الموسيقار على كرسى الاعتراف

احمد اسماعيل كتب:قيم مجلس ادارة المنتدى من حيث مميزات المجلس و عيوبه

طبعاً ياباشا أنا مقدرش أطلع عيوب في مجلس الإدارة بصراحة مجلس رائع وربنا يوفقكم ومن أحسن لأحسن

احمد اسماعيل كتب:ما رايك فى كلا من :
رئيس المنتدى السيد الاستاذ احمد عبدالعليم
البرنس المصرى
الاستاذ عمر
الاستاذ محمد عبدالرؤف عضو مجلس الادارة عن المنتديات الرياضية
الاستاذة نانسى

1-ما ينفعش أقول رأي في رئيس المنتدى لأنه أكبر بكتيييييييييييييير من أني أقول رأي فيه .
2-البرنس المصري أخو الريس بتاعي في الشغل وربنا يكرمه ويوصي الريس علينا .
3-الأستاذ عمر استعجل الخروج من على كرسي الاعتراف ولو كا استمر كان قرب كتيييييييير من الأعضاء
4-الاستاذ محمد عبد الرءوف شعلة نشاط وأنا أحييه على مجهودة الوفير في القسم الرياضي
5-أما عروسة المنتدى بمنتهى الأمانه أنا نفسي أروح فرحها وأخد عمر الناظر معايا أحسن يزعل مني ويارب ربنا يكملها على خير وربنا يسعدها نانسي دي البسكوتة بتاعت المنتدى .
بالتوفيق يا أجمل عروسة .

احمد اسماعيل كتب:فى اى العصور كنت تحب ان تعيش عصر عبدالناصر ام السادات ام مبارك

بصراحة أنا بحب الرئيس مبارك جداً على الرغم من كل اللي بيحصل في البلد إلا أني بحب الراجل ده مش عارف ليه أكيد هاحب عصره .

احمد اسماعيل كتب:هل تحترم من يختلف معك فى الرأى طالما كان بأدب و احترام ام لك راى اخر

أكيد طبعاً

احمد اسماعيل كتب:ما سبب عدم دخولك للمنتدى بصفة مستمرة طالما اعترفت انك تركت مجال الموسيقى ام ان هناك امور هامة قد تشغلك عن المنتدى

بصراحة جمعية الايتام واخده وقت كبير بس أما بلاقي وقت بادخل .
وعلى فكرة مجلس الإدارة زنقني جداً في الأسبوع ده لأني مشغول جداً في الجمعية ، ويادوب الوقت اللي أقدر أدخل فيه هو من بعد ما أرجع من الشغل لحد الفطار .
بالمناسبة عاوز أدعي الناس اللي مش مشتركين أت يشتركوا في الجمعية .

احمد اسماعيل كتب:لماذا لم ترشح نفسك لعضوية مجلس ادارة المنتدى و هل اذا رشحت نفسك كنت ستكسب ام ستخسر

أنا مش بحب أبداً خوض أي أنتخابات لأني كرهت الانتخابات بسبب بتوع مجلس الشعب والشورى يكون الواحد فيهم ساعة الانتخابات عامل خده مداس لأي حد وبعد كده مش بيعرف أي حد أما تخلص مصلحته وينجح .
فلذلك أنا مش حابب الجو ده وبكتفي أني أشاهد من بعيد .

احمد اسماعيل كتب:اى الصحف تحب ان تقرأ ؟

بيني وبينك أنا ماليش في جو القرأة والمثقفين ده أنا أما بحب أعرف الأخبار أشوف القنوات الأخبارية أو من على النت وخلاص والموضوع ده مش بياخد معايا أكثر من 5 دقائق .
الصراحه راحه مش كده ولا أيه ؟

احمد اسماعيل كتب:هل تستطيع مواجهة رئيسك بالعمل ان اخطأ مع ملاحظة انه شخصية قوية جدا و حاد و جبار يعنى من الاخر راجل ظالم و مفترى و اذا لم تستطع مواجهته ماذا ستفعل ؟

أنا مشكلتي في حياتي أني مش بيهمني وبقول رأي بمنتهى الجرأه وخبرتي في العمل مع رؤساء القطاع أضافت لشخصيتي الكثير من الجرأة لدرجة أني أنا اللي بقيت مفتري . هههههههه
الحمد لله لا أخشى إلا الله .

احمد اسماعيل كتب:ما هى عيوب عيوب و مميزات الاستاذ احمد عبدالعليم الشخصية ؟

ياباشا أنا ما ينفعش أقول أي حاجه في الموضوع ده الأستاذ أحمد عبد العليم أنا بعتبر نفسي أقل بكثير من أني أقيمه لأنه أكبر من كده بكتيييييييييييييير جداً .

