البرنس المصرى على كرسى الاعتراف

على كل الاعضاء يسئلوه بما شائوا من اسئلة

و مش هاوصيكوا بقى

اولا الاسئلة التقليدية
ما اسمك الحقيقى و سنك و حالتك الاجتماعية و محل ميلادك و محل اقامتك و عملك و هواياتك ؟

كلمنا عن شخصيتك

كانك متمدد على سرير بتاع دكتور و بتحكى معاه

اسمه شيزلونج يا عبده بلاش فضايح
الناس يقولوا علينا ايه
صعايدة لا سمح الله

هههههههههههههههههههههههههههههههههه
لا يا عم اعوذ بالله صعايدة ايه
احنا قناوية
ههههههههههههههههههههههههه

ههههههههههههههههههههههههههه
انا بقى كنت صعيدية و اتعالجت
دلوقتى بقيت سوهاجية
هههههههههههههه

سؤالى للبرنس المصرى

هل لديك اصدقاء ؟؟ و كم عددهم ؟؟

و هلى لديك اعداء ؟؟ و كم عددهم ؟؟

و كيف تختار اصدقائك و هل عهناك معايير لاختيارهم ؟؟

و ما سبب عدائك مع اعدائك و هل هناك خطوط حمراء من يتخطاها يكون عدوك ؟؟

احمدالناظر كتب:اولا الاسئلة التقليدية
ما اسمك الحقيقى و سنك و حالتك الاجتماعية و محل ميلادك و محل اقامتك و عملك و هواياتك ؟

الاسم :أحمد حسين أحمد
السن :35 سنه
الحالة الاجتماعية : متزوج
محل الميلاد : الشرقية
محل اقامتى : الاسماعيلية
عملى : رئيس قسم بادارة شئون الخدمة بشركة شرق الدلتا لانتاج الكهرباء
هواياتى : لعب الشطرنج _ لعب البلاى ستيشن _جميع العاب الكوتشينة
كنت احب القراءة ولكن حاليا لم اعد اقرا

عبده الناظر كتب:كلمنا عن شخصيتك

كانك متمدد على سرير بتاع دكتور و بتحكى معاه

انا انسان طبيعى جدا ما باحبش المشاكل متسامح لابعد الحدود باحب الناس وممكن اجى على حساب نفسى عشان احاول ارضى اللى حواليه ما باحبش المشاكل واهم ميزه فيه انى باحب الضحك مووووووووووووووت

لو انت مكان الراجل ده كنت تعمل ايه

زهرة كتب:سؤالى للبرنس المصرى

هل لديك اصدقاء ؟؟ و كم عددهم ؟؟

و هلى لديك اعداء ؟؟ و كم عددهم ؟؟

و كيف تختار اصدقائك و هل عهناك معايير لاختيارهم ؟؟

و ما سبب عدائك مع اعدائك و هل هناك خطوط حمراء من يتخطاها يكون عدوك ؟؟

اكيد عندى اصدقاء وانا هاكلمك عن الاصدقاء المميزين جدا فى حياتى واللى اقدر احكيلهم كل عددهم 5
وبالنسبة للاعداء فيه فى حياتى اعداء كاعداء 3
وسبب عدائى ليهم اسباب شخصية جدا اسمحولى احتفظ بيها لنفسى
وبالنسبة للخطوط الحمراء اللى ممكن يتعداها يبقى عدوى هنقول منها اللى يحاول يدوس عليه ويحاول يسلب حق من حقوقى بالقوة ده يعتبر عدوى

الى الاخت كرستينا
انا لو مكان الراجل ده واعتقد اى حد غيرى فى نفس مكانه مش بايده يعمل حاجه غير ان يدعى ربنا ان الاسد يكون شبعان او نظرة ضعيف وما يشفنيش
هههههههههههههههههههههههههههههه
وعموما عايز اعرف منك انت هتعملى ايه؟

لو انا مكان الراجل ده ماكانت الامور بينى و بين الاسد وصلت لكده
لانى كان زمانى ميتة من بدرى

الاخت كرستينا
لا اقصد لو انتى فى نفس وضع الصورة كان ايه رد الفعل اللى هييجى فى بالك انك ممكن تعمليه والا ايه اللى هيحطر فى بالك ساعتها؟؟؟؟

