البرنس المصرى على كرسى الاعتراف

استاذى العزيز
احمد بغدادى
بالنسبة لسؤالك انا مش باحب المجاملة نهائى انا لما قلت باجى على حساب نفسى عشان ارضى اللى حواليهدى كنت اقصد بيها ممكن اجى على نفسى فى حق وانا مش باعرف اجامل حد حتى لو رئيسى ممكن فى بعض الامور اسكت لكن ما اجاملش لكن انا عندى فن العلاقات الاجتماعية وده واجب انه يكون موجود فى اى حد والا الناس هتخبط فى بعض طول اليوم

استاذى العزيز احمد بغدادى
بالنسبة لسؤالك و إلى أى مدى يمكنك تفعيل الحديث الشريف :
- عن أبي هريرة -رضي الله عنه- قال: قال رسول الله -صلى الله عليه وسلم-: ( من كان يؤمن بالله واليوم الآخر فليقل خيرا أو ليصمت، ومن كان يؤمن بالله واليوم الآخر فليكرم جاره، ومن كان يؤمن بالله واليوم الآخر فليكرم ضيفه ) رواه البخاري ومسلم.

احب اقولك انى ممكن اقول بنسبة 92%

الاخت الفاضلة
وفاء النيل
1_ الشاعر فاروق جويدة
2_ رئيس الوزراء احمد نظيف
اما بالنسبة للعلاقة بينهم
لان السيد احمد نظيف رئيس مجلس الوزراء شطب اسمه من عضوية المجلس الاعلى للثقافه

طبعا انا اول مرة اعرف انك مش محامى
ايه رايك فى ازمة المحامين مع القضاة من وجهة نظر محايدة و ايه رايك لحل المشكلة دى
و هل انت شايف ان المحامين غلطانين و لا القضاة هما اللى غلطانين و ايه مبررك فى الحالتين

لو كنت انت مواطن فى دولة فاسكونيا
و قررت الحكومة الفاساكونية اجراء انتخابات تعددية و الغريب بقى انها نزيهة - تخيل ! ! - و طلب منك وضع شروط الترشح للانتخابات
فما هى الشروط التى تضعها للترشح للرئاسة

الاخت الفاضلة زهرة
اولا احب اقولك انك منورة المنتدى
اما بالنسبة لسؤالك بخصوص رايى فى ازمة المحاميين مع القضاة
انا طبعا شايف ان لا يصح باى حال من الاحوال ان يصفع رئيس نيابة اى شخص كان على وجهة ومبرره ان تهجم على مكتبه ان احب العقاب بس العقاب يكون على قد الخطأ
وكده من وجهة نظرى القضاة مخطئين والسبب الاساسى فى الخطأ انك ما ينفعش تكون خصم وحكم فى نفس الوقت
والسرعة فى اتخاذ القرار والحكم نفسه حاجات كتير بتدلل على خطأ القضاة وده رايى بكل حيادية
لانى ما باحبش الانسان اللى يفترى على حد بسبب سلطته وهو من غير السلطة دى ......... ولا يسوى

الاستاذ عبده الناظر
انا مش هاحط اى شروط لانى ما باحبش السياسة ومش بافهم فيها لان انا شايف انه مش امر سهل زى ما كل الناس متخيلة صعب انك تضع شروط على اساسها هتختار شخص يبقى مسئول عن ملايين الناس صعب

حبيبى يا برنس استااااااااااااااااااذ
و انت عارف بقول ليه استاذ

ما رأيك فيما حدث بسفينة الحرية من العدو الصهيونى ؟

فى اى العصور تتمنى كنت ان تعيش عهد الرئيس عبدالناصر ام السادات ام مبارك مع ذكر السبب بالتفصيل و ذكر مزايا و عيوب كل عصر

هل تحب الخروج ام البقاء فى المنزل لاطول فترة ممكنة ؟

لو كان بايدك اختيار حياتك
كنت اخترت حياتك دى و زمنك ده و اهلك دول

هو احنا مش من حقنا نعرف ليه بتقوله استاذ
سؤالى للبرنس المصرى
هو ليه بيقولك استااااااذ دى ؟؟
انا متمسكة بحقى انك تجاوب

رد يا برنس على استاذة زهرة

ما رأيك فى ازدياد ظاهرة الاضرابات و الاعتصامات هه الايام و هلى يمكن ان تقوم بعمل اعتصام او اضراب إن تعرضت لظلم؟

