الموسيقار على كرسى الاعتراف

عبده الناظر كتب:لو لقيت خاتم سليمان و طلعلك العفريت و قالك شبيك لبيك عندك سبع طلبات
ايه السبع طلبات اللى هاتطلبهم

هاطلب منه طلب واحد بالسبع طلبات عارف أيه ؟
أنه ينصرف لأني هاكون مرعوب طبعاً ده عفريت يا عم الحاج . هههههههههه

عبده الناظر كتب:ليه شايف ان الناس فى المنتدى بيحبو البشمهندس همام يعنى ايه اسباب الحب ؟؟؟؟؟؟؟
على فكرة البشمهندس ده هو نوارتنا كلنا و كلنا بنحبو التراب اللى عم يدوس عليه
بس احنا لينا مبررات كتير جدا اننا نحبه انما اعضاء المنتدى اللى عمرهم ما شافوه ايه اسباب حبهم
على فكرة كان فيه اتنين قبلك قالو انه اكتر واحد محبوب و عشان كده حبيت اعرف

على فكرة أحنا كلنا بنحب المهندس همام من حبكم فيه ومن حبه فيكم ومن رعايته وليكم والفتافكم حواليه ربنا يخليكم لبعض المهندس همام بالنسبة لينا قيمة كبيرة أنا عن نفسي فخور أنه أبن عمي وفخور بيكم كلكم أنكم أولاد عمنا .

عبده الناظر كتب:ايه رايك فى المنتدى ؟؟ و ليه مش بتشارك بانتظام ؟؟

أنا رديت على السؤال ده يابن عمي

nansy كتب:

هاى موسيقار
انا حددت يوم زفافى و بعزمك تحضر
يوم الاحد الخامس من ايلول بفندق بريستول بيروت
و الدعوة عامة لكل الاعضاء و الك دعوة خاصة جدا
و ما تنسى انك وعدتنى ترقص كل ياللى بالفرح

ألف مليون مبروك ويارب ربنا يتمم بخير ان شاء الله ربنا يفرحك بعريسك يا بسكوتة المنتدى أنا نفسي أجيلك الفرح أنا و عمر الناظر ابن عمي أحسن نفسه يجي يشوف عروسة لبنانية شوفيله نيكول يا نانسي عشان عاوز يحسن النسل ولو جيت هاعزفلك في فرحك ورقصك أنتي وعريسك وكل اللي في الفرح
مليون مبروك يا جميل وان شاء الله السنة الجاية زي دلوقتي نباركلك على النونو .

عمرالناظر كتب:يا بختك يا واد عمى
بتقولك الك دعوة خاصة جدا
يا بووووووووووووووووووووووووووووى
انا ماعاقرش عليك لا سمح الله
عمومى مبروك يا نانسى و عقبالى و يا رب تكون لبنانية عشان تحسين السلالة
يعنى لو نيكول مش مخطوبة قوليلها تفكر
و بعدين صعيدى مع لبنانى يعملو شغل زينو يبقى مكس عجيب كانك عملتى قهوة و حطيتى عليها عصير مانجة

بقولك أيه يا عمر هانخلي الباشمهندس همام يمشي على العمرة من هنا و نخلع أنا وأنت على بيروت يا معلم نحضر فرح نانسي ونشوفلك عروسة هناك بس أوعى المهندس همام يعرف ولا أي حد خلي الموضوع سر بيني وبينك .هههههههههههههههههههه

[quote="الموسيقار"]

عبده الناظر كتب:ايه هيه اكبر غلطه في حياة الموسيقار ؟؟؟

أني بقيت الموسيقار .
لأن الموضوع ده ضيع مني فرصة للسفر من 9 سنين كان ممكن تكون نقطة تحول في حياتي ورفضتها عشان شغل الأفراح فهي دي أكبر غلطة .
ولكن قدر الله وماشاء فعل وكل شئ نصيب وأنا راضي تمام الرضا على قضاء ربنا والحمد لله . [/quot]
ممكن يكون الفيديو ده مفاجأة ليكوا تاكيداً لكلام الجالس على كرسي الإعتراف

[center]

اشعر من اجاباتك انك دبلوماسى جدا جدا فهل هذا نهجك فى حياتك و لا حضرتك مش عايز تزعل حد منك من الاعضاء لانه مش معقول كل الاعضاء انت معجب بهم ؟

مش هسألك و اقولك قيمنى من الناحية الشخصية لاننا لسنا مقربين من الناحية الشخصية و لكن ما رايك فى ادائى فى العمل كمحامى و زميل لك و ادائى فى المنتدى و ما هى ابرز عيوبى و مميزاتى كمحامى و كعضو فى المنتدى
بصراحة و مش هزعل اطمن انا بحب النقد البناء خصوصا انك شخص محترم و مؤدب جدا و ديه حقيقة مش مجاملة والله مش بعرف اجامل اوى

