البرنس المصرى على كرسى الاعتراف

يالتسبة للرئيس مبارك بصراحة يكفى ان ما فيش كرامة واظن عارفين لمين وكفاية كده

بصراحة يا استاذ احمد كنت اتمنى اعيش فى عهد الرئيس العظيم محمد انور السادات لانى كنت هاحس انى مواطن ليه كرامة فى بلدى وفى جميع البلدان

اخى العزيز
احمد اسماعيل بالنسبة لسؤالك "هل تحب الخروج ام البقاء فى المنزل لاطول فترة ممكنة ؟"
انت عارف انى عاشق للخروج بس حكم القوى على الضعيف اهو الواحد بيحاول يريح نفسه ويريح المدام على قد ما يقدر لان هيه مالهاش ذنب فى انى باحب الخروج

بالنسبة لسؤال
الاستاذة مارسيل "لو كان بايدك اختيار حياتك
كنت اخترت حياتك دى و زمنك ده و اهلك دول "
بالنسبة لاهلى ما كنتش هاغيرهم لانى مش هالاقى طيب ولا احن منهم ما عدا شخص واحد وما حدش يسأل هو مين لانى مش هاجاوب لان دى حاجه شخصية جدا
وبالنسبة لحياتى كنت هاختار ابقى رجل اعمل
وزمنى كنت هاختار زى ما قلت زمن تانى وهو زمن الرئيس العظيم محمد انور السادات

الاخ العزيز
احمد اسماعيل
انا شايف ان ظاهرة الاضرابات والاعتصامات مالهاش اى فايدة وعشان كده انا مش هافكر لو فى مشكلة انى اعمل اضراب او اعتصام وده رايى

الاخ الفاضل سعد الناظر
بالنسبة لقضية الثأر ده عرف وموجود وما فيش حد هيقدر يغيره لكن هو مش صح من وجهة نظرى لان الهدف منه القتل لمجرد الانتقام حتى ولو كان قتل خطأ هو سبب المشكلة
_ اما بالنسبة "و تأخر سن الزواج و زيادة الزواج العرفى و زيادة العنوسة عند الرجال و النساء و المغالاة فى المهور" فالاخيرة هى سبب كل ما سبق
الى جانب غياب الوازع الدينى وخوف الارامل فى بعض الاحيان من انقطاع المعاش وتلك اسباب اضافية لانتشار الزواج العرفى

استاذى ال admin
انا هاقولك رايى عن الفساد ومش عارف رايى صح ولا غلط ده تعريفى انا للفساد
"اى شىء يفسد على المجتمع وافراده حياتهم والخروج عن القواعد المنظمة لهذ المجتمع يعتبر فساد"
حصول انسان على شىء لا يستحقه فساد
الرشاوى والتى تمنح حق لمن لا حق له فساد
استغلال المناصب والنفوذ فساد
والمشكلة ان الفساد اصبح شائع فى مجتمعنا بل اصبح قاعدة لا يمكن التخلص منها فالرشاوى فى بعض المصالح اصبحت عرف والا تعتبر انت الراشى انسان مقصر
تغيرت المعايير فى الحياة
ويجب ان نعلم انه ليس معنى ان الفساد انتشر فليس معناه انه اصبح حلال

استاذى ال admin
اما موضوع ان محاربة تحتاج قلب جرىء ام لا
فانا رايى ان محاربة الفساد يستطيعها اى شخص ان كان اهم شىء يكون عنده الاستعداد لان محاربة الفساد لا تعتمد على المواجهة فهناك عدة طرق حتى لو بالارشاد عن معلومة وانت تعلم لك جيدا

فوكس كتب:1) س كما تعودنا ان ناخذ راي الجميع بكرسي الاعتراف فمارايك اخي بكرسي الاعتراف
2)س هل مفاجأت جلوسك على كرسي الاعتراف لها وقع في نفسك ؟ وماهو شعورك وانت على كرسي
3)س -كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى

الأمنية اللي تتمناها ... ؟
4)س أصعب المواقف اللي مريت بها ؟
5) موقفك من الحب ؟؟ وهل جربته ؟؟ هل تأمن بوجوده ؟؟
6)س - قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
7) س هل ندمت فحياتك على شي معيّــن ؟؟؟
س مالفـرق بين الحب والصداقة ؟ وهل يمكن ان يسلكا طرق الغيرة 00؟

_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..

