احمد اسماعيل على كرسى الاعتراف

ايه يا جماعة ده الاسئلة سخنت بجد سئلة كلها مهمة و تودى السجن و تخلى الواحد مش عارف يرد
و برضه تيجى منك يا ماريو ده انا بقولك عليك مؤدب و بتراعى الاقدمية بس و حياتك ما هاسيبك فعلا غلس زى عمك ما انت يا استاذ هيثم فا حسابنا بعدين و هقول يعنى هقول
يا جماعة انا بقيت عامل زى الفار اللى دخل المصيدة و كله بيأجر فيا و عايز يعمل واجب

الى استاذى الكبير المحترم هيثم جمال
س1: انت لما بتقف قدام المراية عالصبح عايز تقول لنفسك إيه , ونفسك تعمل إيه , والراجل اللي واقف قدامك في المراية هو الي إنت عايزه وراضي عنه ولا لأه ؟
والله يا استاذ هيثم انا الحمد لله راضى عن نفسى بنسبة كبيرة بس برضه بتمنى اصلح العيوب اللى فيا و ساعات بقول انت ليه احمد بتعمل حاجات معينة بس فعلا الظروف هى اللى بتجبرك على عمل حاجات مش من طباعك يعنى مثلا انا فيا نوع من الحدة ما كنتش فيا الاول بس لما استغلت اتغيرت لان الواحد بيتعامل مع شخصيات لازم لها تعامل خاص بس بحاول بقدر الامكان ما اظلمش حد و عمرى ما ابتدى بعمل مشكلة مع حد ممكن بيكون رد فعلى زيادة بس البداية مش منى خالص
بس عموما بنسبة كبيرة راضى الحمد لله عن نفسى و انت عارف ان مفيش حد كامل و حتى لو انا مش غلطان بقعد الوم نفسى بقول بس لو كنت عملت تصرف تانى كان هيبقى صح كنوع من البحث عن الافضل

الى استاذى هيثم جمال
س2 : هو إنت ليه عصبي بطبيعتك ؟
فعلا انا عصبى الى حد كبير لكن على فكرة انا هديت عن الاول كتير لان العصبية كانت بتيجى على صحتى و اتغيرت اولا بفضل الله و تقدم السن و ازدياد الخبرات التى اكتسبها كل يوم و مازالت طبعا اكتسبها و اصدقائى الذين ارجع لهم فى حال وجود امر ما تسبب فى عصبيتى
و على فكرة عصبيتى ديه ميزتها الوحيدة ان الناس عارفاها فا بيحاولوا مش يضايقونى و يبعدوا عن النقط اللى ممكن تعمل مشكلة إلا بعيد عنك لو واحد غبى زى النهاردة كده واحد حرامى و افاق عمل حركة ضايقتنى و اسأل قريبك عليها هيقولك ايه هى
بس ان شاء الله هتحسن اكتر لان ده عيب فيا انا بعترف فيه

استاذ هيثم المشكلة ان اللى بيسألونى و انت منهم عرفنى فا بتسألوا اسال عارفين انها فيا يا لئيييييييييييييييم
س 3 : هو إنت شكاك فعلاً ؟
اه انا شكاك بس الشك عباة عن ايه انى لازم اقوم بشغلى بنفسى مش بثق ان حد يعملهولى و اشك فى صاحبى انه عمل فيا حركة معينة كهزار مثلا لكن عمرى ما اشك فى صاحبى انه خانى مثلا لا طبعا ديه مستحيلة عمرى ما شكيت فى اصحابى و بمعنى اصح اصدقائى و مش بصدق اى معلومة تجيلى من شخص غير ذى ثقة
و عمرى طبعا ما شكيت فى اهل بيتى بالعكس انا لما بحب حد بثق فيه جدا - طبعا مش انت - عشان اسئلتك ديه تؤكد الحقد الدفين اللى جواك و قلبك البلك و انت عارف انت بتحقد عليا انا و احمد فى ايه افهم و بلاش تتكلم عشان الفضايح احنا على العام دلوقتى ابوس ايدك اوعى تفضحنا مستقبلنا بين ايديك
هههههههههههههههههههههه

الى استاذ هيثم
س 4 : بتحس في فترة من الفترات إنك بتناقض نفسك ؟
احيانا طبعا بس مش فى حاجات جوهرية مثلا لما اقول لابنى ما تعملش حاجة معينة و اعملها انا بتبقى محرجة طبعا بس ببقى عايزه احسن منى لكن فى مبادئى عمرى ما بناقض نفسى

