الموسيقار على كرسى الاعتراف

فى اى العصور كنت تحب ان تعيش عصر عبدالناصر ام السادات ام مبارك

هل تحترم من يختلف معك فى الرأى طالما كان بأدب و احترام ام لك راى اخر

ما سبب عدم دخولك للمنتدى بصفة مستمرة طالما اعترفت انك تركت مجال الموسيقى ام ان هناك امور هامة قد تشغلك عن المنتدى

لماذا لم ترشح نفسك لعضوية مجلس ادارة المنتدى و هل اذا رشحت نفسك كنت ستكسب ام ستخسر

و سبب الفوز او الخسارة ( تكملة السؤال السابق)

اى الصحف تحب ان تقرأ ؟

ما هى الموضوعات التى تواظب على قرائتها بالصحف ان كنت من هواة قراءة الصحف اليومية

هل تستطيع مواجهة رئيسك بالعمل ان اخطأ مع ملاحظة انه شخصية قوية جدا و حاد و جبار يعنى من الاخر راجل ظالم و مفترى و اذا لم تستطع مواجهته ماذا ستفعل ؟

حليم كتب:مطلوب منك تختار عضو و عضوه وتوصف شكل كلاً منهم من خلال قرائتك لمشاركتهم ؟؟

أسمحلي يابن عمي نظراً لكثرة الأسئلة أن أرد على أسئلتك كلها مره واحده
1- لو عينوني مشرف لم أقف عضوية أي حد لأن المنتدى يحتاج إلى الانتشار .
2- مراية الحب عامية خااااااااااااااااااالص وطرشه وخرصة وفيها كل العاهات ههههههه .
3- الشئ اللي ممكن أخسر أي حد عشانه أن حد يغشني أو يتهمني بما ليس فيا .
4- لو طلبو أني أقول كلمة حق في حد أين كان اللي في خياله لازم أقول بمنتهى الصراحه لأن لو لم أشير إلى عيوبه فسوف أكون بنافقه وبغشه وده أكتر حاجه مش بحبها .
5- العضو اللي حاسس أنه شبهي في المنتدى أكيد لازم يكون سيادة الرئيس أنت عارف ليه طبعاً .
6- لو في رحله ولازم أختار 4 بس يطلعو معايا مش هاطلع عشان أنا مبدئي (يا نعيش عيشة فل يا نموت احنا الكل) ههههههه . ولو مطلعناش مع بعض الرحلة هي اللي هاتخسرنا مش كده ولا أيه يابن عمي .
7- طبعاً أحب السفر جداً لما فيه من فوائد وأتمنى أن أزور جميع دول العالم بس الأول مكه والمدينة .
8- بالنسبة للأعضاء اللي أوصف شكلهم من مشاركتهم مش مهم الشكل المهم الطبع .
أتمنى أكون أجبت على الأسئلة زي ما اتمنيت يابن عمي . أنا سعيد بمشاركتك

ما هى عيوب عيوب و مميزات الاستاذ احمد عبدالعليم الشخصية ؟

ما هى عيوب عيوب و مميزات الاستاذ احمد عبدالعليم الشخصية ؟

هل تستطيع ان تعيش بعيدا عن مدينة فايد حتى و ان عرضت عليك وظيفة بمرتب 5 الاف جنيه ؟

ما رايك فى فكرة كرسى الاعتراف و هل اذا حدثت لك مشكلة بسببه ستنسحب منه ام ستواجه و تكمل مدتك

salah كتب:لو قالولك بنرميك في غابهـ وتاخذ معك اعضاء من بتاخذ ثلاثه بس لاتمصخها..؟

الأخ صلاح أنت سألتني 30 سؤال أولا أنا سعيد جداً بالأسئلة بتاعتك وواضح أنك شخصية جميلة وظريفة جداً بس سامحني مش هاقدر أرد على كل الأسئلة لأنها كتيييييييييييييييييير جداً اسمحلي هارد على بعضها وذلك لاتاحة الفرصة للرد على باقي أسئلة الأعضاء تقبل أعتذاري أخي العزيز . هاكتب رقم السؤال اللي هارد عليه .
1- أنا مش بفكر في أي حاجه أما بادخل أنام
4- الشئ اللي بحرص أن يكون معايا في أي مكان هو الفلوس طبعاً ههههههههه .
10- أفضل عضو على الاطلاق أكيد السيد رئيس مجلس الإدارة نظرأ لمجهوداته وهو أيضاً اللي أقوله ربنا ما يحرمنا منك
23 -عضو شعبيته كبيرة ومحبوب عند غالب الأعضاء أكيد المهندس / همام الناظر
28 - لو رموني في غابة مش هاخد 3 معايا كفاية عليا أخدك أنت معايا وأحاول أخلع واسيبك يا صديقي ههههههههه
30 - اللي يخليني أتعصب جداً أما أكون راجع من الشغل في عز الحر وألاقي الأنبوبة فضيت والغدا مش جاهز باكون حاجه ربنا يكفيك الشر . ههههههههه

