ذكرت

احمد اسماعيل كتب:ما رأيك فى كسل بعض الاعضاء فى المنتدى فلقد تلاحظ لى ان الكثير منهم يتواجدون بالمنتدى و لا يهتمون بإلقاء الاسئلة على الجالس على كرسى الاعتراف و انا لا اقصدك انت اقصد اى شخص ممن جلسوا على الكرسى ، ألست معى ان عدم القاء الاسئلة يعد نوعاً من السلبية من الاعضاء مثلهم مثل الشعب المصرى
على فكرة السؤال ده سؤال عام والله
لان فعلا انا لاحظت ان اللى بيسألوا دايما اشخاص محددين قد يزيد عليهم شخص او اثنين

طبعاً دي سلبية خطيرة ومش ده الهدف من تطوير المنتدى احنا عايزين ناس نشطة , ولكن انا لاحظت في ناس كتيرة جديدة على المنتدى أو مانونا مش بيدخلوا علىالمنتدى وجدتهم متواجدين وبيلقوا عليا الأسئلة بكثافة وده يعتبر انه في تحسن في الأداء

احمد اسماعيل كتب:هل القضاء فى مصر مستقل ؟

لا القضاء في مصر مش مستقل

فوكس كتب:مارايك فى جماعه الاخوان المسلمين وهل تؤمن بمبادئهم

سبق وانابديت رايي فيهم ايه ياعم انت اتعديت ؟!
وبالنسبةلمبادئهم لا الحكايةمش كده انا ممكن اروح اسرق او اقتل ويكون السبب منوراء الفعل ده نبيل بالنسبة لفاعله كأن يكون يسرق علشان يعطي الغلابة او يقتل علشان يخلص الناس من شرور حد معين الوسيلة هي اللي بتحدد انهم صح ولا لأ يعني مثلاً يكون هناك عمل ارهابي فظيع الهدف من وراءه اظهار جماعة متمردةعلى المجتمع ولها مطالب منبثقة من مبادئ تؤمن بها وتنظر الي المبادئ تجدها نبيلة ولكن دناءة الوسيلة هي اللي بتضيع اي قيمة لتلك المبادئ

فوكس كتب:اذا حدث جدلاووصلوا للسلطه تفتكر ممكن الوضع يكون افضل من ذلك

وده اللي انا بتكلم عليه هما مخدوش فرصتهم علشان نحكم عليهم بجد يعني لو كنا عملنا نظام تجريبي بدخولهم في نظام الحكم من خلال وجود وزير ممثل ليهم في الحكومة كنا ممكن نقول هما على ليه
لكن بالحرب اللي بتتشن عليهم دي تخليك لسةمش مستقر على رأي معين وخصوصاً ان رئيس الجمهوريةفي ايده صلاحية عزل من يشاء اوحل البرلمان في حالات معينة يعني الموضوع كان سهل يكون تحت السيطرة

فوكس كتب:
2-ما رايك فى الاشتراكيه وهل تؤمن بمبادئها

بص ممكننقول قارن بين الإشتراكية والرأسمالية فعند النظر إلي مبادئ الإشتراكيةاللي هي بالعربي كده مضمونها بيقول كله ياكل على طبلية واحدة والرأسمالية بتعتمد على حرية التجارة وسهولة التمكين في مباشرتها من خلال الأفراد العاديين يعني الأولى تحس على الملكية العامة والثانية ترد على الملكية الخاصة والنظريات اللي اتملتفي كلا الموضوعين اوضحت ان مبادئالإشتراكية فيها عدالة اكثر من الراسمالية ولكن في بالنظر دنيا الواقع تجد التقدم والازدهار والخدمات المقدمةمن الدولة على مستوى عالي للمواطنين بنسبة عالية جداً وبكفاءة عالية في الدول الرأسمالية على العكس من الدول ذات النظام الإشتركي وده ممكن تلاحظة على الطبيعة

فوكس كتب:
3-ايه رايك فى الخصخصه وبيع مؤسسات الدوله (الحديد والصلب والتليفوات وغيرهما)

اي نظام تقوم به الدولة في سبيل ضخ نقود في البلد فهو شيء مستحسن ولكن الخطر أن تقوم الدولة بإستخدام ما يرد إليها من نقود جراء ذلك النشاط وذلك يرجع إلي الغرض من الإستعمال والذي يكون الهدف منه اجتماعي وليس منفعة ومن ناحية اخرى الدولة ليست لديها ذاتالخصائص التي يتميز به القطاع الخاص أو قطاع الأعمال وملخص ذلك كله ان الخصصة مشروع جيد ولكن استعمال هو الغير جيد

فوكس كتب:4-ايه رايك فى النائب المحترم احمد عز

لا تعليق

فوكس كتب:
5-ايه رايك فى النائب مصطفى بكرى

بحس معاه ان السياسة فيها صفقات مش مظبوطة

احمدعبدالعليم كتب:

احمد اسماعيل كتب:سبق ان ذكرت انك تؤيد النقاب بشدة ،، و هذا رايك و لكن ما رأيك فى اساءة استخدامه من قبل البعض فى ارتكاب الجرائم و الخروج على الاداب العامة ؟

