الموسيقار على كرسى الاعتراف

كل سنة و انت طيب يا نجم نجوم آل الناظر
اتمنى نعرف نشوفك ان شاء الله
هاسئلك كام سؤال بس ما تعملش معايا زى ما عملت مع حليم و تكروت الاجابات
هههههههههههههههه

ايه هيه اكبر غلطه في حياة الموسيقار ؟؟؟

ما رأيك فى مصر بصراحة ؟؟؟

هل هناك شخص تكرهه بشدة ؟؟؟

اذا كان هناك شخص تكرهه بشدة و كنت تعلم بكارثة على و شك ان تحدث له هل تنبهه ام تتركه لمصيره ؟؟؟؟

ما رأيك فى الثأر ؟؟؟

في وقت الضيقة والزعل أول شخص تدور عليه مين؟

من كاتم اسرارك ؟؟؟

لو لقيت خاتم سليمان و طلعلك العفريت و قالك شبيك لبيك عندك سبع طلبات
ايه السبع طلبات اللى هاتطلبهم

ليه شايف ان الناس فى المنتدى بيحبو البشمهندس همام يعنى ايه اسباب الحب ؟؟؟؟؟؟؟
على فكرة البشمهندس ده هو نوارتنا كلنا و كلنا بنحبو التراب اللى عم يدوس عليه
بس احنا لينا مبررات كتير جدا اننا نحبه انما اعضاء المنتدى اللى عمرهم ما شافوه ايه اسباب حبهم
على فكرة كان فيه اتنين قبلك قالو انه اكتر واحد محبوب و عشان كده حبيت اعرف

ايه رايك فى المنتدى ؟؟ و ليه مش بتشارك بانتظام ؟؟

يا بختك يا واد عمى
بتقولك الك دعوة خاصة جدا
يا بووووووووووووووووووووووووووووى
انا ماعاقرش عليك لا سمح الله
عمومى مبروك يا نانسى و عقبالى و يا رب تكون لبنانية عشان تحسين السلالة
يعنى لو نيكول مش مخطوبة قوليلها تفكر
و بعدين صعيدى مع لبنانى يعملو شغل زينو يبقى مكس عجيب كانك عملتى قهوة و حطيتى عليها عصير مانجة

لا مؤاخزة يا ابو عمو
كيف حالك و حال الاسرة و كل عام و انتم بخير
قولى يا غالى ايه رايك فى الصعايدة
و طبعا مش انتو انما الصعايدة الماسابوش الصعيد اللى زينا كده
و هل انتو بتعتبرو حالكو صعايدة و لا لا

على فكرة انت لو رايح فرح نانسى صح كيه ما جالتلك انا ماعاسيبكش و رجلى على رجلك

كل سنة و انت طيب و بخير و صحة يا واد عمى و اخوى يا استاذ محمود
معلش يا بوى انى اتأخرت فى السلام عليك على كرسى الاعتراف بس و الله الواحد ما فاضيش يهرش عشان العمرة الله يكتبهالك و
بنخلصو الورق بتاع مرتى و مرة اخوى و طلعان عينى فى الاجراءات العفشة دى
انت اخبارك ايه و عامل ايه فى كرسى الاعتراف ده الله يعينك عليه
قلى ايه احساسك اول مرة شفت فيها الكعبة لما اعتمرت

و كيف قدرت تتحمل انك ما تحاولش تعتمر تانى من سنة 2001 لعند دلوقت ده عمر يا بوى

على فكرة عمر اللى هايتجنن عالحريم ده احنا ناقص نبوس يده عشان يتجوز يعنى هو ممكن نقول عليه ميكانيكى بق
هههههههههههههههههههههههه
على فكرة عمر ده اخو مرتى و بعتبره ولدى لانى انا المربيه فعلا و سميت ولدى على اسمه و بيقعد فى دارى اكتر ما بيقعد فى دارهم
أومال انا مستعجل على جوازه ليه .. خانقنى

هيثم جمال كتب:حمد لله على عودة الشعبية من جديد على كرسي الإعتراف على شخصية محبوبة ومحترمة وتايخية في صداقتي له لدرجة الإخوة إذ اننا مع بعض منذ الصغر كل سنة وانت بصحة وسعادة محمود بيك عبد العليم واوعدك بأنك هتشوف اللي عمرك ما شوفته على كرسي الإعتراف والسبب صراحتك اللي مش غريبة عليك

