احمد بغدادى على كرسى الاعتراف

لو كنت مرشدا سياحيا في الصحراء الغربية من ستصطحب معك وتضيعه هناك ، ولماذا ؟

أختر خمسة أعضاء من المنتدى وامنحهم ألقاباً جديدة ؟

وجه رسالة لشخص لا يعرفه إلا أنت ؟

اجمل بلد زرتها ؟

افضل شخصيه في رأيك ؟

فنانك ومطربك المفضله؟

من هم الأعضاء اللي تود مصادقتهم ؟

من هم الأعضاء اللي تتمنى تشوفهم؟

رأيك بـ الصداقـه بيـن الجنسيـن؟

شخــص غيــّر مجــري حياتـــك؟

ممكن سؤال من غير زعل :
مش عارفة ليه بحس انك بتتفلسف على الاعضاء و بتتكلم معاهم بطريقة فيها تعالى و بتحاول تتكلم بطريقة يصعب فهمها يا ترى ايه السبب

هل انت شاعر و تميل للرومانسية

مش عارفة ليه حاسة انك بتتصنع المثالية و لا انت مثالى فعلا بجد مش عارفة يا ريت ترد عليا لانك شخصية مش قادرة افهمها خااااااااااااااااااااالص لان مش ممكن لسه فيه حد كده

انا ملاحظة انك مش بترد على الاسئلة يا ترى ليه فيه حاجة مزعلاك

انا ملاحظة دايما انك بتتدخل فى كل حاجة و بتدافع عن زمايلك و المشرفين و كأنك رئيس المنتدى يا ترى ايه السبب

هل تفضل عهد الرئيس مبارك ام الرئيس السادات ام الرئيس عبدالناصر

هتختار مين بعدك فى كرسى الاعتراف

العضو اللى اسمه القاتل قريته فى شكوته انه اعتذر عن اخطائه و رغم كده انت لم تقبل اعتذاره و هاجمته هل انت انسان غير متسامح و يا ترى لو حد غلط فى القاتل كنت هتدافع عنه برضه و بما تفسر تحيز احمد اسماعيل نائب رئيس المجلس الادارة لك هل لانكم زمايل و تنحازون لبعض على طول و هل يجرؤ احمد اسماعيل او استاذ احمد عبدالعليم رئيس المنتدى على معاقبتك لو غلطت ولا حضرتك فوق العقاب

مش عارفة ليه حاسة انك مش هتدخل المنتدى تانى لانك قلت انا مستنى اطرد من المنتدى يا ترى الكلام ده صحيح مع انك سنك مش صغير

كنت عايز اسئلك شوية اسئلة بس فوجئت انك حضرتك مش بتعبر الاعضاء فا مش هسئلك غير لما تقدر الناس اللى داخلين يسالوك

استاذ احمد انت رجل محترم جدا و ذلك واضح من كتاباتك و لكنى استشعر انك تحاول ان تكون انسان مجهول بعض الشىء و تتحدث مع الاعضاء بلهجة يصعب على البعض فهمها و الدليل كلام الاعضاء و على راسهم عبده الناظر يعنى ناس متعلمة مش قادرين يتواصلوا معاك مع انك المفروض تنزل لمستوى الاعضاء و تتحدث مع الجميع بلهجة مفهومة هل تتعمد ذلك ام ان هذه هى طبيعتك

انت محترم زيادة عن اللزوم بزيادة قوى يا ترى تتعامل مع الجميع بالاسلوب ده و لا ناس ناس

هو حضرتك مش بترد ليه على الاسئلة مش المفروض ان الكرسى لغاية يوم الجمعة الجاى

زهرة كتب:لو ظهر في بيتك تمثال اثرى ..هل ستخبر الدولة أم تختار الصمت ؟

بصراحة مش عارف ، بس أعتقد أننى ساخبر الدولة لأن الطبع يغلب التطبع ، و انا طبعى لا أقبل حاجة مش بتاعتى .

زهرة كتب:لو قدر لك أن تدخل السجن فماهي القضية التي تتمنى أن تدخل بها إليه ؟

ليــــــــه يا زهرة كده
على العموم لو دخلت السجن لا قدر الله هيكون بقضية خاصة بالدين لأن الدين أساس حياتى وبدونه تنتهى الحياة .