فوكس كتب:اهلا بالمسيقار انت وقعت ولا الهوى رماك(كل سنه وانت طيب )
1-اوصف لنا كيف يبدا يومك
2-فى اى المساجد تصلى القيام
3-كيف اشتركت فى الجمعيه التى ذكرتها مسبقا
3-ماهو اكبر مبلغ حصلت عليه لله
4-ماهو اصغر مبلغ
5- كيف ترى المستقبل لرنا وريم بارك الله لك فيهما
6-اذا حضر من يريد ان يتزوج من يخصك احدهما وظيفه ذات عائد ممتاز ولديه سياره ولاكن بيصلى احيانا
والاخر ملتزم دينيا ودخله متوسط ويبحث عن شقه ايجار وصديق لك
ايهما تختار وبصراااااااااااااااااااااااااااااااااحه جدا لو سمحت
اتمنى لك اسبوع موفق

وأنت بألف صحة وسلامة يا أحلى فووكس ورمضان كريم عليك وعلى الأسرة .
1- يبدأ يومي بروح الشغل الساعه 9 صباحاً وبرجع الساعة 2 أقعد أتلوا من العطش لحد ما يأذن المغرب . ههههههه
2- أصلي القيام في المسجد الكبير بالسساتر خلف الشيخ أحمد معروف
3- والله ياباشا الجمعية دي كان المرحوم أبويا مشترك فيها من زماااااااان واحنا لم نكتشف هذا الموضوع إلا بعد وفاته بشهرين قابلني الدكتور محمود رسلان وقالي أنتو ليه قطعتو الكفالة اللي كان الحاج بيدفعها قولتله كفالة أيه فقالي أنه كان مشترك من سنين فعرفت وبدأنا بفضل الله نكمل اللي كان بيعمله وأنا بدأت أدعو الأهل والأقارب والأصدقاء للاشتراك في الجمعية وأما ظهر نشاطي بفضل الله أختاروني أعضاء مجلس الإدارة للانضمام لإدارة الجمعية ومن وقتها وأنا في خدمة الجمعية ولله الحمد أدعيلي أن يتقبل الله مني ومن الجميع .
4- أكبر مبلغ جمعته لله كان 15000 جنيه واستلمتهم وصاحبهم قاللي عندك حرية التصرف فيهم تدفعهم للجمعية أو توزعهم على الفقراء فقسمتهم شوية للجمعية وشوية للفقراء وشوية لمسجد كان بيتبني ربنا يرزقنا الإخلاص قول أمين .
5- والله ياباشا المستقبل بيد الله ولكن أنا أتمنى أن يكونو على قدر عالي من الالتزام والتمسك بأداب الاسلام وربنا يفرحني بيهم وأشوفهم أحسن بنات في الدنيا .
6- الرسول الكريم صلى الله عليه وسلم قال إن جائكم من ترضون دينه وخلقه فزوجوه اللي أهم من الفلوس أنه يتقي الله فيها ويعاملها معاملة الاسلام . والمثل الشعبي بيقول يا واخد القرد على ماله يروح المال ويفضل القرد على حاله . ههههههه

الاخ العزيز الموسيقار
اولا كل سنة وانت طيب بمناسبة الشهر الكريم اعاده الله عليك وعلى الامة الاسلامية بالخير واليمن والبركات
ثانيا اتمنى ان تعيد لكرسى الاعتراف مجده السابق والذى فقده فى الفترة الاخيرةثالثا هافكرلك فى شوية اسئلة وهاجيلك وصباحك زى الفل يا باشا

ااااااااااااه سؤال كده على الماشى
هل انت شخص ديكتاتور ام ديموقراطى فى تعاملك فى بيتك؟؟؟

ما الحكمة التى تؤمن بها فى حياتك؟؟؟

بكلمات مختصرة عبر لنا عن الكبمات الاتية
الصداقة
الاسرة
المراة
الزوجة
الخيانة

هل ترى انك انسان محظوظ؟؟
واذا كانت الاجابة نعم فالى اى مدى؟؟؟

هل تؤمن بالحسد؟؟؟

اذا فكرت فى الزواج مرة اخرى هل عندك الجرأة على اخبار ومواجهة زوجتك قبل الزواج ؟؟