مشكووووووووووووووووور يا هيثم بيه أكيد مفيش كلمات تعبر عن عشرة العمر اللي بينا ربنا يديم المعروف وكل سنة وأنت وجمال وسالمة بألف خير .
وأكيد في انتظار أسئلتك وربنا يستر

هيثم جمال كتب:محمود بيك عايزك ترجع ورا على الكرسي وتاخد نفس عميق وتقولي بعد العمر اللي عدى عليك انت ايه اللي حققته من حلمك ويا ترى لسه في تاني

الحمد لله على كل حال أنا عندي مقاييس مختلفة لتحديد الانسان المحظوظ أنا بعتبر نفسي محظوظ لأن ولله الحمد ربنا يمتعني بالصحة والعافية اللهم لك الحمد والشكر فأي انسان متعه الله بصحته فهو من المحظوظين أما أنا بالنسبة لأحلامي اللي تحقق منها والذي لم يتحقق . أقولك
أنا أحلامي أحلام مرحلية يعني أيه ؟ يعني كل مرحلة سنية بكون فيها بحلملها حلم والحمد لله كتير من اللي حلمت بيه ربنا حققه .
يعني فاكر العربية السيات اللموني أول عربية اشتريتها ؟
أهي دي كانت حلم من أحلامي ولك أن تتخيل هههههههههه.
الميزة اللي بحس أنها موجودة فيا أني ولله الحمد واقعي جداً .
وأكيد أنا دلوقتي عندي أحلامي اللي باتمنى ربنا يحققهالي أدعيلي

احمد اسماعيل كتب:استاذى الفاضل محمود الشهير بالموسيقار شرفتنا و نورتنا و اسمح لى ان اتطفل عليك و اسألك بعض الاسئلة :
هل انت متسامح؟

يا أحمد بيه أنا سعيد جداً بسؤال حضرتك وكأني في لقاء مع توني خليفة . أنت أحسن طبعاً
بالنسبة لسؤال حضرتك أنا متسامح جداً جداً لأقصى درجة ولو حضرتك تابعت الأسئلة من الأول هاتاخد بالك أني قولت على الرغم من أني متسامح لكن الشخص اللي قلبي بيتغير من ناحيته عمري ما بصفاله تاني ولو حتى حرر القدس .
والحمد لله ده مش بيحصل كتير .

احمد اسماعيل كتب:هل انت مغرور؟

الحمد لله رب العالمين عمر ما كان ده طبعي

احمد اسماعيل كتب:اذا عرضت عليك محاربة الفساد و مواجهة الكبار بالطريقة التى تروق لك و بما يحفظ سلامتك و امنك هل توافق ام ترفض؟
ده سؤال لولبى و اه لو رديت رد مش عجبنى هشتكيك لكبيرك اللى انت عارفه و هو حبيبى فى نفس الوقت و بلاش اوضح اكتر احسن حد يفهم اصلى خبيث شوية

ياباشا طالما هاتأمني أحارب أم الفساد مش الفساد بس ويا سلام لو كان الموضوع ده هاناخد عليه فلوس معاااااااااااااااك لو هاتحارب الشيطان ياباشا
أظن اجابة 100 100 عشان ما تشتكينيش للكبير .

احمد اسماعيل كتب:اذا عرضت عليك الانضمام لجماعة لمحاربة الفساد و تعهدت لك بالمحافظة على امنك و سلامتك و تعيش فى حماية من يستطيعون حمايتك بعد الله طبعا هل توافق ام ترفض
ارجو ان تكون الاجابة واضحة

تقريباً الاجابة اللي فاتت كافية للسؤال ده كمان ياباشا

احمد اسماعيل كتب:عند الغضب هل تستخدم يدك ام عقلك؟

أنا أخر حل عندي في المشاكل هو استخدام اليد وده لسبب واحد بس لأني أخاف أني أتغاشم على حد أموته في أيدي والله بجد ربنا يكفينا شر المشاكل .