الموسيقار على كرسى الاعتراف

محمدالناظر كتب:لو خيروك تكون مشرف أي قسم تختار ؟

طبعاً أنا بحب الرياضة جداً ولو خيروني أكون مشرف منتدى أختار الرياضي ولكن بمنتهى الأمانه المشرف الحالي للقسم الرياضي يتابع عمله على أعلى أعلى أعلى مستوى أكيد مفيش أفضل من كده الله يعطيه ألف عافية .

محمدالناظر كتب:من هم الأعضاء اللي تود مصادقتهم ؟ .

أكيد يا أستاذ محمد أنت من الأعضاء اللي أود مصادقتهم بس مش هاقول أسمك قبل ما أقول الأخ المحترم العزيز المهندس / همام الناظر اللي ليا عظيم الشرف أن أقول أنا ابن عمي ويارب يروح ويجي بألف سلامة من العمره وبالتابعية طبعاً لازم أقول الأستاذ عمر الناظر والأستاذ عبده الناظر وجميع الأهل بقنا وأيضاً أود مصادقة الجميلة نانسي اللي أتمنا لها زواج سعيد . وجميع الأعضاء أكيد .

محمدالناظر كتب:من هم الأعضاء اللي تتمنى تشوفهم؟

أكيد أتمنى أشوف جميع الأعضاء كما ذكرت في الاجابة السابقة .

محمدالناظر كتب:رأيك بـ الصداقـه بيـن الجنسيـن؟

بصراحة بعتبره كلام فاضي أنا غير مقتنع بهذا الموضوع

محمدالناظر كتب:عضو عاجبتك صورته الشخصيه وتوقيعه ؟

عاجبني توقيعي جداً

محمدالناظر كتب:عضو نشيط... ؟

أسمحلي أرد على مجموعة الأسئلة السريعة مرة واحدة
العضو النشيط مشرف القسم الرياضي
عضو واثق من نفسه الأستاذ هيثم جمال
عضو داخل مزاجي جميع الأعضاء المهتمين بالمنتدى
عضو مثقف الجميلة نانسي
عضو أغير أسمه مفيش حد لأن أختيار الأسماء حرية شخصية
عضو أقوله برافو أكيد سيادة الرئيس الأستاذ أحمد عبد العليم والسبب كلكم عارفينه هو تفانيه في العمل لرفع مستوى المنتدى ربنا يوفقه
طبعاً الحب أهم شئ في الدنيا والحب يبدأ من حب الله والرسول والوالدين والاخوة والزوجة والأولاد والأصدقاء إلى حب كل شئ في الله .

محمدالناظر كتب:صــف نفســـك بكلمتيـــن فقـــط..!

عبداً للـــــــــه

محمدالناظر كتب:مــاهــو الشــئ الذي ندمــت علــي عمـلــــه؟!؟

الحمد لله عمري ماندمت على حاجه لأني عندي قناعة كامله أني مش هاخد غير اللي ربنا كاتبهولي

محمدالناظر كتب:كـلمـــة تمنيـــــت ان تسـتطيـــع سحـبهــــا؟!؟

الحمد لله عمري ما اتمنيت هذه الأمنية لأني عندما أقرر بتوكل على الله واسيب الأمر لله

محمدالناظر كتب:آخـــر شخـــص تتـــذكــــره قبـــل أن تنـــــام؟!؟

بصراحة مش بفتكر حد أنا ما بصدق أطول السرير . ههههههه

اهلا بالمسيقار انت وقعت ولا الهوى رماك(كل سنه وانت طيب )
1-اوصف لنا كيف يبدا يومك
2-فى اى المساجد تصلى القيام
3-كيف اشتركت فى الجمعيه التى ذكرتها مسبقا
3-ماهو اكبر مبلغ حصلت عليه لله
4-ماهو اصغر مبلغ
5- كيف ترى المستقبل لرنا وريم بارك الله لك فيهما
6-اذا حضر من يريد ان يتزوج من يخصك احدهما وظيفه ذات عائد ممتاز ولديه سياره ولاكن بيصلى احيانا
والاخر ملتزم دينيا ودخله متوسط ويبحث عن شقه ايجار وصديق لك
ايهما تختار وبصراااااااااااااااااااااااااااااااااحه جدا لو سمحت
اتمنى لك اسبوع موفق

محمدالناظر كتب:جــريمــة تتمنـــي لـــو تستطيـــع ارتكابهــــا؟!؟

الجريمة التي أتمنى أرتكبها أن أقتل كل من تعدو على الدين والمقدسات الدينية
أما الشخص الذي أحلم به بصراحة أنا مش بحلم إلا كل فين وفين

