احمد بغدادى على كرسى الاعتراف

الأستاذ / هيثم
أشكر سيادتك على التوجيه بشأن أسماء الأخوات .

اهلا وسهلا يا حبيبى
وانا اقول الكرسى منور ليه اتارى احمد بيه قاعد عليه
انا نازل من التاكسى فوق عند مكتب مجلس الاداره لقيت نور كده محوط المنتدى قلت هو فى ايه ياجماعه رد عليه واحد خليجى وقالى اللى تجولوا عليه حكيم المنتدى على الكرسى جيت بسرعه اخد شويه من النور ده علشان الكهربا بتقطع كتير اليومين دول على السياحه
منورناااااااااااااااااااااااااااااااااااااااااااا ياغالى
اسال ولا بلاش انا شايف ما شاء الله 13 صفحه ولسه انهارده الاحد
اتمنى لك حياه جميله مع اسرتك الكريمه

nana كتب:انا ملاحظة انك مش بترد على الاسئلة يا ترى ليه فيه حاجة مزعلاك

أبدا فى حد يزعل من أصدقائه .

الأستاذ / فوكس ... حبيبى
أنت فين وحشتنى كان الود ودى أخدها جرى أدور عليك علشان تشجعنى فى كرسى الغربة.

nana كتب:انا ملاحظة دايما انك بتتدخل فى كل حاجة و بتدافع عن زمايلك و المشرفين و كأنك رئيس المنتدى يا ترى ايه السبب

بصراحة حضرتك لم تتابعى الموضوعات فى المنتدى منذ فترة ، علشان كده يا ريت تحاولى تراجعى و تقولى رايك بصراحة .

nana كتب:هل تفضل عهد الرئيس مبارك ام الرئيس السادات ام الرئيس عبدالناصر

أفضل عهد جمال عبد الناصر بالنسبة لتجمع العرب على كلمة واحدة و مصير واحد . 

nana كتب:هتختار مين بعدك فى كرسى الاعتراف

يا عالم الأسرار

nana كتب:العضو اللى اسمه القاتل قريته فى شكوته انه اعتذر عن اخطائه و رغم كده انت لم تقبل اعتذاره و هاجمته هل انت انسان غير متسامح و يا ترى لو حد غلط فى القاتل كنت هتدافع عنه برضه و بما تفسر تحيز احمد اسماعيل نائب رئيس المجلس الادارة لك هل لانكم زمايل و تنحازون لبعض على طول و هل يجرؤ احمد اسماعيل او استاذ احمد عبدالعليم رئيس المنتدى على معاقبتك لو غلطت ولا حضرتك فوق العقاب

بصراحة أنا فوجئت بشكواه ضدى ، رغم أننى لو لاحظت أنه أخد كلامى بزعل كنت أعتذرت له قبل أن يتقدم بشكواه ، لأنى أشتركت فى المنتدى لكسب أصدقاء .
لكن علشان الشكوى كانت معروضة على السادة المسئولين بالمنتدى فلم أقم بالتعليق على الموضوع حتى يتم البت فى الشكوى .
و بالنسبة لأستاذى أحمد أسماعيل لم يكن متحيزا أبدا لأن هذا مبدأه ،
كما أن جميع السادة المسئولين عن المنتدى لا يهمهم أحمد بغدادى أو غيره ، لأن الأساس عندهم هو إحترام أعضاء المنتدى لبعض ، و الذى يخرج عن ذلك يتم عقابه طبقا للائحة المنتدى سواء أنا أو غيرى .

nana كتب:مش عارفة ليه حاسة انك مش هتدخل المنتدى تانى لانك قلت انا مستنى اطرد من المنتدى يا ترى الكلام ده صحيح مع انك سنك مش صغير

بصراحة أن كنت بأقدم الولاء للمنتدى ، و توقعت أقصى و أقسى عقوبة وهى الطرد .
إنما أنا عن نفسى لا أستغنى عن المنتدى .