ما هى افكارك لتطوير المنتدى و جذب الاعضاء و جذب المزيد للاشتراك معنا

عمرالناظر كتب:لا مؤاخزة يا ابو عمو
كيف حالك و حال الاسرة و كل عام و انتم بخير
قولى يا غالى ايه رايك فى الصعايدة
و طبعا مش انتو انما الصعايدة الماسابوش الصعيد اللى زينا كده
و هل انتو بتعتبرو حالكو صعايدة و لا لا

أحنا زي الفل والحمد لله يابن عمي وأنت بألف خير يا حبيبي
طبعاً رأي في الصعايدة أجدع وأحسن ناس في الدنيا .
الفرق بين الصعايده اللي في الصعيد واللي سابو الصعيد بالظبط زي الوردة لو قطفتها من الحديقة ورحت بيها في أي مكان هاتفضل فيها ريحتها ولكن بتقل أنما تخيل بقى اللي موجودة داخل الحديقة في وسط الورود تفضل طول عمرها ريحتها فيها وتزيد باللي حواليها وتزود اللي حواليها .
أحنا لينا الشرف أن نكون صعايده لما في الصعايدة من مميزات ويكفي الترابط اللي بينهم .

عمرالناظر كتب:على فكرة انت لو رايح فرح نانسى صح كيه ما جالتلك انا ماعاسيبكش و رجلى على رجلك

عيب يابن عمي أنا قولتلها أن عمر جاي معايا ما تقلقش يا برنس

ما هو السؤال الذى تود طرحه على شقيقك الاكبر و تخشى ان تطرحه عليه فى مواجهته
اعتقد انك هتقولى مفيش صح ،، شفت ان عارف اجابتك ازاى
معلش اسئلتى رخمة زى عارف والله بس مش بحب الاسئلة التقليدية المنقولة زى الاسطمبات بحب اطلع اللى جواك و على فكرة لو مش عايز ترد مش هزعل لانى بحترم الحرية الشخصية و الخصوصية

خد الأسئلة دي :
س 1 : ما هو الشئ اللي دايماً قلبك بيكون مليان بيه ؟
س 2 : الدمعة سريعة معاك ولا جملي ؟
س 3 : تعاطفك بيروح لمين دائماً يعني الأولوية بتكون لمين دوماً ؟
س 4 : كيف تكون عقيدتك ؟
س 5 : انت عندك حالة دائمة من القلق في مسألة الرزق ؟
س 6 : ايه اكتر حاجة بتخاف حتى تفكر فيها ؟
س 7 : ايه رأيك في المفكرين الإسلاميين مثل جمال البنا ؟
س 8 : انت شخص رمضاني فقط في العبادة ؟
س 9 : بعد ما إعتزلت الموسيقى هل تحس بالتناقض في بعض تصرفاتك الحالية -يعني نفسك ترجع تاني ودهبيظهر في تصرفاتك- ؟
س 10 : طالما انت اعتزلت طب ليه لحد دلوقتي مرتبط بلفظ الموسيقار في دخولك للمنتدى ؟
س 11 : ماذا اعددت لأخرتك ؟
س 12 : المتعة عندك بتلاقيها فين ؟
س 13 : الغيرة عندك بتكون فين ؟
س 14 : اللامبالاة موجودة ونسبتها كام لو كان في ؟
س 15 : انت اناني ؟
س 16 : بالفرض بتقول نفسي ثم نفسي ثم نفسي ثم نفسي ثم من ....... ؟
س 17 : بتحب المسئولية ؟
س 18 : اسرتك قدرت تكونها زي ما إنت عايز ؟
وياريت تكون كل إجابة منفصلة وبلاش دبلوماسية تكون إجابة مباشرة بالتوفيق

همام الناظر كتب:كل سنة و انت طيب و بخير و صحة يا واد عمى و اخوى يا استاذ محمود
معلش يا بوى انى اتأخرت فى السلام عليك على كرسى الاعتراف بس و الله الواحد ما فاضيش يهرش عشان العمرة الله يكتبهالك و
بنخلصو الورق بتاع مرتى و مرة اخوى و طلعان عينى فى الاجراءات العفشة دى
انت اخبارك ايه و عامل ايه فى كرسى الاعتراف ده الله يعينك عليه
قلى ايه احساسك اول مرة شفت فيها الكعبة لما اعتمرت

وأنت بألف صحة وسلامه يا هندسة هل هلالك أنا عازرك يا معالي الباشا ربنا يعينك وتروح وتيجي بألف سلامة وربنا يتقبل منا ومنك لا تنسانا بدعواتك في الأراضي الطاهرة .
طبعاً أحساسي أول ما شفت الكعبة أحساس لا يوصف والله أنا مش مصدق نفسي أني روحت أطهر بقاع الأرض ربنا يكتبهالنا جميعاً مرات ومرات يارب .

