الموسيقار على كرسى الاعتراف

ميدو مشاكل كتب:يا جماعة انا مش عارف ليه كل الهجوم ده على حبيبة الست قالت رايها و هى حرة فيه و ما غلطتش تقتنعوا بيه او ترفضوه براحتكوا هى شخصيتها كده و احنا مش هنغير طباع الناس و بخصوص المبادرة اللى قال عليها الموسيقار فهى تخص نائب الرئيس و حبيبة لانهم لو رفضوا يبقى مفيش مبادرة اصلا و انا ليا طلب عند استاذ احمد اسماعيل يا ريت ما يردش على حبيبة ديه ست برضه و يمكن مضايقة شوية من حاجة و المفروض يتعامل معاها بحنية اكتر و يراعى انها ست و ليها ظروفها يمكن عندها مشكلة المفورض نتحمل بعض و الستات عايزين معاملة خاصة و انا بطلب من حبيبة انها تثبت نفسها قدام الناس عشان تكسب استاذ احمد اسماعيل المرة الجاية فى الانتخابات

عاوزين نهدي اللعب شوية يا شباب .

احمد اسماعيل كتب:و ارجو ان نكف الحديث فى ذلك الموضوع و نهتم بعريس كرسى الاعتراف الموسيقار المحترم و يكفينا انه اعاد للكرسى بريقه و لمعانه
مع كامل احترامى و تقديرى للجميع

أشكرك يا أحمد بك كلك زوق .

احمد اسماعيل كتب:ما سبب اهتمامك بجمعيات رعاية الايتام و كيف اشتركت بها و ما شعورك عند رؤية هؤلاء الاطفال

أنا جاوبت على السؤال ده قبل كده بس أقولك تاني ياباشا .
سبب اهتمامي بجمعيات رعاية الأيتام أني وجدت متعة فأني أعمل على إسعاد هؤلاء الأطفال .
اشتركت فيها بعد وفات الوالد بشهرين أكتشفت أنه رحمه الله كان مشترك من سنين وما كانش حد في الدنيا كلها يعرف إلا الله حتى أنا واخواتي ووالدتي فبدأت أتابع الموضوع ونكمل ما بدأه المرحوم ومن وقتها وأنا أصبحت من نشطاء الجمعية .
شعوري عند رؤية هؤلاء الأطفال أحس براحة نفسية ومسئولية تجاههم في نفس الوقت .

احمد اسماعيل كتب:فى اى سن بدأت الصلاة و من الذى علمك الوالد رحمه الله ام الوالدة متعها الله بالصحة و العافية

من زمان أوي بصراحة مش فاكر من أمتى ولله الحمد هما الأثنين علموني ربنا يجعله في ميزان حسناتهم .

الموسيقار كتب:

احمد اسماعيل كتب:فى اى العصور كنت تحب ان تعيش عصر عبدالناصر ام السادات ام مبارك

بصراحة أنا بحب الرئيس مبارك جداً على الرغم من كل اللي بيحصل في البلد إلا أني بحب الراجل ده مش عارف ليه أكيد هاحب عصره .

وانا كمان حتى شوف
[center]

لماذا لا تحب البحر ولا الصيد

انت تؤمر يابوعمو
كل عام وانتم طيبين انت و كل ولاد العم
انا ماعارفش اسئلك فى ايه بس انا عايز اتعرف عليك و على اخواتك و على والدك و اعمامك فى الاسمعلية و جدك
عرفنا على نفسك يعنى شجرة العيلة

مساء الخيرات ياموسبقار انا بحبك جدا ولكن مش عجبنى فبك تقصبرك مع حبيبك وكل ما ييجى حد يعتبك تسبق انت وتقولو انت مقصر معايا والمشكله ان الحركه دى بقة مكشوفه عشان كده انصحك تغير طبعك
اخوك عبده الزوء الناظر

فى الفتره الأخيره بدئت تلبس لبس غريب عليك مش عارف هل انت غيرت مثلك الأعلى بقى حماده المان ولا ايه عشان كده عايزك تقولى ايه سبب التغيير

الزوء كتب:فى الفتره الأخيره بدئت تلبس لبس غريب عليك مش عارف هل انت غيرت مثلك الأعلى بقى حماده المان ولا ايه عشان كده عايزك تقولى ايه سبب التغيير