محمدالناظر كتب:غرق المنتدى ومعك قارب مايشيل الا ثلاثه من تاخذ معك ؟

اسمحلي يا بن عمي أرد على باقي أسألتك مرة واحدة
الموقف اللي صدمني ولن أنساه هو وفاة المغفور له باذن الله والدي
شخص أتمنى الانتقام منه هو الكلب شارون
الشخص الذي لا أستطيع مسامحته الرجلين السابق ذكرهم أني خسرتهم وهي دي مشكلتي أني صعب جداً أن أخسر حد ولكن لو حصل عمري ما أعرفه تاني لو حتى حرر القدس
الشخص اللي غير مجرى حياتي هو خالي الحاج أحمد اللي عييني في الكهرباء
الحلم الذي لم استطيع تحقيقه الحمد لله الأمور ماشية الحمد لله زي ما أنا عاوز لحد دلوقتي
الكلمة اللي أود سماعها كل يوم (بابا هاتلنا حاجة حلوة) من رنا وريم .
طالع رحلة برية أخد مين معايا . أنا مش باطلع رحلة برية أنا من هواة الصيد في البحر ممكن أطلع البحر وأخد أي حد يحب يجي يجرب و أوعده أنه مش هايندم .
بالنسبة للقارب اللي يشيل ثلاثة ده مش هاينفع معانا يا عم محمد خالص أنت عارف العائلة كبيرة في اسماعيلية وفي قنا هايشيل مين ولا مين أحنا نغرق القارب وناخدها عوم مع بعض أحسن . هههههه .
على كل حال بشكرك على أسئلتك الجميلة يابن عمي . رمضان كريم

حليم كتب:كل سنة و انت طيب يا ابو عمو
انا عبد الحليم حمدان الناظر
واد اخو المهندس همام
اسمحلى بقى اسئلك كام سؤال

وأنت بالصحة والسلامة يا حبيب قلبي يا مرحب بيك يا عبد الحليم ومرحب بالكبير المهندس همام اتفضل ياباشا اسأل اللي أنت عاوزه

حمد لله على عودة الشعبية من جديد على كرسي الإعتراف على شخصية محبوبة ومحترمة وتايخية في صداقتي له لدرجة الإخوة إذ اننا مع بعض منذ الصغر كل سنة وانت بصحة وسعادة محمود بيك عبد العليم واوعدك بأنك هتشوف اللي عمرك ما شوفته على كرسي الإعتراف والسبب صراحتك اللي مش غريبة عليك

محمود بيك عايزك ترجع ورا على الكرسي وتاخد نفس عميق وتقولي بعد العمر اللي عدى عليك انت ايه اللي حققته من حلمك ويا ترى لسه في تاني

استاذى الفاضل محمود الشهير بالموسيقار شرفتنا و نورتنا و اسمح لى ان اتطفل عليك و اسألك بعض الاسئلة :
هل انت متسامح؟

هل انت مغرور؟

اذا عرضت عليك محاربة الفساد و مواجهة الكبار بالطريقة التى تروق لك و بما يحفظ سلامتك و امنك هل توافق ام ترفض؟
ده سؤال لولبى و اه لو رديت رد مش عجبنى هشتكيك لكبيرك اللى انت عارفه و هو حبيبى فى نفس الوقت و بلاش اوضح اكتر احسن حد يفهم اصلى خبيث شوية

اذا عرضت عليك الانضمام لجماعة لمحاربة الفساد و تعهدت لك بالمحافظة على امنك و سلامتك و تعيش فى حماية من يستطيعون حمايتك بعد الله طبعا هل توافق ام ترفض
ارجو ان تكون الاجابة واضحة

عند الغضب هل تستخدم يدك ام عقلك؟

قيم مجلس ادارة المنتدى من حيث مميزات المجلس و عيوبه

اذا عرضت عليك محاربة الفساد و مواجهة الكبار بالطريقة التى تروق لك و بما يحفظ سلامتك و امنك هل توافق ام ترفض؟
ده سؤال لولبى و اه لو رديت رد مش عجبنى هشتكيك لكبيرك اللى انت عارفه و هو حبيبى فى نفس الوقت و بلاش اوضح اكتر احسن حد يفهم اصلى خبيث شوية

ما رايك فى كلا من :
رئيس المنتدى السيد الاستاذ احمد عبدالعليم
البرنس المصرى
الاستاذ عمر
الاستاذ محمد عبدالرؤف عضو مجلس الادارة عن المنتديات الرياضية
الاستاذة نانسى

ما هى فاكارك و مقترحاتك لتطوير المنتدى و محاولة جذب الاعضاء بعد حالة الكسل الغير عادية التى اصابت الجميع