الرجولة انا كتب:كنت عايز اسئلك شوية اسئلة بس فوجئت انك حضرتك مش بتعبر الاعضاء فا مش هسئلك غير لما تقدر الناس اللى داخلين يسالوك

أن تحت أمرك فى أى وقت .. يا أبو الرجوله
أنا عمرى ما أقدر أهين أحد أبدا و خصوصا الأخوة فى المنتدى .

وائل عبدالعظيم كتب:استاذ احمد انت رجل محترم جدا و ذلك واضح من كتاباتك و لكنى استشعر انك تحاول ان تكون انسان مجهول بعض الشىء و تتحدث مع الاعضاء بلهجة يصعب على البعض فهمها و الدليل كلام الاعضاء و على راسهم عبده الناظر يعنى ناس متعلمة مش قادرين يتواصلوا معاك مع انك المفروض تنزل لمستوى الاعضاء و تتحدث مع الجميع بلهجة مفهومة هل تتعمد ذلك ام ان هذه هى طبيعتك

آسف إذا كان فعلا أسلوبى لا يعبر عن طبيعتى ، لكن بصراحة أنا نفسى تكون موضوعاتى فى المنتدى و ردودى على الأصدقاء معبرة عنى .
علشان كده يا أستاذ / وائل
كان نفسى حضرتك تحكم على شخصى بعد مراجعة موضوعاتى و الردود على الأصدقاء ، بدل الإستدلال بكلام الأستاذ / عبده الناظر ، لأنه معندوش وقت يطالع الموضوعات ، و أنا أخدت بنصيحته و طلبت منه يساعدنى فى الردود لأنى أثق به و فى أسلوبه فى التعامل مع الجميع .

وائل عبدالعظيم كتب:انت محترم زيادة عن اللزوم بزيادة قوى يا ترى تتعامل مع الجميع بالاسلوب ده و لا ناس ناس

أستاذ / وائل
بصراحة بدأت أحس أن الأحترام أصبح عيب خطير وآفة خطيرة فى المجتمع .
على إفتراض أننى مش كده و بحاول أكون محترم ، هل هذا يعتبر أسلوب خاطئ يجب الرجوع عنه ، على فكره إستحاله المحترم يتعامل مع الناس بطريقتين ، فالمحترم محترم مهما تغيرت به الظروف .

وائل عبدالعظيم كتب:هو حضرتك مش بترد ليه على الاسئلة مش المفروض ان الكرسى لغاية يوم الجمعة الجاى

أعتقد أننى رديت على كل الأسئلة ، حتى التى كانت تحاول تستفزنى .

omr كتب:أستاذ أحمد ...أيه السؤال ءالى كنت منتظر حد يسأله لك ولم يسأله أحد..وأيه الأجابه..

ما هو رأيك فى أساليب بعض الأخوة فى مناقشة موضوعات المنتدى و الردود عليها ؟
أننى أرى أن أساليبهم تحتاج منهم شوية تفكير ، و يسألون أنفسهم ،
أولا : أيه سبب إشتراكهم فى المنتدى ،
ثانيا : ما الأسلوب الذى يفضله كلا منهم فى التعامل ،
ثالثا : أهمية الموضوع الذى يتم المناقشة فيه و هل يستحق عمل مشكلة من أجله .

omr كتب:من وجهة نظرك الشخصيه ..أيه بجد ءالى محتاجه المنتدى

الحمد لله المنتدي تم تشكيله بطريقة ممتازه و كان أهم تلك الإجراءات هو وضع الديمقراطية حيز التنفيذ بالمنتدى .
لكن أتمنى من الأعضاء أن يأخذوا بعض من نشاطك الملحوظ ، و ينتهزوا فرصة التجاوب من إدارة المنتدى مع أى إقتراح جدى بشأن المنتدى .

و أشكرك شخصيا على مجهودك الرائع فى المنتدى ، و أهنئك على تزكية السادة المسئولين فى المنتدى لك على آدائك الممتاز .