الى استاذ هيثم اللى اسئلته مش بتخلص انا قولتك اسئلة سؤال واحد مش تنقل من كتاب !!
س 5 : وده الأهم إيه هي القضية اللي إنت عايش ليها ونفسك تحققها ؟
طبعا بعيد عن اسرتى و احلامى بالنسبة لهم هتلكم فى قضية عامة قضيتى محاربة الفاسدين و الظالمين و الحرامية و انى اكون حاجة كويسة فى المجتمع مش بحب اكون كم مهمل و على الهامش و الحمد لله ربنا بيوفقنى ان الاقى ناس محترمة تساعدنى فى قضيتى و ناس كتير عارف كده و عارف مين الناس دول

الى استاذ هيثم جمال
س 6 : الدين ترتيبه الكام في حياتك ؟
مش هقولك انى متدين لابعد درجة لكن والله الدين ترتيبه رقم واحد و متمثل فى اداء الفروض الخمسة طبعا مفيش كلام
و قراءة بعض الاجزاء من المصحف فى بعض الاوقات و اداء السنن فى بعض الاوقات و امور تانية لا داعى لذكرها لكن برضه لسه ما وصلتش للدرجة اللى انا عايزها
و كل ما بغلط بستغر و ديه اهم حاجة و الحمد لله مش برتكب كبيرة من الكبائر
كلها ذنوب ادعو الله ان يغفرها لى

الى استاذ هيثم
س 7 : هل تؤيد إعتراض الناس على الأوضاع الحالية بالمظاهرات اللي بتحصل في الشوارع ؟
انا ليا راى غريب شوية و هو انى ارفض المظاهرات لسبب واحد لانها مش بتجيب نتيجة اللى عايزاه الحكومة هتعمله برضه ودن من طين وودن من عجين و العائد الوحيد الذى يعود على المواطن هو المرمطة و البهدلة على يد الشرطة
لكن من منظور اخر ماذا سيفعل الشعب الغلبان الذى اضناه البحث عن لقمة العيش ؟؟؟؟؟ الله اعلم
حسبة صعبة صح انا نفسى مش لاقى ليها حل

الى استاذ هيثم
س 8 : هو فعلاً في ديمقراطية في مصر ؟
ديمقراطية شكلية يعنى اتكلموا يا ولاد و انا ولا هعبركوا و لا هسأل فيكوا

قولت يا عم قبل كده بتنيل بشجع الموكوس الزمالك
عايز ايه تانى عايز تفضحنى عشان بشجع فريق عرة زى ده خلاص انا فضحت
هقولها بنفسى
زملكااااااااااااااااااااااااااااااااااااااااااااااوىىىىىىىىى
حلوة الفضيحة ديه

الى حبيبى المحترم ماريو
س1/ايهما تفضل.. ان حبيبك يخونك ولا يموت احسن؟؟
لا انا لا افضل ديه و لا افضل ديه انا افضل انه يتحرق احسن لانه لو ما اتحرقش انا اولع فيه بجاز

الى حبيبى ماريو

س2/اذا وقع احد من اعز اصدقائك فى مشكلة وكان غلطان هل هتقف جنبة ولا... ؟؟؟
اجابتى يمكن هتفتح عليا نار الانتقادات
اه هساعده بس مثلا ما يكونش حرامى و تقولى ساعده لا طبعا مثلا يكون غلط غلطة عادية مقبولة بغلطها انا مثلا لانه لو غلط غلطة تانية كبييييييييييييرة انا اللى هسلمه و على فكرة اصدقائى عارفين ان ده طبعى بجامل فى حدود المسموح بيه
لكن اكتر من كده يبقى يغور بعيد عنى مش ناقص شبهة

الى حبيبى ماريو
س3/اذا وقع عليك الاختيار لتنفيذ مهمة معينة وكانت هذة المهمة تتنافى مع مبادئك هل سوف تقوم بها ، علما بانك اذا لم تنفذها فانك سوف تخسر عملك ومن الممكن ان تقع فى مشاكل الله اعلم بها..واذا فعلتها ستصبح بمكانة اعظم..فماذا سوف تفعل؟؟؟
لا طبعا مش هنفذها و انا على ثقة ان الله يحمينى و سوف يرسل لى من السماء الاسباب التى تحمينى و هذا حدث معى بالفعل لكن ليست بالصورة الواردة بسؤالك

الى حبيبى ماريو( الاول الاسئلة ديه من دماغك و لا ناقلها من كتاب التوقعات المرئية بتاع ثانوى )
س4/ما معنى الحب من وجهة نظرك..وهل تعتقد بوجودة اصلا هذة الايام..ولماذا؟؟
الحب هو انا اخاف على من احب و اضحى من اجله و اخلص لها و اثق به و احترمه و الحب بالنسبة لى يشمل جميع انواعه الوالدين و الزوجة و الابناء و الاصدقاء
و الحب مازال موجود حتى الان و لن ينتهى و لكنه قل عن زمان و تغيرت اشكاله و صوره

