الموسيقار على كرسى الاعتراف

مارسيل كتب:ما طبيعة عملك

أنا مدرب كمبيوتر بمركز تدريب كهرباء فايد (مبارك - كول) التابع لشركة شرق الدلتا لإنتاج الكهرباء .

مارسيل كتب:هل تحب عملك ام كنت تتمنى ان تعمل بوظيفة اخرى و ما هى

أحب عملي جداً

مارسيل كتب:هل تزوجت عن حب ام زواج تقليدى

زواج تقليدي واللهم لك الحمد أحسن من 1000000 جواز عن حب .

Nicole كتب:

عمرالناظر كتب:
عمومى مبروك يا نانسى و عقبالى و يا رب تكون لبنانية عشان تحسين السلالة
يعنى لو نيكول مش مخطوبة قوليلها تفكر
و بعدين صعيدى مع لبنانى يعملو شغل زين و يبقى مكس عجيب كانك عملتى قهوة و حطيتى عليها عصير مانجة

يا نيكول لو لسه ما تجوزتيش تعالي نجوزك لعمر ابن عمي عشان نفسة يشرب قهوة بعصير المانجو . هههههههههههههههههه

حبيبة كتب:يا ريت تعرفنا انت بتقول ان مش ليك فى السياسة
ليه
هل لانك بتخاف و لا لانك معترض الاعتراض السلبى

الحمد لله أنا لا أخشى إلا الله .
الموضوع بمنتهى البساطه أنا مش بحب السياسة ولا الكلام فيها زيها زي أي حاجه في ناس بتحبها وناس مش بتحبها .

حبيبة كتب:اذا اجبرت على اختيار حزب سياسى تنضم ليه
ما الحزب الى هاتختاره

مفيش أي حد يقدر يجبرني على حاجه وبرضو مش هاختار أي حزب .

حبيبة كتب:ما اسباب حبك للرئيس مبارك

والله العظيم ما أعرف أيه السبب بس بحبه .
ربنا يخليه لينا ويديلو الصحة .

الف شكر يا موسيقار لدفاعك عنى و مش هقولك غير تسلم يا غالى انت بجد راجل محترم و مؤدب و يا سيدى انت اخويا و انت عارف حبى ليك و انا مش فوق النقد ولا حاجة بالعكس انا بحب النقد و اسأل الكبير بس بحب الادب فى التعامل و الشياكة برضه مطلوبة و مش بحب النصيحة اللى بحس ان وراها غرض مش لوجه الله و بالعكس انا فاهم كلامك صح جدا الله يسامحها بقه اللى مفيش وراها غير عمل مشاكل و انتوا كده يا جماعة عمالين تعملوا شعبية للاخت حبيبة هو ده هدفها اننا نقعد نتكلم عليها فا سيبوها تتكلم براحتها ده حقها انها تتكلم و احنا حقنا نسمع او لا فيه حرية تامة اللى عايز يتكلم براحته و اللى مش عايز يسمع برضه براحته
عموما يا باشا انا مش عارف اقولك ايه على ذوقك و ادبك

حبيبة كتب:على فكرة انا عارفة ان نائب رئيس مجلس الادارة هايثور عليا زى عادته من يوم ما فاز فى الانتخابات بقى مش بيستحمل حد ينتقد او يقول رأيه و بقى عايز يحجر على كل الاراء و طبعا اكيد انتو مش نسيتو الى حصل مع الاخت زهرة قبل كده بسبب انها قالت رئيها و مش كانت بتوجه كلامها ليه و انا جاهزة طبعا للعاصفة الى هايعملها عليا
على فكرة انا مش بهاجمه لانه فاز فى الانتخابات انما لانى شايفة انى لما انتقد الاخطاء و القصور فى المنتدى يبقى انا بحاول اعدل المسار و ارجعه للصح

صدقت توقعاتى

احمد اسماعيل كتب:بمناسبة الاستاذة حبيبة التى تفكر فى طوال الوقت و لا تستطيع نسيانى ( مش عارف ليه )
يا ريت يا موسيقار ترد على سؤالى :
ماذا قدمت الاستاذة حبيبة للمنتدى و ما هى بصماتها و انجازتها من وجهة نظر و من واقع الموضوعات التى اضافتها للمنتدى و انا اقصد الموضوعات و ليس المساهمات ، يا ريت قبل ما ترد يا موسيقار ترجع للاحصائيات ؟

