البرنس المصرى على كرسى الاعتراف

بصراحة سؤالك يا مارسيل فى الاول يخض
انما فلسفة السؤال تغير مسار تفكيرنا تماما
سؤالك ممتاز و جديد
و اعتقد ان البحث بتاعك خد امتياز فى الاساس لانه جديد
و فعلا الاقتصاد اللى يعتمد على الرقص يبقى ..........
اما الصورة اللى انتى حطاها دى فمصر الشعبية مش كده
انما مصر الرسمية اكتر من كده

السلام عليكم
انا احب ارحب بالزميلة الجديدة -مارسيل- وانا احب اضيف ان الموضوع بسيط مش هنطعية اكتر من حجمة لأن المسألة محسومة ولكن الضيفة مارسيل مش عاجبها الرد الخاص بي بشأن سؤال كريستين ده إختلاف في وجهات النظر والمنتدى ده منبر لكل واحد يعبر فيه عن رأيه في حدود الأدب واللياقة وانا مش عايز أخرج من موضوع كرسي الإعتراف للزميل البرنس المصري ولكن كلامي اللي قلته بخصوص الموضوع ده صح ولا غلط وانا بحترم اي رأي يقال في هذا الشأن طالما انه في حدود الأدب وده انا بعتبره من خلال المنتدى منظر حضاري مصغر لنموذج بلدنا لما تبقى بلد بجد متقدمة وذات حضارة

مارسيل كتب:البرنس المصرى الشيك
ايه رايك فى مدارس الرقص الشرقى المنتشرة فى مصر الايام دى
و ايه رايك فى الرقاصين الى عايزين يعمله نقابة للرقاصين
و هل انت شايف ان ده نوع من الانحلال فى سلوك الشعب المصرى و لا دى استثناءات و مش تعبر عن الشعب المصرى
و ايه رايك فى السياحة فى مصرالى بتعتمد على الرقص و الكباريهات حتى فى الاعلانات الحكومية
و هل موضوع الرقص الشرقى و الحاجات دى هو السبب فى تراجع دور مصر الاقليمى
و هل اعتماد الاقتصاد المصرى على السياحة و خاصة السياحة المعتدة على الغرائز هى السبب فى عدم استقرار البورصة و لا فيه اسباب تانية
على فكرة ده موضوع بحث انا عملته فى الجامعة السنادى و اخدت فيه امتياز

والله انا شايف عموما ان الايام دى انتشرت فعلا مدارس الرقص وده لان فعلا ماعادش فيه قيم بقى كل اللى نفسوا يعمل حاجه يعملها ويقولك ده فن هادف انا مش شايف انه هادف لحاجه غير اثارة الغرائز واللى يعترض على كده يبقى انسان ارهابى وراجعى ورافض للتقدم حاجات كتير اتوجدت فى مجتمعاتنا ما كانتش بالصورة دى الرقص كان موجود لكن مش كان عادى لكن ده بقى اليومين دول عادى جدا زى اى مهنه او رياضه الناس بتعملها واللى زاد واللى غطا حكاية نقابة الرقص دى يعنى ايه اللى هيبقى مطلوب من النقابة صرف صاجات بسعر مخفض والا توفير كتب الرقص وتشريعاته الجديده والا المطالبة بحقوق الراقصات اللى وقع عليهم تحرش فعلا موضوع مقزز
وبالنسبة للسياحة فعموما من وجهة نظرى ان السياحة عموما فى مصر لو بعدنا على الرقص هتلاقى خمور وغيرها من انواع الفساد وغير كده كتير
اما بالنسبة لدور مصر فاعتقد ان ده ما لوش علاقة بدور مصر لانى زى ما قلت الرقص موجود من زمان اللى يقلل دور مصر او يزوده من وجهة نظرى مدى تاثيرها فى فى الامور الخارجية ورايها فيها والموقف اللى بتتخذه

الانسة مارسيل

هل موضوع الرقص الشرقى و الحاجات دى هو السبب فى تراجع دور مصر الاقليمى

تعقيب صغير على النقطة دى ما فيه دول عظمى فيها اكتر من كده ومنتشر فيها برضوا مدارس للرقص الشرقى بس ليها دور زى ما قلت اللى بيضعف دور بلد او يقويه دورها حل المشاكل المحيطة ومدى قدرتها على فرض رايها وتاكيد تنفيذ هذا الرأى