احمد اسماعيل كتب:هل تستطيع ان تعيش بعيدا عن مدينة فايد حتى و ان عرضت عليك وظيفة بمرتب 5 الاف جنيه ؟

والله ياباشا لو أقل من كده أعيش بعيد عن مصر كلها .هههههههههههههه
يا عم بلاش الأسئلة اللي تخلي الناس تحس أني مش أصيل دي . ههههههه

احمد اسماعيل كتب:ما رايك فى فكرة كرسى الاعتراف و هل اذا حدثت لك مشكلة بسببه ستنسحب منه ام ستواجه و تكمل مدتك

بصراحه فكرة أكثر من رائعة ومن المفروض أن أي عضو يكون على كرسي الاعتراف لازم يواجه أي حاجه مهما كانت حجمها .

البرنس المصرى كتب:الاخ العزيز الموسيقار
اولا كل سنة وانت طيب بمناسبة الشهر الكريم اعاده الله عليك وعلى الامة الاسلامية بالخير واليمن والبركات
ثانيا اتمنى ان تعيد لكرسى الاعتراف مجده السابق والذى فقده فى الفترة الاخيرةثالثا هافكرلك فى شوية اسئلة وهاجيلك وصباحك زى الفل يا باشا

وأنت بالصحة والسلامة ياباشا وفي انتظار أسئلتك

البرنس المصرى كتب:ااااااااااااه سؤال كده على الماشى
هل انت شخص ديكتاتور ام ديموقراطى فى تعاملك فى بيتك؟؟؟

ديموقراطي ولكن بحدود وفي بعض الأحيان أكون ديكتاتور ودماغي جزمة . هههههههه

البرنس المصرى كتب:ما الحكمة التى تؤمن بها فى حياتك؟؟؟

أنا جاوبت على هذا السؤال قبل كده لو دورت هاتلاقيه .

البرنس المصرى كتب:بكلمات مختصرة عبر لنا عن الكبمات الاتية
الصداقة
الاسرة
المراة
الزوجة
الخيانة

الصداقة : شئ مهم جداً وحيوي .
الأسرة : الاستقرار .
المرأة : نصف الدنيا وتلد النصف الأخر .
الزوجة : هي حسنة الدنيا لو كانت صالحة (ربنا يباركلي فيها ويخليهالي هي والبنات) .
الخيانة : أحقر وأوحش شئ في الدنيا ربنا يكفينا ويكفيك شر الخيانة والخونه .

البرنس المصرى كتب:هل تؤمن بالحسد؟؟؟

طبعاً لأنه مذكور في القرآن
وبالنسبة للسؤال اللي قبله لو تابعت من البداية برضو هاتلاقيني رديت عليه .

البرنس المصرى كتب:اذا فكرت فى الزواج مرة اخرى هل عندك الجرأة على اخبار ومواجهة زوجتك قبل الزواج ؟؟

ان شاء الله عمري ما أحتاج أعمل كده ولكن لو حصل لازم أقولها لأنه حقها وبعدين اللي بيزمر مابيخبيش دقنه وغير كده أنا قولت أني لا أخشى إلا الله .

عبده الناظر كتب:كل سنة و انت طيب يا نجم نجوم آل الناظر
اتمنى نعرف نشوفك ان شاء الله
هاسئلك كام سؤال بس ما تعملش معايا زى ما عملت مع حليم و تكروت الاجابات
هههههههههههههههه

ما تعملناش مشاكل مع حليم يا عم عبده الله يهديك .
على العموم ياباشا أنا تحت أمرك أنا ماقدرش على زعلك ولا زعل حليم ولا أي حد في المنتدى .

عبده الناظر كتب:ايه هيه اكبر غلطه في حياة الموسيقار ؟؟؟

أني بقيت الموسيقار .
لأن الموضوع ده ضيع مني فرصة للسفر من 9 سنين كان ممكن تكون نقطة تحول في حياتي ورفضتها عشان شغل الأفراح فهي دي أكبر غلطة .
ولكن قدر الله وماشاء فعل وكل شئ نصيب وأنا راضي تمام الرضا على قضاء ربنا والحمد لله .

عبده الناظر كتب:ما رأيك فى مصر بصراحة ؟؟؟

والله مصر بلدنا حلوة ولا وحشة بلدنا ومانستحملش على الهوا
ما شربتش من نيلها ؟؟؟؟

عبده الناظر كتب:هل هناك شخص تكرهه بشدة ؟؟؟

الكره ده كلمه كبيرة جداً وأنا عن نفسي ممكن أزعل من حد أنما متوصلش للكره
تقريباً كده السؤال اللي بعده كده أنا جاوبت عليه

عبده الناظر كتب:ما رأيك فى الثأر ؟؟؟

الثأر هو القصاص
بسم الله الرحمن الرحيم
ولكم في القصاص حياة يا أولي الألباب
صدق الله العظيم

عبده الناظر كتب:في وقت الضيقة والزعل أول شخص تدور عليه مين؟

محمود عبد العليم

عبده الناظر كتب:من كاتم اسرارك ؟؟؟

صديقي ناصر

عبده الناظر كتب:لو لقيت خاتم سليمان و طلعلك العفريت و قالك شبيك لبيك عندك سبع طلبات
ايه السبع طلبات اللى هاتطلبهم

هاطلب منه طلب واحد بالسبع طلبات عارف أيه ؟
أنه ينصرف لأني هاكون مرعوب طبعاً ده عفريت يا عم الحاج . هههههههههه