لا بجد ماريو ده سبع زى عمه ههههههههههههه

شكراً يا أستاذ أحمد على سعة صدرك ليا ويارب عرفت أكون أخنق عليك من منطلق حقدي إنت و Admin وإنتوا عارفين مع حبي وإحترامي وإعتزازي بإني عرفت شخصيات امثالكم أتمنى لكم التوفيق أسالكم الدعاء . السلام عليكم

يا هيثم بك انا كنت سعيد جدا بأسئلتك لانها كانت فى الصميم
بارك الله فيك و ندعو لك بدوام الصحة و العافية و مزيد من التقدم ان شاء الله

السلام عليكم
انا عماد القاضى
و الحقيقة انا مش فاهم ايه اللى فى كلامى خلاكم تتصرفوا معايا كده و الاخت زهرة تقول لو رجعتوه تبقوا بتهرجو !
طب انا قلت ايه غلط
و الله انا قلت كلام الاستاذ احمد كاتبه و بتكلك كده علشان هو يوضح وجهة نظره و يبين هل هو فعلا كده زى ما هو باين من اللى كاتبه و لا احنا اللى فهمنا غلط
على فكرة دى تانى مرة واحد من المنتدى يغلط فيا و مع ذلك انا اللى اتعاقب
يا جدماعة انتوا ممكن تقولوا ان المنتدى ده للمعارف بس انما انا مش فاهم انتوا مش قابلين مشاركاتى ليه
و الاخ احمد الناظر انا مش فاهم هو واخد منى موقف ليه و شايف ان كلامى مستفز طب ايه اللى قلته مستفز و فيه اسئلة فيها اتهامات اكتر من كده

ADMIN سيبه لو سمحت يتكلم ويقول رايه ويشارك معانا ولو كلامه مظبوط نقدر نتكلم ولو غير كده يبقى نخليه برضه اهو احسن من بغبان في البيت يسليك

السيد عماد القاضى
الحقيقة اسلوب المسكنة بعد كل مرة تسيئ فيها لاحد الاعضاء موضوع اصبح غير مقبول
ما ينفعش ان اسلوبك يكون دائم الاستفزاز اعمالا بالمثل خالف تعرف
انا ما بقتش قادر افهم انت عايز ايه من المنتدى
موضوعك اصبح ممل بالنسبة للاعضاء و خاصة العضوات مما دفع احدى العضوات الكريمات و التى لها قيمة كبيرة بالمنتدى ان تقول انه اصبح فيلم بايخ
انت اصبحت عضو غير مقبول فى المنتدى
انا لن امنعك من دخول المنتدى مش لانك ممكن تدخل بحسابات اخرى او انك علشان بتدخل من سايبر او من اكتر من جهاز مش هاقدر احظر دخول الايبى بتاعك لانى اقدر انى امنعك فى كل مرة تشترك فيها و امسح مشاركتك كمان و يبقى ما فيش حد هايحس بيك اصلا
انما انا هاسيبك انت تمنع نفسك من ان تتواجد مع ناس مش عايزة تتعامل معاك
انت نفسك قلت ان فيه ناس تانية بتقول كلام اشد منك انما الاسلوب هو اللى يفرق
انت اسلوبك مافيهوش احترام للاخرين و لا مشاعرهم و ده امر غير مقبول

هيثم جمال كتب:ADMIN سيبه لو سمحت يتكلم ويقول رايه ويشارك معانا ولو كلامه مظبوط نقدر نتكلم ولو غير كده يبقى نخليه برضه اهو احسن من بغبان في البيت يسليك

خلاص انا هاسيبه بس ناشدته انه ما يقعدش مع ناس مش عاوزاه
لو منع نفسه يبقى خير و بركة
لو دخل و اتكلم مع الناس باسلوب محترم .. ممكن نتقبله
انما فى اول مرة هايتكلم فيها بطريقته دى يبقى هامنعه لو دخل كل يوم بــ 1000 حساب

هفكركوا ان عمداى القاضى ده هطلع عارفه كويس و خصوصا من جمل وردت من تعليقه الاخير ده و مش هفتح الموضوع ده مع حد
انا قفلته خلاص بس اعتقد انه يعرفنا كويس و خصوصا انا
فيه غلطة هو وقع فيها بس مش هقولها دلوقتى خليه يمكن يبقى مننا الله اعلم

كلامك مظبوط Admin ولكن الشخص ده اصبح اشهر واحد في المنتدى وانا بقترح من ادارة المنتدى انها تستخدم الإجراءات الممكنه لمنعه علشان احنا مش ناقصين قرف - آسف على اللفظ الأخير - ولكن ده آخرة الكلام مع أشخاص زي دول

يا ريت بقه نقفل على قصة عماد القاضى ده عشان بقول انا هطلع عارفه و عباراته مش غريبة عليا سيبكوا منه بقى على راى استاذ هيثم ده بقى اشهر من اعضاء المنتدى المشاركين بفاعلية