هذا ليس رأيه
النقاب فريضة منصوص عليها فى القرآن فى قوله تعالى
( يَاأَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا ) الأحزاب / 59
ذلك ادنى ان يعرفن لا تحتاج تفسير لانه لو الحجاب الموجود حاليا فنحن نعرف مرتدياته لان ملامحهم واضحة و وجههم ظاهر
لهذا فلا يجوز ان نقول فى الفروض ارائنا و الا سنجد من يقول رأيه فى الصلاة و الصوم و هذا طبعا لا يجوز

والله عال جداً اللي انا شايفه ده ما تقوموا امسكوا في بعض احسن

سهام كتب:
ما هو هدفك في هذه الحياة ؟؟

اهو هو ده السؤال اللي كنت عايز حد يسأله ليا
انا هدفي في الحياة يكون في تحقيق مشروعي اللي انا عايز احققه وهو اني احافظ على هيبة ديني وده على عدة خطوات ابتداء من اهل بيتي ثم الاقرب فالاقرب وده على فكرة هدف مش سهل تحقيقه ولازم تكون فيه تضحيات كتيره لازم توضع في الحسبان اني ممكن اواجهها [justify]

سهام كتب:ماهو أكثر موقف مؤثر مررت به ؟؟

وفاة والدي رحمة الله عليه

سهام كتب:ما هو الموقف المحرج الذي مررت في في حياتك ؟؟

موقف تنازلت فيه عن حاجة تعتبر من ضمن مبادءي الاساسية واالي مش ممكن ابداً ان افكر حتى اتراجع فيه وده كان من يومين

سهام كتب:من هو قدوتك في هذه الحياة ؟؟

سبق واناجبت على هذا السؤال يرجى المراجعة وكان السؤال منك ايضاً

سهام كتب:ماهو
تقييمك لعالمنا الحالي؟؟

سؤال اجابته ملهاش نهاية لكن خليني اقول انه عالم يحكمه قانون الغاب بالفعل القوي له كل الحقوق والصلاحيات بفعل ما يحلو له في اي وقت شاء والفقير غلبان يدوب ياكل ويشرب ولوانتي متابعة اخبار هتعرفي

زهرة كتب:ما مواصفاتك فى العريس اللى تحب تجوزه للاميرة سلمى

ايضا السؤال لما قراته كان نفسي اجاوب عليع على طول لاهميته
بصي يا ستي انامن الناس اللب بيقول انا بشتري راجل بجد مش جر رجل الواد والسلام انا من دلوقتي معنديش في مواصفات عريس سلمى ان شاء الله غير صفتين هما حسن الخلق والتدين والباقي عليها فيالاختيار موافقة ولا لأ دهيرجعليها ولكن اللي يهمني انا وده ان شاء الله شرطي برده المهم الصفتين اللي انا قلتهم من شوية لإنه لو فيه الصفتين دول هيكون مجتهدفي اكتساب رزقه ويحاول المحافظة على اهل بيته يعني من الأخر كده هتكون البنت اكيد مبسوظة وهي معاه لأنه هيخاففيها ربنا وده اللي بقى نادر الوجود دلوقتي

همام الناظر كتب:يا استاذ فيه اسئلة انت ما ردتش عليها
بس دلوفت يا ريت توقف الرد لعند ما تتقدم بترشيح نفسك فى المنتدى الادارى

حاضر يا همام بيه وبخصوص الإنتخاباتممكن تدخل دلوقتي وهتلاقي ترشيحي اللي انا بحب اشترك فيه

عبده الناظر كتب:منتظرين ترشيح نفسك فى عضوية مجلس الادارة عن المنتديات القانونية و شوف القسم اللى يناسبك ادخل عليه
من فضلك [ندعوك للتسجيل في المنتدى أو التعريف بنفسك لمعاينة هذا الرابط] و يا ريت فورا

لو ترشيحي وصل حد يبلغني

احمدعبدالعليم كتب:اقترح ان يكون يوم الخميس مخصص لاراء الاعضاء فى من جلس على الكرسى خلال الاسبوع و انطبعاتهم عنه
و ارجو ان يتم تنفيذ هذا الامر مع الاستاذ هيثم بداية من الخميس المقبل و اى عضو يسئل فى يوم الخميس سنمسح سؤاله و لا نترك الا اراء الاعضاء و تقييمهم للاستاذ هيثم خلال هذا الاسبوع

ربنا يسترها

romio كتب:فى رايك هل نظام الحكم الاسلامى يمكن تطبيقه هذه الايام

الناس نفسها بتخاف من نظام الحكم الإسلامي مش عارف ليه بس ممكن يكون ده عيب جواهم هما نفسهم وامكانية تطبيقة في الأيام دي وبالنظر إلي
الأوضاع الحالية قول يا رب !!!!!!!!!!!!!

هيثم جمال كتب:

سهام كتب:ما هو الموقف المحرج الذي مررت في في حياتك ؟؟

موقف تنازلت فيه عن حاجة تعتبر من ضمن مبادءي الاساسية واالي مش ممكن ابداً ان افكر حتى اتراجع فيه وده كان من يومين

عارفه الموقف ده
و بكل اسف لو اى حد مكانك كان هايعمل زيك بالظبط و يمكن اكتر
و انا شخصيا لو اتحطيت مكانك هاعمل زيك و اكتر

ما هي اهتماماتك في الحياة ؟

ما هي أهم المبادئ التي تعيش بها ؟