ايه رايك فى قضية الثأر و تأخر سن الزواج و زيادة الزواج العرفى و زيادة العنوسة عند الرجال و النساء و المغالاة فى المهور

ايه يا سعد انت تعبان للدرجة دى
مش تخلص دراسة الاول
حبيبى يا ابو السعود .... انا هاوصى حسين يجوزك بسرعة احسن انت كده خطر

البرنس المصرى المتألق
قلنا ايه رايك فى دموع المرأة و هل المرأة تكذب
و هل ممكن تصدق المرأة و هل ممكن تقبل المرأة رئيسا لك فى العمل و هل ممكن تقبلها رئيسة للجمهورية

همام الناظر كتب:ايه يا سعد انت تعبان للدرجة دى
مش تخلص دراسة الاول
حبيبى يا ابو السعود .... انا هاوصى حسين يجوزك بسرعة احسن انت كده خطر

و الله يا عمى يا ريت تكلمه احسن هو مش مقتنع

ده انا قربت اكتب على هدومى خطر ممنوع الاقتراب

عرفنا يا برنس رايك فى الفساد و ما هو الفساد من وجهة نظرك و هل محاربة الفساد جرأة ام رسالة
بمعنى هل يمكن لشخص ليس جرئ ان يقف ضد الفاسدين ام الموضوع يحتاج جرأة و قلب ميت

لو عينت رئيسا للجمهوريه ما اول خمس قرارات ستتخذهم؟؟؟؟؟؟؟؟؟

الاخت الفاضلة زهرة
بيقولى استاذ عشان اجابتى على سؤال شروط الانتخابات وقلت انا مش عارف فى السياسة وما لفيتش ودورت وقلت اى كلام فبيقولى استاذ انى جبت من الاخر

اخى العزيز
احمد اسماعيل بالنسبة لرايى فى الهجوم الاسرائيلى على سفينة الحرية اكيد زى كل انسان عربى رافض كل اللى حصل بس زى ما انت عارف ما باليد حيلة
وهيه الشعوب عملت ايه
وايه الاجراءات اللى تمت
كل اللى بيحصل تنديد واحتجاج ومظاهرات لكن ايه اللى بيحصل ولا حاجه
اللى بيحصل ان القوى هو اللى بيفرض سيطرته وده دليل على ضعف هيبة العرب
واللى بيدلل على بشاعة الموقف ان فيه احد الناس اللى كانوا فى الاسر بيقول ان فيه جنود اسرائيليين اصيبوا نتيجة ضرب النيران من الطائرات يعنى ده دليل على الوحشية فى ضرب النار ودليل على وابل النيران اللى كان متسلط على السفينة

اخى العزيز
احمد اسماعيل
بالنسبة لسؤالك اى العصور افضل ومزايا وعيوب كل عصر
احب اقولك اولا المزايا والعيوب لكل عصر
اولا عصر الرئيس جمال عبد الناصر
الراجل ده مميزاته انشاء السد العالى وتأميم قناة السويس والقضاء على الاقطاع وكان عامل هيبه لمصر وتنحية عن الحكم دى عمرى ما شفتها من رئيس قبل كده
عيوبه بقى المعتقلات طبعا كان السبب فى دخول مصر فى حروب من اجل الدول العربية وفيه اراء باقول ان تقسيمة الاراضى ده كان سبب فى انهيار الاقتصاد المصرى

اما بالنسبة للرئيس العظيم السادات
فمميزاته جميعنا نعرفها يكفى انه ضحك على العالم كله وتخطيطه العظيم فى حرب 1973 الذى اعاد به الكرامة للمصريين وللعرب جميعا
قدرته وشجاعته وذهابه الى اسرائيل

كان الراجل بيحب الشعب وكان بيقعد مع الناس على طبيعته

هاجيبلكم موقف اتعمل فى عهده وعهد تانى وفرق شاسع بين الاتنين

بيحاول بنفسه ياخد الطلب فى عهد واحد تانى الراجل اللى حاول يعمل كده اتقتل
الراجل ده خفض سعر رغيف العيش بعد ما غلاه بناء على رغبة الشعب
الراجل ده عمل معاهدة السلام اللى اسرائيل بسببها بتضرب نفسها بال ..... لحد دلوقت
كان هيجيب حقوق الفلسطنيين لكن هما اللى رفضوا بصراحة مش شايفلوا عيوب