احمد اسماعيل على كرسى الاعتراف

الى الملكة
هل انت شخص كسول ام نشيط ؟:
بصراحة انا اميل للكسل و لكن فى عملى تجدينى فى منتهى النشاط و الحيوية و اميل للجلوس فى المنزل كثيرا و هذه الصفة فى من الصغر لاسباب كثيرة منها اننى تربيت مع جدتى و كانت طوال الوقت تجلس فى المنزل و كنت مرتبط بها و لذلك اخذت منها هذه العادة و اعتقد انها عادة تتنافى مع طباع الشباب

الى الملكة
هل انت شخص طموح وهل لوكنت طموح هل لطموحك حدود ؟:
انا طموح جدا و لكنى أتانى فى كل خطوة و هذا يفسره البعض بعدم الطموح و الحمد لله لقد اعطانى الله الكثير من وجهة نظرى الصحة معقولة الحمد لله الزوجة الصالحة الابناء المال الاصدقاء و ربنا بيكون معايا فى الازمات الحمد لله

الى الملكة
هل انت مؤمن بالمقوله السائدة الغاية تبرر الوسيلة ؟:
لا طبعا

الى الملكة ( سؤالك خبيث )
هل انت على استعداد ان تلبى طلبات زوجتك او اولادك حتى لو ان هذه الطلبات لا تأتى على هواك ؟
بصراحة لأ مش دايما ساعات مش بنفذ لهم طلباتهم و بحاول اهرب منها بطريقة او بأخرى و فى نفس الوقت ممكن انفذها بطريقة ترضيهم لانى احيانا كتيرة بظلمهم لانى ببقى مشغول فى اوقات كتيرة سواء فى العمل او مشكلة خاصة او كتابة مقالات على حسب
فا أنا بعترف انى مقصر فعلا و يا رب زوجتى ما تقراش المكتوب ده عشان هتطلب تعويض

على فكرة موضوع الاخ عماد بقى فيلم بايخ

و بصراحة لو خليتوه يرجع و لا قعدتوا تقولوا نسامحه يبقى انتوا بتهرجوا

زهرة كتب:على فكرة موضوع الاخ عماد بقى فيلم بايخ

و بصراحة لو خليتوه يرجع و لا قعدتوا تقولوا نسامحه يبقى انتوا بتهرجوا

استجابة لطلبك و لانك من الاعضاء المميزين فى المنتدى و الذين ننتظر مشاركاتهم على احر من الجمر


تم طرد عماد القاضى نهائيا من المنتدى

الى الاستاذة زهرة ( المتميزة دائماً )
بصراحة انا ضد كل الاحزاب القائمة لانها ضعيفة جدا لكن لو اجبرت الوطنى لانه يعتبر اقوى الاحزاب القائمة و لا منافس له مع تأكيدى اننى ارفض الانضمام لاى حزب و لكنه امر واقع و هاتى لى اى حزب ينافس الوطنى مفيش فالخلافات و الصراعات تاكل جميع الاحزاب و الادلة كتيرة
فى انتظار اسألتك المتميزة

الحقيقة هى وجهة نظر تحترم

بس اعتقد ان فيه احزاب كويسة زى حزب الجبهة و حزب الغد ( ايمن نور و الخولى ) و حزب الكرامة و حزب الوفد بشكله الجديد تحت ولاية دكتور سيد البدوى

انما الوطنى ما يعترش حزب و اعضائه موظفين لا يملكوا القرار

انما عموما هو رايك و وجهة نظر ليها قوتها

و متشكرة جدا لاهتمام حضرتك

والله يا استاذة زهرة انا بأيدك بس انا قولت انى معترض اصلا على كل الاحزاب بحب ابقى حر فى ارائى لكن كلامى كان ردك على اذا اجبرت
و بصراحة مش بطيق ولا حزب لان السلبيات اكتر من الايجابيات و الادلة عندى كتير و يطول شرحها لانها عايزة شرح بإستفاضة

صديقى العزيز
يا ترى ممكن تعمل جريمة ؟؟ ولو ممكن ايه الجريمة اللى ممكن تعملها؟؟؟

هل انت فى البيت ديكتاتور ؟؟؟ ام تقبل بمشاركة زوجتك الرأى؟؟؟

من هو مثلك الاعلى؟؟؟

حبيبى البرنس
يا ترى ممكن تعمل جريمة ؟؟ ولو ممكن ايه الجريمة اللى ممكن تعملها؟؟؟
الجريمة اللى نفسها اعملها انى اقثتل كل الظالمين و الفاسدين و الحرامية و اكلى قوت الشعب و الذين يجاملون فى اعمالهم على حساب ضمائرهم ارضاءا لاشخاص و عصياناً لاوامر الله عزو جل

حبيبى البرنس
هل انت فى البيت ديكتاتور ؟؟؟ ام تقبل بمشاركة زوجتك الرأى؟؟؟:
بنسبة 90% مش ديكتاتور بالعكس متعود اتشاور مع مراتى فى جميع الامور العائلية ( يعنى مش هعمل زى بعض الرجالة اللى يقولك لا عيب ازاى اخد رايها بالعكس انا غير كده خالص )
و فى الامور العامة ممكن اتشاور مع اصدقائى او والدى