انا محامية و نزلت موضوعات قانونية كتير فى مجال الاحوال الشخصية و مش كان فى اصلا منتدى للاحوال الشخصية و اتعمل بمشاركاتى و مش فى لحد الان غير مواضيعى انا
يعنى انا مش بتاعة ردود زى ما حضرتك بتحاول توصل للاعضاء
و بعدين انا مهتمة بقضايا الاسرة و محاكم الاسرة و هو ده المجال الى انا بقدر ابدع فيه و المنتدى استفاد منى فيه لانه مجال مش كان حد مهتم بيه و انا عملته
يا ريت بقى حضرتك تقولى عملت ايه

انا على فكرة ملتزمة بعدم الهجوم على نائب رئيس مجلس الادارة و لكنى قادرة على الرد على اى تجاوز فى حقى
و لازم ادارة المنتدى تعرف ان الاعضاء مش فى اى حاجة بتجبرهم على دخول المنتدى يعنى الى مش يلاقى حسن مقابلة ايه الى يطره يدخل تانى
الهجوم الغريب على واحدة قالت رأيها ده شيء غريب خصوصا ان الرأى ده مش فيه اى تجاوز
و المفروض انى انا التزم بتعليمات رئيس مجلس الادارة و اسكت لكن التعليمات دى مش بتمشى على نائب رئيس مجلس الادارة و الاعضاء الى ردو
يا ريت نشوف كلام المدير العام هل ده مش فيه تجاوز اكتر بكتير جدا من كلامى الى مش فيه اى تجاوز
و شوفو كلام الاستاذ احمد اسماعيل نفسه كل كلامه تلميحات عليا مش لطيفة
و بعدين شهرة ايه الى بتتكلمو عليها مش افتكر انى بهاجم شخصية عامة و لا المنتدى اعضائه بالالاف
انا ملتزمة بعدم نقد نائب رئيس مجلس الادارة بما انه فوق النقد بس يا ريت مش ينتقدنى برضو

انا بشعر انو فيه ناس ما بيروقلا فكرة كرسى الاعتراف و بتحاول تثير مشاكل بكل مرة يكون كرسى الاعتراف مميز
بعتقد انو لو ما بيروقلى شى بتركو و ما بشوفو انما بكل شوى نلقى شغلة و مشاكل هايدا شى ما بعرفلو تفسير

موسيقار بحب قولك انك مميز بحق و كلامك قريب للقلب
و نيكول دخلت لتسألك باكتر من وقت لكنا ما بتعرف شو بتقول لانو كل الناس سألو بكل يالى بدنا اياه
بهنيك على اسبوعك المميز كتير كتير و ما تلتفت لاى حدا بدو يفسد عليك اسبوعك الرائع لان نفس الاشخاص تقريبا اصتنعو مشكلات بوقت ما كنت انا ع كرسى الاعتراف
تقريبا بدون يلغو كرسى الاعتراف او شى ما بعرف بس واضح انو ما بيروقلهن او انها عادة عندون
و زى ما بيقول المثل
عادة بالبدن، ما بيغيرها غير الكفن

حبيبة كتب:اذا طالبك الاعضاء بالترشح للانتخابات القادمة
و اجبروك على قبول الترشيح
ما الموقع الذى تختار الترشح عليه

والله الأعضاء لو طالبوني بالترشيح في الوقت ده هيكونو مختارين الموقع اللي عاوزيني فيه مش هايكون عندي فرصة للاختيار لأن هايكون في مكان معين هما شايفين أنه مناسب ليا وعاوزني فيه .
أفكرك بس (مفيش حد يقدر يجبرني على حاجه) .

