هيثم جمال على كرسى الاعتراف

romio كتب:فى رايك ما سبب ظهور الشباب الذين يعتقدون معتقدات غريبة
مثل الايموز و عبدة الشيطان و الحاجات اللى بالشكل ده

طبعاً سببه غياب الدين عن بيوتنا واللي احنا بنستهزء منه في صورة المشايخ اللي بيجوا في المسلسلات والافلام والفراغ اللي في البلد اللي خليها مفيش حدعنده حلم غير يشبع رغباته او شهواته باختلاف الميول والاهواء ده غير دور الدولة الغائب في العملية دي

romio كتب:و ما رايك فى البهائيين

البهائيين جماعة منحلة وخارجة عن الدين والغريبة انها تحاول تقريب صورتها من الدين الإسلامي ؟! وهي بالطبع جماعة كافرة لا علاقة لها بالدين بإجماع العلماء قاطبة

romio كتب:ما رايك فى حركة كفاية و حركة شايفينكو و حركة عايز حقى و حركة انا عايز من ده
و كل الحركات المعارضة للسياسات الحكومية

ده انا بعتبره بداية الظاهرة الصحية للديموقراطية في مصر بالرغم مما تتعرض له من ضغوط امنية ولكن المهم في بداية حقيقة للناس تقول لأ بحرية او تقول رايها بصراحة من غير ما تبص وراها
زي العفريت اللي يقولك انه في ثلاث طلبات ميقدرش على تحقيقها وهي الصحة والعمر وسياسة أمن الدولة العليا

romio كتب:فى رايك ما سبب انتشار الرشوة فى مصر

بسبب تاصيل الفساد في نفوس الناس وجعلة وسيلة لكسب العيش تحت مسميات مختلفة

احمد الروش كتب:وظيفتك اثرت عليك بالسلب و لا بالايجاب

لا طبعاً بالإيجاب اقولك حاجة تانية انا حياتي كلها اتقلبت بسبب العمل وده للأفضل طبعاً وانا مبسوط بالوضع اللي انا فيه دلوقتي

احمد الروش كتب:هل تقف فى جانب المحامين و لا جانب القضاة فى الازمة الاخيرة و لماذا

الإتنين غلطانين وانا قلت قبل كده ايه اللي ممكن نتعامل بيه مع مشكلة يعني حل بسيط مع موضوع كل يوم بيكبر اكتر من الاول وانا بطبيعةانتمائي في الأساس في جانب المحامين حيث ان بداية حياتي المحاماة التي اشرف بالإنتماء إليها

البرنسيسة كتب:هل انت انسان طموح ؟؟؟

نعم والحمد لله

البرنسيسة كتب:واذا كنت كذلك فهل لطموحك حدود؟

ليس له حدود مطلقاً يعني لحد ما اموت طموحي موجود وينتهي بنهايتي في الحياة

البرنسيسة كتب:
وما هى حدود هذا الطموح فى حالة الاجابة بنعم؟؟؟

[list][*]
طبعاً مفيش حدود

البرنسيسة كتب:هل انت شخص ديموقراطى فى بيتك ام ديكتاتور؟؟؟

انا بتعامل في بيتي بطريقتي اللي ممكن زوجتي تعتبرها ديكتاتورية ولكن اذا كانت هذه هي الديكتاتورية فمرحباً بها

حبيبة كتب:ما هي اهتماماتك في الحياة ؟

اهتمامي ديني وعلمي وثقافي وإجتماعي يعني كل حاجة تهمني

احنا عايزين الاجابات تفصيلية يا استاذ هيثم

حبيبة كتب:احنا عايزين الاجابات تفصيلية يا استاذ هيثم

حاضر
انا بأهتم بشئون ديني في المقام الأول وبحاول احافظ عليه وممكن اعرف غيري اللي ميعرفوش في الدين يعني انا بحب ديني جداً وبأغير عليه جداً لدرجةانتي لو ملاحظة في المداخلات في المنتدى بيننا احنا الأعضاء تلاقني اتصدى لأي موضوع ليه علاقةبالدين واستفيض في بيانه لكي يكون الفهم للكل ولي من خلال البحث عن المعلومة
وبأهتم بشئوني الإجتماعية في المقام الثاني من ناحية الأسرة والاهل بإعتباري كبير اسرتي

حبيبة كتب:احنا عايزين الاجابات تفصيلية يا استاذ هيثم

وكمان بتابع الحياة السياسية واللي بيحصل في البلد وبفكر مع نفسي ازاي نخرج من الوضع اللي احنا فيه ودلوقتي مع المنتدى

حبيبة كتب:ما هي أهم المبادئ التي تعيش بها ؟

اهم مبادئي :
الرضا بما رزقني به الله سبحانه وتعالى
إحترام النفس قبل إحترام الأخرين

حبيبة كتب:ما هي أهم المشاريع التي أنجزتها في حياتك حتى الآن؟

حلو السؤال ده
اهم مشروع انجاز لتعليمي العالي اللي كان امنية والدي رحمة الله عليه
عملي بالمحاماة
زواجي
محاولة الحصول حالياً على الماجستير في القانون

حبيبة كتب:ماذا تحتاج الآن من قدرات وإمكانات لتحقق مشاريعك المستقبلة ؟

توفيق الله عز وجل لي
ووجود وقت اتفرغ فيه لإنجاز ما اتمناه واللي قلته من شويه ( الماجستير)
ودعاء الوالدة لي
وامنياتكمالجملية لي بتحقيق ما اصبو الي تحقيقه

حبيبة كتب:ما هي الأعمال التي تستمتع عند القيام بها؟

اثناء اداء الصلاة
وقراءة القران
وحضور مجالس العلم
وممارسة عملي
والمنتدى
ولعب الكورة بالنادي أو بالفيفا

حبيبة كتب:ما هي من وجهة نظرك أهم نقاط قوتك ؟

إحترامي لنفسي وللغير
وحسن التصرف في المواقف المختلفه
انسان حليم
على فكرة الاجابة مش من عندي ده كلام زوجتي  

حبيبة كتب: كيف تستفيد من نقاط قوتك في مشاريعك ؟

بكل بساطة بوظفها في مكانها الصحيح وملهاش تفصيل تاني

حبيبة كتب:ما هي من وجهة نظرك أهم نقاط ضعفك ؟

حبي واحترامي لوالدي رحمة الله عليه مهما كان الامر لي مهم اتنازل عنه في سبيل رغبته

حبيبة كتب:ما هي أسباب وجود نقاط الضعف لديك ؟

زي ما اجبت حبي واحترامي الشديد لوالدي لدرجة لا توصف

حبيبة كتب:هل هناك طريقة في معالجة نقاط ضعفك مثل (الدراسة ، التدريب، تعويد النفس على بعض الطباع)؟ اذكر هذه الطرق

نقطة الضعف اللي عندي لا توجد بينها علاقة وبين ما اسلفتيه في سؤالك ولكن بصفة عامة الإنسان يجب عليه التعلم من نتاج تصرفاته في المستقبل والوضع في الإعتبار بان نقطة الضعف هو مرض يجب إستئصالة من خلال التدريب على تهميشه أو ازالة الوهم المتعلق به

حبيبة كتب:هل تستطيع وضع مخطط زمني لمعالجة نقاط ضعفك ؟

بصفة لا استطيع وضع مخطط زمني إذ ان الامر متوقف على قوة الإرادة لدي للتخلص منها

حبيبة كتب:ما هي الصفات التي تعجبك في الآخرين ؟

الراي الحسن
الصدق
الطيبة
الرجولة
الأمانة
الكرم