اوعى تقولى بيلبس شورت مش لايق على الصلعة ابداً ده عيلة الناظر لو عرفوا فى البلد هيقيموا على الموسيقار حد الحرابة و يتعبر من المفسدين فى الارض

انا ائيد مبادرتك يا استاذ موسيقار
و اذا كان الاستاذ احمد اسماعيل اتدايق منى يبقى انا بعتذر له
و انا مش قصدى حاجة انا بيبقى نفسى اننا نطور ادائنا كلنا
و على فكرة موضوع الانتخابات ده مش فى بالى اطلاقا
بس هو الاستاذ احمد اسماعيل انا بحس ان شخصيته زى شخصيتى بالظبط علشان كده بتكلم عنه هو
بس برضه ارجع اقول ان الاستاذ احمد اسماعيل ادائه قل عن زمان فعلا و مش نقد هدام و الله

الجمعية الخيرية دى اسمها جمعية ايه و ازاى اعرف اشترك فيها

انا من بورسعيد فهل الجمعية دى ليها فرع ببورسعيد

حبيبة كتب:انا ائيد مبادرتك يا استاذ موسيقار
و اذا كان الاستاذ احمد اسماعيل اتدايق منى يبقى انا بعتذر له
و انا مش قصدى حاجة انا بيبقى نفسى اننا نطور ادائنا كلنا
و على فكرة موضوع الانتخابات ده مش فى بالى اطلاقا
بس هو الاستاذ احمد اسماعيل انا بحس ان شخصيته زى شخصيتى بالظبط علشان كده بتكلم عنه هو
بس برضه ارجع اقول ان الاستاذ احمد اسماعيل ادائه قل عن زمان فعلا و مش نقد هدام و الله

اختى الفاضلة الاستاذة حبيبة
اولا اوعى تقولى انك بتعتذرى لى مفيش اعتذارات بينا الاخوات و الاصدقاء و يا ستى انتى احسن منى انا والله ما زعلان و لعلمك بقه انتى عندك حق ان مستواى قل كتير عن الاول و ده راجع لاسباب كتير من ضمنها :
1- انى مشغول بشغلى الاصلى كمحامى و على اعباء كتير
2- ساعات غصب عنى بحس بزهق يعنى بقالى فترة مش بكتب مقالات ممكن تقولى الحر او مسؤليات الاولاد او اى حاجة انا برضه بشر و العامل النفسى مهم جدا فى الكتابة و مشاكل اخرى لا مجال لذكرها الان
3- و بصراحة عايز اقول حاجة يمكن تقولى عليا مغرور زى ما كتير بيصفونى انا مش لاقى منافسة من الاعضاء يعنى اكيد حضرتك حاسة ان فيه حالة كسل و لا مبالاة غير عادية من كثير من الاعضاء برضه المنافسة بتدى روح حلوة يعنى حضرتك لما دخلتى قصادى الانتخابات كان ليها طعم برضه مش بحب التزكية فى الانتخابات
4- عارفة يمكن لو حضرتك دحلتى بصفة مستمرة و نزلتى موضوعات يمكن اغير منك ( الغيرة المحمود اللى فى صالح المنتدى ) و انافسك و انزل انا كمان موضوعات و كله فى صالح المنتدى
5- برضه انا حسيت لما بقيت نائب رئيس المنتدى ان فيه اعباء ادارية اضيفت على زى المفروض عليا انى ارد على الاعضاء و اناقشهم و اهنيهم و انتقدهم و المفروض احضر اجتماعات مجلس الادارة و اجتماعات المشرفين و مناقشات المجلس كل ده برضه بياخد من وقتى يعنى باختصار العمل الادارى اخدنى من العمل الفنى شوية ،، تصدقى والله احيانا بقول انا ايه اللى دخلنى فى المجلس ده العضو العادى بينزل موضوعات اهم و احسن منى
و برضه كل حججى ديه مش مبرر لقلة مستواى بس انا بدردش معاكى و اوعدك ان شاء الله هرجع لمستواى السابق و لسه كنت بكلم السيد الاستاذ رئيس المنتدى فى هذا الامر اننا عايزن نرجع تانى لمستوانا المعروف
و على فكرة انا مش بزعل من النقد البناءة ابدا والله بالعكس انا بعترف انك على حق
و يمكن انا عصبى شوية بس لما بحس انى حد بيتعمد احراجى و حاد احيانا لكن والله مش شرير زى ما بعض الناس فاكرة عنى اسالى كده الاستاذ هيثم جمال مرة زعلته فى موضوع معين معداش اليوم اللى لما كلمته و صالحته عارفة ليه لاننا ما غلطناش فى بعض و كان خلاف فى وجهات النظر لكن الاهانة هى اللى مش بغفرها ابدا
و نفسى تنضمى لينا و تكونى معانا دايما و تقفى معانا لان حاسس انك بتحبى المنتدى و عايزة تبقى معانا
و اواعى تزلعى من هجوم الاعضاء عليكى ديه ظاهرة صحية و لازم يكون صدنا رحب
و انا لو كنت زعلتك او ضايقت فأنا اللى بعتذر لك و انسى اى خلاف بس اوعدينى انك تكونى متواجدة بصفة شبه يومية يمكن يجرى لى حاجة و يجبوكى نائب بعدى بصفتك الحاصلة على اعلى الاصوات من بعدى ( انا بهزر طبعا )
و عايز تندمجى معانا اكتر انت تلاحظى ان كلنا اصحاب و اخوات و قرايب و ما ينفعش نزعل نختلف اه نزعل لأ يعنى تصدقى اقرب ناس ليا استاذ احمد عبدالعليم و البرنس و استاذ هيثم جمال يا ما بنختلف و نقطع بعض لكن عمرنا ما نزعل ابدا و لا نبعد عن بعض انا عايز اشيع ثقافة الاختلاف و الحرية فى المنتدى يا ريت تساعدينى
اسف انى طولت عليكى بس اعتبريها مناقشة مع صديقة و اخت فاضلة
مع كامل احترامى و تقديرى لشخصك