1. رايى فى كرسى الاعتراف هو مهم لنفهم بعضنا البعض من خلال الاسئلة المطروحة ويستطيع كل شخص ان يكون فكرة عن الاخر .
2.وقع جلوسى على الكرسى متشوق لمعرفة الاسئلة وهل فى قدرتى الاجابه عنها ام لا
3.اتمنى ان يرزقنى الله بالاولاد وان يسترها معى فى الدنيا والاخرة
4. يوم وفاة ابنتى مريم
5.لا يوجد انسان لايؤمن بالحب والا يعتبر خرج عن نطاق الادمية وجربته واحب الحب
6.مشكلتى دائما انى احكم القلب وليس العقل
7. تدمت على موقف معين خاص جدا باسرتى
8.هناك فرق بين الحب والصداقه لان الحب يحتوى على شىء من حب التملك تعتبر اوامرك فى الحب واجبة التنفيذ واذا لم تنفذ قد ينتهى الحب او تحزن المفروض انه لا يوجد غيرة فى الصداقة ولكن من كتر الحب لصديقك قد يصل معك الامر للغيرة
9.الخيانة ....ثمنها الحياة
المرأة ..... لا يمكن الاستغناء عنها
الصداقة.......شىء مقدس
النميمة .......سيئة ولا يمكن تركها
النفاق ........ مرفوض

الاخ الفاضل فوكس
ردا على سؤالك "لو عينت رئيسا للجمهوريه ما اول خمس قرارات ستتخذهم؟؟؟؟؟؟؟؟؟"
بص يا سيدى انا هاجاوب باللى جاى فى بالى دلوقت وممكن مايكونش صح بس فعلا انا فكرت لو كنت رئيس جمهورية ممكن اعمل ايه فكانت الاجابة كده:
1.هازود مرتبات الموظفين بحد يسمحلهم انهم يعيشوا حياة كريمة
2.هاخفض اسعار السلع على الاقل السلع الضرورية
3.هاخلى العلاج للجميع وحتى العمليات الكبيرة للموظفين على نفقة الدولة
4.هادى للشباب اراضى وامولهم او اعملهم مشاريع يفيدو البلد ويفيدو نفسهم
5.هاخلى الكليات باختبارات للقدرات لدخولها مش مجموع ثانوية عامة

قراراتك الخمسة دى قفزة قوية نحو دولة محترمة
قراراتك الخمسة الاولى تضمنت تحسين الاجور و تحسين التعليم و ضبط الاسواق و انهاء ازمة البطالة التأمين الصحى للمواطنين
اللى انت بتقوله ده بيبقى برنامج انتخابى كامل للرؤساء الامريكيين يقعد اربع سنوات ينفذه
فعلا اهنئك على تفكيرك المنظم
و انا هاكون اول مؤيد ليك فى الانتخابات الرئاسية ضد النجم ابو اسماعيل اللى مش هاياخد و لا صوت لانه هايدينى صوته

اشكر الadmin على زوقه واحترامه

همام الناظر كتب:ايه يا سعد انت تعبان للدرجة دى
مش تخلص دراسة الاول
حبيبى يا ابو السعود .... انا هاوصى حسين يجوزك بسرعة احسن انت كده خطر

البرنس المصرى المتألق
قلنا ايه رايك فى دموع المرأة و هل المرأة تكذب
و هل ممكن تصدق المرأة و هل ممكن تقبل المرأة رئيسا لك فى العمل و هل ممكن تقبلها رئيسة للجمهورية

دموع المرأة عندما تكون صادقة تكون ابلغ من اى كلام
وبالنسبة للمراة فهى قد تكون صادقة او كاذبة مثلها مثل الرجل فهى سمة فى البشر جميعا لا فرق بين رجل وامرأة

الاخ همام الناظر
واصدق المرأة عندما تدل تصرفاتها على ما تقوله اى ليس كلامها متناقض مع طبيعتها

الاخ همام الناظر
بالنسبة للمرأة فانا فى عملى يوجد سيدات كثير يسبقونى فى الدرجة وعلى فكرة واحده منهم كنت انا رئيسها وبعد كده هيه بقت ريستى

والمراة لا اراها رئيسة جمهورية لانها فى اغلب الاحيان ستحتاج لاتخاذ قرارات تحتاج للعقل وليس القلب والعاطفه ونحن نعرف ان عاطفة المراة تغلب على عقلها

السيد المهندس / همام الناظر
طبعا موضوع ان الواحد تبقى ريسته امرأة ده امر غير مقبول فعلا
لكنه اصبح مفروض علي كثير من اجهزة الدولة الان
بعض الاماكن التى لا يوجد بها نساء مثل عملى و عملك يتخيل انه لو اصبح له امرأة رئيسة له سيقلب الدنيا
و لكن لو لا قدر الله جائت امرأة و اصبحت رئيستك ستجد نفسك تتعامل معها لانها مفروضة عليك
يمكن سعادتك مش حاسس بالموضوع لانك بتشتغل حر انما انت لو موظف كنت حسيت باللى بقولك عليه

قله ان الوظيفة بتجبرك على بعض الامور

البرنس العزيز
ماذا تمثل لك الألوان فى حياتك ؟
و ما هو رأيك فى اللون الرمادى ؟
و ماذا لو أصبحت الألوان لونا واحدا ، فأيهم تفضله ؟

لو كنت رئيس الجمهورية
تعمل ايه مع مطالب الاقباط الخاصة بالمساواة فى تولى المناصب و اقامة دور العبادة