السادة المسئولين بالمنتدى
أتقدم بخالص شكرى و تقديرى لإدارتكم للمنتدى
و نظرا لظروف خاصة ، أتقدم بالإعتذار عن إستكمال الأسبوع على كرسى الإعتراف .
و تقبلو منى خالص الشكر والتقدير لسيادتكم

أحمد بغدادى

على فكرة الاسمه وائل عبد العظيم و نانا و الناس دى
انتو خدتو كلامى للاستاذ احمد بغدادى حجة ليكو عشان تستفزو الراجل و تقلو ادبكم
و انا اقسم بالله ما كان فى قصدى غير انى اضحك معاه
انما لو كنت اعرف ان فيه عالم زيكو كده انا ما كنتش كتبت و لا كلمة
و الاستاذ البغدادى لانه راجل محترم ما ردش عليكو بالتستحقوه
انما انا بقى اعرف اتعامل مع المن صنفكم كويس
انا بعتذرللاستاذ البغدادى ان بسبب كلامى المالهومش سعر اتجرؤو عليه

انا مستنى حد منهم يرد عليا عشان ساعتها اسمعهم اليستحقوه قدام كل الناس

هيثم جمال كتب:

أحمد بغدادى كتب:

nana كتب:ممكن سؤال من غير زعل :
مش عارفة ليه بحس انك بتتفلسف على الاعضاء و بتتكلم معاهم بطريقة فيها تعالى و بتحاول تتكلم بطريقة يصعب فهمها يا ترى ايه السبب

الأخت ... نانسى
حضرتك لو لاحظتى أننى فى بداية جلوسى على كرسى الإعتراف ، طلبت أن يكون جلوسى معكم للتعارف وليس للإعتراف ، و قلت أن التعارف هو وسيلة للصداقة ، أما الإكراه وسيلة للإعتراف ،
و بالتالى فلا يمكننى أن أتفلسف على الأخوة الذين أطلب صداقتهم ،
و مش معقول بطلب صداقتهم و أتعالى عليهم أو اكلمهم بطريقة غير مفهومه .
جايز أكون فشلت فى التعبير بأسلوبى فى التقرب إليهم ، والسبب هو قلة خبرتى فى التعامل مع الآخرين ، و لهذا اشتركت فى المنتدى لأكتسب خبرة فى إدارة الحوار مع الآخرين . 

استاذنا القدير احمد بغدادى
الاخت اللى انت بترد عليها دى نانا مش نانسى
لانالزميلة نانسى تعمل تحت رئاستك وتعرف قدرك جيدا

فعلا الاستاذ احمد بغدادى رجل محترم كتير و انا ما بقدر انى اتكلم معه بها الطريقة

الغلطة غلطة عبده لانه كان لازم يعرف ان فيه ناس كتير مشتركين غرب عنينا
و فيه ناس سو ممكن تاخد كلامه فرصة عشان يتبجحو و يقلو ادبهم
استاذ احمد بغدادى انا بعتذر لك و شوف اللى تحكم بيه عشان تسامحنا و هايتنفذ دلوك و على رقبتى انا و حساب عبده عندى و الجماعة البيتكلمو دول احنا نعرفوا نردو عليهم و نوقف كل واحد عند حده بس احنا عاملين احترام لادارة المنتدى بس كلمة كمان منيهم يبقى الله اكبر عليهم و ما حدش يزعل من الهايتقال و المش متعود على قلة الادب مايخشش يقرا
حقك على راسى يا استاذ احمد بغدادى و جزمتك قيمتها فوق راسنا كلنا و انا مستعد اجى لعندك اراضيك عشان عبده و غلطته المش مقصوده و حياة رحمة الغالى