ما هى افكارك و مقترحاتك لمحاربة الفساد

همام الناظر كتب:و كيف قدرت تتحمل انك ما تحاولش تعتمر تانى من سنة 2001 لعند دلوقت ده عمر يا بوى

بيني وبينك والله الامكانيات المادية هي اللي معطلاني أعيلي يا هندسة ربنا يعطينا ونروح .

همام الناظر كتب:على فكرة عمر اللى هايتجنن عالحريم ده احنا ناقص نبوس يده عشان يتجوز يعنى هو ممكن نقول عليه ميكانيكى بق
هههههههههههههههههههههههه
على فكرة عمر ده اخو مرتى و بعتبره ولدى لانى انا المربيه فعلا و سميت ولدى على اسمه و بيقعد فى دارى اكتر ما بيقعد فى دارهم
أومال انا مستعجل على جوازه ليه .. خانقنى

ألحق جوزه بسرعة يا هندسة بدال ما يعملنا مشاكل ربنا يخليكم لبعض يا باش مهندس

احمد اسماعيل كتب:اشعر من اجاباتك انك دبلوماسى جدا جدا فهل هذا نهجك فى حياتك و لا حضرتك مش عايز تزعل حد منك من الاعضاء لانه مش معقول كل الاعضاء انت معجب بهم ؟

والله يا أحمد بيه أنا مش عارف كل الأعضاء بمنتهى الأمانه الأعضاء اللي أعرفهم كلهم عزاز جداً على قلبي وأنا فاتح قلبي ع البحري وبتكلم بمنتهى الصراحه .

احمد اسماعيل كتب:مش هسألك و اقولك قيمنى من الناحية الشخصية لاننا لسنا مقربين من الناحية الشخصية و لكن ما رايك فى ادائى فى العمل كمحامى و زميل لك و ادائى فى المنتدى و ما هى ابرز عيوبى و مميزاتى كمحامى و كعضو فى المنتدى
بصراحة و مش هزعل اطمن انا بحب النقد البناء خصوصا انك شخص محترم و مؤدب جدا و ديه حقيقة مش مجاملة والله مش بعرف اجامل اوى

أنا بصراحة كل اللي أعرفه عنك هي مميزات وبس أعرف أنك محامي ناجح جداً زو شخصية محترمة وبصراحة هنيئاً للمحاماه بالأستاذ أحمد اسماعيل وبالنسبة للمنتدى أنت أنشط الأعضاء مع العلم بأنك مقل حبتين الأيام دي أما العيوب أنا مش عارفها اللي يقولك عليها أكيد الريس والأستاذ هيثم جمال و البرنس المصري والأستاذ أحمد بدوي والأستاذ محمد عبد الرءوف وطبعاً أكيد أنت عارف ليه . هههههه

فعلا انا حاسس انك صريح والله و طيب جدا بتفكرنى بالمهندس همام كبيرنا و على فكرة حضرتك من الشخصيات القريبة لقلبى والله
و اوعى تتضايق من اسئلتى بس بجد انا بنتهز الفرصة انى اعرفك كويس و اقرب منك لو سمحت لى طبعا لان رجعت للكرسى حيويته و بريقه الذى كاد ان يفقده

يا ترى بتشوف مسلسلات فى رمضان و لا تقضى وقتك ما بين العمل و العبادة و اذا كنت ترى مسلسلات فأى المسلسلات تشاهد

هل تؤيد افكار الدكتور البرادعى

هيثم جمال كتب:خد الأسئلة دي :
س 1 : ما هو الشئ اللي دايماً قلبك بيكون مليان بيه ؟

حب الله ورسوله والغيرة على الدين والأهل

هيثم جمال كتب:خد الأسئلة دي :
س 2 : الدمعة سريعة معاك ولا جملي ؟

والله ممكن تكون جملي بس في مواقف بتكون فيها سريعة جداً

هيثم جمال كتب:خد الأسئلة دي :
س 3 : تعاطفك بيروح لمين دائماً يعني الأولوية بتكون لمين دوماً ؟

تعاطفي بيكون للأطفال الأيتام وزوي الاحتياجات الخاصة أنا بعشق الناس اللي هما زوي الاحتياجات الخاصة وبتربطني بيهم علاقات قوية جداً.
زي أسامه باكو عارفه يا هيثم بيه ؟ .