احمد اسماعيل على كرسى الاعتراف

الى الاستاذ همام
متى تنهى خصومتك مع عدو؟ :
تنتهى خصومتى مع عدوى فى احدى الحالتين الاولى فى حالة ان نجحت فى القضاء عليه تماما و " مش بيطلع نفس " و الحالة الثانية إن اتى لى و اعتذر و مد يد المصالحة بجد و ليس بالزيف و النفاق بهدف الايقاع بى و هنا اقدر مجيئه الى و احترم ذلك و يستحيل ان اتوجه لعدوى مهما كان و لقد فعلتها مرة واحدة و ذهبت لاعدائى و لكنهم لم يقدروا معنى زيارتى لهم لذلك كان رد فعلى فى منتهى العنف

الى الاستاذ همام
و هل يمكن ان يتحول العدو الى صديق:
لا طبعا مستحيل نتصالح اه صداقة لأ

عندما تنتصر على عدوك فى اى معركة هل تنتقم من؟؟؟
ام تتبع " والكاظمين الغيظ والعافين عن الناس والله يحب المحسنين "

فى حياتك ايهم اكثر "النجاح ام الفشل "

عندما تفشل فى حياتك هل تلملم شتات نفسك سريعا ام تظل فترة حتى تستعيد ثقتك بنفسك؟؟؟؟؟

فى كلمة واحده عبر عن الكلمات الاتيه
الزوجه
الصديق
الابناء
الوالدين
العمل

هل انت انسان يتقبل النقد؟؟؟؟

الى الاستاذ
مقولة لو لم اكن مصرى لوددت ان اكون مصريا

تتفق معها ام لا و انت ان لم تكن مصرى لوددت ان تكون جنسيتك ايه:
رغم اعتراضى على الكثير من الاوضاع إلا اننى أفتخر انى مصرى و لا اتخيل نفسى إلا مصرى و مشكلتى انى بحب البلد ديه والله بس للاسف فيه ناس بتخلى الواحد يزهق احيانا عشان كده ساعات ببقى عايز " اطفش " منها

اذا رأيت عدوك يغرق و انت سباح ماهر و لا احد على الشط غيرك هل تنقذه ام تتركه يغرق و لن يراك فى كل الاحوال احد

الى الاستاذ احمد الناظر
لما تشوف راجل بيتعامل مع الناس بأدب
امتى تقول ده ادب و تواضع و امتى تقول ده نفاق و امتى تقول ده انسان بلا كرامة:
الادب لا يتنافى مع الكرامة فالتواضع ان اعامل الناس باحترام و اسمع رايهم و اقدرهم و ابدى راى بأدب ايضا لكن انى ابوس الايد و البس الجزمة و انافق و انفذ رغبات الغير بدون وعى ديه اسمها " قلة ادب " و قلة قيمة و انحطاط و انعدام للكرامة و ان اظهر خلاف ما ابطن معناه انى منافق او انسان جبان كالفأر المذكور و ربنا يكفينى شر هذه الصفات يعنى مثلا فيه ناس يقولوا عنى انى انتقامى و مش بسيب حقى مش مشكلة بس الحمد لله امثال هؤلاء انصاف الرجال ما يقدروش يقولوا انى حرامى او منافق و جبان و ده شرف لى و اذكر جملة قالها لى شخص قريب لى و مؤثر فى حياتى " عندما يكرهك امثال هؤلاء فذلك شرف لى ووسام على صدرى " و عندما يحبنى انسان محترم فهذا شرف لى ايضا و لكن مع الاختلاف الفظيع بين الشرفين فالظائفة الاولى مكانها مزيلة التاريخ اما ابناء الطائفة الثانية فمكانها قمة التاريخ الذى يسطر اسمائهم بأحرف من نور و يا رب يجعلنى من الطائفة التانية و يبعدنى عن الاولى

الى صديقى البرنس المصرى
عندما تنتصر على عدوك فى اى معركة هل تنتقم من؟؟؟
ام تتبع " والكاظمين الغيظ والعافين عن الناس والله يحب المحسنين ":
عندما انتصر و اتأكد من الانتصار اترك عدوى نهائيا و لا افكر فيه بشرط ان ينسانى هو الاخر

الى البرنس المصرى :
فى حياتك ايهم اكثر "النجاح ام الفشل ":
الحمد لله النجاح اكثر بكثير حتى الفشل احاول ان اجعله نجاح بمرور الوقت و الاستفادة من الخطأ الذى وقعت فيه

الى البرنس المصرى
عندما تفشل فى حياتك هل تلملم شتات نفسك سريعا ام تظل فترة حتى تستعيد ثقتك بنفسك؟؟؟؟؟:
اعتقد انك الوحيد الذى ستصدقنى إن قولت لك اننى الملم شتات نفسى بسرعة جدا لا تتجاوز اليوم الواحد إن لم اقل الساعات و ذلك بفضل الله اولا ثم اصدقائى و اشخاص اخرين من المقربين لى و اثق بهم

الى البنس المصرى
فى كلمة واحده عبر عن الكلمات الاتيه:
الزوجه : رفيقة العمر و من تشاركنى احزانى قبل افراحى و ادين لها بالكثير
الصديق : من اهم الاشياء فى حياتى و ألجأ لهم دائما و لا استطيع الحياة دونهم
الابناء : كل حياتى و اعيش لهم و اتمنى لهم الخير دائما
الوالدين : اتمنى رضاء والدى طوال الوقت و لا استطيع ان انام و هو غاضب منى لانه والد و امى فى ذات الوقت نظرا لوفاة والدتى و عمرى عام واحد
العمل : طموح و نشاط و اخلاص