لمزيد من التواصل بينى و بين اياً من الاعضاء ايميلى اهو:
[ندعوك للتسجيل في المنتدى أو التعريف بنفسك لمعاينة هذا الرابط]
و انا بدعو الجميع من خلال عريس كرسى الاعتراف الموسيقار تبادل الايميلات لمزيد من التقارب و التعارف بينا و ديه فكرة انا اول واحد اقولها و بطلب من رئيس المنتدى وضع ايميله هنا عشان الكل يشوفه و يخاطبه مباشرة دون اى قيود او حواجز و ليسمح لى رئيس المنتدى ان اعرض فكرة على المجلس اننا ننشىء قسم للايميلات الخاصة بالاعضاء لوضع ايميلاتهم ( ان ارادوا ) لمزيدا من التعارف
و انا قولت الكلام ده هنا عشان ننسب فضل المبادرة ديه لله ثم الموسيقار المحترم اللى رجعنا لزمن الكرسى الجميل

احمدعبدالعليم كتب:

هو ده الاختلاف الشيك اللى انا احب انه يكون موجود فى المنتدى و الحمد لله مبادرة الموسيقار اثمرت عن افكار جميلة
و انا اؤيد فكرة الاستاذ احمد اسماعيل و لكن هانجعلها اختيارية لان ممكن يكون فى ناس ماتحبش كده
انا ايميلاتى اضعها بين ايديكم
[ندعوك للتسجيل في المنتدى أو التعريف بنفسك لمعاينة هذا الرابط]

انا معاك يا احمد بيه انا اقصد ان كل عضو يكتب ايميله بإرادته و ديه حرية شخصية لكل عضو

ابوليلة كتب:لماذا لا تحب البحر ولا الصيد

أنت جيت ع الجرح يا سحس وجيت على اللي مضيع فلوسي ده أنا مش بحب حاجه دلوقتي غير الصيد والبحر على فكره ان شاء الله طالعين الأسبوع اللي جاي هاتيجي معانا .

حربى الناظر كتب:انت تؤمر يابوعمو
كل عام وانتم طيبين انت و كل ولاد العم
انا ماعارفش اسئلك فى ايه بس انا عايز اتعرف عليك و على اخواتك و على والدك و اعمامك فى الاسمعلية و جدك
عرفنا على نفسك يعنى شجرة العيلة

وأنت بالصحة والسلامة ياباشا
أنت ممكن تتعرف على أنا وأخواتي وأولاد عمامي أما بالنسبة لوالدي وجدي فهم في رحاب الله أسأل الله لهم ولأمواتنا وأموات المسلمين الرحمة والمغفرة . أنا محمود محمد عبد العليم محمد مصطفى حسانين . وأخويا طبعاً الأستاذ / أحمد محمد عبد العليم رئيس مجلس الإدارة وأبناء عمامي الأساتذه .
فوكس (محمود حسانين) - و الناظر ( أحمد حسانين ) و احمد الناظر - الزوء الناظر (عبد العليم السيد عبد العليم ) و أسامة الناظر ( الشيخ اسامة حسانين مأذون سرابيوم ) و ابو اليسر ( ياسر حسانين ) والباقية تأتي .