و ممكن ان يتغير رأى فى بعض الامور حسب تغير الاحوال او تقدم السن بى و زيداة الخبرات المتوافرة لدى لان فكر الانسان بيتغير كل ما بيكبر احمد اسماعيل امبارح غير النهاردة غير بكرة

اواستاذى الكبير البغدادى
اولا هاخد الملكة لانها أم العيال و انت عارف ما اقدرش ازعلها
البرنس و احمد عبدالعليم دول اصدقائى اللى يا ما وقفا جنبى فى الشدائد عبدالعليم وقفوا معايا فى كل مشاكلى و دخل فى صراعات هو مش طرف فيها و لا تخصوا و لكن دخل مساندة لصديقه و البرنس وقف معايا كتير اهمما فى مرضى و اجرائى لعملية كان كل يوم معايا و ما سبنيش فى المستشفى و كان بيجيبلى طلبات بيتى و مقصرش معايا و لا لحظة
و عبدالعليم فى مرضى كان دايما بيجيلى لدرجة انه كان يجيب الفطار و يجى يصيحنى و يفطر معايا اوقات كتير الصبح
فا ما اقدرش انسى لهم كل المواقف ديه و ديه امثلة و ليس كل المواقف و شهادة حق و تقدير لازم امنحها لهم امام الناس و حقهم عليا مش مجاملة لانهم عارفين لما واحد فيهم بيقصر او بيعمل حاجة بتضايقنى بديله فى وشه مش بتكسف منهم و ده سر الحب اللى بينا مفيش فى نفسيته حاجة وحشة تجاه التانى و ده ملخص لصداقتنا
معلومة : البرنس المصرى بيحبك على المستوى الشخصى و هو قالى كده من ضمن الناس القليلة جدا اللى بيحبهم فى الشغل

شكرا ليك يا نجم على كلامك ده لكن ده مش جميل منى ده واجب الصداقه وماتنساش ان وقفاتك اكثروفعلا انا باشهد امام المنتدى انى باحترم الاستاذ احمد بغدادى وده شرف ليه

حبيبى ..يا زعيم .. كان لازم أبرز صفات أحمد أسماعيل
صفات تشكلها مشاعره النبيلة .. و تبين مدى ولائه لأصدقائه
و أعتقد اننى نجحت فى إخراج مشاعرك الجميلة نحو الأصدقاء .
و السؤال الآن :
ما هو زادك فى الحياة ؟

ارفع القبعة لاخى احمد اسماعيل

الغريبة انه فاكر حاجات مفيش حد بيفتكرها لانها حاجات عادية جدا

و ده واجبه علينا

لانك اخ و صديق و صدوق

الأستاذ / أحمد إسماعيل دي فرصة عظيمة إني أكلم سيادتك
وان شاء الله تكون السؤالين اللي هقولهم لك يكونوا خفاف عليك
س1: انت لما بتقف قدام المراية عالصبح عايز تقول لنفسك إيه , ونفسك تعمل إيه , والراجل اللي واقف قدامك في المراية هو الي إنت عايزه وراضي عنه ولا لأه ؟
س2 : هو إنت ليه عصبي بطبيعتك ؟
س 3 : هو إنت شكاك فعلاً ؟
س 4 : بتحس في فترة من الفترات إنك بتناقض نفسك ؟
س 5 : وده الأهم إيه هي القضية اللي إنت عايش ليها ونفسك تحققها ؟
س 6 : الدين ترتيبه الكام في حياتك ؟
س 7 : هل تؤيد إعتراض الناس على الأوضاع الحالية بالمظاهرات اللي بتحصل في الشوارع ؟
س 8 : هو فعلاً في ديمقراطية في مصر ؟
س 9 : إنت بتشجع مين ؟
خلي بالك الأسئلة كلها إجبارية وإياك تبص كدة ولا كدة إنت عارف إيه اللي هيحصلك !!!!!!!!!!!!!

يا هيثم بك

انت اسئلتك كلها



فى الجون

الاستاذ الكبير احمد بك اسماعيل....
س1/ايهما تفضل.. ان حبيبك يخونك ولا يموت احسن؟؟
س2/اذا وقع احد من اعز اصدقائك فى مشكلة وكان غلطان هل هتقف جنبة ولا... ؟؟؟
س3/اذا وقع عليك الاختيار لتنفيذ مهمة معينة وكانت هذة المهمة تتنافى مع مبادئك هل سوف تقوم بها ، علما بانك اذا لم تنفذها فانك سوف تخسر عملك ومن الممكن ان تقع فى مشاكل الله اعلم بها..واذا فعلتها ستصبح بمكانة اعظم..فماذا سوف تفعل؟؟؟
س4/ما معنى الحب من وجهة نظرك..وهل تعتقد بوجودة اصلا هذة الايام..ولماذا؟؟

الاسئلة سخنت يا نجم لكن انت قدها