الى البرنس المصرى
هل انت انسان يتقبل النقد؟؟؟؟:
اتقبله جدا والله و اسمع له جيدا حتى و ان كان يضايقنى و احبه اكثر من المقربين منى اما اصحاب المصالح فأسمع نقدهم و لا اهتم به اسمعه فقط من " باب الادب " ليس اكثر

الى وفاء النيل
اذا رأيت عدوك يغرق و انت سباح ماهر و لا احد على الشط غيرك هل تنقذه ام تتركه يغرق و لن يراك فى كل الاحوال احد:
طبعا لن تصدقى اجابتى لكن اقسم بلله سأنقذ عدوى فى هذه الحالة لانى لا اعادى انسان ضعيف و انسى الخلافات فى هذه الحالة سأنقذه و بعد ان يتخطى ازمته إن عاد لعداوتى عدنا اشد من الاول لكن يجب ان يكون هناك تكافوؤ فى الفرص فليس من الرجولة او الشهامة ان اتخلى عن انسان ضعيف او فى حاجة لى فهذا الامر سيحسب ضدى و ليس لى و اذا لم يكن شخص يرانى كما ذكرتى فإن الله يرانى
و هذا الرد ليس رد انشائى او للاستهلاك المحلى و لكن هو ما اشعر به فعلا

الاستاذ احمد الناظر :
ابوس الايد و لبس الجزم نعرف واحد فى الشغل بيعملها و معورف للجميع و هذا الامر مثار سخرية و نقد منا جميعا لان فى جميع الاحوال لا يعقل ان نقبل ايادى بعض البعض

احمد اسماعيل كتب:الى وفاء النيل
اذا رأيت عدوك يغرق و انت سباح ماهر و لا احد على الشط غيرك هل تنقذه ام تتركه يغرق و لن يراك فى كل الاحوال احد:
طبعا لن تصدقى اجابتى لكن اقسم بلله سأنقذ عدوى فى هذه الحالة لانى لا اعادى انسان ضعيف و انسى الخلافات فى هذه الحالة سأنقذه و بعد ان يتخطى ازمته إن عاد لعداوتى عدنا اشد من الاول لكن يجب ان يكون هناك تكافوؤ فى الفرص فليس من الرجولة او الشهامة ان اتخلى عن انسان ضعيف او فى حاجة لى فهذا الامر سيحسب ضدى و ليس لى و اذا لم يكن شخص يرانى كما ذكرتى فإن الله يرانى
و هذا الرد ليس رد انشائى او للاستهلاك المحلى و لكن هو ما اشعر به فعلا

على فكرة انك تعمل 8 صفحات فى اول يوم ده بداية عجيبة و معناها ان الناس كانت متربصالك عشان تعرفك كويس
و ده معناه ان باقى الايام هايكون فيها اقبال اكتر

هههههههههههههههه عشان انت يا ادمن دموى و انتقامى لكن انا طيب قوىىىىىىىى

والله يا استاذ احمد الناظر انا مستغرب فعلا زى ما يكون فار دخل المصيدة بس لما اشوف حد منكوا قاعد على الكرسى هطلع عينه عشان بتعملوا ده فيا ده انا عايز اقوم انام مش عارف بس بجد موضوع جميل و اتمنى يستمر بالرغم انى كنت معترض عليه قبل ذلك

انا خلصت اجابات و هقوم انام بسرعة قبل ما حد تانى يسأل عشان انتوا ناس معندكوش قلب و لا رحمة بكرة عندى قضية مهمة جدا والله
اى سؤال هرد بكرة ان شاء الله سلام يا اجمل و احسن اعضاء و اصحاب
تصبحون على خير فاصل و نواصل !!

على فكرة احد الاصدقاء الافاضل قالى انت بتقول ان الادارة اختارت احمد اسماعيل
اولا ايه اللى عرفك و انت بتختار باسم الادارة ليه ؟؟؟

طبعا احب اعرف اخوتنا الاعضاء ان فى نهاية موضوع احمد بدوى على كرسى الاعتراف احمد بدوى ما اخترش حد وراه و طبقا لقانون كرسى الاعتراف كان من حق الادارة الاختيار
و دخل ادمن و كان الادارى الوحيد فى نهاية موضوع احمد بدوى على كرسى الاعتراف و قرر اختيار احمد اسماعيل كعقاب لفريق الادارة انهم اخروا الاختيار للساعة 12.15
و ده ممكن الاطلاع عليه بكل سهولة
[ندعوك للتسجيل في المنتدى أو التعريف بنفسك لمعاينة هذا الرابط]

نسيت اقول كمان انى انا اللى بفتح المواضيع الجديدة ده بناء على تكليف من ادمن لانه قالى بما انك انت صاحب الفكرة يبقى تباشرها و تبدأ انت المواضيع لحد ما يتعين مشرف لمنتدى كرسى الاعتراف و ده لانى اعتذرت عن قبول الاشراف عليه مؤقتا لحين استقرار ظروف عملى خاصة انى مغترب و مش مقيم فى اجمل بلاد العالم فايد بسبب العمل و ممكن تضطرنى ظروفى لاى سبب انى ما اتمكنش من الدخول فما ابقاش عطلت الدنيا بسببى