انا هاستئذنكم انى اقفل دلوقت وأن شاء الله هارجع لكم تانى على بكرة بس بعد العصر لانى والله مسافر غدا
اشوف وشكم بخير ان شاء الله
وتصبحوا على خير

ما هى علاقتك بربك و ما رايك فى حجاب المرأة و النقاب

ما رأيك فى ازمة المحامين الاخيرة؟

ما رأيك فى كل صديق من اصدقائك مع الشرح التفصيلى و خصوصا اجمل و احسن و اعظم واحد فيهم تفصيلا اللى هو انا طبعا

اخى العزيز
احمد اسماعيل
علاقتى بربى على الرغم من انها قد يشوبها بعض التقصير احيانا من جهتى الا انى اشعر دائما بحب الله سبحانه وتعالى فهو يساندنى فى كثيييييييييير جدا وباحاول دايما احسن من نفسى على قد ما باقدر لان فى الاول والا خر احنا بشر واهم داليل على حب ربنا ليه هو خب الناس لان اللى ربنا بيحبه بيحبب فيه خلقه

احى العزيز
احمد اسماعيل
بالنسبة لرايى فى موضوع الحجاب والنقاب
بالنسبة للحجاب ما حدش من حقه يكون ليه راى فيه لانه فرض من الله عز وجل والهدف منه ستر المرأة المسلمة وعدم جعلها سلعه رخيصة لجميع الناظرين
اما بالنسبة للنقاب فهو فضل وليس فرض وانا عن نفسى مش بافضله لانه كمان يرتكب تحته الكثير من الجرائم

ودى صورة توضح الفرق بين الحجاب وعدم الحجاب

ودى صورة للحجاب بتاع اليومين دول

اخى العزيز
احمد اسماعيل
بالنسبة لرايى فى ازمة المحامين الاخيرة
انا مش هاعتبرها ازمة محامين انا هاعتبرها ازمة الشعب كله لانها حسست الجميع بالقهر والاسى وخوفا من المستقبل لانه لايمكن فى جميع الاحوال ان يكون الخصم حكمافى ذات الوقت على الاقل ان لايصدر الحكم بهذه السرعة ويدع لنفسه المجال للحكم العادل بدلا من النظر للموضوع بنظرة شخصية وده رايى البسيط

اخى العزيز
احمد اسماعيل
كل واحد فى اصدقائى به العديد من المميزات وكذلك بعض العيوب لكن بالنسبة ليك انت بجد اهم ميزه فيك ان بتتقبل الرأى الاخر ولما بتقتنع بتنفذ مش بتصمم على رايك وصريح مش تقول هاعمل وما تعملش والعكس طبعا دى الميزه اللى موجوده فيك ومش موجوده فى حد تانى لكن لو على ميزاتك فهى لاتعد ولا تحصى ويجعله عامر يا كبير

البرنس المصرى كتب:

عبده الناظر كتب:كلمنا عن شخصيتك

كانك متمدد على سرير بتاع دكتور و بتحكى معاه

انا انسان طبيعى جدا ما باحبش المشاكل متسامح لابعد الحدود باحب الناس وممكن اجى على حساب نفسى عشان احاول ارضى اللى حواليه ما باحبش المشاكل واهم ميزه فيه انى باحب الضحك مووووووووووووووت

البرنس العزيز
إلى أى مدى تقدر تجامل ؟
و هل تشعر بعذاب الضمير بعد مجاملتك للبعض ؟
و إلى أى مدى يمكنك تفعيل الحديث الشريف :
- عن أبي هريرة -رضي الله عنه- قال: قال رسول الله -صلى الله عليه وسلم-: ( من كان يؤمن بالله واليوم الآخر فليقل خيرا أو ليصمت، ومن كان يؤمن بالله واليوم الآخر فليكرم جاره، ومن كان يؤمن بالله واليوم الآخر فليكرم ضيفه ) رواه البخاري ومسلم.

ماذا تعرف عن هذا الرجل



و ماذا تعرف عن هذا الرجل



و ما العلاقة بين الصورتين