حبيبة كتب:فى رايك ماذا قدم الاستاذ احمد اسماعيل للمنتدى

أنا هاقول لحضرتك حاجه :
إذا زكرت منتديات الناظر ذكر قبلها السادة المحترمين المجتهدين الأتي أسمائهم :
1- الأستاذ / أحمد عبد العليم
2- الأستاذ / أحمد اسماعيل
3- الأستاذ / هيثم جمال
4- الأستاذ / البرنس المصري
5 - الأستاذ / فوكس
6- وطبعاً المهندس / همام الناظر فاكهة المنتدى
يا أستاذه حبيبة الناس دي يكفيني أقولك أنهم اللي خلوكي في يوم من الأيام تلاقي منتدى تقدري تقولي فيه رأيك المهني وغير المهني وتجدي من يناقشك فيه وتحسي بنفسك كمحامية في وسط كوكبة من ألمع نجوم المحاماه لأنك عمرك ما كنتي هاتحسي بنفسك كمحامية في أي منتدى تاني . طبعاً أنتي ليكي كل تقدير وأنا شايف أنك لو حاولتي تتعاوني شوية مع فريق العمل هايكون ليكي تأثير كبير جداً . أنتي واضح أنك من أصحاب الآراء الجريئة .
أنا بدعوكي تنسي اللي فات ونبدأ مع بعض صفحة جديدة وننسى الأمور اللي بتوتر أجواء المنتدى أسمحيلي يا أختي الغالية أنا مش هارد على الأسئلة اللي هاشعر أنها ممكن تعمل دوشة .
أنا منتظر تقوليلي أن خلاص صافي يا لبن مفيش أفضل من الأيام الجميلة اللي احنا فيها دي عشان نتسامح مع بعض ونزيل الخصومة .
في انتظار ردك رمضان كريم

احمد اسماعيل كتب:الف شكر يا موسيقار لدفاعك عنى و مش هقولك غير تسلم يا غالى انت بجد راجل محترم و مؤدب و يا سيدى انت اخويا و انت عارف حبى ليك و انا مش فوق النقد ولا حاجة بالعكس انا بحب النقد و اسأل الكبير بس بحب الادب فى التعامل و الشياكة برضه مطلوبة و مش بحب النصيحة اللى بحس ان وراها غرض مش لوجه الله و بالعكس انا فاهم كلامك صح جدا الله يسامحها بقه اللى مفيش وراها غير عمل مشاكل و انتوا كده يا جماعة عمالين تعملوا شعبية للاخت حبيبة هو ده هدفها اننا نقعد نتكلم عليها فا سيبوها تتكلم براحتها ده حقها انها تتكلم و احنا حقنا نسمع او لا فيه حرية تامة اللى عايز يتكلم براحته و اللى مش عايز يسمع برضه براحته
عموما يا باشا انا مش عارف اقولك ايه على ذوقك و ادبك

أحمد بيه احنا طول عمرنا نعهد فيك انكار الذات وحب روح الجماعه وبمنتهى الأمانة أنا حتى الأن مش عارف أديلك حقك واللي أنا قولته عليك ده نقطة في بحر أنت أكبر من كده بكتييييييييييييييييير

حبيبة كتب:

حبيبة كتب:على فكرة انا عارفة ان نائب رئيس مجلس الادارة هايثور عليا زى عادته من يوم ما فاز فى الانتخابات بقى مش بيستحمل حد ينتقد او يقول رأيه و بقى عايز يحجر على كل الاراء و طبعا اكيد انتو مش نسيتو الى حصل مع الاخت زهرة قبل كده بسبب انها قالت رئيها و مش كانت بتوجه كلامها ليه و انا جاهزة طبعا للعاصفة الى هايعملها عليا
على فكرة انا مش بهاجمه لانه فاز فى الانتخابات انما لانى شايفة انى لما انتقد الاخطاء و القصور فى المنتدى يبقى انا بحاول اعدل المسار و ارجعه للصح

صدقت توقعاتى

السيد الأستاذ / رئيس مجلس الإدارة .
السادة المحترمين نائب وأعضاء مجلس الإدارة .
زملائي الأعزاء أعضاء منتديات الناظر في كل مكان .
تحية طيبة وبعد ،،،
أتقدم لسيادتكم بطلبي هذا لمساندة مشروع المبادرة المقترحة مني لتهدئة الأوضاع بالمنتدى فيما يخص الخلاف الموجود بين الأساتذة المحترمين أعضاء مجلس الإدارة على رأسهم سيادة نائب رئيس مجلس الإدارة الأستاذ / أحمد اسماعيل والأخت الفاضلة الأستاذة حبيبة .
أتمنى أن تكون هذه الأيام المباركة حافزاً على تصفية الخلافات بين جميع الأطراف وأني أعلم تمام العلم أن السادة المعنيين بهذه المشكلة من أصحاب الخلق الرفيع ولم يعترض منهم أحد على مساندة المبادرة وتهدئة الأوضاع .
لذا أتمنى أن يتبنى سيادة الأستاذ / رئيس مجلس الإدارة . هذه المبادرة وتكون تحت رعايته .

