احمد اسماعيل على كرسى الاعتراف

يا استاذ احمد مش كده الاستاذة زهرة بتعبر عن وجهة نظرها و يجب احترامها
كونها لا تشارك فى المنتدى القانونى او منتدى الادارات القانونية فهذه حرية شخصية لها و يجوز انها تفكر فى اتخاذ اجراءات فعلية للمطالبة بحقوقنا
و فى حقيقة الامر انا اول مرة اعرف ان استاذتنا محامية فى شركة و هذا شرف لنا انا عرفت من سؤالها النهاردة و ارجو ان تكون عضو فعال معنا كما تعودنا منها فى باقى اقسام المنتدى لانها من المؤثرين بالفعل و ليست عضو عادى
و ارجو يا استاذ احمد ان يكون رايك فى حدود المعقول فهذا حقك و لكن حقك يجد حدوده عند بداية حقوقك الاخرين فى التعبير
مع كامل احترامى و تقديرى للجميع

يا استاذة زهرة انا بأيد استاذ احمد الناظر حضرتك عمالة تدافعى مع انى عمرى ما شفت ليكى اى مشاركة فى منتدى المحامين بصراحة انا شاكك انك محامية مش عارف ليه
المشكلة اننا مش فالحين فى الكلام جربى كده ادخلى على الفيس بوك هتلاقى كل المحامين بيمدحوا فى استاذ احمد اسماعيل و هو البطل و الزعيم طيب الباقى فين ماتوا خلاص الراجل عمال يكتب مقالات فى الصحف و يبعت مذكرات و انذارات و انا متابع لما يقوم به فاين نحن من كل ذلك العيب فينا فعلا و نقيب المحامين ليه حق فى اللى بيعمله و ده قليل لان شايقنا بنتكلم بس يلا كلنا نتجمع و نعمل وقفة احتجاجية قدام النقابة ليعلم النقيب اننا مازلنا احياء الله يكرمكوا مش بحب الكلام و خلاص

متشكرة للاستاذ احمد الناظر و كله من زوقك

لو حضرتك عايزنى ما ادخلش المنتدى كله انا تحت امرك

سيدى الاستاذ محامى قطاع عام لقد تلاحظ لى ان اسلوبك به نوع من الحدة على الاستاذة زهرة انا اثق ان سيادتها ستشارك معنا بفاعلية و يا جماعة اعتبرونى باخد استراحة شوية و انشغلت لان برضه عندى شغل كتير فى شركتى و اسمحوا لى ان اعلن ان ذلك المنتدى هو منتدى الحرية لجميع الاراء و الاقلام و الحرة و اى عضو سيتجاوز فى حق زميله او يحجر على فكره و رايه سيتم تجميد عضويته حتى لو انا شخصيا

يا استاذة زهرة اوعى تقولى كده مش عايزين الاختلاف فى وجهات النظر يزعلنا من بعض و يا ستى انتى لو سيبتينا احنا مش هنسيبك وراكى وراكى
و مش عايز يحصل زعل فى اخر يوم ليا على كرسى الاعتراف و لا عايزينى انزل من على الكرسى و انا زعلان بسبب المشاكل اللى عملتها يا ريت نقفل موضوع الادارات القانونية ده

[img] [/img]

انتى زهرة المنتدى

و المنتدى من غيرك مش هايبقاله طعم

بس موضوع سلبية محامين الادارات دى بنعانى منها من سنين و الواحد بيبقى مش طايق نفسه لما بتكلم فيها

اوعى تزعلى و مرة تانية

خلاص يا استاذ زهرة استاذ احمد اعتذر و قدم وردة و النبى قبل الهدية

احنا اخوات و مفيش زعل بينا

و انا ما انكرش ان فيه تقصير

بس انا مصرة ان الصافى ده مكرى علينا علشان يفرقنا

ايه يا ناس انتوا سخنتوا على بعض فى الاخر ليه كده

مش عارف يا استاذ عبده بس خلاص الموضوع اتحل و كلنا حبايب و اخوات

الحقيقة ان الكلام ده فعلا قالهولى قبل كده اخى الاكبر احمد الناظر و حملنى الرسالة دى لصديق عمرى احمد اسماعيل

و الحقيقة انا فوجئت بكلام الاستاذ الصافى و فوجئت اكتر بتأييد بعض الزملاء و الغريبة ان اكثرهم من محامو الادارات القانونية

لدرجة ان الاستاذ و الزميل الفاضل محمد صلاح اختلف مع رئيسه و مديره استاذنا و اخونا الاكبر الاستاذ علاء ابو الحاج