الزوء كتب:مساء الخيرات ياموسبقار انا بحبك جدا ولكن مش عجبنى فبك تقصبرك مع حبيبك وكل ما ييجى حد يعتبك تسبق انت وتقولو انت مقصر معايا والمشكله ان الحركه دى بقة مكشوفه عشان كده انصحك تغير طبعك
اخوك عبده الزوء الناظر

على رأي فيفي عبده يا فرخة يا كيكية اللي فيكي هاتيه فيا . بطل ياد يا أونطجي .
على فكره هو اللي بيعمل الحركات دي .

الزوء كتب:فى الفتره الأخيره بدئت تلبس لبس غريب عليك مش عارف هل انت غيرت مثلك الأعلى بقى حماده المان ولا ايه عشان كده عايزك تقولى ايه سبب التغيير

هههههههههههههههههههههههههه
أنت بتشردني يا زوء مااااااااشي أما أشوفك .
الموضوع يا جماعة أني حبيت أتفرفر شوية بس يعني شوية تيشرتات اللي هي ربع كم دي يعني مع القرعة والدوجلاس يعني شبه البودي جارد .
(المنفسنين بيشجعو واحنا مش معاهم) ماشي يا نفسية مسيري هامسكك وهاوضبك .

احمد اسماعيل كتب:

الزوء كتب:فى الفتره الأخيره بدئت تلبس لبس غريب عليك مش عارف هل انت غيرت مثلك الأعلى بقى حماده المان ولا ايه عشان كده عايزك تقولى ايه سبب التغيير

اوعى تقولى بيلبس شورت مش لايق على الصلعة ابداً ده عيلة الناظر لو عرفوا فى البلد هيقيموا على الموسيقار حد الحرابة و يتعبر من المفسدين فى الارض

ههههههههههههههههه .
أوعى تصدق الواد البايظ ده ياباشا هو الموضوع زي ما قولتك كده بس .

حبيبة كتب:انا ائيد مبادرتك يا استاذ موسيقار
و اذا كان الاستاذ احمد اسماعيل اتدايق منى يبقى انا بعتذر له
و انا مش قصدى حاجة انا بيبقى نفسى اننا نطور ادائنا كلنا
و على فكرة موضوع الانتخابات ده مش فى بالى اطلاقا
بس هو الاستاذ احمد اسماعيل انا بحس ان شخصيته زى شخصيتى بالظبط علشان كده بتكلم عنه هو
بس برضه ارجع اقول ان الاستاذ احمد اسماعيل ادائه قل عن زمان فعلا و مش نقد هدام و الله

أنا كنت واثق إن ربنا مش هايخزلني لأني افتعلت هذه المبادرة في الله لإزالة الخلافات والمشاحنات بينكم وأتمنى أن تعمم المبادرة على أي من الأعضاء المختلفين مع بعض وذلك للنهوض بالمنتدى وغير ده كله أنا كنت واثق أن هي دي أخلاقك وعلى فكرة الأستاذ أحمد اسماعيل من أنقى الشخصيات اللي ممكن تعرفيها في حياتك والكلام ده على مسئوليتي الشخصية .

حبيبة كتب:الجمعية الخيرية دى اسمها جمعية ايه و ازاى اعرف اشترك فيها

اسمها جمعية الرحمة لقضاء الحوائج ورفع المظالم ونشاطها (كفالة الطفل اليتيم - رعاية أرامل - تحفيظ قرأن - تيسير زواج اليتيمات) ان شاء الله هاجيب لحضرتك رقم الحساب في البنك وممكن من أقرب فرع تحويلي على حساب الجمعية بس معلش هو تحت في العربية أما أنزل هاجيبهولك وأكتبهولك . وربنا يجعله في ميزان حسناتك .

حبيبة كتب:انا من بورسعيد فهل الجمعية دى ليها فرع ببورسعيد

لاء للاسف هي داخل حدود مركز فايد مبدئياً لأنها تعتبر حديثة ولسه في مراحل الانتشار .
احنا الحمد لله دلوقتي مغطيين حدود مركز فايد وربنا يزيد ويبارك ان شاء الله .