بجد انا سعيد جدا بحكمة و حنكة استاذ احمد البغدادى فى الرد على جميع الاسئلة و بجد انا بحسده على هدوء اعصابه ده يا ريتنى زيه
و احنا بنقدر ظروفه الشخصية و العملية التى منعته من استكمال باقى الاسبوع المخصص له و ان كنا نتمنى ان يظل معنا لاطول فترة ممكنة للاستفادة منه
اما بخصوص استاذ عبده الناظر انا متأكد انه كان بيتكلم بحسن نية مثله مثل كل عائلة الناظر لكن للاسف هناك البعض يستغلون و يتلاعبون بالالفاظ فالعيب مش فى استاذ عبده العيب فى المستغلين المتلاعبين من اصحاب النفوس الضعيفة ، و الموضوع انتهى على كده و هيوحشنا استاذ بغدادى لكن نعمل ايه فى ظروف شغله اللى لتحتم عليه السفر الدائم و المتكرر
فعلا انت حكيم المنتدى
مع خالص تقديرى و احترامى لشخصكم

كبير المنتدى الاستاذ احمد بغدادى
احنا ناس بنحب نضحك مع اللى بنحبهم
عشان كده عبده كان بيضحك معاك و ماكانش يقصد اى حاجة و الله
و لو فكرنا ان فيه ( انا عايز اشتم بس عامل احترام لادارة الموقع ) ماكانش فتح بقو قدام ناس زى دى
عموما احنا بنعتذ ليك كلنا مش عبده بس لان الغلطة دى فو وشنا كلنا و حقك على راسنا
و الجماعة اللى اتكلمو دولى ان شاء الله شيطانهم هايلعبلهم فى ....... و هايردوا علينا عشان نعرف نقولهم الكلام اللى عايزين يسمعوه منك بس انت راجل محترم و ما ريحتهمش انما احنا ناس هانعرف نريحهم و نسمعهم اللى عايزين يسمعوه
انا بعتذر لك و ملحوقة ان شاء الله مع العالم دى

الأخ الباشمهندس / همام الناظر .. كبير عائلة الناظر .. كبير أسرة المنتدى
الأخ الأستاذ / عبده الناظر .. حبو ب المنتدى
الأخ الأستاذ / عمر الناظر .. دبلوماسى المنتدى

أتقدم بخالص الشكر و العرفان لكم على كلامكم الذى يوزن بميزان الذهب ،
و أهنئ نفسى لإنتمائى لأسرة المنتدى التى تضم أفراد مثلكم بكل هذه الشهامة و الرجولة من عائلة الناظر ذات الأصل العريق ، و هى فخر لكل من يتعامل معها و يتوطد علاقته بها .
أحب أن أعرف سيادتكم أن الأخ / عبده لم يتكلم بأى حاجة تزعل ، بل بالعكس كان بالنسبة لى الصديق المداعب ، و بصراحة كلامه كان فى وقته لأن كنت مستنى صديق يخفف حديثى شوية .
و أنا آسف لو تسببت للأخوة عائلة الناظر بأى قلق ، بس أنا مبسوط جدا بهذا الموقف لأننى خدته فرصه و كلمت الأستاذ / عبده شخصيا و كان حديثه عبارة عن كرم زائد أشكره عليه .
و أدعو الله عز وجل أن يديم المحبة علينا جميعا .
و أتقدم لإدارة المنتدى بإعتذارى عن تغيبى باقى الأسبوع بسبب ظروف العمل .
و إن شاء الله يمضى الأسبوع بسلام
و السلام عليكم و رحمة الله و بركاته


 

الاستاذ احمد بغدادي لو كان فعلاً ظروف العمل لا محالة فاننا بنعذرك ولكن انت رجل كبير في السن وفي الخبرة في الحياة تمكن لك الرد باسلوب توقعنا حدوثه والحوار معك ممتع ولكن يجب ان تكون الأسئلة ساخنة لكي تظهر معدنك الحقيقي اللي الأعضاء شايفاه
وانا بأعتذر ليك لو كان في حاجة في اسئلتي زعلتك وانا مخدتش بالي إلا من خلال تنويه الزميلة نانسي بأني تكلمت معك بأسلوب تراه غير مناسب ولكن ده غير مقصود وذلك لعدة اسباب منها تقديري لشخصك وثانياً انا اصلاً سويسي من مواليد حي فيصل يعني الدم بيحن فأنا معك قلباً وقالباً
واقولي من اللي زعلك وانا هستناهبره امام المنتدى واسئل عبد الرؤوف