وتفضلو سيادتكم بقبول وافر الاحترام

الموسيقار

nansy كتب:موسيقار بحب قولك انك مميز بحق و كلامك قريب للقلب
و نيكول دخلت لتسألك باكتر من وقت لكنا ما بتعرف شو بتقول لانو كل الناس سألو بكل يالى بدنا اياه
بهنيك على اسبوعك المميز كتير كتير و ما تلتفت لاى حدا بدو يفسد عليك اسبوعك الرائع لان نفس الاشخاص تقريبا اصتنعو مشكلات بوقت ما كنت انا ع كرسى الاعتراف
تقريبا بدون يلغو كرسى الاعتراف او شى ما بعرف بس واضح انو ما بيروقلهن او انها عادة عندون
و زى ما بيقول المثل
عادة بالبدن، ما بيغيرها غير الكفن

بقولك أيه يا قمر أنتي سيبك من المشاكل دي ومالكيش دعوة بيها أنا عاوزك تركزي في الفرح بتاعك وبس مش عاوزين أي حاجة تزعل العروسة بتاعتنا اليومين دول عشان تكوني متألقة وزي القمر يوم الفرح .
إلا قوليلي يا نانسي هو أيلول ده يعني شهر أيه ؟؟؟ ههههههههه بضحك معاكي .
يارب يتملك بــ 1000 خير يا أجمل عروسة .
ما تحريميناش من مشاركاتك من هنا لحد الفرح عشان بعد الفرح هانديلك شهر أجازة .
ياترى هاتروحي فين في شهر العسل ؟
نفسي تيجي مصر واحنا نعمل معاكي أحلى واجب أنتي والعريس .
ربنا يفرحك يارب .

nansy كتب:
و نيكول دخلت لتسألك باكتر من وقت لكنا ما بتعرف شو بتقول لانو كل الناس سألو بكل يالى بدنا اياه

والله يا نانسي أنا عاوز نيكول تدخل مش عشاني ده عشان مصلحتها يارب حتى تدخل تقول هااااااي وخلاص لو حصل ودخلت في الاسبوع بتاعي هتكون أمها دعيالها وربنا بيحبها وهاتدخل التاريخ من أوسع أبوابه . ههههههههههههههههههههه

على رأى الصاروخ اللبنانى
ليه بحس فعلا ان فى ناس عايزة كرسى الاعتراف يقف
و مش كده و بس
ده انا بحس ان فى ناس عايزة توقف المنتدى كله

الساده المحترمين إدارة وأعضاء منتديات الناظر .
أتمنى منكم أن يدخل كل عضو ويؤيد المبادرة ولو حتى بكلمتين
(نعم للمبادرة) وذلك لأخذ الأمر بمنتهى الجدية لإنهاء هذا الخلاف .
تحياتي للجميع ورمضان كريم .
الموسيقار .

استاذ محمود
لو جاتكو فرصة ترجعو تانى لبلدكم الاصلى قنا
هاتوافق و لا هاترفض
و ياريت تقول السبب

الموسيقار كتب:الساده المحترمين إدارة وأعضاء منتديات الناظر .
أتمنى منكم أن يدخل كل عضو ويؤيد المبادرة ولو حتى بكلمتين
(نعم للمبادرة) وذلك لأخذ الأمر بمنتهى الجدية لإنهاء هذا الخلاف .
تحياتي للجميع ورمضان كريم .
الموسيقار .

انا أؤيد لاجل خاطرك بس
انما مقتنع انو اللى مش عاجبه حال المنتدى و ادارته يفارقنا
انما عشان انت شايف كده ما اقدرش اخالفك
و اؤيد مبادرتك

سعدالناظر كتب:على رأى الصاروخ اللبنانى
ليه بحس فعلا ان فى ناس عايزة كرسى الاعتراف يقف
و مش كده و بس
ده انا بحس ان فى ناس عايزة توقف المنتدى كله

ما تقولش كده يا أبو السعود ان شاء الله الموضوع بسيط والخلافات دي أمر وراد المهم أنا عاوزك تدخل وتساند المبادرة عشان ننهي الخلافات .
كل سنة وأنت طيب يا أبن عمي .

ايه البلد اللى كنت تتمنى تتولد تلاقيها بلدك و جنسيتك فيها