رد: الموسيقار على كرسى الاعتراف

انا اشكر جميع الاعضاء على مشاعرهم سواء من اتفق معى او اختلف و لكن ارجو من الاخوة الاعضاء غلق الحديث فى موضوع استاذة حبيبة الذى اكن لها كل تقدير و احترام حتى و ان اختلفت معى و شغلت بالها بى دون داعى و اؤكد اننى لا اعرفها شخصيا و لا توجد اى خلافات بيننا و اطلب منها ان تكون اضافة للمنتدى فالمنتدى يحتاجها بشدة و يحتاج كل عضو يخاف على الصالح العام للمنتدى
و ارجو ان نكف الحديث فى ذلك الموضوع و نهتم بعريس كرسى الاعتراف الموسيقار المحترم و يكفينا انه اعاد للكرسى بريقه و لمعانه
مع كامل احترامى و تقديرى للجميع

من طرف الموسيقار الثلاثاء أغسطس 24, 2010 1:12 am

هيثم جمال كتب:خد دي :
س5 : ما رأيك في عمل المرأة ؟ ومؤيد ام معارض ؟

أنا معارض لعمل المرأة جداً إلا إذا كان عندنا نظام زي في السعودية المرأة تعمل داخل مؤسسة تكون بالكامل من النساء ولا يوجد أي نوع من أنواع الاختلاط بين الرجال والنساء إذا وجد هذا الشرط أنا مع عمل المرأة وإذا لم يحدث فأنا مصر على موقفي .

من طرف الموسيقار الثلاثاء أغسطس 24, 2010 1:15 am

هيثم جمال كتب:خد دي :

س6 : العند ممكن يوصلك لحد فين ؟

إلى أخر حدود الغضب .

من طرف الموسيقار الثلاثاء أغسطس 24, 2010 1:17 am

هيثم جمال كتب:خد دي :
س7 : هل توجد حرية في مصر ؟

أكيد لازم يكون في طبعاً ولو حتى بمساحات قليلة ولكن موجود .

من طرف الموسيقار الثلاثاء أغسطس 24, 2010 1:19 am

هيثم جمال كتب:خد دي :
س8 : المستقبل في بلدنا .....؟

المستقبل بيد الله في بلدنا وبلد غيرنا .

من طرف احمد اسماعيل الثلاثاء أغسطس 24, 2010 1:49 am

ما سبب اهتمامك بجمعيات رعاية الايتام و كيف اشتركت بها و ما شعورك عند رؤية هؤلاء الاطفال

من طرف احمد اسماعيل الثلاثاء أغسطس 24, 2010 1:51 am

فى اى سن بدأت الصلاة و من الذى علمك الوالد رحمه الله ام الوالدة متعها الله بالصحة و العافية

من طرف الموسيقار الثلاثاء أغسطس 24, 2010 2:07 am

هيثم جمال كتب:خد دي :
س 9 : هل انت مؤيد للتغيير ؟

أكيد التغير ظاهرة صحية ولكن بشرط البديل المقنع والناجح .

من طرف الموسيقار الثلاثاء أغسطس 24, 2010 2:10 am

هيثم جمال كتب:خد دي :
س 10 : أي زمن يؤثر فيك ونفسك يرجع من تاني ولماذا ؟

زمن النبي صلى الله عليه وسلم .
لأن مفيش أفضل من كده زمن في عزة ونصر الاسلام .

من طرف الموسيقار الثلاثاء أغسطس 24, 2010 2:13 am

هيثم جمال كتب:خد دي :
س 11 : امتى بتحس بالفخر ؟

طول ما أنا مسلم أنا حاسس بالفخر .

من طرف الموسيقار الثلاثاء أغسطس 24, 2010 2:15 am

هيثم جمال كتب:خد دي :
س12 : امتى بتحس بالحزن والهم ؟

لما بشوف اللي بيحصل في فلسطين وفي العراق ولبنان وفي المناطق العربية التي تعاني من الاحتلال .

من طرف الموسيقار الثلاثاء أغسطس 24, 2010 2:18 am

هيثم جمال كتب:خد دي :
س13 : موقف كل ما تفتكره عينيك بتدمع على طول ؟

وفاة والدي رحمة الله عليه وعلى أمواتنا وأموات المسلمين .

من طرف الموسيقار الثلاثاء أغسطس 24, 2010 2:20 am

هيثم جمال كتب:خد دي :
س 14 : هل انت انسان حالم ؟

لاء

من طرف الموسيقار الثلاثاء أغسطس 24, 2010 2:21 am

هيثم جمال كتب:خد دي :
س 15 : بتحب ايه وبتكره ايه ؟

بحب العدل وبكره الظلم .

من طرف الموسيقار الثلاثاء أغسطس 24, 2010 2:25 am

هيثم جمال كتب:خد دي :
س16 : ايه اقصى امنية ليك في الحياة ؟

أني أحج عن أبويا وأحجج أمي وأخواتي وزوجتي وألادي .
أدعيلي ربنا يحقق حلمي .

من طرف الموسيقار الثلاثاء أغسطس 24, 2010 2:27 am

هيثم جمال كتب:خد دي :
س17 : الصبر عند كام في المائة ؟

والله ياباشا مش كتير يعني ممكن 50 % علة أدي .