وده ردي يا برنس
[ندعوك للتسجيل في المنتدى أو التعريف بنفسك لمعاينة هذا الرابط]

ودي علاقتي بأهل المنتدى

اخواتى الاعزاء
انا اشعر فى هذا المنتدى اننا جميعا عائلة واحدة فارجو ان نستمر هكذا وانا استفدت جدا وارجو ان يكون هناك من استفاد منى او من غيرى المهم ان الخير يعم على الجميع وفعلا انا سعيد اننى عضو فى هذا المنتدى العظيم والذى اتمنى له ان يكون من افضل المنتديات جميعا وهذا لن يحث الا اذا كلنا سعينا الى ذلك وحافظنا على الحب والاخوة الموجودة بيننا

احب اقول لكل اللى فى المنتدى انى شرفت جدا بجلوسى على كرسى الاعتراف واشكر الاستاذ احمد الناظر صاحب هذه الفكرة وارجو انى كنت ضيف خفيف وظريف على قلوبكم

واحب اقولكم ان اللى هيقعد بعدى ان شاء الله على كرسى الاعتراف الاستاذ العظيم المبجل احمد عبدالعليم او زى ما هو معروف عند الكل admin

اختيار admin هو اختيار موفق
و احنا استمتعنا جدا بالبرنس على كرسى الاعتراف و نتمنى نعرف admin كويس

سؤالى الاخير للبرنس المصرى
ايه رايك فى كرسى الاعتراف و ايه اكتر حاجة فرحتك فيه
و ايه اكتر حاجة دايقتك فيه

حضر نفسك احمد بيه
اللى عملته فى الناس حيطلع عليك

البرنس المصرى كتب:واحب اقولكم ان اللى هيقعد بعدى ان شاء الله على كرسى الاعتراف الاستاذ العظيم المبجل احمد عبدالعليم او زى ما هو معروف عند الكل admin

ههههههههههههههههههههههههههههههههههههههههههههههههههههههههههههههه




و الله و جيت برجليك

يا برنس ايه السؤال اللى اتسألته و ما كنتش عايز حد يسئلهولك
و ايه السؤال اللى كنت مستنى حد يسألهولك و ماحدش سأله
و ما تقييمك للتجربة

يا برنس انت ليه اخترت admin بالذات لكرسى الاعتراف

ايه يا رجالة الشماتة دى امال انتوا قبضتوا عليا و لا ايه

زهرة كتب:سؤالى الاخير للبرنس المصرى
ايه رايك فى كرسى الاعتراف و ايه اكتر حاجة فرحتك فيه
و ايه اكتر حاجة دايقتك فيه

فكرة كرسى الاعتراف فكرة جميلة جدا وبصراحة الموضوع كله عاجبنى والحمد لله ما فيش حاجه ضايقتنى بالعكس انا باحس انه بيقرب الناس من بعضها وبتعرفى تكونى فكرة عن شخصية اللى قدامك وده رايى

احمدالناظر كتب:يا برنس ايه السؤال اللى اتسألته و ما كنتش عايز حد يسئلهولك
و ايه السؤال اللى كنت مستنى حد يسألهولك و ماحدش سأله
و ما تقييمك للتجربة

والله يا احمد بيه انا لما قعدت على الكرسى ما حبيتش افكر فى اى اسءلة متوقع او ايه السؤال اللى اخاف يجيلى انا كنت كل يوم ادخل واشوف الاسئلة واجاوب عليها من وجهة نظرى وحسب ما فهمتها وخلاص فعشان كده ما كنتش باشغل بالى بايه اللى ممكن ييجى او يجيش

انا بقى عايز اسأل سؤال لكل اللى فى المنتدى
اكيد كلكم كونتم عنى فكرة من خلال اجاباتى على الاسئلة _صح؟؟
يا ريت كل واحد يدخل يقولى ايه الفكرة اللى كونها عنى او عن شخصيتى

الفكرة اللى انا عرفتها عنك
انه على الرغم من انى اعرفك كويس جدا من زمان الا انى اكتشفت فى شخصيتك حاجات انت نفسك مش عارفها
يعنى موضوع السياسة انا طول عمرى اعرف انك مالكش فيها خالص
و انت دايما تقول ان مابفهمش فى السياسة خالص
الا انى فوجئت ا نظرتك السياسة لكل شيئ نظرة عمييييييييييييييييييقة جدا و متميزة
و يعنى حاجات كتير زى كده