الحقيقة انا فعلا ما كنتش عايز يحصل الانقسام ده انما واضح اننا فعلا لازم نقف وقفة مع انفسنا

و لازم اواجه نفسى بعيوبى علشان اقدر احلها

اما اختنا الفاضلة زهرة فطبعا انتى احد اعمدة المنتدى و ما ينفعش تهددى انك تسيبيه لانك انتى لو سيبتينا احنا مش هانسيبك زى ما قالك استاذى احمد اسماعيل

أود أن ابعث بعزائي إلي الأستاذ أحمد بدوي سائلين المولى عز وجل أن يلهمه الصبر والسلوان

السلام عليكم يا أهل المنتدى
الموضوع اللي انتوا سخنتوا على بعض فيه مش محتاج التوتر ده كله الموضوع بسيط
نسئل بعض هل فعلاً محامي الشركات مطالبهم مشروعة ولا لأ , وبعد كده طب عملتوا ايه بعد كده أنا اعرف ان المحامين بالشركات مؤمن عليهم من جهة عملهم ومن جهة النقابة وده مثال بسيط يدل على الرابط اللي بينمحامي الشركات ونقابةالمحامين اللي للأسف اصبح كبيرها راجل مخادع ضحك على الناس كلها وثبت ان أ/ سامح عاشور هو الرجل المناسب لموقع النقيب
والاخوة اللي مش عاجبهم الوضع ان شايف ان الاستاذ احمد اسماعيل بذل مجهود يشكر عليه ويحسب له انه اتخذ خطوات غيره لم يفعل شئ
فيا جماعة عايزين نبطل حكاية النعامة اللي بتدفن راسها في الأرض عايزين وقت الشدة نكون ايد واحدة ده احنا اللي فاهمين القصة وما فيها بحكم اننا رجال قانون
وعلى راي المثل الأفة ام ودنين يشيلواها الحبايب كلهم ( عذرا للغة العامية وللتحريف في المثل الشعبي ) الرسالة وصلت ولا !!!!!!!!!!!!!!!

و صلت رسالتك يا هيثم بك
و قلت الخلاصة فعلا

العضو اللى انا اخترته انه يكون بعدى على كرسى الاعتراف طبقا لقانون كرسى الاعتراف هو

7

7

7

7

7

7

الــبرنــــــــــــس الــمـــــــصرى

طبعا انت يا استاذ احمد حققت رقم قياسى فى منتديات الناظر و هو انك حققت مشاركات عدت 250 مشاركة فى استجوابك و انت على كرسى الاعتراف
و ده معناه انك شخصية ثرية جدا و كنت مطمع لكل الاعضاء انهم يسئلوك فى كل شيئ تقريبا
الغريب و اللى الناس كلها ما تعرفهوش
انك كنت معترض جدا على فكرة كرسى الاعتراف
و احمد عبد العليم ورطك و جابك على كرسى الاعتراف كمقلب من المقالب المعتادة بينكم
فما هو شعورك تجاه تجربة استجوابك على كرسى الاعتراف و ما تعليقك على الكم الهائل من الاسئلة التى وجهت لك و الخلافات التى حدثت فى وجهات النظر
و ما هو السؤال الذى كنت تتمنى ان لا يسأله لك احد
و ما هو السؤال الذى كنت تنتظر ان يسئلوه لك و لم يسئله لك احد
و ما اكثر سؤال محرج تعرضت له ؟؟؟؟؟؟؟؟؟
و فى النهاية شكرا لك لاهتمامك بكل الاسئلة و مبروك لتحطيمك الرقم القياسى لكرسى اعتراف احمد بدوى بــــ 13 صفحة و وصولك لضعف مشاركاته بــــ 25 صفحة
و شكرا لاختيارك الموفق للبرنس المصرى فهو فعلا شخصية نتمنى ان نعرفها
و سبحان الله كان عايز يوقعنى اول واحد اهه رجله جت قبلى

الى السيد الاستاذ احمد الناظر
الف شكر على كلامك الجميل و اتمنى ان اكون قد قمت بالاجابة على كل الاسئلة بصراحة و بالفعل انا كنت معترض على فكرة كرسى الاعتراف و لكن بعد ما شاهدته من نجاح غير عادى شعرت بالغيرة و فضلت انا اكون من الجالسين على ذلك الكرسى الذى يقربك من احبابكم اكثر
و شكرا لكم جميعا على انكم تحملتمونى طوال الاسبوع الماضى
و ابقوا كرروها دايما
و للحديث بقية ان كان فى العمر بقية
سلام عليكم