من طرف الموسيقار الثلاثاء أغسطس 24, 2010 2:31 am

هيثم جمال كتب:خد دي :
س18 : من الفئة اللي تجد انها ربحت المعركة السياسية ومن الفئة الأخرى التي خسرت ؟ -من على المستوى الشعبي -

ماليش في السياسة والله ومش بشغل دماغي بيها .

من طرف الموسيقار الثلاثاء أغسطس 24, 2010 2:35 am

هيثم جمال كتب:خد دي :
س19 : انت شايف في الوقت الحالي قادر على قيادة الدولة تالمصرية غير القيادة الحالية ؟

المشير طنطاوي .

من طرف الموسيقار الثلاثاء أغسطس 24, 2010 2:39 am

هيثم جمال كتب:خد دي :
س20 : قيم أعضاء مجلس الإدارة بالإسم وبدون مجاملة ومباشر ؟

والله كلهم ناس كويسين جداً أنا شايف كده بمنتهى الأمانة .
ولا هو لازم أطلع فيهم القطط الفاطسة عشان أكون مش مجامل .

من طرف الموسيقار الثلاثاء أغسطس 24, 2010 2:44 am

هيثم جمال كتب:خد دي :
على يا جماعة محمود بيك عبد العليم في طريقة كلامه تحس انك بتتكلم مع الأستاذ المرحوم محمد عبد العليم الناظر المحترم ومدرس التاريخ اللي كان بيعرفنا تاريخ بلدنا في حكاية جميلة الله يرحمة نسأل الله عز وجل ان يغفر له ولوالدي ولسائر المؤمنين والمؤمنات والمسلمين والمسلمات الأحياء منهم والأموات
اللهم آمين

أنا ليا عظيم الشرف ياباشا أنك تشبهني بالمرحوم والدي أنا أيه أكون جابنه ؟
ربنا يرحم والدي ووالدك ويرحم أمواتنا وأموات المسلمين في مشارق الأرض ومغاربها .

من طرف الموسيقار الثلاثاء أغسطس 24, 2010 2:47 am

nana كتب:مش عارفة ليه انا حاسة انك رومانسى اوى و عاطفى يا ترى انا صح و لا غلط؟

أنا واقعي أكتر .

من طرف الموسيقار الثلاثاء أغسطس 24, 2010 2:49 am

nana كتب:ايه رايك فى عمل المرأة و هل زوجتك تعمل ام ربة منزل

تابعي الموضوع من الأول هتلاقيني رديت على هذا السؤال .

من طرف الموسيقار الثلاثاء أغسطس 24, 2010 2:55 am

القاتل كتب:هى حبيبة ديه مفيش من وراها غير المشاكل ما ادارة المنتدى توقفها و تريحنا بقه بتفكرنى بزهرة تحس ان هدفهم تخريب المنتدى و وقف كرسى الاعتراف و مش عارف ليه نائب رئيس مجلس الادارة مش بيرد عليها و يوقفها عند حدها هو خايف منها ولا ايه

يا جماعه أحنا قولنا نساند المبادره عشان ننهي المهاترات دي وبعدين الأستاذ أحمد اسماعيل مش بيخاف ولكنه راجل من أصحاب الخلق الرفيع هو عمر أخلاقه ما تسمحله أنه يغلط في حد هو له أساليب أخرى للتعامل مع هذه المواقف .

من طرف الموسيقار الثلاثاء أغسطس 24, 2010 2:59 am

هبة كتب:الها بيك يا موسيقار منور كرسى الاعتراف و انا اسفة انى مش بدخل كتير لظروف خاصة يا ترى ايه راى حضرتك فى حرية المرأة و ما تقوم به زوجة الرئيس من اجلال مزيد من الحرية للمراة

أهلاً بيكي يا هبة شكراً على ذوقك .
والله زوجة الرئيس مشكورة على مجهوداتها ولكن المرأة مش ناقصة حرية مفيش حد ناقصه حرية اليومين دول غير الرجاله . ههههههههه

من طرف الموسيقار الثلاثاء أغسطس 24, 2010 3:02 am

هبة كتب:ممكن أسأل سؤال انا ملاحظة ان فيه ناس كتير بيعملوا مشاكل فى كرسى الاعتراف معرفش ليه حاسة انهم عايزين يلغوه زى حبيبة اللى انا ملاحظة انها مش بتعمل حاجة غير انها تتخانق من استاذ احمد عمال على بطال و ده ياإما حقد او غيرة او شهرة و خلاص و بصراحة موضوع المبادرة ده انا مش مقتنعة بيه مش عارف ليه لان مفيش مقارنة بين استاذ احمد و حبيبة يعنى ينفع انا اللى مش بدخل خالص اجى اقارن نفسى بالمحترم استاد احمد عبدالعليم اللى شايل المنتدى على كتافه لازم يكون فيه شوية عقل و ادب فى الحوار طيب ينفع انزل انتخابات قدام استاذ احمد اسماعيل او استاذ فوكس او استاذ هيثم مثلا او اى اسم من الاسماء الكبيرة ديه انا متهيألى انى مش هدى صوتى لنفسى هههههههههههههه و افتكر ان الاعضاء اذكياء و فاهمين كويس مين اللى بيحب المنتدى ده و مين اللى بيكرهوا

يا جماعة ياريت نعطي فرصة ولو حتى أخيرة لأن الأمور تعود إلى نصابها من خلال المبادرة لتهدئة الأوضاع احنا في أيام مفترجه ربنا يهدي الأحوال .