يا عم احمد انا عارف طبعا ان الامر الواقع بيبقى غصب عن كل الناس
و بعدين على فكرة انا مش شغال خاص بس
يعنى انا اصلا شغال فى وزارة الاسكان
بس انا متفرغ بسبب عضوية محلى المحافظة و شغال فى مكتبى اللى انت شفته ده برضه
يعنى انا مش غريب عن الوظيفة انما انا كنت بسأل البرنس عن الفكرة و يعنى ممكن نتقبلها و لا لا

يا ست كرستينا
مساواة ايه بس
انتوا بتبنوا كنايس فى كل مكان و بتبنوها زى تصميم دشم الطيران كلها خرسانة
و واخدين حقوقكم و عليها شويتين
اذا كان المحافظ بتاعنا راجل قبطى
و على فكرة انا من اشد مؤيدى الراجل ده
و علاقته بالكل ممتازة
يعنى نفسى تعيشو فى البلد زى ما احنا عايشين
انما نبرة الاقلية و الحرمان و طلب المساواة ده كلام جديد علينا
عمله مايكل منير و شوية اقباط المهجر اللى هما راس حربة لامريكا و بيشتغلوا بتعليمات من السى آى ايه
و الكلام ده ما كنا بنسمع عنه من قبل
انا ليه واحد صاحبى مسيحى
عمرى ما سمعته بيتكلم فى الكلام ده الا لما حصل موضوع نجع حمادى
و لما عرف انه الكمونى و ده واد بلطجى شغال مع الانبا بتاع نجع حمادى و بيحمى له تجارته
قلتله اوعك تفتح بقك شفت بقى ربنا كسفك
قالى بصراحة انا اتخضيت و قلبى وقع
و اهو دلوقتى رجع لطبيعته زى الفل مصرى ابن مصرى
مش شغال بتعليمات من امريكا

يا سمو البرنس اجبنى
تعمل ايه لو ليك صاحب فيه عيوب كتير جدا
و مفيش اى حد بيحبه و هو فيه كل العيوب
يعنى ندل و حقود و مالوش كلمة و خسيس و اخلاقه وحشة و سمعته زفت
و مفيش فيه غير ميزة واحدة انه بيحبك و جدع معاك انت بس
هل تستمر فى صداقته و لا يأثر فيك كراهية كل الناس ليه

أحمد بغدادى كتب:البرنس العزيز
ماذا تمثل لك الألوان فى حياتك ؟
و ما هو رأيك فى اللون الرمادى ؟
و ماذا لو أصبحت الألوان لونا واحدا ، فأيهم تفضله ؟

الالوان فى حياتى مهمة فالالوان هى التى تعطى للحياة بهجتها والالوان ترمز للحالة فالاحمر يرمز للحب والاصفر للغيرة والابيض للصفاء والطهارة والخير والاسود يرمز للحزن والشر
- اللون الرمادى يرمز عندى للانسان فاللون الرمادى خليط بين اللون الابيض "رمز الخير" والاسود" رمز الشر" كما الانسان فهو خليط بين الخير والشر ولكن تتفاوت درجة اللون الرمادى من شخص لاخر حسب غلبة اى لون منهم عليه
_ فى الزمن اللى احنا فيه ده انا شايف ان اللون الغالب هو اللون الاسود لكن اتمنى لو اللو الابيض عشان يعم الخير والطهارة فى الدنيا
وصعب ان الدنيا تبقى لون واحد والا ما فيش حاجه هتبان من التانية
هههههههههههههههههههههههههههه

كرستينا كتب:لو كنت رئيس الجمهورية
تعمل ايه مع مطالب الاقباط الخاصة بالمساواة فى تولى المناصب و اقامة دور العبادة

والله انا لو مسكت الرياسة هاعمل بالظبط زى ما عمل سيدنا "عمربن الخطاب"ثانى الخلفاء الراشدين لافضل خلق الله سيدنا محمد صلى الله عليه وسلم عندما فتح مصر بالظبط واديهم حرية الدين والعبادة واقرى التاريخ وانتى تعرفى انهم كانوا سعداء جدا

عبده الناظر كتب:يا سمو البرنس اجبنى
تعمل ايه لو ليك صاحب فيه عيوب كتير جدا
و مفيش اى حد بيحبه و هو فيه كل العيوب
يعنى ندل و حقود و مالوش كلمة و خسيس و اخلاقه وحشة و سمعته زفت
و مفيش فيه غير ميزة واحدة انه بيحبك و جدع معاك انت بس
هل تستمر فى صداقته و لا يأثر فيك كراهية كل الناس ليه

هاستمر طبعا فى صداقته بس هاحاول اصلح من عيوبه على قد ما اقدر ومش هاهتم بكره الناس فيه بس فى نفس الوقت هابقى حريص منه لان اللى فيه كل الصفات دى يبقى نيلله قوى